ISAIA 1:6 - ASII LAKDAP Bible (BSI)

⁶ Ümkhum ka ümkhupo maq riitea ümhokphi wiinai na saüli ka ami atsi ahü ahea ka bashi min tammak she. Ümkhum tlotli ka sintsang maq atsatrat mopung phongli she, kiimaq ami atsi atsam phongli she, kiimaq ümkhum na ami phong kriika anü tiiki raqraq lishe. Ümdü na ami thun kriika kham maq hetse hü. Kiimaq khea maq min jopkehü. Kriithun niika tsiq miimin juthü.

Hawa Naga Bible 2001

⁶ Mkhux maq m-yaz nuex httuiuc laz vmac vguez mshauk pumz nuex gvnhttuingc ngoz tueq vguez. Mnoz kuex wvgvnz pumz vtsuimx vtsawk mac, vphiz vshuz mac vtsac htenc dvyx yaungx vtuiux. Mmac htenc kuex tvsawc hoalc gay rvhumc tuiux rvmuq, vyop rvhumc tuiux rvmuq. Phumz vwaq maq phemc kuy rvhumc tuiux rvmuq.

ISAIA 1:6 Referencias Cruzadas

2 SAMUEL 14:25

Israil mung na Absalom ka pinthum shamhea pinthum. Apaiq shamhea khan maiq ahinti ka jumin ahü. Apaiq khum ka akhupo maq riita ahokphi na tiisaüli nyeajokjok hea. Jamlai ami phan min ahü.

YOBA 5:18

Shiikeawe raq apaiq raq atiimi ka ajop riikuq tlo; ajaq miili ümkhum na tiimi tsi tlo, kiimaq ajaq miili ümmitsi ka mitiihea kuq nong.

Tvtsvmc 77:2

Chamchao akhing na ngi Tatiwe jaq wa achu jaükang; rawa minruru ijaq ra na dolata achu jaükang, shatmaq itsan ka sangmak.

ISAIA 30:26

Jipi kaü ka rashe kaü kiitlaq ikha chaihea mili. Kiimaq rashekaü ka rahinjaq na litlaq kra thaq na jang miishe achan mili. Ranaiq miishi kiitlaq kriika ranaiqshi na rom raüjaq ümtinkhan wa kiijiiq kiitinkhan mikii. Arka Tatiwe raq asenginok dü na apaiq raq ümchuwa tiimitsi wantaq kra, ajop riikuq raüta ami thun ka tiiheakuqtlaq kiitiikaq miku wan.

JEREMIA 17:9

“Maiqse tsantsii ka juro mikhon lot? Atinkhan laopha pinthum ka ahü; Arka ahealot chang riimak tsihea.

JEREMIA 30:12

Tatiwe raq asenginok ma ngutlo, “Namkhum wa ami phong ka ahealot chang riimak, namkhum wa ami atsaüwiq thun ka healot mak.

JEREMIA 30:15

Namkhum na ami phong sitlaq kra miitu, naq tiibot rongkiq she, namshiq mitsi tiihea chang tsiq ka ahü. Ngi raq namshiq ma akha mo tiihokang, jamkhano ngukla namshiq ngarai ka pahea, kiimaq namshiq raq abi klotlan ka jonghea.

JEREMIA 33:6

Shatmaq Ngi raq ara chela tsisitlaq kra nai ara chelati mungmaiqse tsisitlaq thun ka atiihea mirkuqha. Lata tsangshiq ka man na jamkho hansang sitaq kiikha khusang miishe mirüm wanha. Ngi raq tsangshiq ka khusang rakhang maq nai kiimaq kiqkap jaqshap miishe mirüm wanha.

JEREMIA 6:14

Tsangshiq raq isenginok ngarai mitsi ka tsimak, akha ralang atiikhatja ikhli tiimatlo. ‘Ahea raq tarü ahea siisaq’ ngutli shipoq poqli liitlo. Shatmaq, tarü ahea ka riimak.

JEREMIA 6:7

Khappong chum raq akham ka khangriri hea thütlaq ikha, Jerusalem riimin abi kiimung ka anye siisaq thütlo. Ngi raq chela mong na jasam piqsii trang nai athen wan trang taitiikang. Atsi asi kiimaq ami atsi tam tong long kli ngi raq chhi tiikang.

NAHUM 3:19

Ümmi phum chang tsiq ahü she, kiimaq ümmitsi hea lot mak. Ümnaq then wan tsütsa taitibi, chochi raüta jaqphi phoktlo. Jamkhano ngu raüla, ümniiraq abi kiimung wan kra, riihum wan makti maiq asi shea?

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Matthew 9:12

Jesuq raq tsangshiq bom ka tai raüta akha treto, “Phintsaqtsaq maq siti miika taktot ka ra mak; atsiti miili ra tlo.

Luke 10:34

Apaiq raq ashowe dü na, jaq maq phiim shiimshiim raüta, tel nai che maq ami atsi thun kra jut jü phum kuqto. Raüta, ajop riikuqto. Raütiishe, ashowe ka apaiq ngaho chang nyamse kaü thaq na tiingahoto. Raüta, wanjap chang jam na sheahoto. Kiijaq ashowe ka shiililiito.