Acts 2:40 - ASII LAKDAP Bible (BSI)

⁴⁰ Petar raq akha tri bomtsi atsin maq trap tru raüta, tsangshiq ma chongkuqto. Kiimaq, arthaq niimin chat raüta, apaiq raq tsangshiq ma, bomtsi ahin miimin, tran tiitsii chongkuqto. Apaiq raq tsangshiq ma akha chong kuqto, “Riita, ümchaü min, Shiikeawe raq Jesuq tsea baiq wanti, ara ngarai maiqsetiim, ara mung na siti khu thaq na, chamchao jonghea tiisaü tlaq kriiwa, namshiq ka tiichhii wan tlo ronglaq!”

Hawa Naga Bible 2001

⁴⁰ Peter rueq kvjaz vganc paunghvlc maq muinz jungphvnx kuq vtueq, “Nuimshiq miqmac shauk vgvnz kuex vruex layx bac jix miqsaz rvhumc yaq murx vwawc dung wvnc wuez kuinz!” ngoz tueq tsuingshiq muex jungx kuq tueq.

Muklom

⁴⁰ Peter aa daqhan miikkhi raaq tharong eq batta, “Iri Jashit miqtang wang nim ni nim shi thalun inn.”

Acts 2:40 Referencias Cruzadas

TAKSU LAK 9:6

Makchuk jaqmiiti rai naq riikongkiq she. Laüta atra silaq. Phaqchi lam kra phan phan khum laq.”

JEREMIA 51:45

Israilnok lei, kriiwa jutlo ronglaq! Lanta namshiq ka itsankhiq walü nyaitlaq kriiwa namchiim jintlo ronglaq.

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

Matthew 16:4

Ümchaü pat wa maiq arka abi pinthum. Shiikeawe sap mak! Namshiq raq ngi nangnga amao chang jaqsham tiichhike ra nguta maitai tlan nya? Tiichhi mang! Namshiq ma tiichhike chang amao chang jaqsham kriika shammi we Jona rilung na lea wantaq jaqsham kriili she mitiichhi kuq.” Kra ngo jai, tsangshiq ka kiijaq chap raqraq li baiqthü raüta, apaiq ka ahin niishe wawanto.

Matthew 17:17

Kiijiishe, Jesuq raq treto, “Namshiq kamtsantsii ka ahü. Kiimaq namshiq ka ajiq! Ngi raq namshiq chanja ka ümloq cho na saüli wa minin wanha ta? Üm se ka ana iphana shea wan laq!”

Matthew 23:33

Namshiq ka paüsang nyiqla setiim kiimaq paüsang nyiqla phan! Wamungtan na tiidea wan tlaq kra wiika jamkhii mitiichhii rong i nguto tiima tlan?

Mark 8:38

Ümchaü pat ara sethoq sepii ja pat, kiimaq abi ngarai lamphan pat. Riita, akha pat abi akhing na, jurwa ngi ma kam ma ajiasi riiwan tlaq, kiimaq, i bom chong ara nanok ma chongke miitu ajiasi riitlaq, kriiti miika, ümtiikiiwa Maiq Se ka, Awe khushü liliim ngao jonghea kra ho raüta, asii rasetiim rai she saüho tlaq, kra akhing na, apaiq raq kriiwe ka atiishaü mirbaiq.”

Luke 16:28

Kriijaq i phu i notiim webiingi dea asi. Apaiq ka kiraüta, tsangshiq ka ara chamchao walü mong na dea wan mak chang miitu, tsii michong kuq kilaq. Tsangshiq siika mimi, atsai wan jai na, ara chamchao wamungtan na khiim wan mak chang miitu michong kuqki laq.’ ”

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

John 21:25

Arjaq waiq wankai thun arthaq niimin, Jesuq raq jaq asham wan ahin pahea dea asi. Kriithun ka wiita, ashi shi maq tiikham raüta, waiq raü jiika, kra awaiq lakdap thun kra, adam na phong raüla, ara mangjong hiq arjaq dongdii min, aphong chang bin mak mirsham nguta tiima tiikang.

Acts 10:42

Kiimaq apaiq raq naishiq ma tsütsa ahea kra maiqse angu wiita ma chongke wan miitu arang kuqto. Kiimaq Shiikeawe raq apaiq ka maiqse amaati nai atrati kra kha phoke miitu phowe ma shongto nguta kholam kholiiq maq trahoke miitu naishiq ara hakhi miishe shongto.

Acts 15:32

Kiimaq Judas nai Silas tsangnai wenai kiimin shammi sii riito. Krai mren, tsangnai ka tsangshiq rai rahiq ashaqpuq sithü damto. Raüta, tsangshiq ma kamasham na tsaido jido ningkun shoqke wan bomtsi pahea chongphan kuqto.

Acts 20:11

Raüta apaiq ka rathong khok na jang wan nongto. Raüta winsii ka tiibun raüta adam maq phaqto. Paul raq tsangshiq ma rashe dong na saüli, trahokuqto. Raütiishe apaiq ka kihoto.

Acts 20:2

Apaiq ka kra wang binjü maq wawanto. Raüta kra binjü na siti phunainotiim ma tsaido jido bomtsi pahea chongkuq wanwan wawanto. Raütiishe apaiq ka Akaia wang na wawanto.

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 20:9

Kiijaq maiq norii we weshi, apaiq mang ka Eutikas nguta kriiwe ka kitanpu na ngato. Riita Paul raq trahoke ka aluwiq she chongkuqto. Eutikas ka akontsi, tiinguk miiliiq she riito. Raüta akon she riilaq kito. Apaiq ka akon lam maq kra jam thongtsam khok maq, hiq na dea wanto. Tsangshiq raq apaiq ka do raüta liikiita, apaiq ka amaa she riito.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Acts 4:36

Riita, ija, ara chongtiikai akhiisii hali, Lewi saüse phan wa maiq weshi, Saipras mung na sitiwe asi riito. Apaiq mang ka Joseph. Kiimwebi raq apaiq ka Barnabas nguta mangto. (Barnabas ngutlaq ka “Tsaiji doketi” nguta ngo).

2 Corinthians 5:20

Riita ija, ümchaü sanha naishiq arka Khristo kiimwebi ngo kha maq namshiq tarü kra Khristo mang na, phaqthak nithak maq tsii chongkuq tiikai. Shiikeawe raq namshiq tarü ka apaiq ma wesang wa akhi aluwetiim miishe mitiija wan laq!

2 Corinthians 6:17

Kiimaq ara chongtlaq arai mren, TATIWE raq akha asengi ma chongtlo, “Namshiq raq thatsang maiqse ka baiqthü raa dongdii; Lanta, namshiq ka pong na trai lanta sirong laq; Ashe ashi rai kongshi ka naqsi rongkiq. Namshiq ka trai lanta asii maq sihan jiila, ngi raq namshiq ka I wokhong na mitiisiha.

Galatians 5:3

Namshiq ma, phaqthak nithak maq chongkuq nong pha, tairong laq: Jurwa athohan thungtri kriika lang ra dea, nguta hali lang nongtlaq, kriiwe riika, Thungtri dap na tri raü ümchuwa sitlaq thun kriika, tri tsi shi dongdii min jin mak maq, wiita kunkun lang wan chang miraq.

Ephesians 4:17

Riita ara chong tiikang arningkhan, ngi raq Tatiwe mang maq, namshiq ma honlam tsii chong kuq tiipha ara, tiitsang tairong laq: Namshiq ka ümchaü sanha, thatsang maiqse sitlaq ikha naq sirongkiq she. Tsangshiq tiima tsantsii ka thiihü shaqmii rüm tlo.

TRI CHONGKE 32:5

Shatmaq namshiq ka awokhong na siman, asenginok ma ja thek man, ngarai bu kiimaq laopha mung ashi.

Philippians 2:15

Akha sihan jiitiq, namshiq ka jamlai shutphit min ahü, siirairai awongsii Shiikeawe setiim ma mija wan lot han. Namshiq ka ara boqtham chum ikha, mangjong ngarai maiqse phong na sitlan. Namshiq ka tsangshiq phong na, ra na raiqsaiq chhainyii liliim tlaq kiikha, achhai anyii maq si rong laq.

1 Thessalonians 2:11

Naishiq raq namshiq ka, awe raq asetiim ka jamkho tiichhanchhi tlaq, ikha tiichhan chhi wan kai. Kriika namshiq riimin asap han.

1 Timothy 4:16

Ümbom ümsa na, ümrong ümrai na, maiqla ashi nguta kamto maq silaq. Asii bomtsi shrinkuq tlaü kra, jaqkhon ka tiiphashat maq, shrinkuq laq. Laüta ümrilung na tsapkapkap maq lang laüta silaq. Kra ümrilung jaqsham kra lü miitiq, ümkhum kra mitiichhii wan haü. Kiimaq nanok ümbom tai wantibi rilung kiimin mitiichhü wan.

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.