Matthew 3:12 - ASII LAKDAP Bible (BSI)

¹² Apaiq raq ajaq na tsam jap wan chang wankhü ka shamshat she. Tsamphong wa aru nai achhü thun ka wiita ajap she mirbaiq wan. Raüta apaiq raq tsam awongsii thun kriika tum akhiiq mong niishe misaiq sam wan. Kiimaq aru nai achhü thun kriika pattup pat-sa matki mak phan walü rai tlaq kii- niishe miphong chaq baiq wan.”

Hawa Naga Bible 2001

¹² Vpiq tsvmz dvmx wawc tsvmz ruz nuiyc tsvmz phex kuex thvlc gay tvkoc vpiq yauk nuex wvnkhuix shuimx yaq, tsvmz vshauk kuex tsvmtumz nuex htawc ruiux vphex kuex vtvthuik mvy muq wvr nuex jauk gay shuex,” ngoz tueq.

Muklom

¹² Piq jakna wanchap atha. Piq aa thaji asak cham tang sha chamtap sho thajoq na etho cham phang sha baluk otho mit moq wal o tak chakna.”

Matthew 3:12 Referencias Cruzadas

YOBA 21:18

kiimaq tsangshiq ka tsamkü phong ikha rathaiq ma tiipan baiq tiishea?

Tvtsvmc 1:4

Shatmaq abi kiimungti thun ka akha riimak; tsangshiq ka tsamchhii rahai raq pan wan tlaq ikha.

Tvtsvmc 35:5

Tsangshiq ka tsamkü rahai raq pan wantlaq ikha mipan wanlaq Tatiwe raq tsangshiq jowantlaq na!

ISAIA 1:31

Tsamkü shin phong ka wapüse tiidea raüli, amok riidungli lüwan tlaq ikha, maiq ümtin khan ajong alabi nguta tiitsakitlaqti thun kriimin tsangshiq raq ajiq nai abi jaqsham wantaq kriiriili, tsangshiq ka miqchup mitiithenbaiq wan. Kriishe ngu raüla, tsangshiq then wan tlaq kiiwa jurmin tiikhup wongkuqlot mak she miraq.

ISAIA 17:13

Maiqmung thun ka khamjong tso blun wantlaq ikha sinkhu na rekhatkai wawantlo. Shatmaq Shiikeawe raq tsangshiq ka sontlo. Krai mren tsangshiq ka jai na jangtlo. Rathaiq wa raq kinhong wa botkhulai tsuqbaiq wan tlaq ikha kiimaq tsamkü rii wa tsamkü wun rathaiqtro raq pan wan tlaq ikha pan wan tlo.

ISAIA 27:4

Ngi ka spiqro ma khiqriq mang she. O kiimaq kiijaq kiida shuk rü nai kiimko rü asi jiika ngi raq arang chong maq phai lata wa na tiisiirai michaq baiqha.

ISAIA 28:28

Apaiq raq bunwong ka bukruq bukruq buk raüta awong ka tiithenmak. Apaiq raq asap bunwong rai ka tiibunmak maq leng ka bunwong phong thaq na tiikhum raüta tiinitlo.

ISAIA 30:24

Minsaü pongwetiim nai kumtoq kong thun namshiq wak tiithutlan kriika adung chang tsam ka ahea pinthum maq midung hiq han.

ISAIA 41:16

Ümniiraq kriithun ka ra na tiithok hihi mibaiqhaü; kiiwa rahai raq mipan wan, kiiwiishe rathaiq raq barapse na miwan baiq. Kiijiishetiq ümniika michochi haü; jamkhano ngukla Ngi ka üm Shiikeawe, ümniiraq Ngi mitiitsamhaü, Israilnok asii Shiikeawe.

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

ISAIA 66:24

“Tsangshiq laü wan tlaq akhing na, ikiq khiitibi maiq maa phong kra michhi wan. Tsangshiq maa phong kra phaqti ajong phong ka atsai min tsai mak phan miraq. Kiimaq tsangshiq tiikhiim chaq chang walü nyaitlaq kriimin ümtiikiimin tiimat baiq mak she miraq. Tsangshiq maa phong kra maiqse maklii jaina tiijangphat maiqphai asi miraq.”

JEREMIA 15:7

Armung na chelatek na Ngi raq namshiq ka tsamkü bun rahai ma tiipanbaiqtlaq ikha wanbaiq kang. Ngi raq namshiq ka tiithenbaiqkang, isenginok lei. Ngi raq namsetiim tsatbaiqkang, jamkhano ngukla namshiq raq abi lamphan ka thaqbaiq man riilan.

JEREMIA 17:27

Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 4:11

Jerusalemti ma rahai haike henghea maiq akhiim ka kumtsaiphii rumnyangkhi binjü wa haiwan raüta, Jerusalem nü na hai wantlo nguta chiiriim raüta chongke akhing ka saü wanto she. Kra rahai ka nintatase tsamchhii pan wan lamlamli ka riimak.

JEREMIA 51:2

Ngi raq pongmungti tiiki lata rahai raq tsam chhii pan wan tlaq ikha Bebilon mung kra mitiithen baiqha. Kra athen wan akhing she saüwa raüla, tsangshiq raq Bebilon mung ka shokrap norii miishe mikhat wan. Raüta kra mung ka hiq maq hutse tiisiirai mitiithen baiq.

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

Hosea 13:3

Atinkhan ngarai tang wan kha na, tsangshiq ka ranap bangkham ikha, rashekii raq mishin wan. Bangkham ka sangphii thaq na arok ikha, rashe kii wan raüjaq shinki tlaq ikha, weki raüta mimoki. Khaolüm nijai tsamchhii chiipbaiq tlaq ikha, rahai raq mipan wan. Wukhupong maq wakhuk mong wan tlaq ikha, rahai raq mipan wan.

AMO LUIK DVP (AMOS) 9:9

“Liironglaq, ngi raq aming kuq tiikang, Ngi raq Israilnok ka tsamchhii chiipbaiq tlaq ikha, wiita pongmung tlotli na michiipbaiq ha. Wankhü na awongsii ka tsishi min tiichong mak, achhii siisaq miraq. Raüta miqchup mijiip baiq wan.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Matthew 13:30

Bunwong nai sang ka adam niili midong man wan laq. Ajut choji niishetiq ngi raq bunwong hanti ma sang ka kongkhu na tiiphai lata, ate maq wa na mitiichaq baiq wan ha. Kiimaq bunwong ka tiijut wan lata tsamtiip na tum mong niishe mithü wan ha.’ ”

Matthew 13:41

Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

Matthew 13:42

Raüta rasetiim raq tsangshiq thun ka walü henghea nyai rai tlaq kra mong kiiniishe mitiidea chaq baiq wan. Kiijaq tsangshiq ka rongchit wichit, aho asii watrang liishe, walü mong na mikhiim phaq wan.

Matthew 13:43

Kra akhing na Shiikeawe sengibi thun ka tsangshiq ma Awe Shiikeawe mungtan na rashe kaü ikha, achhai anyii watrang liishe mishong nga wan. Juwa ni asi, kriiti raq tiitsang tai rong laq!”

Luke 3:16

Kriikha niishe, Johan raq tsangshiq ma bom ka akha tiitsang chongkuq nongto, “Ngi raq namshiq ka kham miili lamkuq tiikang. Shatmaq, ngi thaq na, maiq ajong ashi saüho tlo she. Ngi ka apaiq hokpa raü kra shatketi we dise khan min thek mang. Apaiq raq namshiq ka Asii Wenyi nai wa miishe kham milam kuq.

Luke 3:17

Apaiq ka ümchaü, akhing na wankhü kaü doshat miishe khetlo. Kriimaq, tsam achhii chhii thun kriika wiita ajap mirbaiq. Raüta, tsam awongsiisii thun kriika, tum akhiiq mong niishe samhea wiq maq misaiq sam. Kiimaq tsam achhii chhii thun kriika, pattup pat-sa matki mak phan walü nyai rai wan tlaq kiijiishe miphong chaq baiq.”

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.