Matthew 11:26 - ASII LAKDAP Bible (BSI)

²⁶ O i We le, ümniiraq akha mihong tha wan laq nguta dea tiihongtha kuq wan laü.”

Hawa Naga Bible 2001

²⁶ Rvtueq, Iwaz lex, vkhoc yaungx wvnc tueq kuex mthuinz roc rulc rv-ngvlc rvtueq.

Muklom

²⁶ Inn, Iwa, nang aa irimal angma hun nuk tu.

Matthew 11:26 Referencias Cruzadas

YOBA 33:13

Ümniiraq Shiikeawe ka maiqse raq apaiq ma tiibottaq tlaq kra ümtiikiimin tre mak phan nguta jam nguto bot tlaü?

ISAIA 46:10

Rapha hiqwa miiphü Ngi raq jamkha kupi wan chang wa kra tiithai wan kang; rathupse miiphü dongdii akha mihong wan nguta Ngi raq tiithaimaije. Ngi raq chongkang, Ngi raq thapthi tiikang ka poi mak phan miraq nguta, Ngi raq thimi wan kang thun ka mikloha nguta chongkang.

Luke 10:21

Kra akhing na, Jesuq khum na Asii Wenyi ka ama riito. Krai mren, apaiq ka kai chochito. Kiimaq apaiq ka akha achu jaü bomto, “Iwe lei, ra nai hiq Rümtiwe lei! Ngi raq ümniima pinthum kechutum tiikang. Ümniiraq phaqchi maiqse nai asap atsinti maiqse miika, arthun arka apaü riiwan tlaü. Shatmaq, jam min saptsin makti ma, ümniiraq arthun ara tiichhi kuq tlaü. Ngohea dea, i we lei, ümniiraq tiima tlaü kra phan phan she dea hongtha wanto.

Luke 22:42

“I We le, ümniiraq thapthi tlaü kiijaq hong tlaq jiila, ara chamchao kok arka, i dü wa alam riibaiq laq. Shatmaq kriika, ngi tiima khu na riimak. Ümnaq tiima khu na mihong laq.”

Luke 23:34

Kiijiishe, Jesuq raq, “I We le, tsangshiq ngarai ka adii riikuq laq! Tsangshiq raq jamlai wa klo tlaq kra sapmak,” nguta nguto. Tsangshiq raq langlii raüta, apaiq khea ka tsangshiq liipan na riipheato.

John 11:41

Kra chongtaq krai mren she, tsangshiq raq longsha kilü pang chang longkaü kra linbaiqto. Jesuq raq ra nü na lü raüta akha achu jaüto, “I We lei, ümniima kechutum tiikang. Ümniiraq ngi achu jaü ka tre tlaü.

John 12:27

“Riita, ümchaü ka ngi ma i tsan tsihea akhing she saü wato. Riita, ümchaü ngi raq jamlai she wa minguha? ‘I We loi, ara akhing ara ngi ma naq tiisaükiq dea,’ ngutiisha minguha? Shatmaq, kiikhiika ngulot mang. Ara jamkhano chong tiikang ngukla, ngi mangjong hiq na pokikang arka, ara chong tiikang chamchao wamong armaq lea wan miitu dongdii akiha!

John 12:28

I We loi, maiqse ma üm khushü jonglu kli dea tiichhikuq laq!” nguta Jesuq ka Awe rai riibomto. Kiijiishe, “Ngi raq I khushü jonglu ka tiichhi kuq kang she. Kiimaq Ngi raq jangshi ri hali mitiichhi kuq nongha,” nguta ra wa maiq bom ashi raq Jesuq bom ka treto.

Romans 9:18

Ara chong tiikai arkha miitiina, Shiikeawe raq maiqse ka, ümriitiwa apaiq raq atiihangke wan lungwii tlaq, kriiti ka atiihang riikuq wantlo. Kiimaq, ümriitiwa, apaiq raq lanlaqlaq tsantsii maq misi laq nguta thikuq wantlaq, kriiti ka lanlaqlaq tsantsii rümti ma, tiija baiq wan tlo.

Ephesians 1:11

Phanrap kiimung tlaq arka, Shiikeawe apaiq raq sürii tlaq nai thimi tlaq kra phanphan tiikutlo. Kiimaq Shiikeawe raq nashiq ka, Jesuq Khristo rai pumshi hanshi she tiija wantaq kra lümaq, asengi she nguta phumram kham maq bat wanto she. Arka apaiq raq man na rapha hiqwa niiphü athapthi wan wi she dongdii kra tiiku pi miitu she nashiq ara tsea wanto.

Ephesians 1:9

Shiikeawe raq, phanrap ka thimi wanto. Raüta apaiq raq thimi wantaq, apaü raüta athü jaqsham kra Khristo pum niishe jaqsham ka shiikuto.

Ephesians 3:11

Shiikeawe raq, ara chong tiikai jaqsham tiihongtha wan taq arka, apaiq raq pattup pat-sa miitu kiimung jonghea sürii wan taq kra, phanphan tiihong tlo. Ara jaqsham arka, apaiq raq nashiq Tati Jesuq Khristo lümaq sham wanto. Raüta, jaqsham ka kunkun tiinyi wanto she.

2 Timothy 1:9

Shiikeawe raq nashiq ka chhii wanto she. Raüta, nashiq ka asengi miishe hea wanto. Shiikeawe raq nashiq chhii wantaq, raüta hea wantaq arka, nashiq ka maiqshaq sitiikai nguta riimak. Kriika apaiq tiima na, nashiq miitu jamlai wa thimi wantaq, kiimaq apaiq raq nashiq ka mangchan tlaq, kriithaq na seng raütli, nashiq ka shea wanto. Apaiq raq ra nai hiq min miphansang wan shaq niiphü dongdii, Jesuq Khristo kaphap mangchan wokhong maq, nashiq ka lungwiito.