Matthew 11:28 - Hawa Naga Bible 2001

²⁸ “Gurc liq hvlc gurx vtueq hunnyex jix htenc lex, ngvy kox nuex waung luit, ngaz rueq nyec tvkuiyq kuq phaungx.

ASII LAKDAP Bible (BSI)

²⁸ “Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.

Muklom

²⁸ Alik akuk hol eq nángtik tey thaji miqtang ijam náng kaphin. Nga nim ma nángtong ko phanáng.

Matthew 11:28 Referencias Cruzadas

YOBA 14:1

Naungshiq lotlaz kuex hungc vlaungc vnulx maq vjawx nuiyc kvwungx kvguing juing vguez rvtiq. Lotlaz kuex rullungx vtut, vkuilc vdaz paung yaq rullungx dvyx rvtiq.

YOBA 5:7

Vsuing rvmuq nyix! Wvr puic htenc kuex raungx nuex pvnx wvnc yaq ikhoc, miq rueq muinz miqmac tvkoc kuilc daz kuex tvrvhumc yaq.

Tvtsvmc 116:7

Ngvy thuinz vmungx lex, Yehowa rueq ngaz muex vhvlx kejux tvkhic kuy ningkhvnc nuex kvmluimx kuiuz.

Tvtsvmc 32:4

Yehowa lex, mnoz rueq ngaz muex raungnuiyq raungwvrx murx tvgurc phux; raungluimc yac nuex vkalc rueq vhemz baung htenc wul wvnc yaq ikhoc, ngvy hungc vlaungc muinz sawc ric htumx wvnc vtuex.

Tvtsvmc 38:4

Ngaz kuex ngvy mvrax yuix puingc mungx nuex htuip wvnc vtaungx; kvruex kuex jamjaux gurc liq vshiz ningkhvnc nuex vnanx tvkoc pinhtumc liz hvlc.

Tvtsvmc 94:13

Layx bac jix htenc kuex tsvnc tvkoc ghaqkhurx htoay tvlot laz, kuilc daz raungnuiyq htenc wawc mnoz rueq piq muex nyec tvkuiyq juing lvmx kuq toq.

THARC TVLUINGC 1:14

Ngaz rueq vruex mungkawx nuex shuimx yaq phvnx ruip saz kuex khiz tauk, ngaz rueq mnoz muex jungx kuq ix, kvruex lotlaz kuex khuec guez dvyx. Kvruex kuex raungguil yurc shix ikhoc dvyx yaungx yaq.

THARC TVLUINGC 1:8

Phvnx ruip saz kuex vhunc vnyec nuex shvlx laq yaq, vhunc vnyec ngoz yaq kvjaz kuex yunghvlc rvtueq. Naungshiq muik maq thuinhvlx laz mkaq muinz khiz tsuiyc miq; naungshiq nac maq vtay lot juing tanc khvnc mkaq muinz tay lvp miq.

THARC TVLUINGC 4:8

Vruex yuq piq dvyx httax yaq miq washiz vhttax. Piq nuex vsaz miqwaz vguez, vphuz vnox muinz vguez, yuq muinz piq rueq mkaq muinz yauk shuimx ruq dvyx, piq tsak vnyvmx kvmac mkaq muinz vthuinz suing muq. Piq kuex yauk shuimc nuex dvyx hunglaungx ruiux piq shauk gvnz tvkoc vpiauc liauc juing tvdux gay tueq kuex ukhaq tvkoc lac rvtvnx? Kvruex muinz khuec guez nuiyc rullungx tvraungx tvkoc thuinz kuilc daz juing dvyx rvtueq.

ISAIA 1:4

Nuimshiq kuex vphoc rvhumc tuinx, nuimshiq kuex ngarvyx vhttax phvnx rvtuit, nuimshiq kuex miqsuirc vsac nuiyc layx vbac rvtuit! Nuimshiq mvrax htenc rueq nuimshiq kuex tvrul het wvnc kv-phuinx! Nuimshiq rueq vsawc Israel Tishox kuex khawx lvlx vtueq yix tvnungx shung kuq wuez tuit.

ISAIA 11:10

Dawid phvnx wawc vdung hokhvmx vnyalx kuex miqphvnx htenc tvkoc tvkhic tvtsuingc juing muex yaungc wvnc vkhing httuiuc wvnc yaq. Tsuingshiq kuex piq hokhvmx ghaqyungx nuex rvtuimx kaz vtueq piq muex tvtsanc nganc kuq shuex.

ISAIA 28:12

Vpiq rueq nuimshiq lotlaz muex suinglix lvmz nuiyc sitenc yatenc lvmz kuq kv-phuinx, yuq muinz nuimshiq rueq vpiq kvjaz tay muit tvlvlc vshuinx.

ISAIA 61:3

Zion nuex yonzyex yaq jix hez muex Vyonz vyex tvraung kokez shuenruenc juing, Thuinz bac tvraung vshic vngoyc tvtsvmc juing kuy tvkoc tvkaz phuex. Tsuingshiq kuex Yehowa vpiq rueq Vkhic pulx htenc ikhoc yaungx tuex. Tsuingshiq rueq vlvmz yauk shuimc lotlaz kuex shuimx wuez shuex, Tishox kuex vpiq rueq shuimx wvnc tueq yauk shuimc htenc ningkhvnc nuex tvtsvmc kvmc rvhumc tuex.

ISAIA 66:2

Ngvy shauk pumz maq httax mvhttax tvdung sung! Thuinz tvyomx vtueq tharc khic wvnc jix nuiyc ngaz muex hiyaz vtueq ngvy kvjaz phvnc jix kuex ngaz rueq lungwawx shaungx.

JEREMIA 31:25

Ngaz rueq vhunc vnyec jix muex nyec tvkuiyq kuq ruiux khvmx vrvmc rueq rvyuiuq bvt yaq jix miq tek muex tv-phoay rungx shaungx.

JEREMIA 35:16

Jonadab suiuz vsaz hez kuex tsuingshiq jix vwaz rueq vnvr bomc kuex phvnx wuez yaq, yuq muinz nuimshiq miq htenc rueq ngvy kvjaz phvnx wuez muit.

JEREMIA 6:16

Yehowa rueq vpiq miqsaz muex jungx tueq, “Lvmx dungc lvmx heq htenc nuex jvp vtueq lawc shuinz. Mvnnuex wawc lvmx kez kuex wisoz thuiyx shuinz. Kvruex lvmx kvyuq khuemx ruiux yuq, nuimshiq nomic httax lvp tuinx,” ngoz tueq. Yuq muinz tsuingshiq rueq, “Kvruex lvmx kuex nuiyshiq rueq phvnx miq!” ngoz tueq jungx wuez tueq.

Matthew 11:29

Ngaz kuex thuinz tvyomx vtueq thuinz tv-nyenz vshaungx ningkhvnc nuex ngaz rueq pix vshaungx kandaungc kuex pix vtueq, ngvy lvmx kuex tvluing wuez shuinz; ngoz ruiux nuimshiq thuinz suing maq nyec tvkuiyq rvhumc tuinx.

Matthew 23:4

Tsuingshiq rueq liz hvlc nuiyc vgurc muex gvrc hvlc kuex miq muex tvgurc yaq, tsuingshiq rueq gurc kvruex yaukshix thawx maq doc muinz htuinc roc muq.

John 6:37

Iwaz rueq ngaz muex kuq phuex lotlaz kuex ngvy kox nuex kaz wuez ruex. Ngvy kox nuex kay jix waz kuex ngaz rueq yurc gay shaungx rvmuq.

John 7:37

Kvkaq moalx vtvsuip raungnuiyq nuiyc vkhek moalx raungnuiyq nuex Yesu jvp vtueq, “Khvmsvy jix waz kuex ngvy kox nuex kaz vtueq nuingx wuez shuinz.

Acts 15:10

Kvkhoc rvtueq nuimshiq rueq yvmx ngoz tueq lac Tishox muex taruiyx roc vshuinx, naungshiq jix vwaz rueq muinz, naungshiq rueq muinz gurx lot miq gurc kuex yvmx ngoz tueq lac tsuingshiq muex tvgurc vshuinx?

Acts 20:35

Ngaz vkhoc nuimshiq rueq muinz httax yaq lotlaz htauk nuex hunglaungx shuimx kaz wvnc vtueq, lotlaungc muq jix muex htuiz daungx romc kuy juing lvmx kuex ngaz rueq tvkhic phaungx. Taungjix Yesu rueq, ‘Vkuy jix waz kuex, vlvp wvnc jix waz htauk nuex muinz thuinhvlx yaq,’ ngoz tueq jungx shec tueq kvjaz kuex rvwvl wuez shuinz,” ngoz tueq.

Galatians 5:1

Christu rueq naungshiq kuex dax wawc tvdungc wvnc vtueq naungshiq kuex dax rvmiq shex! Kvkhoc rvtueq dungc wvnc yoalx miqsaz maq shex jvp vtix, dax khung nuex nauk kvkhvrc buinc kaz shex.

2 Thessalonians 1:7

Taungjix Yesu rueq Tishox muex tvdux gay jix htenc nuiyc naungshiq Taungjix Yesu Thuix Thaungx Vhvlx kuex tay phvnx muq jix htenc muex murx tvgurc kuy tvkoc vpiq hungc vlaungc httax yaq raungkamx bix rulc vdvmz wvrluic rulc nongx raungmungx maq dung kaz tuex nuex Tishox rueq kuilc daz rvhumc vtuinx nuimshiq rulc vdvmz nuiyshiq muex muinz thuinz hvlc juing tvlvp kuq shuex.

Hebrews 4:1

Majuiuc Tishox rueq naungshiq kuex nyec tvkuiyq juing tvlvp muex ngoz tueq bomkhvmc kuq shec tueq. Kvruex bomkhvmc kuq shec tueq nyec tvkuiyq lvmx kuex nuimshiq wawc vshiz raung rueq muinz lvp muq muex nauk yaungx kaz, nuimshiq honc lvmz wuez shuinz.

Revelation 22:17

Siyac nuiyc Nyuiuz nyalx nyuiuz rueq muinz, “Kaz loq!” ngoz phuex. Kvkhoc jungx yaq kuex tay jix htenc rueq muinz, “Kaz loq!” ngoz tueq ngoz wuez yaq. Khvmsvy jix waz ukhaq yuq muinz mkaz rueq; rullungx yuix roc jix waz uraq muinz vhtawz vrawz kuy guez maq yauk noalc ikhoc mlvmz shueq.