Matthew 3:9 - Hawa Naga Bible 2001

⁹ Abraham kuex naungshiq jix vwaz rvtueq ngoz tueq jungx vshuinx kvraq nuimshiq mvrax murx wawc dung wvnc lot tix ngoz tueq nauk tvmaung kaz. Ngaz rueq nuimshiq muex jungx kuq ix, Tishox rueq vruex lung htenc kuex lvmz vtueq Abraham tvkoc suiuz vsaz htenc tvyaungc lot yaq!

ASII LAKDAP Bible (BSI)

⁹ Namshiq ka Abraham lai. Kriikha na ngarai walü mong wa mihang wanlot han ngutiika naq tiima rongkiq. Ngi chongpha. Shiikeawe riika ara longkaü phong arwiili Abraham lai pahea mitiidong lot!

Muklom

⁹ Etho Abraham nim tey aa wa ta nak tathin inn, nga nim ma bat phang, Shkewa iri long tang riwang Abraham ma usatang tho jin hun eq na.

Matthew 3:9 Referencias Cruzadas

EJEKIEL 33:24

Vpiq rueq, “Vthueyc rvyaq miq lex, Israel mungx wawc bac wvnc vtuex ghaqyungx htenc nuex httax yaq miq htenc rueq, ‘Abraham kuex miq washiz dvyx rvtueq, yuq muinz wvmungx tuimx kuex piq muex kuq tueq. Kvruex yuq naungshiq paunghvlc httax vtix, kvkhoc rvtueq majuiuc kuex naungshiq mungtan shex rvtueq,’ ngoz tueq jungx wuez yaq.

Mark 7:21

Yvmx khoc lac ngoz ruiux lec miq thuinz vmungx maq vbac kvmungx htenc dung kaz vtueq, kvraq piq kuex honc vbac layx htenc tvshuimx yaq sahtok sapawx yaungx yaq, vguiuq vrot rvyaq, miq thvt yaq,

Luke 12:17

Kvruex waz rueq piq thuinz nuex, ‘Ngvy jurx vkhvmx tvy juing khuix vtap muinz vguez, ngaz rueq yvmx khoc lec rvshaungx?’ ngoz tueq piq honhonc maq tvmaung tueq.

Luke 16:24

Kvkaq piq rueq, ‘Iwaz Abraham lex! Ngaz muex menjenc kuq koq, Lazaru rueq vyauk shix kuex yuix nuex thuimc vtueq ngvy tvlix vruex mtvhemc kuq kaz phueq. Yvmx khoc lac ngoz ruiux lec wvrluic mungx nuex kuilc daz yunghvlc rvhumc vtaungx!’ ngoz tueq.

Luke 19:40

Yesu rueq, “Ngaz rueq nuimshiq muex jungx kuq ix, vruex hez kuex kuiyqshuik httax ruiux yuq lung htenc kuex guyc wuez tuex,” ngoz tueq tvralc tueq.

Luke 3:8

Kvkhoc rvtueq nuimshiq mvrax htenc kvwawc thuinz kvlayc yek wvnc tiq ngoz tueq jungx laz juing shuimx kaz wuez shuinz. Nuimshiq rueq Abraham kuex naungshiq jix vwaz rvtueq ngoz tueq nuimshiq vdvmz dvmz nauk jungx kaz. Nuimshiq muex ngaz rueq jungx kuq ix, Tishox rueq vruex lung htenc vwawc Abraham suiuz vsaz muex tvyaungc lot yaq!

Luke 5:22

Tsuingshiq rueq kvkhoc tvmaung yaq lvmx kuex Yesu rueq tuiuz ningkhvnc nuex, “Nuimshiq rueq yvmx ngoz tueq lac kvkhoc tvmaung vshuinx?

Luke 7:39

Yesu gvlc jix Pharise waz rueq kvruex khiz vtueq, “Vruex waz kuex shvmmax ngoz ruiux yuq vpiq yaz shuimx yaq nyuiuz kuex yvmx khoc miq lac rvtvnx, yvmx mvrax httaz jix nyuiuz lac rvtvnx vpiq rueq tuiuz shuex!” ngoz tueq tvmaung tueq.

John 8:33

Tsuingshiq rueq, “Nuiyshiq kuex Abraham suiuz vsaz rvtiq, mkaq muinz miq dax muex yaungx miq, ‘Nuimshiq kuex dax wawc dung wvnc tuinx,’ ngoz tueq yvmx ruemc lac ngoz vshuiux?” ngoz tueq tvralc tueq.

John 8:37

Nuimshiq kuex Abraham phvnx vmaq rvtuit lvmx ngaz rueq tuiuz yaq, yuq muinz ngaz rueq tvluing vshaungx lvmx nuimshiq rueq lvp wvnc muit ningkhvnc nuex ngvy thvy gay tvkoc hunglaungx vtuinx.

John 8:53

Mnoz kuex vthueyc kay wuez nuiyshiq jix vwaz Abraham htauk nuex muinz vyungx haz? Shvmmax bix htenc muinz vthueyc kay wuez, mnoz miqmac nuiyc miqmac kuex ukaq ngoz tueq lac kv-ngoc vtuiux?” ngoz tueq wiz tueq.

Acts 13:26

“Abraham suiuz vsaz phvnx iphuz inox Israel miqsaz htenc nuiyc Tishox muex nawk palx jix vganc Pungnuk miqsaz htenc lotlaz lex, vruex palc daungc wvnc lvmx nuex seng yaq bomjungc kuex naungshiq kox nuex httuiuc waung ruex rvtueq.

Acts 15:14

Tishox rueq vphaungc maq phuex Pungnuk miqsaz wawc wvyvmc kuex vpiq miqsaz muex tvyaungc tvkoc thvl taq vtueq, tsuingshiq kuex tvkhup wungx wvnc tueq lvmx tvkhic wvnc tueq kuex Simon rueq jungx tueq.

Romans 4:1

Kvkhoc ngoz ruiux kuex naungshiq phvnx muex vwaz Abraham nuex seng vtueq yvmx jungc lac dvnc vshuinx? Piq kuex yvmx khoc lac rvhumc wvnc tvnx?