Matthew 3:12 - Hawa Naga Bible 2001

¹² Vpiq tsvmz dvmx wawc tsvmz ruz nuiyc tsvmz phex kuex thvlc gay tvkoc vpiq yauk nuex wvnkhuix shuimx yaq, tsvmz vshauk kuex tsvmtumz nuex htawc ruiux vphex kuex vtvthuik mvy muq wvr nuex jauk gay shuex,” ngoz tueq.

ASII LAKDAP Bible (BSI)

¹² Apaiq raq ajaq na tsam jap wan chang wankhü ka shamshat she. Tsamphong wa aru nai achhü thun ka wiita ajap she mirbaiq wan. Raüta apaiq raq tsam awongsii thun kriika tum akhiiq mong niishe misaiq sam wan. Kiimaq aru nai achhü thun kriika pattup pat-sa matki mak phan walü rai tlaq kii- niishe miphong chaq baiq wan.”

Muklom

¹² Piq jakna wanchap atha. Piq aa thaji asak cham tang sha chamtap sho thajoq na etho cham phang sha baluk otho mit moq wal o tak chakna.”

Matthew 3:12 Referencias Cruzadas

YOBA 21:18

raungguil rueq pvnc wvnc yaq tsvmkuiz ikhoc muinz, raungguil rueq pvnc wvnc rv-humc yaq bokkhuyx ikhoc muinz tsuingshiq muex murx tvgurc shuex rvmuq haz?

Tvtsvmc 1:4

Yuq muinz layx bac jix miqsaz htenc kuex kvkhoc rvmuq; tsuingshiq kuex raungguil rueq pvnx wvnc yaq wekkhix rulc rv-ngvlc yaq.

Tvtsvmc 35:5

Yehowa raungkamx waz rueq tsuingshiq kuex yurc yawc ruiux yuq, tsuingshiq kuex raungguil rueq muy koq yuq pvnx wvnc yaq wekkhix ikhoc m-yaungx wvnc kueq!

ISAIA 1:31

Tsvmkuiz kuex wvr dung vtueq khvmc gay yaq ikhoc, luimc vkawc yunghvlc jix miq muinz tsuingshiq layx bac honc vyaungc nuex bac wvnc wuez tuex, kvkhoc bac wvnc yaq kuex uraq muinz tvthauk lot shuex rvmuq.

ISAIA 17:13

Kvruex miqphvnx htenc kuex yuix daungx kvtenc waung yaq ikhoc kv-phungc suk waung yaq, yuq muinz Tishox rueq tsuingshiq kuex murx koq tueq tsuingshiq kuex rauk phawc nuex kop yaq bokkhuyx ikhoc muinz, raungguil rueq pvnc yaq wekkhix ikhoc muinz rv-nyuik yuz wvnc wuez tueq.

ISAIA 27:4

Ngaz kuex svpiq sunc muex khaq mauk shex. Kvruex sunc kvyuq shuiuq jungx htenc nuiyc httuingx htenc kemz ruiux yuq, kvruex htenc kuex ngaz rueq tvsawc ric jauk gay shaungx.

ISAIA 28:28

Tsuingshiq rueq nyensaz nyvmx htenc kuex nuiuz ruq nuiuz vtueq vwungx htenc tvbac laz ruez muq, vwungx bac muq laz juing renc maq mkhoc tvnuiuz juing lac tsuingshiq rueq tuiuz yaq.

ISAIA 30:24

Nuimshiq wuik vnax htenc htoay kuy jix manx nuiyc loze htenc rueq svp hvlc, hvlc hvlc vtsvmz kuex phauk saq wuez shuex.

ISAIA 41:16

Mnoz rueq kvruex htenc kuex raungguil nuex jap gay shuiux; raungguil rueq kvruex htenc kuex pvnc wvnc shuex, kvruex htenc kuex raunghtiq raungguil rueq nyanc gay rvhumc tuex. Kvruex yimaq mnoz kokez lvp tuiux, yvmx khoc lac ngoz ruiux ngaz kuex m-Tishox rvtauk; Mnoz rueq Israel muex vsawc Tishox, ngaz muex tvtsvmc kvmc phux.

ISAIA 5:24

Kvkhoc rvtueq majuiuc, Tvphaungc Tvsuip Yehowa, Israel vsawc Tishox rueq nuiyshiq muex tvluing kuq yaq kuex mnoz rueq tvdux gay toq ningkhvnc nuex, tsvmkuiz nuiyc namx yauk shanx kuex wvrluic rueq khamc gay yaq ikhoc, mruingx htenc kuex thvmx wvnc vtueq mpulx puic htenc kuex shanx wvnc ruiux ruk pvnx wvnc tuex.

ISAIA 66:24

“Tsuingshiq dung kaz wvnc ruiux yuq, ngaz muex khawc lvlc jix hez maungx htenc kuex tsuingshiq rueq khiz shuex. Kvruex phuiuz jix vyung kuex mkaq muinz thueyc muq, vmaungx khamc yaq wvr muinz mkaq muinz mut muq. Miq htenc rueq kvkhoc yaungx yaq kuex khiz vtueq suirsac wuez shuex.”

JEREMIA 15:7

Ngaz rueq mnoz kuex mungtan wawc miqghaq htenc nuex raungguil nuex pvnc gay yaq wekkhix ikhoc tuip gay phaungx. Ngvy miqsaz lex, ngaz rueq mnoz tvbac gay phaungx, mlayx vbac kuex mnoz rueq httvr muq ningkhvnc nuex msahez kuex ngaz rueq thvt gay tauk.

JEREMIA 17:27

Yuq muinz tsuingshiq rueq ngvy kvjaz phvnx vtueq vsawc raungnuiyq muex Vguilc Raungnuiyq kuex phvnx shuex. Tsuingshiq kuex kvruex raungnuiyq Yerusalem palx kaluix lvmx maq yvmx muinz gurx pic muq rvshuex, tsuingshiq rueq kvkhoc shuimx kaz ruiux yuq, Yerusalem palx kaluix htenc kuex ngaz rueq wvr maq jauk gay shaungx. Wvr kvraq Yerusalem hoc htenc kuex khamc gay shuex; wvr kuex washiz rueq muinz thvt lot muq rvshuex,” ngoz tueq jungx tueq.

JEREMIA 4:11

Kumtsvy tvnx wawc raungguil kalc kuex guil wvnc yaq lvmx Yerusalem ghaq wuinz muex tvtay kuy vkhing httuiuc wvnc yaq shex. Kvruex raungguil kuex tsvmz khuix tvpvnc lot yaq raungguil ikhoc dvyx rvmuq,

JEREMIA 51:2

Raungguil rueq tsvmkuiz tvpvnc yaq ikhoc ngaz rueq Babelon mungx kuex tvbac gay tvkoc pungnuk miqsaz htenc kuex tvkaz shaungx. Tsuingshiq rueq samx ruip maq nyuip khvt vtueq kvruex mungtan kuex tvsawc tvric ruez gay shuex.

JEREMIA 7:20

Kvkhoc rvtueq ngaz, Johvlc Yehowa rueq ngvy thuinkhvy phuk yaq kuex vruex Shomc Yuimx vyuq ruiuc gay shaungx. Miqsaz htenc nuiyc nyvmx saz htenc htauk nuex muinz, pulx jungx htenc nuiyc vthuey vngoz htenc htauk nuex muinz ngaz rueq ruiuc gay shaungx. Ngvy thuinkhvy kuex uraq muinz tvmut lot muq wvr rulc rv-ngvlc yaq.

Hosea 13:3

Kvkhoc rvtueq vruex miq htenc kuex raungnvp wawc tv-httuiux ikhoc muinz, raungnvp samaq sawc wvnc yaq buing ikhoc muinz moz wvnc tuex. Tsuingshiq kuex raungguil rueq pvnc wvnc yaq tsvmz nuiuz juing wawc tsvmz phex ikhoc muinz, wvr htung khux maq wvr khuiuq dung wvnc yaq ikhoc muinz yaungx yaq.

AMO LUIK DVP (AMOS) 9:9

“Ngaz rueq wungx kuex jalshix ikhoc Israel miqsaz kuex jalc gay tvkoc nvr shaungx. Ngaz rueq vjux vguez phvnx htenc lotlaz tvsawc gay tvkoc tsuingshiq kuex miqphvnx htenc hvlwvl nuex jal gay shaungx.

MALAKI 4:1

Tvphaungc Tvsuip Yehowa rueq, “Ngamc vngax jix htenc nuiyc honc vbac jix htenc lotlaz kuex tsvmkuiz ikhoc khamc gay shuex raungnuiyq httuiuc wvnc tuex. Kvruex raungnuiyq tsuingshiq kuex khamc gay vtueq kvyuq tsuingshiq kuex yvmx muinz kvjungx muq shex.

Matthew 13:30

Tsvmz gvnc jauz nuex httuiuc laz phvnx nueyc wvtaungx vdvmz nuex m-yungx luz wvnc kueq, tsvmz gvnc jauz httuiuc ruiux yuq jix, tsvmz gvnc jix htenc muex httuingx kuex kungkhux phiz vtueq tul ruiux wvr nuex jauk gay shuinz, kvmaq tsvmz kuex tvjomx vtueq ngvy tsvmz tumz nuex htawc taq shuinz,’ ngoz tueq ngaz rueq jungx shaungx,” ngoz tueq jungx tueq.

Matthew 13:41

Miq Saz rueq vpiq raungkamx bix kuex nvr tvkaz vtueq vpiq Mungtan wawc miq muex lvmx tvyaq jix mvrax vhttax miqsaz lotlaz nuiyc honc bac yauk shuimc jix lotlaz kuex thvl tvdung vtueq,

Matthew 13:42

luic yaq wvr mungx kvyuq tuip tvdvy gay shuex, tsuinghez kuex vkhoarc vsez wac tvtsuir tvjet rvhumc tuex.

Matthew 13:43

Kvkaq Tishox miqsaz htenc kuex tsuingshiq Waz Mungtan nuex shalx ikhoc phelez httax tuex. Nac vhttax waz rueq mtay wvnc shueq!

Luke 3:16

Kvkhoc rvtueq Yohan rueq tsuingshiq lotlaz muex jungx kuq tueq, “Ngaz kuex yuix maq yuix luip kuy jix dvyx rvtauk, yuq muinz ngvy htauk nuex hungc vlaungc httaz hvlc waz kuex ngvy yix nuex httuiuc wvnc yaq. Ngaz kuex vpiq yapaungc ruiuz dawc kuy doc muinz hungx mauk. Vpiq rueq Vsawc Siyac nuex muinz, wvr nuex muinz nuimshiq muex luip kuq kv-phuinx.

Luke 3:17

Vpiq yauk nuex wvnx khuix shuimx vtueq tsvmz nuiuz juing wawc tsvmz kuex yvp tvsawc ruiux, tsvmz shauk kuex tsvmtumz nuex htawc taq vtueq, vruz vphex htenc kuex vtvmut gay mvy muq wvr nuex jauk gay shuex,” ngoz tueq jungx kuq tueq.

John 15:2

Ngaz nuex vthuey thuey muq vphak vnoz htenc kuex vpiq rueq vguiy rvgay shuex, vthuey thuey yaq phak vnoz htenc kuex penc tsawc vtueq vthuey paunghvlc mthuey kueq ngoz tueq penc tsawc shuex.