ISAIA 9:18 - ASII LAKDAP Bible (BSI)

¹⁸ Maiqse raq abi klotlaq ngarai walütu riika, wa raq shuktamrü nai chokmun rü khiimphaq wantlaq ikha nyaisiqtlo. Arka rum khiim wantlaq ikha khiimphaq wantlo. Raüta wakhuk mong wa ka ra ma hiq ma mong wantlo.

Hawa Naga Bible 2001

¹⁸ Miqsaz layx vbac yauk shuimc kuex shuiuq jungx htenc nuiyc shuiuq rumz htenc khamc gay yaq wvr rulc rv-ngvlc yaq. Kvruex kuex wvr khuiuq tul tvduiz yaq rumz wvr ikhoc khamc gay yaq.

ISAIA 9:18 Referencias Cruzadas

1 HOKHVMX 16:21

Israilnok ka atiikho riikito: Maiq wiijamti riika Ginath se Tibni ka hokham ma shongro. Kiimaq maiq wiijam ka Omri ka hokham ma shongro.

Tvtsvmc 37:20

Shatmaq abi kiimungtibi ka atsai miraq; Tatiwe jaqtinok ka rum wa pepü ikha mokisaqli mimoki; tsangshiq ka wakhuk moki tlaq ikha mimoki.

Tvtsvmc 68:2

Wakhuk rahai raq pan wan tlaq ikha, apaiq raq tsangshiq jobaiqto; wake raq simikii jam wantlaq ikha, abi maiqse thun ka Shiikeawe man na miq wanto.

Tvtsvmc 83:14

Wa raq rum khiimtlaq ikha khiimlaq, walü raq kin thun khiimtlaq ikha khiimlaq,

ISAIA 1:31

Tsamkü shin phong ka wapüse tiidea raüli, amok riidungli lüwan tlaq ikha, maiq ümtin khan ajong alabi nguta tiitsakitlaqti thun kriimin tsangshiq raq ajiq nai abi jaqsham wantaq kriiriili, tsangshiq ka miqchup mitiithenbaiq wan. Kriishe ngu raüla, tsangshiq then wan tlaq kiiwa jurmin tiikhup wongkuqlot mak she miraq.

ISAIA 1:7

Ümmung ka miqchup tiithenbaiqto she. Kiimaq ümmung wa chela thun ka wiita wa maq chaqbaiqto. Raüta botkhulai rai she shotbaiqto. Ümniiraq liishat ümmakki na, pongmungti raq ümmung ka khatto. Raüta wiita jiiwanto. Raüta hiq maq hutse she shiithen baiqto.

ISAIA 26:11

Ümjaqtinok riika ümniiraq tsangshiq ma mo mitiihohaü ngutiika sapmak. Tatiwe lei, tsangshiq ma jea tiingaülaq. Laüta tsangshiq ka tiichamchaolaq. Ümniiraq tsangshiq ma mo tiihochang tiije laü kra mihophaqlaq. Ümniiraq ümsenginok ka ümtinkhan wa lungwiitlaü kra tsangshiq ma tiichhikuqlaq.

ISAIA 27:4

Ngi ka spiqro ma khiqriq mang she. O kiimaq kiijaq kiida shuk rü nai kiimko rü asi jiika ngi raq arang chong maq phai lata wa na tiisiirai michaq baiqha.

ISAIA 3:5

Maiq loweatek raq loweatek jaq wa lapphaq lusiq lam kriili she miklo wan. Jerobi raq nyungwere ka shreng mak miraq. Kiimaq pantlat na haiseati bang bang kong raq tsangshiq thaq na maiqlare sitlaq kra shrengmak miraq.

ISAIA 30:30

Tatiwe raq maiqse loweatek ma apaiq bomtsi henghea maiqphiip maiqjiip chang kra mitiitaikuq kiimaq apaiq tsankhiq walü heng kra mitiisapkuq. Kiijaq walü watrang la miraq, phumda mong na aphok watrangla miraq; rathaiq nai tsakhiiq rok wa trangla miraq. Kiimaq rajun düthaü diilii piikhaü kham raü ikha miraq.

ISAIA 30:33

Man na rathup raphaji niiphü, ara Asiria mung hokhamwe ara chaq chang wacha ka jonghea hiq bashi na tiijethüje dongdii riito. Kra khobok kaü ka jonghea kiimaq tsaühea. Raüta chin ka pahea ratsan na saüli aphongthü wishe. Tatiwe raq atsitsü ka hea raüta walütu thun ka riijang wantlii mitiidong. Raüta kra chinphong kra mitiinyai chaq.

ISAIA 33:12

Namshiq ka longkaü wa maq tiibun chaq raüta sun ma tiijabaiqtlaq ikha michaq baiq. Kiimaq shuktam rii ka wa maq chaqbaiq raüjaq khiim phaq tlaq ikha mikhum phaq. Raüta wabun phong ma mijaki.

ISAIA 33:14

Ngaraibuli sitlaq Jajon chelati ka haisitsi ma atiikhairokrok she sitlo. Tsangshiq raq ngutlo, “Shiikeawe raq khapho ka pattup pat-sa walü nyai raitlaq raüta khiimtlaq ikha. Nashiq phong wa maiq weshi ra ka ara wamong wa milun lot rong i shea?”

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

ISAIA 50:11

Namshiq wiitarü, jurwa nanok tseabaiq miitu thiikho thutlanti ka, namshiq maiqmii raq athuhan thiikho na dea lantea mithen han. Arka Tatiwe apaiq raq mitiihong wan; namshiq ka maklii jaina tiijangphat kharii mihumphaq han.

JEREMIA 9:3

Tsangshiq ka wranaiqshe arot akiq chongtikong; mung na tingting chong rii na ajok aliiq kli chongtlo. Tatiwe raq ngutlo, “Isenginok raq phanshi abi klojai maq abi phanshi maq tiipatlo, kiimaq tsangshiq raq ngi ka tsang Shiikeawe nguta sap mak.”

Hosea 13:3

Atinkhan ngarai tang wan kha na, tsangshiq ka ranap bangkham ikha, rashekii raq mishin wan. Bangkham ka sangphii thaq na arok ikha, rashe kii wan raüjaq shinki tlaq ikha, weki raüta mimoki. Khaolüm nijai tsamchhii chiipbaiq tlaq ikha, rahai raq mipan wan. Wukhupong maq wakhuk mong wan tlaq ikha, rahai raq mipan wan.

Yoel 2:20

Ngi raq kupchi sawa hiqkhu nü, mung maq asaü wan kra, ajoshe mirbaiq ha. Ngi raq kupchikong wiijam ka, rumnyangkhi kumtsaiphii niishe mitsuq baiq ha. Kupchi kongla ma lamsheati kong ka, Ama Khamjong chum mong niishe mitsuq baiq ha. Tsangshiq ma jai na rewatikong ka, Mediterenian Khamjong chum mitsuq baiqha. Tsang maa ka hiq ma rama minam wan. Ngi raq tsangshiq ka tiisiirai mijiipbaiq ha. Namshiq tiichamchao wantaq kha na.

Yoel 2:3

Ara kupchi thawa arka wak chaq wa raq, rum khiim wan tlaq ikha miraq. Kupchi milong shaq na rum ka Eden sunruk ikha, shamhea shamjii riito. Pechong wiirü ahü shinram shinriiq, rumnyangkhi kumtsaiphii ikha maiqsi maimak. Kupchikong jai niika jamlai pechong wiirü, atra phan ka tiichong mak she.

AMO LUIK DVP (AMOS) 7:4

Kiimahali Ajong Thaq Na Ajong Pinthum Tatiwe raq ngi ma, thongshi ri hali tiichhikuqto. Ara akhing na, ngi raq apaiq raq asenginok ka wa maq tiikhiimbaiq wan miitu tiije tlaq kra chhikang. Kra wa raq sammok tra chum ka wiita jokbaiqto. Raüta hiqraikhü min tiikhiim chaqbaiq wan chhikang.

Obadia 1:18

Jakob sengi nai Joseph sengi ka, walütu ikha minyai wan. Tsangshiq raq Esau sengi ka, tsamkü phong chaq tlaq ikha michaq baiq wan. Isaü saüse phan wiika alai ala, jammin tiichong mak miraq. Arka Ngi Tatiwe raq ngutiikang.

NAHUM 1:10

Shukrü tamsetiim nai tsamkü shin phong ikha, namshiq cherop kong ka, wiita wa maq michaq baiq!

NAHUM 1:6

Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

TRI CHONGKE 32:22

Itsan khiq walü ka amok dung dung michaqha, lata mangjong hiq wa phanrap wiita wa maq michaq baiqha Kra walü ka wulum mung na misaü, kiimaq pum thun rang chong thun wiita mikhiim.

Hebrews 6:8

Shatmaq, hiq phu ba kriika, shukrü nai sangphii riili long wan lili raü jiika, kra ba hiq phu ka jam riichang min riimak she. Kra she ngu raü ka, Shiikeawe manson hophaq chang li she miraq. Raüta kra ba ka, wa maq chaq baiq changli she miraq.

Revelation 14:11

Tsangshiq tiikhiim chaq chang walü nai wakhuk ka pattup pat-sa matki mak phan she miraq. Ümriiti wa ngamthaiq kaü ka shomnoq tlaq lo, apaiq sumla ka shomnoq tlaq, kiimaq tsangshiq dü na apaiq mang sitlaq, kriiti thun ka ranaiq rawa chamchao wamong niili she mikhiim wan.”