Acts 2:39 - ASII LAKDAP Bible (BSI)

³⁹ Ara jamkhano chong tiikang ngukla, Shiikeawe raq ara kiqkham raüpot khakuq wantaq arka namshiq miitu. Kiimaq, namsaü namsetiim miitu. Kiimaq ara kiqkham arka, maiqse angu alulang na ümchuwa sitlaq kriiti thun ka, nashiq Tati Shiikeawe raq, apaiq rii she nguta hea wantiiti thun kra kunli miitu.”

Hawa Naga Bible 2001

³⁹ Yvmx khoc lac ngoz ruiux lec Tishox bomkhvmc vruex kuex nuimshiq muex muinz, nuimshiq sahez muex muinz, lvmx luz nuex httaz jix muex muinz, naungshiq Taungjix Tishox rueq vgvl miqsaz lotlaz muex muinz rvtueq,” ngoz tueq jungx tueq.

Muklom

³⁹ Chammatakoi iri rangtum raa nim ma, etho nim susa tang ma, etho alo wang miqtang ma tho ang ang aa. Ning thaji sha hiqtang Shkewa Teyhungwa urel náng kat ma hal na.”

Acts 2:39 Referencias Cruzadas

ISAIA 44:3

“Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

ISAIA 54:13

“Ngi raq ipumsii maq ümsenginok ma mishrinkuq wanha, lata tsangshiq ka chiithe lüwanok ma mitiija wanha, kiimaq hansang maq mirüm wanha.

ISAIA 57:19

Ngi raq maiqse kunli ma khusang rilung kuq tiikang. Aje na siti nai luhea na siti ma! Ngi raq isenginok tsisi ka atiihea she mirkuqha.

ISAIA 59:19

Shedong mung maq riita shenyap mung na saüli, maiqse kunli raq apaiq miishe mihai song wan. Apaiq raq ningkun jonghea riimtlaq kra chhi raüta mihai song wan. Apaiq ka jüchhang jonghea ikha misaü wan, kiimaq rathaiq henghea ikha misaü wan.

ISAIA 59:20

Tatiwe raq asenginok ma ngutlo, “Ngi ka namshiq tiichhiikai Jerusalem na mikiha. Kiimaq namshiq phong wa ümchu riiwa ngarai baiqthü lantea iwokhong na nyap wan tlan, kriiti thun ka kun kun mitiichhii kuqha.

ISAIA 65:23

Tsangshiq raq jamlai phan minwa shiiqtlaq, kriika ong wan ruq miraq. Kiimaq tsang setiim raq tsaimiq khusiq mra riihum mak she miraq. Ngi raq tsangshiq ka mishman kuqha. Kiimaq tsangsaü tsangsetiim ka pattup pat-sa miitu achu mishman kuqha.

EJEKIEL 37:25

Raüta tsangshiq ka Ngi raq ijaqshise Jakob ma akuqha mung, tsangtitiim siwan chang hiqchü rachü mung kiijiishe mishong nga wan. Kiijaq tsangshiq ka pattup pat-sa she mishong nga wan. Krai mren, tsang setiim kiimaq tsang saütiim ka misi wan. Ijaqshise Dawit raq jamkho mung peng wantaq kiikha hokham weshi raq tsangshiq ka pattup pat-sa she mipeng wan.

Yoel 2:28

Arjai niishe, ngi raq iwenyi ka isenginok khuthaq na miraükuqha. Kra akhing namsetiim maiqwesere, kiimaq jechaksere raq riisham bom maq itsütsa ka, chiiriim raüta michongkuq wan. Namwetiim tikiibi riimin rawa ma maq michhi wan. Kiimaq namsetiim jerobi riimin, riisham mak maq michhi wan.

Yoel 2:32

Kiijiishe jurwa Tatiwe mang chong tlaq, kriiti thun mitiichhii wan. Arka Tatiwe raq, ‘Jerusalem wa ngi raq tsea wan kang thun mitiichhii wan,’ ” ngutaq kra phanphan miraq.

Acts 10:45

Petar rai awadam Jehudinok phungmaiqsetiim Joppa wa awati raq, Shiikeawe raq apaiq kongphiq Asii Wenyi ka Pongnok phan maiqse miimin, asho awo raüke wan kriishe chhi raüta, tsangshiq ka kai amao riito.

Acts 14:27

Tsangshiq ka Antiok na saü raütiishe, tsangshiq raq phungtuti wiitarü ka adam na triitam raüta, Shiikeawe raq tsangshiq lümaq, apaiq jaqsham ka ümtinkhan jonglu wa shamtaq, kiimaq Pongnok phan maiqse miimin, Shiikeawe raq apaiq ma kam wan miitu, lamlu ka jamkho dikuqtaq, kra thun tsütsa ka wiita phanchan chongkuqto.

Acts 15:14

Ümchaü namshiq tarü nitai na Simon raq chong phan kuqtaq kra bomtsi ka tai wan kaishe. Riita, Shiikeawe raq Pongnok phan maiqse ka apaiq wura maq kongkhu tiiham wanto she. Raüta, tsangshiq ka asengi miishe tsea wanto.

Acts 15:3

Tsangshiq ka phungtuti raq tiikito. Tsangshiq ka akai lam maq, Phonesia nai Samaria wang lam maq kihoto. Kiimaq tsangshiq ma Pongnok phan raq Shiikeawe ma kamwantaq tsütsa kra tiitai chongkuq hoto. Kra tsütsa ka tairaüta, phunainotiim kunli ka kai khoqriiqto.

Acts 15:8

Kiimaq, maiqse loweatek tiima tsantsii kra khonti we Shiikeawe raq, tsangshiq kiimin apaiq puk na nyap wan miitu kilü ka dikuq wanto she. Raüta, nashiq ma jamkho kuqtaq kiikhiisii hali, tsangshiq miimin Asii Wenyi ka kuqto.

Romans 11:29

Shiikeawe raq apaiq kongphiq ka ju rii ngutiiwa thiiq wantaq, kriika maiq ahinti miika kuq mak she. Apaiq raq ju wa tsea tsiiq wantaq kiimaq ju ma achu shiiman kewan chang ngutiiwa, thapthi wantaq, kra bom kha ka diibaiq wan mak she. Ju ma kewan chang wa kriika, mikuq wan dongdii she.

Romans 8:30

Krai mren, Shiikeawe raq ümriiti wa pong na athiiq raüta rairii wantaq, kriiti ka hea wanto. Kiimaq maiqse ümchu wa apaiq raq hea wantaq, kriiti ka apaiq rai wehea ma tiija wanto. Kiimaq apaiq rai wehea ma tiija wantiiti thun miika, apaiq khushü ngao kriimin riisha kuq wanto.

Romans 9:24

Ara jamkhano chongtiikai ngukla, nashiq arka, apaiq raq ashea wan maiqsetiim nguta sitiikai. Nashiq phong wa maiq wiijamti ka, Jehudinok phan wa atsea wan. Kiimaq wiijamti ka Pongnok phan maiqse wa atsea wan.

Romans 9:4

Ara jamkhano chongtiikang ngukla, tsangshiq ka Shiikeawe sengi. Apaiq raq tsangshiq ka asetiim miishe tiija wanto. Raüta, apaiq raq tsangshiq ma, apaiq achhai anyii khushü ngao kra, tiichhikuq wanto. Raüta, tsangshiq ka apaiq raq tongshong wantaq thun kra ram kham maq tiiham wanto. Raüta, apaiq raq tsangshiq ma Thungtri ka kuqto. Shiikeawe raq tsangshiq ma, riikhaqli maq, apaiq shomnoq wan lam kriimin tiichhi kuqto. Kiimaq, tsangshiq raq, Shiikeawe raq tsangshiq ma akuq, kiqkham kongphiq raütu kriimin lap wanto.

1 Corinthians 7:14

Ara jamkhano chongtiikang ngukla, awese thatsang maiqse ka tsang-nyung rai pumshi hanshi she siwantaq kra lümaq, Shiikeawe riimin milang wan. Kiimahali atawe ka Phungmaiqse kiimaq atanyung ka thatsang maiqse miraq. Kriimin thatsang maiqse atanyung ka atawe lümaq Shiikeawe raq milang wan. Akha kiq atsiim ka riwan hü ngu raü jiika, tsangshiq saü asetiim ka thatsang maiqsetiim ikha miraq. Shatmaq akhla singa raü jiila, tsangshiq ka Shiikeawe raq milang.

Ephesians 1:18

Arkha maq, ngi raq namshiq ma chongkuq tiipha ara, namshiq tsantsii kilü ka dilanta, apaiq raq tli kuq tlaq rawüli kra sap ronglaq. Kra wenyi rawüli kra miitiq tiina, apaiq raq namshiq hea wantaq tsantsii ranphan tlan, alap wan chang sitlaq thun kra mitak wanlot han. Shiikeawe raq asengi ma mikuq ha nguta khamkuqtaq, kra achu shiiman ka nashiq raq nü maq achong aphan min lot mai, rahea phan sitlo.

Ephesians 2:12

Kra akhing na, namshiq ka Khristo rai mang riisap man maq silan. Namshiq ka Shiikeawe sengi phung na, pong man shaq li riilan. Krai mren, namshiq ka Pongnok phan maiqse, mangtang ralii phan nguta, silan. Krai mren, namshiq ka Shiikeawe sengi ma tongshong kiqkham raüpot khakuqtaq kra, ramram maq mitiiham wan shaqli riito. Kra ramram ka, Shiikeawe raq kiqkham kuqtaq kra thaq na seng raüta, asengi ma mikuq ha nguta, raüpot akhakuq wan kongphiq ka asi riito. Kiitincho ji na, namshiq ka, apaiq tongshong maq mitiiham wan shaq li kha maq, namshiq rilung na ara mangjong hiq maq, aranphan chang, namshiq jaq riiwiiq wan chang jaqpaq raü kiimin ahü miili siwan lan. Krai mren, namshiq ka Shiikeawe rai min, mang riisap man maq silan.

Ephesians 4:4

Namshiq tarü ka khum ashi sitlaq kiiwa siili adong han. Kiimaq, Asii Wenyi kiimin ashi li. Kiimaq, Shiikeawe raq namshiq hea wantaq, ran tsantsii thü chang kiimin ashi li.

TRI CHONGKE 29:15

Apaiq riika nashiq tarü rai, arjaq maiq ümchuwa apaiq rai mantut na chaptiikai kra rai kiimaq nasaü nasetiim rawiichii akhing na rawü chhi wantlaqti thun miitu tong ka shongtlo.

2 Thessalonians 1:11

Arningkhan tiina, naishiq raq namshiq miitu, wranaiqshe achu jaükuq tiikai. Arka, Shiikeawe raq namshiq ka, athuk atsom maiqsetiim miidea mitiija wan laq, nguta achu jaükuq tiikai. Namshiq raq kamasham jaqsham ahea, ümchuwa sham tlan kra, Shiikeawe raq apaiq ningkun maq, kunli dea tiihongtha kuq raü jaq ahea, nguta achu jaü tiikai.

2 Timothy 1:9

Shiikeawe raq nashiq ka chhii wanto she. Raüta, nashiq ka asengi miishe hea wanto. Shiikeawe raq nashiq chhii wantaq, raüta hea wantaq arka, nashiq ka maiqshaq sitiikai nguta riimak. Kriika apaiq tiima na, nashiq miitu jamlai wa thimi wantaq, kiimaq apaiq raq nashiq ka mangchan tlaq, kriithaq na seng raütli, nashiq ka shea wanto. Apaiq raq ra nai hiq min miphansang wan shaq niiphü dongdii, Jesuq Khristo kaphap mangchan wokhong maq, nashiq ka lungwiito.

Hebrews 3:1

Shiikeawe raq ngi rai ahea wan damti, asii lungwii Phungmaiqse phunainotiim lei! Nashiq raq Shiikeawe ma kam tiikai lamphan na, nashiq shunshea wanti we, Jesuq ka Shiikeawe raq Ramwe Ajong Pinthum ma shong raüta tiikito. Apaiq raq nashiq ma Ramwe Ajong jaqsham kuq tlaq kra atsi dada maq tiima laita si rong i.

Hebrews 9:15

Riita, ara chongtiikai arkha maq, Khristo ka tongshong anye arthaq na kiimwe miishe jawanto. Shiikeawe raq ara tongshong nye ashi shongkuqtaq arka, apaiq raq mangjong maiqse ümchuwa apaiq wokhong na tiisi miitu hea wan tlaq, kriiti ma tachong rilung achu shiiman pattup pat-sa rilung mikuq ha nguta kiqkham kuqtaq kra kewan miitu she shongkuqto. Riita, ara maiqse raq tachong achu shiiman lap tlaq arka, Khristo tsaitaq, kriikha maq maiqse ka tongshong chü pat na ngarai tangtaq kra, achü tri raq ngarai ka tiikhoi kuq lot mak dea riito, kiiwiishe tiichhii kuqtlo.

1 Peter 5:10

Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.

2 Peter 1:10

Ara chong tiikai arai mren, lungwii phunotiim lei, Shiikeawe raq namshiq ka hea wanto. Kiimaq namshiq ka tsea wanto. Krai mren namrilung na atsi ango wahea la petsi chong ikha sirong laq. Kiikha sihan jiika, namshiq kamasham ka ümtiikiimin tiimo baiq man miaq.

2 Peter 1:3

Khristo raq, apaiq asii ningkun lümaq, nashiq ka awongsii Phungmaiqse rilung siwan miitu, ningkun ümchuwa raa tlaq kra kunli kuqto she. Khristo ka nashiq ma tsanwa we she nguta sap tiikai ara lümaq, asii ningkun kra lap wan tiikai. Apaiq raq nashiq ka apaiq asii kechu rilung khushü pülii tlaq thun kra riishake miitu hea wanto.

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 19:9

Kiijiishe rase raq ngi ma chongto, “Ara waiq laq! Kechu jonghea ara khungron poi lomwa miitu raüpot laptibi ma!” Kiimaq rase raq, “Ara chongtiikai bomtsi arka Shiikeawe bomtsi,” nguta abom ka tiitsuqto.