Luke 9:44 - ASII LAKDAP Bible (BSI)

⁴⁴ “Ara ümchaü ngi raq namshiq ma jamlai bom wa chongkuq tiikang arka, namshiq raq tsan na tiitsang dada lanta, shaq ronglaq! Maiq Se ka ümchaü maiqjaq khon mong niishe mikuq baiq,” nguta chongkuqto.

Hawa Naga Bible 2001

⁴⁴ “Ngaz rueq nuimshiq jungx phaungx kvjaz kuex nauk lauk gay kaz! Miq Saz vruex kuex miq yauk nuex lekuy gay rvhumc tuex,” ngoz tueq jungx tueq.

Muklom

⁴⁴ “Nga nim ma chamta batma ang phang ri nak lakchak inn! Miqna Sa tha miqtang jaknáng kotchak ma ta.”

Luke 9:44 Referencias Cruzadas

2 SAMUEL 24:14

Kiijiishe Dawit raq treto, “Ngi ka jamkha ijasiq she! Shatmaq ngi ka maiqse mo ka horo mang. Tatiwe apaiq jaq maq nashiq ka mitsatson laq. Apaiq ka mangchantsi hea we.”

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Matthew 26:2

“Namshiq raq asap han ranaiqnai jai maq Tiichhii Wan Poi miraq. Kiimaq Maiq Se ka pumsongkham na tü baiq miitu lap raüta maiqjaq khon mong niishe mikuq baiq.”

Mark 8:31

Kiijiishe, Jesuq raq ajaqshisetiim ma tsii ka akhiishe chongkuq hoto: “Maiq Se ka pinthum chamchao ra dongdii. Kiimaq welabi, ramwe jongbi, kiimaq Thungtri shrinketibi raq apaiq ka mitiishaü baiq. Apaiq ka atsea mirbaiq. Shatmaq, ranaiqtsam jai maq apaiq ka adong mirwan nong.”

Mark 9:31

Jamkhano ngukla, apaiq raq ajaqshisetiim ma tsii chongke chang riito. Apaiq raq tsangshiq ma chongto, “Maiq Se ka maiqjaq mong na mikuq baiq. Tsangshiq raq apaiq ka atsea mirbaiq. Shatmaq, apaiq ka ranaiqtsam jai maq, adong mirwan nong.”

Luke 1:66

Ara tsütsa ara tai wantibi maiq tarü raq, “Ara no arka jamkhii maiqse wa riita ahiq nya?” nguta tiima shiwea wanto. Kiimaq riibom wanto. Akha riibom nyiim wantaq arka, tsangshiq raq no khum na, Tatiwe ningkun ka asi nguta chhitaq kra kha maq, riibomto.

Luke 18:31

Jesuq raq ajaqshisetiim roqshi ri anai ka pong ba na sheaho raüta chongto, “Tai ronglaq! Nashiq ka Jerusalem na kitiikai. Kiijaq Maiq Se miitu shammibi raq jamlai bom wa tiithai chong thütaq thun kra kunkun she miku wan.

Luke 2:19

Meriq raq arthun bomtsi chongtaq thun ara tai raüta, apaiq raq pinthum atsan mong na, rashi hiqwea tiimato.

Luke 2:51

Riita, Jesuq ka anyungwe rai, Najareth hiq na hali jang wan damto. Raüta apaiq ka anyungwe wokhong na phaqchii nichii maq sito. Anyung raq arthun bomtsi lea wantaq arka, atsan mong na tiitsang dada maq shiwea wan raüta shaqthüto.

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

Luke 9:22

Kiimaq, apaiq raq tsangshiq ma akhri chongkuqto, “Maiq Se ka pinthum chamchao chang dongdii. Kiimaq welabi raq nai ramwe jongbi raq, kiimaq Thungtri shrinketibi raq shleq baiq chang dongdii. Apaiq ka atsea mirbaiq. Shatmaq, apaiq ka ranaiqtsam ngo jai maq, atra hali mitiidong wan nong.”

John 16:31

Kiijiishe, Jesuq raq tsangshiq bom ka treto, “O riita, namshiq riika ümchaütiq sha ngi ma kam tlan ngu kai?

John 16:4

Riita, ija, ümchaü ngi raq namshiq ma, ara tlu na tsii chongkuq tiipha arka, ümtiikiiwa tsangshiq raq namshiq ka tiichamchao wan akhing she saüwa jiiq, kra akhing na, namshiq raq arka apaiq raq man na nashiq ma honlam bom chongkuq taq irshe dea kuwanto ngutiishe mitak han.” “Man na, aphaji niika, ngi ri namshiq rai adam na sishat. Kriikha maq, ngi raq namshiq ma arthun honlam wan bomtsi arka chongkuq mang miili thü kang.

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

Acts 2:23

Arka Shiikeawe apaiq raq kongkhu miiphü tiihong wanje she dongdii. Apaiq raq tiihong wantaq kra phanphan, Jesuq ka namshiq jaqkhon mong na tiishaü kuqto. Kiimaq, namshiq riishe, apaiq ka ngarai maiqsetiim ma kiinong kuq lantiishe, pumsongkham na tiitü baiq lanta tiitsat baiq lan.

Hebrews 2:1

Ara chongtiikai arkha maq, nashiq raq tai kai tengman tlaq bomtsi ka, tsan na tiitsang shat maq rüm laita lang rong i. Akha si riihai jiika, nashiq rilung na jamlai phan rathaiq rahai saü raü min, nashiq ka tiimeshi lot mak miraq.