Matthew 11:29 - ASII LAKDAP Bible (BSI)

²⁹ Minsaü raq thaikii maq ni thu tlaq ikha, namshiq riimin i thaikii ara holanta sirong laq. Lanta i wokhong maq ngi raq namshiq ma shrinkuq tiikang bomtsi kra saptsin ronglaq. Ngi ka sobsob bombom maq nai tsan nin woknin maq siti. I wokhong na siti ka huntsak niitsak she mishong nga han.

Hawa Naga Bible 2001

²⁹ Ngaz kuex thuinz tvyomx vtueq thuinz tv-nyenz vshaungx ningkhvnc nuex ngaz rueq pix vshaungx kandaungc kuex pix vtueq, ngvy lvmx kuex tvluing wuez shuinz; ngoz ruiux nuimshiq thuinz suing maq nyec tvkuiyq rvhumc tuinx.

Muklom

²⁹ I kangko som eq ba sukkang o shing u etho iching wang taal u, chammatakoi itin sha anup nia tinmáng. Etho nim aa nángtong kap nin.

Matthew 11:29 Referencias Cruzadas

2 KAÜWA WERAÜ 10:11

Tsangshiq ma akha chongkuq laq, ‘Iwe raq namshiq raikhü na holai ka laihea tiiho kuqto; ngi riika kriithaq lai heashe mitiiho kuqha. Apaiq raq namshiq raikhü na chunpo nyam sintsang maq tsatto; ngi riika kumrang tsatchang sintsang nyam miishe mitsat ha!’”

Tvtsvmc 116:7

Itsan lei, sanglili maq silaq, jamto ngukla Tati raq ngi pinthum mangchan wanto.

Tvtsvmc 131:1

Tatiwe lei, ngi ishiikong ka tiijobaiq kangshe lata khünga maklii lam phan wa jangwan kangshe. Ngi ka ajong ala jaqsham kriika broriiki mangshe; riimakla ngi raq lotmang chang jaqsham ka shanshiiqki mangshe.

TAKSU LAK 3:17

Nyan phaqchi raq, ümniima khoqriiq shishiiq rilung kuqtlo; kiimaq ümniima hansang rilung mikuq.

ISAIA 28:12

Apaiq raq namshiq tlotli ma nü tiitsak kuqto kiimaq aheawiq boq pumto. Shatmaq namshiq raq apaiq bom chong ka tairo man tlealan.

ISAIA 29:19

Miitsan maiqse kong nai sobsob bom bom maq siti maiqse thun riimin thongshiri hali Tatiwe, asii Israilnok Shiikeawe raq kuq tlaq chochi rilung kra milap wan nong.

JEREMIA 6:16

Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

WEAWEA 12:3

(Mosheq ka tsan nin heawe, mangjong hiq na apaiq khan tsan nin pinthum ka maiq ahü.)

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Matthew 21:5

“Jerusalem chela ma chong laq, ‘Liilaq, ümhokham we ka ümphana watlo! Apaiq ka tsan nin woknin we, kumtoq kaü thaq na nga raü watlo, kiimaq kumtoq kaüse thaq na nga raüta watlo.’ ”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Matthew 7:24

“Ara chongtiikang arkha maq, jurwa ara i bomchong ara lang wan tlaq, kriiti ka maiq atsiiwe raq, ajam ka longkaü longkaü wat raüta, jamkham shong raüta hai wan tlaq ikha miraq.

Luke 8:35

Krai mren, mungmaiqse ka pinrang raüta, jamlai mra wa pinta nguta liikito. Kiimaq tsangshiq ka Jesuq phana saüto. Raüta liikiita, akhum wa tha jobaiq wantiiwe kriika, Jesuq jichong na, khea sam raüta, kiimaq asung atsii ka tsangrakrak hea she nga raü chhihoto. Kiimaq tsangshiq ka, kra chhi raüta akiinyii rai nai, ahai riito.

John 13:15

Ngi raq namshiq ma ara jaqsham maq tlang kuq wan tiikang arka, namshiq riimin akhiisii hali misham laq, nguta tiichhikuq tiikang.

John 13:17

Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

Acts 7:37

Kiimahali, Israilnok ma, ‘Shiikeawe raq ngi ka namshiq phana jamkho tiikitaq kiikha, apaiq raq namshiq phana, shammi weshi hali mitiiki nong. Kiimaq apaiq ka namshiqnok phan wa mishong,’ nguta tsii chongke wantiwe ka Mosheq riito.

1 Corinthians 9:21

Kra niq riri sii hali, ngi ka Pongnok phan ma Tsütsa Ahea chongkuq tiikang akhing na, ngi ka Pongnok phan ikha sitiikang. Jehudinok Thungtri wura raq ham mak, kinphai na sitiikang ka, tsangshiq ka Jesuq wokhong na shea wan hajaq nguta sitiikang. Riita akha chapnga tiikang arka, ngi raq Shiikeawe Thungtri lang mang she nguta ngo nang ka riimak. Ngi ka riikhaqli maq Jesuq Khristo Thungtri jaq takiq na sitiikang.

2 Corinthians 10:1

Ngi Paul raq pumsii maq, namshiq ma ara bomtsi tiitai tiikang. Ngi ka namshiq rai mantut na sitiikang niika, tsan nin woknin we ikha sitiikang. Kiimaq nyea jokjok we nguta liiwan tlan. Shatmaq, kiimphai she tiijaiho latiika, kiqla hiip-hii we miishe jaki tiikang. Jesuq Khristo raq akuq, sobsob bom bom hon atsii nai mangchan tsantsii maq, ara namshiq ka tiijom na lata bom rai tiikang.

2 Corinthians 10:5

Naishiq raq, shiikong miilong kiimaq arot akiq tri raü maq, Shiikeawe lam phan sap wan chang lam jong na, peruk hai tlaq kra, arun riibaiq tiikai. Naishiq raq maiqse tiima tsantsii thun kriika, Khristo puk na nyap wan miitu trap tru rapkhat khat rap wiiq tiikai.

Philippians 2:5

Khristo Jesuq tsantsii jamkho thütaq, kiikhiisii, namshiq tsantsii kiimin thü chang: Jesuq tsantsii ka akha thüto.

1 Thessalonians 4:2

Ara jamkhano chongtiikai ngukla, Tati Jesuq raq akuq arang maq, naishiq raq namshiq ma asii rilung siwan lamphan ka chongkuqkai she.

2 Thessalonians 1:8

Tati Jesuq ka, kra akhing na, walüli rai tlaq ikha misaüho. Raüta apaiq raq Shiikeawe bomtsi shisheti thun nai nashiq Tati Jesuq bomtsi, Tsütsa Ahea kra lang makti thun ka, wiita mitiichamchao wan.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

1 John 2:6

Jurwa apaiq ka Shiikeawe rai tiipum tlii maq sitiikang nguta tiima tlaq, kriiti riika Jesuq jamkho sitaq kiikha sichang.