Matthew 11:28 - ASII LAKDAP Bible (BSI)

²⁸ “Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.

Hawa Naga Bible 2001

²⁸ “Gurc liq hvlc gurx vtueq hunnyex jix htenc lex, ngvy kox nuex waung luit, ngaz rueq nyec tvkuiyq kuq phaungx.

Muklom

²⁸ Alik akuk hol eq nángtik tey thaji miqtang ijam náng kaphin. Nga nim ma nángtong ko phanáng.

Matthew 11:28 Referencias Cruzadas

YOBA 14:1

Nashiq wiitarü ka rawü chhi wan li miiphü ningkun ahü kiimaq ümkoq ümphaqli dongdii. Tarü atoqse, chamchao khiq rilung li siwan tiikai.

YOBA 5:7

Kiikhiika riimak! maiqse raq maiqmii ma chamchao ka, maiqmii riili niq wan tlo, wa pü pattlaq ka ra nü na pan tlo.

Tvtsvmc 116:7

Itsan lei, sanglili maq silaq, jamto ngukla Tati raq ngi pinthum mangchan wanto.

Tvtsvmc 32:4

Ranaiq rawa ümniiraq ngi ma mo tiiho laü, Tatiwe lei; iningkun ka wiita süroqroq she süwanto, rajuji na rashekii raq hiq wa kham trübaiqtlaq ikha.

Tvtsvmc 38:4

Ingarai jüchhang na ngi ka ache she riiwan kang; ngarai ma thun ka laihea holot mang.

Tvtsvmc 94:13

Ümniiraq apaiq ka chamchao mong wa nü tiitsak kuqtlaü abi kloti thun tiideabaiq chang thiikho mithulot shaq wiiwii.

THARC TVLUINGC 1:14

Maiqse raq mangjong hiq na phan phan klo liiwantlaq thun ka, kunkun chhitai wan kang she. Phanrap kiimung wan tlaq kriika atu siisaq. Arka rahai jaijo ikhli. Atu siisaq.

THARC TVLUINGC 1:8

Phanrap phanrii ka lii raüla, maiqse tiihunnii chang siisaq li. Nümaq achong lot chang riimak. Makpo riika chhiruq chhiruq roli, hongtoshe nguta ngumak. Nilok riika tairuq tairuq roli, hongtoshe nguta ngumak phan.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

ISAIA 1:4

Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 28:12

Apaiq raq namshiq tlotli ma nü tiitsak kuqto kiimaq aheawiq boq pumto. Shatmaq namshiq raq apaiq bom chong ka tairo man tlealan.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

JEREMIA 31:25

Ngi raq ahun aniitsiti maiqse thun kiima nii mitiitsak kuqha. Lata songtsi ramtsiti ka wok phetaktak she midunghiq wanha.

JEREMIA 35:16

Jonadab saüse phan raq tsangti aming bomchong ka tsapkapkap maq lang raüta shongnga wanto. Shatmaq namshiqnok riika ibom chong ka tai man tlea wan lan.

JEREMIA 6:16

Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

Matthew 11:29

Minsaü raq thaikii maq ni thu tlaq ikha, namshiq riimin i thaikii ara holanta sirong laq. Lanta i wokhong maq ngi raq namshiq ma shrinkuq tiikang bomtsi kra saptsin ronglaq. Ngi ka sobsob bombom maq nai tsan nin woknin maq siti. I wokhong na siti ka huntsak niitsak she mishong nga han.

Matthew 23:4

Tsangshiq raq nokwe ma alang chang tri hekiilai ka laihea tiihokuq tlo. Shatmaq tsangshiq maiqmii riika phanshi ra min tiichhii hokuq dam mak.

John 6:37

I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.

John 7:37

Poi thum wan ranaiq ka poijong pinthum. Kra ranaiq Jesuq ka nokwe man na chap raüta, tiihong raüta kholam kholiiq akha trahokuqto, “Juwa kham nyangtsi, kriiti ka ngi phana warong ra. Lanta, i jaq wa kham ara nyang wa rongkiq.

Acts 15:10

Riita, ümchaü min namshiq raq Pongnok phan kamasham maiqse ma, natitiim raq nai ümchaü nashiq riimin holot mai homa ka tiihokuq rong i ngutiika, jamkho tiima tlan. Kra homa ka tiihokuq laita, Shiikeawe ka jaram niqsiq wa?

Acts 20:35

Ngi raq i jaq sham maq, namshiq ma phanrap lam lu ka tiichhiha kuq kang she. Nashiq raq aheng maq jaqsham shiikut laita, Tati Jesuq raq achongkuq bomtsi kra, nashiq tsan na tiitsang shat maq wepuq wese kra khrum kewan raa tlo nguta chongkuq kang she. Tati Jesuq raq nashiq ma, ‘Ajaüti nam ma aketi ma chochi apa miraq,’ nguta chong kuqto.”

Galatians 5:1

Nashiq ka wasetiim she nguta sitiikai. Khristo raq nashiq ka, kharü mong wa adaa wan kun she! Riita, krai mren, ümchaü sanha, namshiq ka wasetiim nguta, mongngam maq, tok ka ra na doshat miishe si rong laq. Namshiq ka thongshi ri hali, maiqdi kong ma, naqja kinong rongkiq she.

2 Thessalonians 1:7

Kiimaq namshiq ümchaü chamchao tlan ka, atiiwong mirkuq. Kiimaq naishiq armin atiiwong mirkuq. Shiikeawe raq ara khaphoke arka, Tati Jesuq Khristo ka apaiq rasetiim ajong alabi thun sheaho raüta, rawang win na akai rai saüho tlaq akhing ranaiq na mipho kuq wan.

Hebrews 4:1

Riita ija, ümchaü min la, Shiikeawe raq nashiq ma nütiitsak raüta sichang hiqshong kra mikuq kang nguta kiq khamkuqto. Ara khamkuqtaq nütiitsak raüta sichang mungtan kriika, nashiq miitu. Riita nonai notsam lei, Shiikeawe raq namshiq phong wa maiq ka weshi min, ara chong tlaq niitiitsak chang mungtan na saü lot man miili, ajiq we nguta lamkam pii miili tiidea baiq mak chang miitu, hon atsii tiitsang tiitsang maq si rong laq.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!