Acts 13:18 - ASII LAKDAP Bible (BSI)

¹⁸ Raüta, Shiikeawe raq tsangshiq ka kumtsaiphii maq nosere kong ikha rawii wiiroqblai dunghiq wan raüta tiijong lu wanto.

Hawa Naga Bible 2001

¹⁸ kumtsvy tvnx nuex wawc rok bvlic nuex httuiuc laz tsuingshiq layx kuex nanx kuq wvnc tueq.

Muklom

¹⁸ Etho pang rokbali piq aa phang haq na ning thanan eq tatong ta.

Acts 13:18 Referencias Cruzadas

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

DUNGWVNC 16:2

Kiijaq kra kumtsaiphii wang maq tsangshiq tarü raq Mosheq nai Aron ma bot tsaü trangto.

DUNGWVNC 16:35

Israilnok raq manna ka rawii roqblai na saüli, tsangshiq shong chang Kanan mung na misaü wan shaq wiiwii manna siq raüta siwanto.

WEAWEA 14:22

arnok arwa maiq weshi ra riimin kra mung na saüwan li chang atra silot mak miraq. Tsangshiq raq Ngi asi makse chathit chhainyiitlaq walü kra kiimaq Ngi raq Ejip mung na awang chang jaqsham wan kang thun kra kiimaq rumnyangkhi kumtsaiphii mung na awang chang jaqsham wan kang thun kra wiita chhi wanto she. Kiitinkhan tiichhike wan taü miimin, tsangshiq raq Ngi raq anin wan tsantsii rümtiikang kra bliiq kiki maitai wantlo. Kiimaq tsangshiq raq ibom tai mak maq ikiq khiitlo.

Acts 7:36

Krai mren, Mosheq raq mungmaiqse ka Ejip mung wa tsuq wanto. Raüta, Khamshii Kham jong rai ka jin wanto. Raüta, kumtsaiphii lam maq, wiiroqblai mungmaiqse ka shea wanto. Apaiq raq tsangshiq ka awang chang nai amao chang jaqsham pahea sham raüta, kra lümaq tiichhii kuq wan raüta shunshea wanto.

TRI CHONGKE 1:31

Kiimaq kumtsaiphii mung maq khat kuqtaq kiikha mikhat kuq. Apaiq raq namshiq ka lam wiilülü ana saüli khusang maq jamkho tsuq wantaq kra chhilan she kata. Awe raq ase ka raikhü na jamkho boq wantlaq ikha namshiq ka boq wanto.’

TRI CHONGKE 9:7

“Namshiq raq Tatiwe namshiq Shiikeawe tsan ka kumtsaiphii bintang jüngi mung maq tiikhiq wan lan ira ümtiikiimin naq laq rongkiq. Namshiq raq Ejip mung wa laü wan ranaiq maq pha lanta, namshiq ka arjaq saü wan lan ranaiq na saüli, namshiq raq apaiq kiq khii wan lan.