Matthew 3:11 - Muklom

¹¹ Nim ngarey wang weltin ta takhi rangma, nga nim ma jung wang jung thalam phanáng. Etha otho i jio ashey miq thupha na. Piq aa nim ma Asang Tsija nia wal wang jungthalam pha nin. Piq nga wang eq tho rapney ajong, etho nga sha piq jaaqhong tun rol tho ang mong.

ASII LAKDAP Bible (BSI)

¹¹ Ngi raq namshiq ka ngarai tiidii wan lan she nguta hakhi kham lamlam li lamkuq wan tiikang. Shatmaq i jai na kaiti we raq namshiq ma Asii Wenyi nai waniitu miishe kham ka milam kuq wan. I jai na kaiti we ka ngi thaq na ajong. Ngi ka apaiq hokpa kra shamke wanti dise khan min thek mang anun pinthum.

Hawa Naga Bible 2001

¹¹ Nuimshiq thuinz layc wvnc tuit lvmz kuex tvkhic tvkoc ngaz rueq nuimshiq muex yuix maq yuix luip kuq vphaungx, yuq muinz ngvy yix nuex kaz yaq waz rueq kuex Vsawc Siyac nuiyc wvr maq yuix luip kuq kv-phuinx. Vpiq kuex ngvy htauk nuex vyungx vluz rvtueq vpiq yapaungc shuimc kuy doc muinz hungx mauk rvtauk.

Matthew 3:11 Referencias Cruzadas

Matthew 3:6

Ning ngarey tha wungbat jio, piq aa ning ma Jordan jungku o jung thalamta.

Mark 1:4

Ethi rangma John shushu haq náng thu eq jungthalam ta etho miqtang ma Shkewa raaq phanchan kota. Piq aa miqtang ma batta, “Ngarey wang wel inn etho junglam inn, etho Shkewa nim ngarey sha tolchak na.”

Luke 1:17

Piq sha rangsamal Elijah mal rapney achan etho tarong som eq Teyhungwa jakho khona kana. Piq aa uwa nia sa tang wey kara eq na; piq aa raaq tat moqtey tang tha aqhal lam náng wey thawel solna; piq aa Teyhungwa miqtang urangma kacha chol angna tha kapna.”

Luke 3:16

John aa ning thima batta, “Nga nim ma jung eq chen thalam phanáng, etharin miq ashey kapha eshey nga náng eq tho rapney tarong hal angna. Nga raa piq jaaqhong ru qhangkot rol thitan tho ang mong angnáng. Piq aa nim ma Asang Tsija nia wal wang jungthalam kopha nin.

Luke 3:3

Etho piq aa Jordan jungku relna thaji mingkang náng ka eq ning thima raaq phanchan kotta, “Ngarey wang wel inn etho jung shi lam inn etho Shkewa nim ngarey sha tolchak pha nin.”

John 1:15

John aa piq tung aa raaq batta, etho ring eq tatat ta, “Nga piq tung aa raaq irimal bat táng, piq ijio kapha na, etharin piq nga phey náng eq tho ajong chammatakoi nga chang wey mong jakho piq atha angta.”

John 1:30

Nga batta phang tha ira, ‘Ashey miqwa ijio kapha na, etharin piq nga phey náng eq tho ajong chammatakoi nga chang wey mong jakho piq atha angta.’

Acts 1:5

John aa jung wang junglam kot ta; etharin saal shey ni jio nim aa Asang Tsija wang junglam nin.”

Acts 19:4

Paul aa ning ma batta, “John aa tin kaley tey miqtang ma jung thalam kot ta. Etho piq jio kattey Jesu sha han ma piq aa miqtang ma batta.”

Acts 8:36

Ning lam náng kachey atho, ning ni amaan jung rel náng thuta, ethi najaq aa batta, “Ira ro jung atha. Nang aa jung jin thalam pha mu i?”

Acts 8:38

Etho piq aa mokgari tha lam na langma raaqkhat kot ta. Etho piq aa Philip jamoq jungnáng kata etho Philip aa piq ma jung thalam kot ta.

1 Corinthians 12:13

Khakla irimal hun hiqtang thaji Jehudi phan otho etho Gentile phan otho, achak otho etho qha otho, ashey hanphung ang rangma, ashey Tsija wang junglam ti etho hiqtang thaji eq ashey Tsija wang hun ling ti.

Ephesians 3:8

Nga thaji Shkewa miqtang wang thaji phey náng eq nijang, etha o tho nga Gentile tang ma jin wet moq tanglom tungtang qhal, bara Khristo ràng, esha phanchan ma Shkewa ngama uráng manchan kot taphang.

Titus 3:5

piq aa hiqtang sha thalun taphi. Ira hiqtang jaqhal jaksom tungkang o ang moq, etharin piq tinshit o thalun taphi, esha Asang Tsija tungkang o ang aa, barey hiqtang sha tasang eq anal rollung kot aa.

1 Peter 5:5

Irimal hun jaro tang, nim tho miqlang tang jaktáng o tong inn. Nim thaji ashey eq ashey nong rangma tinmang ang inn, chammatakoi Shkewa tharangkatey ma miiksuk aa, etharin tinmang tey ma tinshit aa.