Matthew 3:7 - ASII LAKDAP Bible (BSI)

⁷ Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Hawa Naga Bible 2001

⁷ Pharise hez nuiyc Saduke hez paunghvlc muinz yuix luip lvmc tvkoc kaz yaq kuex Yohan rueq khiz vtueq, piq rueq tsuinghez muex, “Puiuc bac phvnx htenc lex, Tishox kox wawc httuiuc kaz yaq murx wawc dung wvnc wuez kuinz, nuimshiq muex uraq lac jungx kuq kv-phuinx?

Muklom

⁷ Etho Phorisi tang etho Saddusi tang junglam rangma thuta tha khi atho, John aa batta, “Nim pu tang, Shkewa takat tharo tatsam wang jinlun angni ta nim ma utang eq bat taphin?

Matthew 3:7 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

TAKSU LAK 28:4

Jurwa thungtri raü jin tlaq, kriiti ka ashutti rai pongti; shatmaq jurwa tri wokhong na sitlaq, kriiti ka ajiq kiimungti kra ngengtlo.

ISAIA 59:5

Namshiq raq abi thiikho thutlan kriika paüsang nyiqla kaü tai phong ikha. Maiq tseabaiq chang achok araq lai phan klo tlan. Kra paü taipo kriishe tiibun kiiq raüla, paüse se dongki tlo! Shatmaq namshiq raq abi thiikho thütlan kra riika namshiq ma jamlai achu shiiman ahü. Kriika chiiqkiiq mü wa rai lam raüta khea ataq ikha. Jamlai taichang min riimak!

JEREMIA 51:6

Bebilon mung wa namchiim jin jutlo ronglaq! Bebilon mungti ngarai tiikho na dealanta naq tsai rongkiq. Ngi raq ümchaü iphuk lam tiikang. Lata apaiq ngarai tok na shin lata tiicham chao tiikang.

JEREMIA 6:10

Ngi raq akha trekang, “Ngi raq tsangshiq ma honlam tsii chongkuqha jiika ibom ka juro mitai? Tsangshiq ka nilan krai mren ümtsütsa ka chongkuqki raümin taimak angiimli riitlo. Ümniiraq ngi ma jamlai bom wa tiichongki tlaü, kra chongki kangla, tsangshiq raq ngi ka anaiküli riitlo.

Matthew 12:24

Shatmaq, Jesuq raq abi winji raq akaq atsi we kra tiihea kuqto nguta tairaüta, Phorisinok riika, “Apaiq raq ara tsak amii tha jobaiq wantlaq arka Tha Lüwa We Beljebul ningkun maq jobaiqtlo,” nguta treto.

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

Matthew 15:12

Kra tai raüta ajaqshisetiim ka apaiq phana waraüta, “Ümbom ira tai raüta Phorisinok raq athai riito. Kra ümniiraq asap haü ahiq na?” nguta apaiq ma chongto.

Matthew 16:1

Kra jai maq Phorisinok nai Sadusinok phong wa maiq wiijamti ka Jesuq phana wato. Tsangshiq raq apaiq ka tsangshiq thiikho na tiithap haijaq nguta tiima raüta, Jesuq nangnga apaiq ka Shiikeawe raq ashong maiqse dea jiika, awang chang jaqsham klo raüta tiichhike ra nguta apaiq ka maitaito.

Matthew 16:6

Jesuq raq, “Phorisinok nai Sadusinok pithob asi jo. Namshiq ka hon kamshat maq sirong laq,” nguta tsangshiq ma tsii chongkuqto.

Matthew 22:15

Kra jai miishe, Phorisinok wiijamti ka nga raüta, Jesuq ka tsangshiq thiikho na tiithap haijaq nguta bom riichongto.

Matthew 22:23

Sadusinok ka Jehudinok phong wa pong phungti ashi riito. Tsangshiq raq maiq ka ama wa midong wan nguta kamasham bomtsi chongtlaq kra miika kamwan mak. Phorisinok raq Jesuq ka tsangshiq thiikho na tiithap lai nguta tantaq, kra ranaiq sii hali, Sadusinok phong wa maiq wiijamti ka Jesuq phana wato.

Matthew 22:34

Jesuq raq Sadusinok ka tii- kaiqshak tiingiito nguta Phorisinok raq tai raüta, tsangshiq ka adam na ngato. Raüta Jesuq phana adam maq wato.

Matthew 23:33

Namshiq ka paüsang nyiqla setiim kiimaq paüsang nyiqla phan! Wamungtan na tiidea wan tlaq kra wiika jamkhii mitiichhii rong i nguto tiima tlan?

Matthew 5:20

Arningkhan ngi chongpha. Namshiq ka Phorisinok nai Thungtri shrinketibi thaq na achan linlin miishe, Shiikeawe aming ka tsapkapkap maq lang wan han jiitiq, awongsii Shiikeawe sengi ma mija wan lot han.”

Mark 12:13

Phorisinok raq nai Herod sengibi raq, tsangshiq phong wa, maiq wiijamti ka, Jesuq phana tiikito. Kriika tsangshiq thiikho na, Jesuq ka tiithap haijaq nguta tiikito.

Mark 12:18

Kra akhing na maiq ka ama wa midong wan nguta kamasham bomtsi chongtlaq kriima kamwan makti, Sadusinok phong wa maiq wiijamti ka Jesuq phana kito.

Mark 8:15

Jesuq raq tsangshiq ma, “Namshiq ka Phorisinok nai Herod pithob kiima hon kamshat maq sirong liijo,” nguta tsii chongkuqto.

Luke 16:14

Phorisinok raq ara traho bomchong ara taiwi raüta, tsangshiq ka khüphit nüphit wa li she, Jesuq ka shummiito. Jamkhano ngukla, tsangshiq ka kampho ma süram heanok.

Luke 18:11

“Phorisi we ka apaiq honhonse li chap raüta, ‘Shiikeawe le, ngi raq ümniima kechutum tiikang. Ngi ka sükha maiqse riimang; monglap tsii min rüm mang; lo, nanok wiitarü sitlaq ikha, maiqchak maiqse rai min sra kimang. Ngi ka ara phunta hitiwe akhiika riimang.

Luke 7:30

Shatmaq, Phorisinok nai Thungtri shrinketibi raq, Johan kham lamke jaqsham kriika lang mak dea riito. Tsangshiq raq Shiikeawe aming, tsangshiq ma achongkuq kriimin lang mak riito. Kiimaq kham kiimin lam mak riito.

John 1:24

Kiijiishe, Phorisinok raq athaü tsasoqti nok raq,

John 8:44

Nam we ka Tha kaü. Namshiq ka thasetiim. Krai mren, nam we jaiphan li lungwii tlan. Apaiq ka man na miiphü dongdii matwe tsawe. Arilung na jangshi min tingting rilung lamphan ka tiima mak dongdii. Ara jamkhano chongtiikang ngukla, apaiq tsantsii ka tingting riimak. Krai mren, apaiq ma arot akiq bomchong ka maiqmii aphara jaqsham. Ara jamkhano chongtiikang ngukla, apaiq ka arot we. Apaiq ka arot akiq dong chong.

John 9:40

Phorisinok phong wa maiq wiijamti ka, kra akhing na apaiq rai kiijaq asi riito. Tsangshiq raq apaiq bom ka tai raüta, “Ümniiraq naishiq nangnga makchuk ngutiika ngu maü ahiq na?” nguta apaiq ma waito,

Acts 15:5

Shatmaq, Phorisinok phong wa, kamasham maiqsetiim maiq wiijamti raq, chap raüta, “Pongnok phan riimin athohan poi nai Mosheq Thungtri ka lang raa dongdii” nguta tsangshiq kiq ka khiito.

Acts 20:31

Arkha maq, namshiq ka tsii lamshat maq shongnga ronglaq. Ngi raq namshiq ma makphai pahea trok lata, phaqthak nithak maq naiqhü wasü tran tsii wan pha ira tsan na tiitsang shatmaq shongnga rong laq. Ngi raq namshiq tarü wiitsam tingkhit tran tsii chongkuq kang.

Acts 26:5

Ngi ka nashiq nok raq Shiikeawe lamphan na tri raütu thü tlaq kra atsin pinthum maq lang wanti we, Phorisinok phung wa maiqwe ashi dea, nguta siti we riikang. Tsangshiq raq ngi ka nose ji miiphü asap. Tsangshiq raq chong i dea nguta tiima raü jiika, ngi raq i rilung arka jamkho siwan kang, kra hakhi mikuqlot.

Acts 5:17

Arthun ara chhi raütiishe, Ramwe Ajong Pinthum we nai akongtibi kiimaq, kiiwa nokti Sadusinok phung raq kiimwebi ka pinthum makshu rashe miishe shulii wanto. Krai mren, tsangshiq raq kiimwebi ka atiichamchao chang ngutiishe bom ka riichongto.

Romans 1:18

Maiqse raq ümtinkhan wa ngarai tang wan tlaq, kiimaq abi-ati jaqsham ümchuwa sham wan tlaq, raüta tsangshiq abi jaqsham kriimaq, Shiikeawe rai mang riisap wan chang tengteng lamphan sitlaq kra, tang ta baiq wan tlaq, arthun arkha na, Shiikeawe tsankhiq ka, ramungtan maq tiichhikuq wanto she.

Romans 5:9

Apaiq tsai wantaq kra lümaq, ümchaü nashiq ka wehea she nguta, Shiikeawe jam na tiidü wanto she. Ikhiijiika, ümtinkhan she wa apaiq raq, nashiq ka phangthum khapho ranaiq, Shiikeawe tsankhiq walü mong kiiwa mitiichhii kuq wan nong riila!

1 Thessalonians 1:10

Kiimahali, Ase ramungtan maq kitlaq We saükai khe ka, maklii khamthii maq khe lanta sitlan. Ase ka Jesuq Khristo, Shiikeawe Apaiq raq amaa wa atiijang wan we. Kiimaq apaiq ka nashiq ara, Shiikeawe tsankhiq manson walü saüho tlaq mong wa Chhii wanti we.

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.

1 John 3:10

Ara chongtiikai arhata, Shiikeawe setiim nai Thawe setiim liipan na atrai chang trai longshong kaü ikha tiishong shat sitlaq ara. Jurwa athuk atsom jaqsham chang kra sham mak riitlaq, lo aphu ano ka lungwii mak sitlaq, kriiti ka Shiikeawe se ka riimak.