Matthew 11:27 - ASII LAKDAP Bible (BSI)

²⁷ “I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Hawa Naga Bible 2001

²⁷ “Iwaz rueq httax yaq lotlaz kuex ngaz muex lekuq phuex. Iwaz maq lvy vtueq Vsaz kuex uraq muinz tuiuz lot muq, Vwaz rueq Vsaz muex nuiyc Vsaz rueq tvkhic roc shuex maq lvy vtueq vganc uraq muinz tuiuz muq.

Muklom

²⁷ “Iwa nga ma phanrip kota phang. Iwa tha shing chak eq utang eq tho Usa sam moq. Utang ma Usa aa uwa takhi aa, ning aa Uwa sha sam aa. Ning nia Usa tha shingchak eq utang eq tho Uwa sha sam moq.

Matthew 11:27 Referencias Cruzadas

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Luke 10:22

“I We raq ngi ma phanrap ake kun she. Awe tlea raüta, Ase ka juwa, kriika maiq ahinti jurmin sapmak. Kiimaq Ase ka lea raüta nai Ase raq tsea raüta ümriitimo tiichhikuq tlaq, kriiti lea raüta, Awe ka juwa kriika maiq ahinti jurmin sapmak.”

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 13:3

Awe raq apaiq ma phanrap tang wan miitu ningkun ka akekun she nguta apaiq raq asap. Kiimaq apaiq ka Shiikeawe pha wa aki, kiimaq apaiq ka Shiikeawe pha na hali wawan nong nguta, Jesuq raq wiita asap.

John 17:6

“Ümniiraq ngi ma mangjong hiq wa maiqse ümchuwa kuq laü, tsangshiq ma ngi raq üm mang ka triisap kuq kang she. Tsangshiq ka ümsengi. Ümniiraq tsangshiq ka i wokhong na tiisi laü. Tsangshiq raq ümbomtsi ka lang wanto she.

John 3:35

Awe raq Ase ka pinthum lungwiitlo. Krai mren, Ase ma phanrap lang wan miitu arang ka ake kun she.

John 6:46

Maiqse raq Awe sham ka jurmin chhi mak dea. Ngi ahata Awe pha wa akiha. Ngi tlea raüta Awe ka jurmin chhi mak dea.

John 7:29

Shatmaq, ngi raq apaiq ka juwa kriika asap ha. Apaiq ka ngi tiikaiti we. Ngi ka apaiq pha wa akiha,” nguta Jesuq raq nokmaiqse ma traho kuqto.

1 Peter 3:22

Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.

1 John 2:23

Ase ka Messia nguta jurwa lang mak, kriiti riika Awe kiimin Shiikeawe nguta lang mak shishe miishe tai tlo. Jurwa Ase ka Messia nguta lang tlaq, kriiti riika Awe min lang tlo ngushat.

2 John 1:9

Juwa Khristo raq achongkuq bomtsi aming wokhong na simak, aming jin raüta lamjiq nü na kiho tlaq, kriiti ka Shiikeawe rai adam na simak she. Shatmaq juwa Khristo rilung manphan bomtsi chong tlaq kra lang raüta sitlaq, kriiti ka Awejong Shiikeawe kiimaq Ase tsangnai wenai wiita wokhong na sitlo ngushat.