ISAIA 1:7 - ASII LAKDAP Bible (BSI)

Ümmung ka miqchup tiithenbaiqto she. Kiimaq ümmung wa chela thun ka wiita wa maq chaqbaiqto. Raüta botkhulai rai she shotbaiqto. Ümniiraq liishat ümmakki na, pongmungti raq ümmung ka khatto. Raüta wiita jiiwanto. Raüta hiq maq hutse she shiithen baiqto.

Hawa Naga Bible 2001

Mmungtan kuex kuiyqshuik kuiyq khvmx baung yaungx kaz, m-ghaqyungx htenc kuex ghaq maq kawk huk khamc gay tueq. Mnoz rueq lawc yaq nuex dvyx pungmungx miq rueq m-ghaq vraungx kuex lvp wvnc vtueq phvnx ruip saz kuex tvbac gay tueq.

ISAIA 1:7 Referencias Cruzadas

2 KAÜWA WERAÜ 28:5

Hokhamwe Ahaj raq ngarai tang kha na, Tatiwe apaiq Shiikeawe raq Siria mung hokhamwe ma tiikhat raüta apaiq ka tiitangto. Raüta Juda mungti maiq pahea shumwi kong ma Damaskas chela na tiitsuq wanto. Kiimaq Tatiwe raq Israil mung hokhamwe Remalia se Peka ma tiikhat raüta Ahaj ka tiitangto. Raüta Juda mungti maiq 120,000 srea nola jongbi siisaq re ma ranaiqshi niili tiijiip baiqto. Tatiwe tsangtitiim Shiikeawe raq arthun mungthen wan ara tiisaüto. Jamkhano ngukla Juda mungti raq Tatiwe ka miim baiqto.

Tvtsvmc 107:34

Apaiq raq hiqpo hiqwin ramsea binjan thung ka shumhiq thung ma tiijabaiqto kra mung na siti raq abi klo wan khana.

Tvtsvmc 107:39

Ümtiikiiwa Shiikeawe senginok ka re raq longtaq, raüta pitlang pitthea hok maq nishi tiikaiditaq,

Tvtsvmc 109:11

Apaiq raq anam thiitham kha na, apaiq tachong hupsam thun wiita minyeaholaq, kiimaq wanwetiim raq atachong hupsam wiita milapholaq.

ISAIA 1:8

Jerusalem lamlamseli she tiichongtlo. Arkiimin re raq chela trotam maq akom wan kun she. Wak na spiqro khechang baülitiipse ahai ikha, riimakla wak na kumchan tsung ruk hü pehü sitlaq ikha, asea awea raq aphaq wan nguli riitlaq ikhlishe sitlaü.

ISAIA 3:8

Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

ISAIA 34:9

Edom mung wa jürai thun ka lamtrap chang kaichangdaiq ma mijaki. Kiimaq hiqraikhü ka nyiimwintiiq chang kan da ma mijaki. Kra mung tlotli ka kaichangdaiq wa maq chaq raüjaq nyaisiqtlaq ikhiishe mikhiim wan.

ISAIA 49:19

“Nammung ka tiithenbaiqto, raüta hiqmiq changkhü ma tiijabaiqto, shatmaq ümchaü hiq ka aranse miishe mijaki, kiijaq siwati maiq ka pahea jang wantlo. Kiimaq ümnaq tiithenbaiqti thun ka ümchaü luhea niishe mijobaiq.

ISAIA 5:17

Chela thun hiqmiq changkhü ikha riimtlaq kiijaq skusekong aransetiim ka sangphii phaq mihaisiq. Kiimaq chhechhi aresekong raq sangphii nümrü kra miphaq.

ISAIA 5:9

Ngi raq Ajong Pinthum Tati raq akha ngutlo taikang, “Arthun jamkaütiim ajong jong wiq siisaq, kiimaq tsomhea sitlaq jamkaütiim thun arka jammii she miriimki.

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

ISAIA 60:15

“Ümniika miimbaiq mak she kiimaq saisi mak she miraq, Chela mii kiimaq hiqmiq changkhü riimak she, Ngi raq ümniika ajong kiimaq tsomhea mitiijaha, Pattup pat-sa miitu chojong chise siwan chang hiqshong miraq.

ISAIA 62:8

Tatiwe raq sinkhamto, Krai mren aningkun maq kra jaq misham: “Ümtsamtum ka ümjaqtinok raq siq mak she miraq, Kiimaq pongmungti raq ümspiqtai khap ka nyanglu mak she miraq.

ISAIA 64:10

Asii ümchela thun ka rumnyangkhi kumtsaiphii miishe jakito. Jerusalem ka hiqmiq changkhü ikhiishe tiithen baiqto.

ISAIA 9:18

Maiqse raq abi klotlaq ngarai walütu riika, wa raq shuktamrü nai chokmun rü khiimphaq wantlaq ikha nyaisiqtlo. Arka rum khiim wantlaq ikha khiimphaq wantlo. Raüta wakhuk mong wa ka ra ma hiq ma mong wantlo.

ISAIA 9:5

Rewe phenlabi hokpa thun ka kiimaq tiijai da tamtili tsangshiq miirii thun ka, wa miishe chaq raüta mitiithenbaiq.

JEREMIA 2:15

Tsangshiq raq apaiq ka hangsikong raq tiihaitlaq ikha ahok aho tiihaitlo; tsangshiq raq amung ka kumtsaiphii mung miishe tiijabaiqto, kiimaq achela thun ka botkhulai rai shotbaiqto, laimiq hiqmiq changkhü miishe tiijabaiqto.

JEREMIA 4:7

Hangsikaü rum na bomhai raüta akhe dongkitlaq ikha, maiq mung thun tiithenkaitiwe kitlo she. Apaiq ka Juda mung tiithenkai kitlo. Juda mung wa chela thun ka botkhulai rai mishotbaiq, kiimaq kriithun na maiq jumin simak she miraq.

JEREMIA 44:6

Kra ningkhan she, Ngi raq itsankhiq walü tu maq Juda mung na chela thun kra kiimaq Jerusalem chela mong na chiiheawea lam thun kra wiita wa maq chaqbaiq kang. Krai mren, kra chela thun ka wakhiim wabun phongli she sitlo. Ümchaü niitaq saüli kriithun ka hiqmiq changkhü miishe jakito. Maiq maklii na phiiptsi jiiptsili she sitlo.

JEREMIA 6:8

Jerusalemti lei, arthun mra pinwan tlaq kriika namshiq ma tsii chhi wan lamlu mijalaq. Riimakla, Ngi raq ümniika miimbaiqtlii she mimiimbaiqha. Ngi raq ümchela ka rumnyangkhi kumtsaiphii miishe mitiija baiqha. Kriika hiqmiq changkhü ikha, maiqsi maimak she miraq.”

JEREMIA 7:34

Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.

AJONJÜ 5:2

Naishiq tachong hupsam ka, wanwe jaqkhon mong niishe; pongmungti raq naihiqshong jiiwanto, raüta naishiq jam na tsangshiq sitlo.

EJEKIEL 25:4

Ümniika kiikha chochisiq laü ningkhan, Ngi raq shedong mung kumtsaiphii mungti maiq phan thun kra tiiwa lata ümniika ka mitiikhatha. Lata re ma mitiitangha. Tsangshiq raq tsangshiq piitiip thun ka üm mung na mitei wan. Raüta tsangshiq kiijaq mishong wan. Tsangshiq raq ümnaq phaqsea chang petsi wiqtsam thun kra misiq kiimaq ümniiraq nyang haü chang minsaü nyakpü thun kra minyang.

EJEKIEL 30:12

Ngi raq Nai rai kham ka tiishinriiq mitriibaiqha. Lata Ejip mung ka maiq abi pinthumti wokhong niishe mikiinong kuqbaiqha. Pongmungti raq mung ka tiihihut mitiithenbaiq. Arka, Ngi, Tati Rakaü Hiqwe raq toqtantiikang.”

Hosea 7:9

Pongnok phan rai tongshong raüta, reraüshi maq siwan kha na, tsangshiq ningkun jomtlo. Arka tsangshiq raq sapphaq mak sitlo. Tsangshiq ningthoi saü wanto. Shatmaq tsangshiq raq sapphaq mak sitlo.

Hosea 8:7

Tsangshiq raq alai ka rahai na wan wanto. Krai mren, rathaiq rahai tsi she mijut wan! Piiwong rü ka atsi ango ahü, ajaq lamlam li chaptlo. Tsingo wan raüli jiimin, Pongmungti riili michiiq phaq wan.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

LEWI 26:34

Kra jiishetiq namshiq raq hiqkhu rakhu ma niitiitsak kuq man dea riilan kra, hiqkhu rakhu wiita raq rawii luhea niitiitsak akhing she milap wan. Wak ajam thun ka asham seati maiq ahüshe miraq. Kiimaq tsangshiq raq niitiitsak wan akhing milap. Kiimaq namshiq ka pongmung na namjaqtinok hiq na munglu shumwikong ma jalanta misihan.

Mikha 5:11

Nammung wa chela thun ka run lata, retiip thun kiimin mishthen baiqha

Mikha 6:13

Namshiq shutphit ngarai kha na, ümchaü ngi raq namshiq, shiithen baiq phawan kang she.

TRI CHONGKE 28:33

Maiq pong mungti raq ümniiraq riingoq ra ra minshiiq anü haü kriiwa tü atsam thun kra mijut siq. Shatmaq ümniiraq lap chang ka jammin ahü miraq. Shatmaq wranaiqshe ümniika maiq jaq khon mong na ji maq nishishi raütli mihaihii.

TRI CHONGKE 28:43

“Pong mungti üm mung na sitibi ka ajong ala ma jawan wan raüta ningkun apa lap wan wan miraq. Shatmaq ümniika aran ma jawan wan, ümningkun ka jom wan wan she mija wan haü.

TRI CHONGKE 29:23

Wak ram thun ka shaqmii shin ram shinriiq miraq. Hiq ka kan phong raq nai shum phong riili she amaa miraq. Jamlai chhijang kai min maimak miraq. Kiimaq sangphii dongdii min cham mak miraq. Nam mung wa hiq thun ka Sodom nai Gommora hiq kiikha miraq kiimaq Adma chela kiimaq Jeboiim chela thun Tatiwe raq atsankhiq henghea kha tiithen baiqtaq kiikha miraq.