Matthew 3:11 - Hawa Naga Bible 2001

¹¹ Nuimshiq thuinz layc wvnc tuit lvmz kuex tvkhic tvkoc ngaz rueq nuimshiq muex yuix maq yuix luip kuq vphaungx, yuq muinz ngvy yix nuex kaz yaq waz rueq kuex Vsawc Siyac nuiyc wvr maq yuix luip kuq kv-phuinx. Vpiq kuex ngvy htauk nuex vyungx vluz rvtueq vpiq yapaungc shuimc kuy doc muinz hungx mauk rvtauk.

ASII LAKDAP Bible (BSI)

¹¹ Ngi raq namshiq ka ngarai tiidii wan lan she nguta hakhi kham lamlam li lamkuq wan tiikang. Shatmaq i jai na kaiti we raq namshiq ma Asii Wenyi nai waniitu miishe kham ka milam kuq wan. I jai na kaiti we ka ngi thaq na ajong. Ngi ka apaiq hokpa kra shamke wanti dise khan min thek mang anun pinthum.

Muklom

¹¹ Nim ngarey wang weltin ta takhi rangma, nga nim ma jung wang jung thalam phanáng. Etha otho i jio ashey miq thupha na. Piq aa nim ma Asang Tsija nia wal wang jungthalam pha nin. Piq nga wang eq tho rapney ajong, etho nga sha piq jaaqhong tun rol tho ang mong.

Matthew 3:11 Referencias Cruzadas

ISAIA 4:4

Taungjix rueq vpiq luimc vkawc maq khac phox kuq ruiux, miqphvnx htenc kuex tvsawc nawc vtueq Yerusalem mvrax nuiyc kvyuq ruiuc tueq tvguiy kuex tvsawc hoal kuq gay shuex.

ISAIA 44:3

“Ngaz rueq khvmx sac yaq ghaq vraungx muex yuix shvy kuq shaungx, htuiz rawk yaq ghaq htauk nuex yuix saz ruilx htenc tvkaz shaungx. Ngaz rueq nuimshiq sahez htauk nuex ngvy siyac kuex ruiuc htawc shaungx, msuiuz msaz htenc htauk nuex ngvy ruimrix ruiuc htawc kuq shaungx.

JEKERIA 13:9

Ngaz rueq tvraungx kvjungx yaq mvnshiz kuex wvr maq tvsawc shix kuimphox ikhoc tsuingshiq kuex tvsawc vtueq talx lawc shaungx. Ngaz rueq kuimshawx talx lawc shix ikhoc tsuingshiq kuex talx lawc shaungx. Kvkaq tsuingshiq rueq ngvy kox wawc thoz ruiux yuq ngaz rueq tsuingshiq muex tvralc shaungx. Tsuingshiq kuex ngvy miqsaz rvtueq lvmz ngaz rueq tsuingshiq muex jungx shaungx, ngaz kuex tsuingshiq Tishox rvtauk lvmz tsuingshiq kvjungc wuez tuex,” ngoz tueq jungx tueq.

Matthew 3:6

Tsuingshiq kuex miqmac mvrax htenc kuex tvkhic wuez vtueq kvjungc ningkhvnc nuex Yohan rueq tsuingshiq kuex Yodan ruilx nuex yuix luip lvmz kuq tueq.

Mark 1:4

Kvkhoc kumtsvy tvnx nuex Yuix Luip Yohan dung kaz vtueq, yuix luip kuq tueq, jungphvnx kuq tueq. Piq rueq, “Nuimshiq mvrax htenc httax yaq kvwawc yek vtueq yuix luip lvmz shuinz, kvkhoc ngoz ruiux Tishox rueq nuimshiq mvrax kuex dawc kuq kv-phuinx,” ngoz tueq miq htenc muex jungx tueq.

Luke 1:17

Piq kuex Taungjix max nuex kay jix waz ningkhvnc nuex shvmmax Elia ikhoc hungc vlaungc httax vtueq yungx luz yaq. Piq rueq vwaz tamx nuiyc vsaz tamx kuex vdvmz nuex tvrungx raz kuq shuex, kvjaz tay phvnx muq jix kuex tsuingrux jix lvmx nuex shvlx tvyez wvnc shuex, Taungjix tvkoc tvyoalc yoalx yaungc muex vpiq miqsaz htenc kuex tvyoalc laz shuex,” ngoz tueq Zecharia muex jungx tueq.

Luke 3:16

Kvkhoc rvtueq Yohan rueq tsuingshiq lotlaz muex jungx kuq tueq, “Ngaz kuex yuix maq yuix luip kuy jix dvyx rvtauk, yuq muinz ngvy htauk nuex hungc vlaungc httaz hvlc waz kuex ngvy yix nuex httuiuc wvnc yaq. Ngaz kuex vpiq yapaungc ruiuz dawc kuy doc muinz hungx mauk. Vpiq rueq Vsawc Siyac nuex muinz, wvr nuex muinz nuimshiq muex luip kuq kv-phuinx.

Luke 3:3

Kvkhoc rvtueq Yohan kuex Yodan Ruilx tvroz nuex kaz vtueq, “Thuinz layc wvnc vtueq yuix luip lvmz wuez shuinz, kvkhoc ngoz ruiux jix Tishox rueq nuimshiq mvrax kuex dawc kuq kv-phuinx,” ngoz tueq jungphvnx kuq tueq.

John 1:15

Vpiq lvmx Yohan rueq jungx tueq kuex, “Ngvy yix nuex kaz yaq waz vpiq kuex ngaz max jawx nuex phuex vhttax waz ningkhvnc nuex, ngvy htauk nuex vyungx rvtueq, ngoz tueq ngaz rueq hakhix khvmc tauk waz kuex vruex waz vruex rvtueq,” ngoz tueq ramc jungx tueq.

John 1:30

‘Miq washiz kuex ngvy yix nuex httuiuc kaz yaq, yuq muinz vpiq kuex ngvy htauk nuex vyungx rvtueq, yvmx khoc lac ngoz ruiux lec vpiq kuex ngaz max jawx nuex phuex vhttax shex waz rvtueq,’ ngoz tueq, ngaz rueq jungx tauk kuex vruex waz vruex rvtueq.

Acts 1:5

Yohan rueq yuix maq yuix luip kuq tueq, yuq muinz nuimshiq rueq mtanc httax muit nuex Vsawc Siyac maq yuix luip lvmz wvnc wuez shuinz,” ngoz tueq jungx tueq.

Acts 19:4

Polu rueq, “Yohan rueq yuix luip lvmz kuex tsuingshiq mvrax wawc thuinz kvlayc wvnc jix tvkoc dvyx kuq tueq, piq yix nuex kay jix waz Yesu muex kvmluimx rax yaq, ngoz tueq Israel miqsaz muex jungphvnx kuq tueq,” ngoz tueq jungx tueq.

Acts 8:36

Tsuingnueyc lvmx khuemc lvmx maq yuix ruilx vshiz nuex httuiuc wvnc tueq. Kvkaq vyungx vlaungx waz rueq, “Vruex baung vyuq yuix vhttax, ngaz rueq yuix luip lvmz ruiux yuq vtuing shaung juing lvmx vhttax haz?” ngoz tueq.

Acts 8:38

Kvkaq vyungx vlaungx waz rueq renc kuex tvjvp yix, tsuingnueyc kuex yuix kvyuq svt kaz wuez vtueq, Philip rueq piq muex yuix luip lvmz kuq tueq.

1 Corinthians 12:13

Kvrulc rv-ngvlc naungshiq lotlaz kuex Yuda miqsaz ngoz ruiux muinz, Heleni miqsaz ngoz ruiux muinz, dax ngoz ruiux muinz, dax rvmuq ngoz ruiux muinz Siyac vshiz nuex dvyx yuix luip lvmz wuez ruiux, lotlaz thuinz vmungx nuex Siyac vshiz dvyx lvp wvnc wuez tiq.

Ephesians 3:8

Ngaz kuex Tishox miqsaz htenc nuex vruinx pinhtumc htauk nuex muinz yomx hvlc waz rvtauk; yuq muinz Tishox rueq Christu rungwanx lvmx nuex seng yaq Thuix Thaungx Vhvlx kuex Pungnuk miqsaz htenc kox nuex lvmc lvy tvkoc muinz,

Titus 3:5

naungshiq kuex palc daungc wvnc rvhumc tiq. Kvkhoc palc wvnc rvhumc kuex naungshiq rueq vhvlx phvnx yauk shuimc shuimc kay ningkhvnc nuex rvmuq, vpiq rueq menjenc kejux ningkhvnc nuex rvtueq, kvruex kejux kuex Vsawc Siyac maq naungshiq kuex vnyalx jawx yek nuiyc rullungx vnyalx lvp wvnc lvmz rvtueq.

1 Peter 5:5

Ekvrulc rv-ngvlc nuimshiq nosaz rulx rueq nyuiuz waz miqlaungx bix kvjaz kuex tay wuez shuinz. Nuimshiq vdvmz dvmz juiux kax tvkoc nuimshiq lotlaz thuinz vnyenz ngoz yaq marrarc kuex svmx wuez shuinz; yvmx khoc lac ngoz ruiux lec Rumvrc luik nuex, “Tishox rueq ngamc vngax jix muex tuingshaung kuq gay yaq, yuq muinz thuinz vnyenz jix htenc muex kejux kuq vtueq htvlx phawc tvlvp yaq,” ngoz tueq jungx tueq.