Matthew 3:10 - Hawa Naga Bible 2001

¹⁰ Pulx htenc kuex vjungx ruingx maq duiuz gay tvkoc muingkix kuex tvyoalc yoalx taq yaq; vthuey vhvlx thuey muq jungx ruip rawx kuex dauk gay vtueq wvr nuex jauk gay shuex.

ASII LAKDAP Bible (BSI)

¹⁰ Pechong thun ka arang chong maq ngapsak daq baiq wan miitu mang ka ümchaü arangchong na tiikam shat she. Atsi ango ka ahea tsikuq mak chong thun kriika, achong aweatek wiita adaq she mirbaiq. Raüta walü tum mong niishe michaq baiq wan.

Muklom

¹⁰ Minki eq bang uchíng o dukma achol sey; etho jaqhal bangti kot moq ang ajo eshi bang sha duk chak eq, wal náng bichak na.

Matthew 3:10 Referencias Cruzadas

2 SAMUEL 23:7

Kvruex shuimc tvkoc kuex yanx maq, rvmuq ngoz ruiux paq jix rax yaq; kvruex kuex wvr maq tvsawc ric juiuz gay rvhumc tuex.

Tvtsvmc 1:3

Tsuingshiq kuex yuix kawx nuex kemz vtueq piq vkhing nuex vthuey thuey ruiux, vyauk yuiuq muq pulx jungx htenc ikhoc rvtueq. Tsuingshiq rueq shuimx kaz yaq phvnx ruip saz kuex lotlaungc wuez yaq.

Tvtsvmc 140:10

Tsuingshiq htauk nuex wuix guil kalx yaq wvrjunx thuey mdvy kueq; tsuingshiq kuex ghaqkhurx nuex dvy wvnc vtueq mkaq muinz duiz lot muq shex mrvkueq.

Tvtsvmc 92:12

Tsuingrux jix miqsaz htenc kuex tvmuix jungx htenc ikhoc wuiljuit wuiljaungx yungx luz wvnc tuex; Lebanon wawc namenc pulx htenc ikhoc yungx luz wvnc tuex.

ISAIA 27:11

Pulx jungx noz vphak htenc shanx wvnc ruiux yuq vtawk gay rvhumc yaq, yalxjuik rulx rueq kvruex janx muex htuimx kaz yaq. Miq htenc kuex yvmx muinz vtuiuz vtay vguez ningkhvnc nuex, tsuingshiq Tvdungc Sungc jix Tishox rueq tsuingshiq muex menjenc shuex rvmuq, tsuingshiq muex yvmx menjenc lvmz muinz tvkhic shuex rvmuq.

ISAIA 61:3

Zion nuex yonzyex yaq jix hez muex Vyonz vyex tvraung kokez shuenruenc juing, Thuinz bac tvraung vshic vngoyc tvtsvmc juing kuy tvkoc tvkaz phuex. Tsuingshiq kuex Yehowa vpiq rueq Vkhic pulx htenc ikhoc yaungx tuex. Tsuingshiq rueq vlvmz yauk shuimc lotlaz kuex shuimx wuez shuex, Tishox kuex vpiq rueq shuimx wvnc tueq yauk shuimc htenc ningkhvnc nuex tvtsvmc kvmc rvhumc tuex.

JEREMIA 17:8

Tsuingshiq kuex yuix saz ruilx kawx nuex kemz yaq pulx ikhoc yuix nuex vruingx janc kaz yaq. Kvruex jungx kuex vyauk wuiljuit juit hvlc httax yaq ningkhvnc nuex vkalc yac httuiuc ruiux hiz muq; Raungyunx muq ngoz ruiux muinz piq tvmaung rac muq; vthuey muinz thuey hvt dvyx rvyaq.

DANIEL 4:14

Piq rueq bomc laung maq, ‘Pulx jungx kuex dauk vtueq vnoz vkanx htenc kuex tvp gay shuiuz; vyauk htenc kuex guiyx gay ruiux vthuey htenc kuex wuinc gay shuiuz. Kvruex jungx khung wawc ngvmx saz htenc nuiyc vnoz vkanx htenc nuex ngaungc yaq wushawx htenc kuex yurc gay shuiuz.

MALAKI 4:1

Tvphaungc Tvsuip Yehowa rueq, “Ngamc vngax jix htenc nuiyc honc vbac jix htenc lotlaz kuex tsvmkuiz ikhoc khamc gay shuex raungnuiyq httuiuc wvnc tuex. Kvruex raungnuiyq tsuingshiq kuex khamc gay vtueq kvyuq tsuingshiq kuex yvmx muinz kvjungx muq shex.

Matthew 21:19

Lvmx kawx nuex phuiuq muiuq jungx vshiz khiz vtueq, kvruex kvyuq vpiq kaz tueq, yuq muinz kvruex jungx kvyuq vyauk maq lvy vtueq vganc yvmx muinz khiz muq. Kvkhoc rvtueq vpiq rueq, “Mnoz kuex mkaq muinz vthuey nauk thuey kaz shex!” ngoz tueq. Phuiuq muiuq jungx kuex kvkaq dvyx lvmx lvy yuiuq shanx wvnc tueq.

Matthew 7:19

Vthuey vhvlx thuey muq jungx htenc kuex dauk vtueq wvr nuex htawc gay rvhumc yaq.

Luke 23:31

Vjungx tvraungx httax yaq nuex doc muinz vruex lvmz htenc vkhoc yaungx ruiux kuex, vshanc rvwvnc ruiux yuq yvmx khoc lac yaungx wvnc tvnx?” ngoz tueq.

Luke 3:9

Muingkix kuex pulx jungx yaz nuex vtvwoalc tvy wuez shex, vthuey vhvlx thuey muq jungx kuex dauk gay vtueq wvr mungx nuex tsenc juiuz gay rvhumc tuex,” ngoz tueq.

John 15:2

Ngaz nuex vthuey thuey muq vphak vnoz htenc kuex vpiq rueq vguiy rvgay shuex, vthuey thuey yaq phak vnoz htenc kuex penc tsawc vtueq vthuey paunghvlc mthuey kueq ngoz tueq penc tsawc shuex.

John 15:6

Ngaz nuex rvwak muq waz kuex yuz phic nuex tuip gay rvhumc vtueq, shanx wvnc yaq vphak vnoz ikhoc yaungx wvnc tuex, miq rueq kvkhoc vphak vnoz kuex tvjomx tsenz vtueq wvr nuex jauk gay koq tueq khamc gay tueq.

Hebrews 12:25

Nuimshiq kuex bomjungc kuy jix waz kvjaz kuex tay muit tvdux gay jix muex nauk yaungx wuez kaz, honc lvmz shuinz. Ghaq htauk nuex honc vtharc jix waz bomjungc kuex tay muq tvdux gay jix htenc kuex mvrax murx wawc luenx lot tuex rvmuq, kvkhoc rvtueq nuimshiq kuex, raungmungx maq jungx yaq waz muex yix tvnungx shung kuq ix ngoz ruiux yuq, mvrax murx wawc naungshiq luenx juing lvmx vguez rvtueq!

Hebrews 6:8

Yuq muinz kvruex ghaq rueq shuiuq jungx nuiyc httuingx htenc dvyx tvkemz ruiux yuq, vjux vguez kvdvyx muinz rvmuq, Tishox rueq tuemc kuq yaq kvhiz juing wvr maq tvbac gay rvhumc tuex.