Luke 9:44 - Hawa Naga Bible 2001

⁴⁴ “Ngaz rueq nuimshiq jungx phaungx kvjaz kuex nauk lauk gay kaz! Miq Saz vruex kuex miq yauk nuex lekuy gay rvhumc tuex,” ngoz tueq jungx tueq.

ASII LAKDAP Bible (BSI)

⁴⁴ “Ara ümchaü ngi raq namshiq ma jamlai bom wa chongkuq tiikang arka, namshiq raq tsan na tiitsang dada lanta, shaq ronglaq! Maiq Se ka ümchaü maiqjaq khon mong niishe mikuq baiq,” nguta chongkuqto.

Muklom

⁴⁴ “Nga nim ma chamta batma ang phang ri nak lakchak inn! Miqna Sa tha miqtang jaknáng kotchak ma ta.”

Luke 9:44 Referencias Cruzadas

2 SAMUEL 24:14

Dawid rueq, “Ngaz kuex thuinz nuex rvwvlc paung kaz vtaungx! Yuq muinz miq rueq murx tvgurc kuex ngaz rueq roc mauk. Yehowa vpiq pumz maq nuiyshiq muex murx mtvgurc phueq, yvmx khoc lac ngoz ruiux lec vpiq kuex menjenc thuinz vhttax waz rvtueq,” ngoz tueq tvralc tueq.

Matthew 16:21

Kvruex vkhing maq raz tueq Yesu rueq vpiq sangac hez muex jungx phaungc wvnc tueq kuex, “Ngaz kuex Yerusalem nuex kaz vtueq vyungx vlaungx bix nuiyc shomc walaungx bix tvluingc waz hez yauk maq tvliz tvlawx guirguenc paunghvlc rvhumc vtueq, vthvy gay rvhumc ruiux raungnuiyq thuimx nuex ngaz tvtenc tvyuing wvnc rvhumc taungx,” ngoz tueq.

Matthew 26:2

“Raungnuiyq nueyc lvy ruiux yuq Tvlvy Wvnc Moalx httuiuc wvnc yaq kuex nuimshiq rueq tuiuz vshuinx, kvruex kaq Miq Saz vruex yauk juinc bulx nuex but thvy gay tvkoc lekuq gay rvhumc tuex,” ngoz tueq jungx tueq.

Mark 8:31

Kvkaq Yesu rueq vpiq sangac hez muex tvluing phaungc wvnc tueq kuex, “Miq Saz vruex kuex vkuilc vdaz paunghvlc rvhumc vtueq, walaungx bix, shomc waz bix, nuiyc Tvrac tvluingc waz hez rueq tvdux gay rvhumc tuex. Vpiq kuex vthueyc rvhumc tuex, yuq muinz raungnuiyq thuimx yix maq vpiq kuex yuing kvtenc wvnc tuex,” ngoz tueq.

Mark 9:31

yvmx khoc lac ngoz ruiux lec: “Miq Saz vruex kuex miq yauk nuex lekuy gay rvhumc vtueq tsuingshiq rueq vpiq kuex thvt gay shuex. Yuq muinz raungnuiyq thuimx yix maq vpiq kuex yuing kvtenc wvnc tuex,” ngoz tueq vpiq sangac bix muex tvluing jungphvnx kuq shec tueq.

Luke 1:66

Kvruex thaungc tay wvnc lvp jix miq ruip rawx rueq rvwvl wuez vtueq, “Vruex nox kuex yvmx khoc jix miq muex lac yaungx tvnx?” ngoz tueq rvjungc wuez tueq. Yvmx khoc lac ngoz ruiux lec Taungjix luimc vkawc kuex piq htauk nuex httax yaq lvmx kvkhic yaq.

Luke 18:31

Yesu rueq sangac rokshiz rac wanueyc kuex gvl vtueq, “Tay wuez shuinz! Naunghez kuex Yerusalem nuex waung vtix; Miq Saz vruex nuex seng vtueq shvmmax bix rueq wuiyq wvnc tueq htenc kuex hungx wvnc tuex.

Luke 2:19

Mary rueq kvruex lvmz htenc lotlaz tvtsuingc tay wvnc vtueq piq thuinz vmungx maq rvwvl tueq.

Luke 2:51

Vpiq kuex tsuingnueyc rulc vdvmz Nazaret nuex yek waung naungx vtueq tsuingnueyc kvjaz tay tay httax tueq. Vnyuiuz rueq yaungx wvnc tueq lvmz lotlaz kuex piq thuinz vmungx nuex tvtsuingc taq tueq.

Luke 24:44

Kvkaq Yesu rueq tsuingshiq muex, “Moshe Tvrac nuex muinz, shvmmax bix luik htenc nuex muinz, Tvtsvmc luik nuex muinz ngvy lvmz nuex seng vtueq wuiyq shec tueq lotlaz hungx wvnc tuex, ngoz tueq nuimshiq rulc vdvmz httax tauk nuex ngaz rueq nuimshiq muex jungx phaungx,” ngoz tueq jungx tueq.

Luke 9:22

Vpiq rueq tsuingshiq muex jungx tueq kuex, “Miq Saz vruex kuex vkuilc vdaz phvnx ruip saz rvhumc vtueq walaungx bix nuiyc shomc waz bix, Tvrac tvluingc waz hez rueq tvdux gay vtueq thvt gay shuex. Vpiq kuex tvthueyc laz thvt gay shuex, yuq muinz raungnuiyq thuimx ngoc yaungc nuex yuing kvtenc wvnc tuex,” ngoz tueq.

John 16:31

Yesu rueq, “Nuimhez majuiuc kvmx vtuinx shex haz?

John 16:4

Yuq muinz tsuingshiq tvkoc vruex phvnx htenc shuimc wvnc vkhing httuiuc wvnc tuex nuex nuimshiq rueq mrvwvl yek shueq ngoz tueq vruex ngaz rueq nuimshiq muex jungx shec vphaungx. “Ngaz kuex nuimshiq rulc vdvmz httax hvt dvyx ningkhvnc nuex kungkhux nuex vruex phvnx htenc kuex jungx kuq mauk doc.

John 19:11

Yesu rueq, “Mnoz muex Tishox rueq vkuq vrangx vpangx maq dvyx mnoz rueq vkhoc shuimx vshuiux. Kvkhoc rvtueq m-yauk nuex ngvy tvshuk lekuy gay jix waz kuex mvrax yunghvlc pinhtumc httax yaq,” ngoz tueq tvralc tueq.

Acts 2:23

Tishox vpiq rueq kvmungx wvnc tueq lvmz htenc htap htaz lot tueq rulc rv-ngvlc Yesu kuex nuimshiq yauk nuex lekuq gay tueq; nuimshiq rueq vpiq kuex mvrax vhttax jix yauk nuex lekuq vtueq yauk juinc bulx nuex thvt gay tuit.

Hebrews 2:1

Kvkhoc rvtueq naungshiq rueq lvmx tvyaq miq juing naungshiq rueq tay wvnc tiq tsuingrux lvmx nuex phaungx duingduing rvwak shuimc tvy juing rvtueq.