Matthew 3:11 - ASII LAKDAP Bible (BSI)

¹¹ Ngi raq namshiq ka ngarai tiidii wan lan she nguta hakhi kham lamlam li lamkuq wan tiikang. Shatmaq i jai na kaiti we raq namshiq ma Asii Wenyi nai waniitu miishe kham ka milam kuq wan. I jai na kaiti we ka ngi thaq na ajong. Ngi ka apaiq hokpa kra shamke wanti dise khan min thek mang anun pinthum.

Hawa Naga Bible 2001

¹¹ Nuimshiq thuinz layc wvnc tuit lvmz kuex tvkhic tvkoc ngaz rueq nuimshiq muex yuix maq yuix luip kuq vphaungx, yuq muinz ngvy yix nuex kaz yaq waz rueq kuex Vsawc Siyac nuiyc wvr maq yuix luip kuq kv-phuinx. Vpiq kuex ngvy htauk nuex vyungx vluz rvtueq vpiq yapaungc shuimc kuy doc muinz hungx mauk rvtauk.

Muklom

¹¹ Nim ngarey wang weltin ta takhi rangma, nga nim ma jung wang jung thalam phanáng. Etha otho i jio ashey miq thupha na. Piq aa nim ma Asang Tsija nia wal wang jungthalam pha nin. Piq nga wang eq tho rapney ajong, etho nga sha piq jaaqhong tun rol tho ang mong.

Matthew 3:11 Referencias Cruzadas

ISAIA 4:4

Tati raq apaiq ningkun maq armungti kha ka miphokuq wan. Raüta armung ngarai ka achen mirbaiq wan. Raüta Jerusalem raq maiqtsatbaiq wan raüta ümtinkhan wa shut phit wantaq thun ka siirairai heashe mitiisii hekuq wan.

ISAIA 44:3

“Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

Matthew 3:6

Tsangshiq raq maiqmii ngarai ka tiidii wanto. Krai mren, Johan raq tsangshiq ma Jordan rai na kham lamkuq wanto.

Mark 1:4

Riita, ara chongtaq arai mren, Johan raq kumtsaiphii maq maiq ma, kham lamkuq wanto. Kiimaq tra hokuqto. Apaiq raq, “Namshiq ka ngarai lam wa jang ronglaq. Lanta kham lam ronglaq. Raüla, Shiikeawe raq namshiq ngarai ka adii mirkuq,” nguta trahokuqto.

Luke 1:17

Apaiq ka Tatiwe ma sinkhu na miki. Shammi Elija ikha apaiq ka kamasham na, achaq awaq miraq. Apaiq raq tapin aki, siwe sise ka ashram mirkuq wan. Apaiq raq lamjiq na akihotibi maiqse thun kra, tingting lamphan na hali mitrap ru shea wan nong. Apaiq raq Shiikeawe sengi ka Shiikeawe puk na nyap wan miitu, tsangshiq tsantsii kra mitiinin ja wan.”

Luke 3:16

Kriikha niishe, Johan raq tsangshiq ma bom ka akha tiitsang chongkuq nongto, “Ngi raq namshiq ka kham miili lamkuq tiikang. Shatmaq, ngi thaq na, maiq ajong ashi saüho tlo she. Ngi ka apaiq hokpa raü kra shatketi we dise khan min thek mang. Apaiq raq namshiq ka Asii Wenyi nai wa miishe kham milam kuq.

Luke 3:3

Kriikha maq, Johan raq Jordan rai reko binjü thun wiita hamli na, khumshkhum maq, nokmaiqse ma, Shiikeawe bomtsi ka akha tra hokuqto, “Namshiq tsantsii klaitlo ronglaq. Lanta, kham ka lamtlo ronglaq. Namshiq tsantsii klai han jiila, Shiikeawe raq namshiq ngarai kra midii kuq.”

John 1:15

Johan raq nokmaiqse ma, apaiq tsütsa ka chongphan kuqto. Apaiq raq chiiriim raüta, “Arwe ahata ngi raq namshiq ma, ‘Apaiq ka i jai na kitlo. Shatmaq, apaiq ka ngi nam ma ajong. Apaiq ka jamkhano ngi ma ajong ngukla, apaiq ka i rawii min michhi shaq niiphü, apaiq ka asi dongdii,’” nguta nokmaiqse ma traho kuqto.

John 1:30

Apaiq ara chhi lata nang tiina, ngi raq akha ngu kang ira, ‘Ngi jai na maiq weshi kitlo. Shatmaq, apaiq ka ngi nam ma ajong. Jamkhano ngukla, apaiq ka ngi rawü min michhi shaq niiphü, asi dongdii.’

Acts 1:5

Kiimaq, Johan raq namshiq ma kham lamkuq wantaq irka, kham lamlam miili lamkuq wanto. Shatmaq, ümchaü ka, heashi sijai niili she, Shiikeawe raq namshiq ma, Asii Wenyi miishe kham ka milam kuq wan,” nguta aming kuqto.

Acts 19:4

Kiijiishe, Paul raq tre nongto, “Khamlamketi we Johan raq Israilnok ma tsantsii klai wan kham lam wan bomtsi chongkuq wantaq kriika, jurwa ngarai tiidii wan tlaq, kriiti miitu chongkuq wanto. Kiimaq apaiq raq Israilnok ma, apaiq jai na maiq weshi saüho tlaq kriiwe ma kamwan ronglaq nguta chongkuq wanto. Kriiwe ngutlaq ka Jesuq ngo nangnga ngutlo,” ngutiishe tsangshiq ma Paul raq bom ka tru chongkuqto.

Acts 8:36

Tsangnai ka lamphan phan akaiho nguli kihoto. Tsangnai ka akai rai lam maq, bashi na khamchum ashi chhito. Kra chhi raütiishe, siihiip jong we raq Philip ma chongto, “Riita, ümchaü arjaq kham min asi ahata. Ngi raq khamlam miitu ka pahea rangra rai chang min asi sha?”

Acts 8:38

Krai mren, siihiip jong we raq apaiq leng ka shiikhingto. Raüta, Philip tsangnai ka khamchum mong na kiraüta, Philip raq apaiq ma kham ka lamkuqto.

1 Corinthians 12:13

Ikiikhiisii hali, nashiq wiitarü, Jehudinok riikai lo, Pongnok phan maiqse riikai lo, disetiim riikai lo, lüsi liiwa kong riikai lo, nashiq tarü ka Asii Wenyi raq siisaq Jesuq pum kiijaq, Asii Wenyi maq kham lamkuqto. Kiimaq nashiq tarü ma Asii Wenyi kra tiinyangto.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

Titus 3:5

Apaiq raq nashiq chhii wantaq kriika, nashiq raq shamhea kaiwa jaqsham laita chhiike wan ka riimak. Shatmaq, Shiikeawe apaiq tsan mong na, nashiq tiihangke mangchan tsii rüm tlaq kriimaq chhiito. Apaiq raq nashiq chhii wantaq arka, Asii Wenyi raq nashiq khum ka hetse kuq wantaq kra, lümaq chhii kuq wanto. Ara chong tiikai, Asii Wenyi raq nashiq khum hetse kuq wantaq ara lümaq, nashiq khum na, anye rawii tiichhi kuqto she. Raüta rilung anye she kuqto.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”