Matthew 3:8 - ASII LAKDAP Bible (BSI)

⁸ Namshiq ngarai tsantsii ka klai wan lan she dea nguta, maiq ma jaqsham maq tiichhi kuq rong laq.

Hawa Naga Bible 2001

⁸ Kvkhoc ningkhvnc nuex nuimshiq mvrax wawc thuinz layc kvwek wvnc tuit lvmz nuimshiq honc vyaungc maq tvkhic shuinz!

Muklom

⁸ Nim aa ngarey jaksom sha shing chak eq takhi ma, jaqhal jaksom shi somlo inn!

Matthew 3:8 Referencias Cruzadas

JEREMIA 26:13

Namshiq chap nai nga kra klai raa dongdii. Kiimaq namshiq raq jamlai wa ashut klotlan kriika klai raa dongdii. Lanta namshiq Tatiwe namshiq Shiikeawe aming ka lang ratlo. Namshiq raq kra riihanla, apaiq raq atsan na namshiq ka mitiithenbaiqha nguta tiimatlaq kra aklai mirbaiq.

JEREMIA 36:3

Jursap Juda mungti raq, Ngi raq tsangmung tiithenbaiq wan chongtiikang kra tsangshiq raq tai raüla, tsangshiq tsan nai tsii abi thütlaq kriilo klai raü. Kra nguraü ka Ngi raq tsangshiq ajiq ümchuwa klotlaq kiimaq tsangshiq ngarai thun kra adii mirbaiqha.”

Matthew 21:32

Ara jamkhano chong tiikang ngukla, Khamlamketi we Johan ka saüho raüta, namshiq ma kechu lam phan kra tiichhikuq wanto. Shatmaq namshiq raq apaiq bomchong ma kam man riilan. Shatmaq phunta hitibi nai mephe nyungtiim riika, apaiq bomchong ma kamto. Namshiq riika ara chhi shat shat taü miimin, namtsii ka klai man dea. Kiimaq Johan bom chong ma kam man dea riilan.

Luke 3:8

Namshiq raq, ngarai tsantsii ka klai kai she dea nguta, namshiq jaqsham maq, atsi ango kra tiichhi kuq ronglaq. Namshiq liipan na, ‘Nashiq ka Abraham lai ala. Nashiq ka Asii maiqsetiim,’ ngutiika, naq tiishom ra rongkiq. Ngi chongpha. Tai ronglaq. Shiikeawe raq ara longkaü thun arwiili, Abraham lai ala kra mitiidong lot!

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

Ephesians 5:8

Man na, namshiq min la, ara chongtiikai ranyaq mong na siwan lan ihata. Shatmaq, ümchaü sanha, namshiq ka Tatiwe sengi miishe jawan lan. Krai mren, namshiq ka rawü maiqsetiim she. Kra ningkhan, rawii maiqse jamkho sitlaq, kiikha si rong laq.

Ephesians 5:9

Ara chongtiikai rawü li raq, phanrap lam na, athuk atsom, kechu jaqsham, kiimaq tingting rilung tsi ka, tum akhiiq ama tiishowo kuq tlo.

Philippians 1:11

Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.