Biblia Todo Logo
La Biblia Online
- Anuncios -




Matthew 11:29 - Hawa Naga Bible 2001

29 Ngaz kuex thuinz tvyomx vtueq thuinz tv-nyenz vshaungx ningkhvnc nuex ngaz rueq pix vshaungx kandaungc kuex pix vtueq, ngvy lvmx kuex tvluing wuez shuinz; ngoz ruiux nuimshiq thuinz suing maq nyec tvkuiyq rvhumc tuinx.

Ver Capítulo Copiar

ASII LAKDAP Bible (BSI)

29 Minsaü raq thaikii maq ni thu tlaq ikha, namshiq riimin i thaikii ara holanta sirong laq. Lanta i wokhong maq ngi raq namshiq ma shrinkuq tiikang bomtsi kra saptsin ronglaq. Ngi ka sobsob bombom maq nai tsan nin woknin maq siti. I wokhong na siti ka huntsak niitsak she mishong nga han.

Ver Capítulo Copiar

Muklom

29 I kangko som eq ba sukkang o shing u etho iching wang taal u, chammatakoi itin sha anup nia tinmáng. Etho nim aa nángtong kap nin.

Ver Capítulo Copiar




Matthew 11:29
38 Referencias Cruzadas  

Iwaz rueq nuimshiq htauk nuex gurc liq tvdaungc wvnc tueq; ngaz rueq kuex kvruex htauk nuex vliq tvdaungc kuq phaungx. Piq rueq nuimshiq kuex ruiyx saz pumz maq thvt kv-phuinx; ngaz rueq kuex ruiypvnc pumz maq thvt phaungx!’ ngoz tueq jungx kuq shuiuz,” ngoz tueq tvralc tueq.


Ngvy thuinz vmungx lex, Yehowa rueq ngaz muex vhvlx kejux tvkhic kuy ningkhvnc nuex kvmluimx kuiuz.


Yehowa lex, ngaz kuex ngaz ngamc ngax vtaungx thuinz kuex nauk gay tauk ngvy thuinz yungx joz yaq layx wawc kvroz wvnc tauk shex. Ngaz kuex yunghvlc yauk shuimc htenc wawc muinz ngvy tvkoc tuiuz laz juing gvrc hvlc yauk shuimc htenc muinz ngvy thuinz nuex lomx muq.


Taksux tharc rueq mrullungx kuex tvpiauc kuq ruiux, kvruex lvmx maq mnoz kuex kvkhup wungx juing nuex shvlx wvnc lot yaq.


Vpiq rueq nuimshiq lotlaz muex suinglix lvmz nuiyc sitenc yatenc lvmz kuq kv-phuinx, yuq muinz nuimshiq rueq vpiq kvjaz tay muit tvlvlc vshuinx.


Htemc saz jix nuiyc thuinz tvyomz jix bix kuex Yehowa Israel vsawc Tishox rueq kuq tueq kokez juing kuex lauk shiz hulawx lvp wvnc yek shuex.


Yehowa rueq vpiq miqsaz muex jungx tueq, “Lvmx dungc lvmx heq htenc nuex jvp vtueq lawc shuinz. Mvnnuex wawc lvmx kez kuex wisoz thuiyx shuinz. Kvruex lvmx kvyuq khuemx ruiux yuq, nuimshiq nomic httax lvp tuinx,” ngoz tueq. Yuq muinz tsuingshiq rueq, “Kvruex lvmx kuex nuiyshiq rueq phvnx miq!” ngoz tueq jungx wuez tueq.


Zion miqsaz lex, kokez wuez kuinz, kokez wuez kuinz! Yerusalem miqsaz lex, vkoz vkez maq guyc sez wuez kuinz! Lawc shuinz, nuimshiq hokhvmx waz kuex nuimshiq kox nuex kaz yaq! Vpiq rueq taungx vtueq lotlaungc wvnc tueq, yuq muinz thuinz tvyomz vtueq loze htauk nuex ngaungc yaq, loze saz vshiz htauk nuex, loze kuiux kvruex saz htauk nuex ngaungc yaq.


(Moshe kuex thuinz nyenz miq rvtueq, ghaq htauk vyuq piq kvkhoc thuinz nyenz jix miq washiz muinz vguez.)


Piq rueq kvkhoc jungx yaq baunglaung phelez hvlc phuemx daungshiz rueq tsuinghez kuex buingc wvnc tueq, phuemx mungx maq, “Vruex waz kuex ngaz rueq raungc raq hvlc Saz rvtueq, vpiq kuex ngaz rueq lungwawx vshaungx, vpiq kvjaz tay wuez shuinz,” ngoz tueq.


“Zion ghaqyungx muex jungx shuinz, Lawc shuinz, nuimshiq hokhvmx waz kuex nuimshiq kox nuex httuiuc kaz yaq! Vpiq kuex tvyomx tv-nyenc thuinz maq loze kuiux muex vsaz htauk nuex ngaungc yaq rvtueq, loze kuiux muex vsaz htauk nuex ngaungc yaq,” ngoz tueq.


ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.


“Ngvy kvjaz vruex tay vtueq phvnc tvhungx jix waz kuex lung htauk nuex yuimx guirc jix wvtharc waz rulc rv-ngvlc yaq.


Miq htenc rueq yvmx khoc lac yaungx wvnc tvnx lvmx kuex lawc kay kaz wuez tueq, Yesu kox nuex httuiuc koq tueq htaungc dung wvnc tueq waz kuex khvysvmx iruiux, Yesu yaz jungx nuex ngaungc yaq kuex khiz vtueq hiyaz kawc yawc wuez tueq.


Nuimshiq muex ngaz rueq shuimx kuq phaungx kvkhoc nuimshiq rueq muinz mphvnx shueq ngoz tueq ngaz rueq nuimshiq tvkoc shuimc layx kay layx tvkhic vphaungx rvtueq.


Majuiuc nuimshiq rueq vruex tsuingrux lvmx kuex tuiuz vshuinx ningkhvnc nuex, kvruex phvnx ruiux yuq nuimshiq thuinhvlc httax yaq.


‘Nuimshiq suiuz vsaz kvwawc ngaz vkhoc shvmmax washiz kuex Tishox rueq nuimshiq tvkoc tvdung shuex,’ ngoz tueq Israel miqsaz muex jungc kuy jix waz muinz Moshe rvtueq.


Kvrulc rv-ngvlc Pungnuk miqsaz htenc kox nuex phungc yauk shuimx tauk nuex, tsuingshiq palc daungc wvnc tvkoc Tvrac kuex phvnx mauk maq Pungnuk miqsaz htenc ikhoc dvyx httax wvnc tauk. Vkhoc jungx vshaungx lvmx kuex ngaz rueq Tishox tvrac phvnx mauk ngoz tueq ngoc bomc rvmuq, rvkhauk laz jungx ix ngoz ruiux yuq, ngaz kuex Christu tvrac khung nuex httaz jix waz rvtauk.


Nuimshiq htumc nuex thuinz tvyomx tv-nyenc lvmz kuex tvkhic ruiux, nuimshiq rulc yal wvnc vtueq jix khvmc thuinz tvkhic yaq ngoz tueq ngoc rvhumc tauk ngaz Polu rueq nuimshiq muex jungx kuq vphaungx.


naungshiq rueq Tishox tuiuz tay juing tharc kuex tuingshaung kuq yaq yauk shuimc lotlaz kuex tvbac httak gay vshix. Naungshiq rueq miqsaz kvmungx thuinz httax yaq phvnx ruip saz kuex lvp khvrc gay ruiux Christu lvmx tvtay tv-phvnc vshix.


Christu Yesu nuex httax yaq thuinz kuex nuimshiq nuex muinz httax wuez kuinz.


Yvmx khoc lac ngoz ruiux lec nuimshiq rueq yvmx khoc shuimc kay juing lac nuex seng vtueq, Taungjix Yesu rueq vkuq vrangx vpangx maq nuimshiq muex nuiyshiq rueq tvkhic kuq wvnc phix lvmx kuex nuimshiq rueq tuiuz vshuinx.


Vpiq hungx htaungx yaq waz tvyaungc lot yix, vpiq kuex kvjaz tay phvnc jix lotlaz laung nuex pattup palc daungc wvnc lvmx vjungx yaungx wvnc tueq.


Christu rueq shuimx kaz wvnc tueq ikhoc shuimx kaz vtueq rullungx tvraungx jix waz dvyx Tishox rulc vshiz dvyx yaungx vtueq rullungx tvraungx jix waz ngoz tueq jungx lvp shix.


Síguenos en:

Anuncios


Anuncios


¡Síguenos en WhatsApp! Síguenos