John 14:9 - ASII LAKDAP Bible (BSI)

⁹ Kiijiishe, Jesuq raq treto, “Ngi ka luhea she namshiq tarü rai adam na siwan kang. Kra taü maq dongdii min, ümchaü niitaq ngi ka juwa, ümniiraq sap maüli shatshat sha Philip? Jurwa i sham chhitaq, kriiti riika, i We sham kiimin chhito she. Kra taümaq dongdii min, ümniiriika, ‘Naishiq ma Awe sham ka tiichhi kuqlaq’ ngutiika jamkho ngutlaü?

Hawa Naga Bible 2001

⁹ Yesu rueq, “Philip lex, ngaz nuimshiq rulc vtanc khvnc shex httax naungx vphaungx rvyruiux, mnoz rueq ngaz tuiuz muq dvyx ix? Ngvy khic jix waz kuex Vwaz muinz khiz lvp tueq. Mnoz rueq yvmx ngoz tueq lac, ‘Vwaz kuex nuiyshiq muex tvkhic kuq koq’ ngoz tueq ngoz vshuinx?

Muklom

⁹ Jesu aa piq ma batta, “Philip, nga nim jamna chamtan saal wang sey, etho nang aa nga raa sam phamu i? Utang eq nga khitaphang, piq aa Iwa sha tho ukhi eq ta. Nang aa chamlang ma bat u, ‘Uwa shi í ma takhi phu?’

John 14:9 Referencias Cruzadas

RAPHA HIQWA LAK 26:9

Kiimaq Abimelekh raq Isak ka tiiheakito. Raüta akha nguto, “Riita kriinyung ka ümchak kata nya! Riita ümniiraq apaiq ka ümshea nyung nguta jam nguto chong laü?” Kiijiishe apaiq raq treto, “Ngi raq tiima ka, ngi raq apaiq ka ijamti nyung nguta chongha la maiq raq ngi ka atsea mirbaiq sham nguta tiima kang.”

Tvtsvmc 11:1

Ngi ka Tatiwe wokhong na sitiikang, Ümniika angiwe ikha ngi ma jamkho akha bomtlaü, “Wushi kaü ikha pum kiina biwan laq,

JEREMIA 2:23

Ümniiraq ümkhum ka tiishe mang dea nguta jamkho mingu haü? Ümniiraq Baal ka shomnoq maü dongdii nguta jamkho mingu haü? Liilaq ümniiraq jükhü hiq wü na ümtinkhan wa ngarai tang wan laü; Liimaüta ümniiraq jamlai wa riilaü. Ümniika rum na siti kumtsong kaü ikha ala riilongcho na phephiiq rai tlaq ikha,

Mark 9:19

Jesuq raq tsangshiq ma nguto, “Namshiq ara kamtsantsii thü man! Ngi ka namshiq raili siwan ruq sha misi ha? Ngi raq namshiq tiinan shan kriika jam riim mo minin ha? No ka ana shea wan laq!”

Luke 12:56

Mongnam nok loi! Namshiq raq ra na liilan tli, rajun ramai tsang kriika shü tlan. Riita, ümchaü pat akhing rahiq jipi ara liichum ka jamkhii riito sap man?”

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 10:30

I We nainai ka ashi li.”

John 12:45

Jurwa i sham chhi tlaq, kriiti riika ngi tiikaiti we sham kiimin chhi tlo.

John 14:20

Kra ngi dong wan ranaiq akhing she saü wa raütiq, namshiq raq ngi arka i We rai pumshi hanshi dea sitiikang, kiimaq ngi ka namshiq rai jamkho pumshi hanshi maq sitiikang, kiikhiisii hali namshiq min, ngi rai pumshi hanshi miidea sitlan ngutiishe misap han.”

John 14:7

Kiimaq, apaiq raq tsangshiq ma chongkuqto, “Riita ümchaü sanha, namshiq raq ngi ri asap han she. Krai mren, namshiq raq i We kiimin misap wan han. Kiimaq, ümchaü ara miiphat she, namshiq raq apaiq ka asap han she. Kiimaq apaiq sham min chhi lan she.”

John 8:19

“Riita, ikhiijiika, ümwe ka ümbano?” ngutiishe tsangshiq raq apaiq ma bom ka waito. “Namshiq riika ngi armin sap man. Kiimaq i We kiimin sap man,” nguta Jesuq raq tsangshiq bom ka treto. “Namshiq raq ngi ka juwa kra sap han jiika, i We ka juwa kiimin misap han.”

1 Corinthians 15:12

Riita ümchaü chong tiikai krai mren, naishiq raq namshiq ma Khristo ka amaa wa atra she dong wanto nguta chong kuq kai ihata. Shatmaq namshiq phong wa, maiq wiijamti raq maiq ka amaa wa atra dong wan lot mak she miraq ngutiika jamkho ngutlan?

Philippians 2:6

Apaiq ka Shiikeawe pumsongti we. Li jiimin Shiikeawe rai chaü ngachang na nga wan, apaiq raq dadü mak.

Colossians 1:15

Khristo ka nashiq makhea maq chhi lotmai Shiikeawe sham niq riri. Apaiq ka phanrap Shiikeawe raq ümchuwa phansangtaq kra wiitarü thaq na Chhikhu we.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.