Matthew 3:10 - ASII LAKDAP Bible (BSI)

¹⁰ Pechong thun ka arang chong maq ngapsak daq baiq wan miitu mang ka ümchaü arangchong na tiikam shat she. Atsi ango ka ahea tsikuq mak chong thun kriika, achong aweatek wiita adaq she mirbaiq. Raüta walü tum mong niishe michaq baiq wan.

Hawa Naga Bible 2001

¹⁰ Pulx htenc kuex vjungx ruingx maq duiuz gay tvkoc muingkix kuex tvyoalc yoalx taq yaq; vthuey vhvlx thuey muq jungx ruip rawx kuex dauk gay vtueq wvr nuex jauk gay shuex.

Muklom

¹⁰ Minki eq bang uchíng o dukma achol sey; etho jaqhal bangti kot moq ang ajo eshi bang sha duk chak eq, wal náng bichak na.

Matthew 3:10 Referencias Cruzadas

2 SAMUEL 23:7

Maiqse raq jinkiip maq riimak la piq miitiq, tsuqbaiq wan phan. Raüta wa maq tiibun chaqbaiqtlo.

Tvtsvmc 1:3

Tsangshiq ka jüserai kii na acham pero ikha, akhing khaq khaq na atsi ango riitlo, kiimaq ajaq thun ka shinki mak phan. Tsangshiq raq jam lai wa shamtlaq kra ong wan ruq riitlo.

Tvtsvmc 140:10

Wachan shiiroro nyaitlaq kra tsangshiq khuthaq na miboklaq; tsangshiq ka khobok mong na mido baiqlaq raüta kra mong wa ümtiikiimin donglot mak she mirlaq.

Tvtsvmc 92:12

Kechu maiqsetiim ka taitsi chong ikha aheawiq mijong wan; tsangshiq ka Lebanon pum na maisak pero ikha mijong wan.

ISAIA 27:11

Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

JEREMIA 17:8

Apaiq ka pechong ashi jüse raikii na acham jongtlaq ikha, arangtu thun ka kham na hiq mong maq tiikitlo. Ara chong ka rarin rawii niimin ahai song chang ahü, jamkhano ngukla ajaq thun ka waichat chat hea nümtlo; rajun saümakli jiimin ara chong ka jamlai chapa chang ahü; atsi ango ka tsingo wan ruqli.

DANIEL 4:14

Apaiq raq tiihong raüta agilülü akha riimto: ‘Pechong ka daqbaiq laq. Laüta akü ako thun ka wiita tapbaiq laq; ajaq thun ka wiita tapbaiq laq. Laüta atsi thun ka wiita wanbaiq laq. Achongtong wa nyamse thun ka, tiipin jobaiq laq. Atsung mong na tiiti wushi kong ka, wiita tiipin jobaiq laq.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Matthew 21:19

Apaiq raq lamkii na phupmup chong ka ashi chhito. Raüta apaiq ka phupmup chong ji kiijaq atsi asi sham nguta kito. Shatmaq ajaq nüm wa li, atsi ka ahü. Kriikha maq apaiq raq pechong ka, “Ümniika ümtiikiimin tsilu maü she mirhaü!” nguta ason riito. Apaiq raq kra ngori li she, maklii liipan niili phupmup chong ka shinsaq li she tsaikito.

Matthew 7:19

Kiimaq atsi ahea tsikuq mak chongti ka adaq she mirbaiq wan. Raüta wa na michaq baiq wan.

Luke 23:31

Riita, ümchaü pesang chong ma santla, atinkhan tiichamchao tlaq jiika, peshin chong miishe ka ümtinkhan she wa tiichamchao wan jiiq riila?” nguta Jesuq raq tsangshiq ma tsii chongkuqto.

Luke 3:9

Ümchaü, mang kaü ka, pe tsihü chong thun kra arang chong maq daq baiq miitu, tiijeje thü tlo. Atsi ahea tsikuq mak pechong thun kra, wiita tiikham raüta, adaq she mirbaiq. Raüta, wa na michaq baiq.”

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

John 15:6

Juwa i dü na chamshat maq simak, kriiti ka, spiqraü chong wa akü ako ka adaq riibaiq tlaq, ikha, adaq mirbaiq. Raüta, ashin mirki. Kiimaq kriithun ka, adam na riichom phong raüta, wacha mong niishe michaq baiq.

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!

Hebrews 6:8

Shatmaq, hiq phu ba kriika, shukrü nai sangphii riili long wan lili raü jiika, kra ba hiq phu ka jam riichang min riimak she. Kra she ngu raü ka, Shiikeawe manson hophaq chang li she miraq. Raüta kra ba ka, wa maq chaq baiq changli she miraq.