Matthew 3:8 - Hawa Naga Bible 2001

⁸ Kvkhoc ningkhvnc nuex nuimshiq mvrax wawc thuinz layc kvwek wvnc tuit lvmz nuimshiq honc vyaungc maq tvkhic shuinz!

ASII LAKDAP Bible (BSI)

⁸ Namshiq ngarai tsantsii ka klai wan lan she dea nguta, maiq ma jaqsham maq tiichhi kuq rong laq.

Muklom

⁸ Nim aa ngarey jaksom sha shing chak eq takhi ma, jaqhal jaksom shi somlo inn!

Matthew 3:8 Referencias Cruzadas

JEREMIA 26:13

Nuimshiq httaz vngaungc nuiyc nuimshiq shuimc vkay lvmx kuex kvlayc wvnc vtueq, Yehowa nuimshiq Tishox kvjaz kuex phvnx wuez shuinz. Kvkhoc nuimshiq rueq shuimx ruiux yuq, vpiq rueq nuimshiq kuex tvbac gay shaungx ngoz tueq jungx tueq yuq muinz vpiq thuinz layc gay shuex.

JEREMIA 36:3

Yuda miqsaz tsuingshiq htauk nuex ngaz rueq ruec dvnc vshaungx tvbac tac gay lvmz htenc nuex seng vtueq tay wuez ruiux yuq, tsuingshiq layx vbac kvwawc kvyez wvnc wuez tuex wueq. Kvkaq ngaz rueq tsuingshiq honc vbac nuiyc tsuingshiq mvrax htenc kuex dawc kuq gay shaungx,” ngoz tueq jungx tueq.

Matthew 21:32

Yvmx khoc lac ngoz ruiux lec Yuix Luip Yohan kuex nuimshiq kox nuex kaz vtueq tsuingrux lvmx tvkhic kuq ruiux muinz, nuimshiq kuex piq muex kvmluimx muit; yuq muinz muinghic jix nuiyc mephex nyuiuz tamx kuex piq muex kvmluimx wuez yaq. Vruex lvmx htenc kuex khiz ruiux muinz nuimshiq kuex thuinz kvlayc vtueq kvmluimx wvnc ngoz tueq vguez.

Luke 3:8

Kvkhoc rvtueq nuimshiq mvrax htenc kvwawc thuinz kvlayc yek wvnc tiq ngoz tueq jungx laz juing shuimx kaz wuez shuinz. Nuimshiq rueq Abraham kuex naungshiq jix vwaz rvtueq ngoz tueq nuimshiq vdvmz dvmz nauk jungx kaz. Nuimshiq muex ngaz rueq jungx kuq ix, Tishox rueq vruex lung htenc vwawc Abraham suiuz vsaz muex tvyaungc lot yaq!

Acts 26:20

Vphaungc kuex Damasku nuex kvruex yimaq Yerusalem nuiyc Yuda mungx lotlaz wawc miq htenc nuiyc Pungnuk miqsaz htenc thuinz kvlayc wvnc vtueq Tishox kox nuex kvroz ruiux, thuinz kvlayc wvnc rulc hunghtaungx laz honc vyaungc phvnc rax tuex, ngoz tueq ngaz rueq jungphvnx kuq tauk.

Ephesians 5:8

Mvnnuex nuimshiq kuex raungnyauk mungx nuex httax wvnc tuit, yuq muinz majuiuc kuex Taungjix miqsaz htenc muex yaungx wvnc vtueq raungwuic nuex shex httuiuc wvnc tuit. Kvkhoc rvtueq nuimshiq kuex raungwuic miqsaz htenc ikhoc shuimx kaz wuez shuinz,

Ephesians 5:9

yvmx khoc lac ngoz ruiux lec raungwuic kuex vhvlx lvmx phvnx ruip saz, tsuingrux lvmx nuiyc rvkhauk laz lvmx htenc kuex tvyaungc kuq yaq.

Philippians 1:11

Kvruex dvyx muinz rvmuq, Tishox ngauz vngax tvdungc wvnc tvkoc nuiyc muingjungc kuex tvtsvmc kvmc muex Yesu Christu maq jix lvp lot yaq vhvlx pinhtumc vtsuing vrux vthuey htenc kuex nuimshiq rullungx tvraungx lvmx htenc nuex mvrc tuex rvtueq.