ISAIA 5:17 - ASII LAKDAP Bible (BSI)

¹⁷ Chela thun hiqmiq changkhü ikha riimtlaq kiijaq skusekong aransetiim ka sangphii phaq mihaisiq. Kiimaq chhechhi aresekong raq sangphii nümrü kra miphaq.

Hawa Naga Bible 2001

¹⁷ Vbac vruex wvnc ghaqyungx htenc nuex khelbuenx sahez rueq namx htenc phauk ruiux, khelkhix sahez rueq vguilc juing humc tueq.

ISAIA 5:17 Referencias Cruzadas

NEHEMIA 9:37

Naishiq minshiiq hunnii wankai, hokhambi ma tijong hihi kuq wan kai. Arka naishiq ngarai tang wan kha na, ümniiraq naishiq ma, dise kharü li she tiiho kuq laü. Tsangshiq raq naishiq khuthaq na, naishiq nyamse khuthaq na, ji maq nishishi lishe, tiichamchao wanto. Naishiq ka pinthum pitlang pitthea, chamchao kharü mong na, sitiikai!”

Tvtsvmc 119:70

Ara maiqkong arka hon atsii ahükong, shatmaq ngi kla ümtri wokhong na siwankli lungwiisiq tiikang.

Tvtsvmc 17:10

Tsangshiq ka maiq ma mangchan ahü kiimaq jaqrap jirap bomtlo.

Tvtsvmc 17:14

Ngi ka mangjong rilung na jamlai wa lungwiitlaq kra laptibi jaq wa tiichhiilaq. Tsangshiq ma chamchao mo tiiho chang ümniiraq tiihong laü kriimaq tsangshiq mo ka tiiholaq; kra mo homa ka tsangsetiim miitu min honglu mirlaq kiimaq mo wiijam ka tsangsaütiim miitu mitiichonglaq!

Tvtsvmc 73:7

tsang tsan tsii ka shotsan waitsan, tsang khutsai ka abi kiimung süriili sitlo.

ISAIA 1:7

Ümmung ka miqchup tiithenbaiqto she. Kiimaq ümmung wa chela thun ka wiita wa maq chaqbaiqto. Raüta botkhulai rai she shotbaiqto. Ümniiraq liishat ümmakki na, pongmungti raq ümmung ka khatto. Raüta wiita jiiwanto. Raüta hiq maq hutse she shiithen baiqto.

ISAIA 10:16

Ajong Pinthum Tatiwe raq tha tiidong raüta ümchaü wok phetaktak siti kiima mo mitiiho. Tsangshiq khum na wa raq khiim wan tlaq ikha khiim wan ruq mikhiim.

ISAIA 17:2

Siria mung wa chela thun ka pattup miitu maiq raq amiim she mirbaiqthü. Kra jamkhü thun ka skukong nai jam nyamsekong haisea chang nyiimlung rü miishe mijaki. Kra nyamsekong ka jobaiqti ka jumin ahüshe miraq.

ISAIA 32:14

Hokham jam thun kiimin jammiishe miraq. Mungnyung chong chela ka hiqmiq changkhü miishe mijaki. Maiqjam thun kiimaq kriithun tiiwong chang chela tro na kiitelong peruk weshaü thun kriimin pattup pat-sa miitu botkhulai rai she mishot baiq. Kiijaq rum na siti kumtoq kong mihaisiq. Kiimaq skukong ka kiijaq nyiimphaq mihaisiq.

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

ISAIA 65:10

Tsangshiq raq Ngi mishomnoq wan. Raüta tsangshiq skukong nai minsaü kong thun kra shenyap nü na Sharon Tan na nyiim lung tan na midung wan. Kiimaq Shedong nü na Chamchao Tan kiijaq midung wan.

ISAIA 7:25

Kin thun tlotli man na wak shamsea chang wakram thun kriika, kiida shukrü tonglongli she mitang wan. Kra ningkhan kiina maiq ka jumin wamak she miraq. Kra binjü thun ka nyamsekong nai skusekong tiihai sea changli she miraq.”

JEREMIA 5:28

Tsangshiq ka jaro apütamli kiimaq wok phetaktak. Tsangshiq raq abi kiimungtlaq thun awealot chang riimak. Tsangshiq raq manti sekong ma tsangshiq raq lapphaq sea chang ka kuqmak riimakla ji maq nishishi haithütlaq kriiti ka kha ka riikhaqli phokuq mak.

AJONJÜ 5:2

Naishiq tachong hupsam ka, wanwe jaqkhon mong niishe; pongmungti raq naihiqshong jiiwanto, raüta naishiq jam na tsangshiq sitlo.

Hosea 4:16

Kumtoq kaü ashpuq ma hahea, Israilnok kiimin kiikha, riita Tatiwe raq tsangshiq skusekong ikha, nyiimlung rü na mirüm wan sha?

Hosea 8:7

Tsangshiq raq alai ka rahai na wan wanto. Krai mren, rathaiq rahai tsi she mijut wan! Piiwong rü ka atsi ango ahü, ajaq lamlam li chaptlo. Tsingo wan raüli jiimin, Pongmungti riili michiiq phaq wan.

Mikha 2:12

Shatmaq Tatiwe raq ngutlo, “O Israilnok lei, Rejaq song ka ngi raq mirchomha. Namshiq wiita rü adam na mitriitamha. Skusekong akheti raq shea wantlaq ikha, Sku rümchang nyiimlung rüram na; Skukong atsamphaq haisiq tlaq ikha, Israil mung ka pahea ra ma hiq ma hali, mitiipu wan nong ha,” nguta Tatiwe raq ngutlo.

JEPHANIA 2:14

Kriiba na phanrap phanrii, ngamsaü ngiqseli she mitiibo wan; wukhuk kong ka jamriim na mida wan. Kitanpu thun kiimaq atsü angii mirwan. Khalakong ka kilam da na ngaraq raq, mitsüngii wan. Maisak pepen maq ahai thun min, wiitashe ümtiingoq wan.

JEPHANIA 2:6

Namshiq hiqshong sammoktra chumkii wang ka, nyiim lung rü tan miishe mija wan; sku rümchang tiip phongli nai, sku shaqchang rukphongli she miraq.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

TRI CHONGKE 28:33

Maiq pong mungti raq ümniiraq riingoq ra ra minshiiq anü haü kriiwa tü atsam thun kra mijut siq. Shatmaq ümniiraq lap chang ka jammin ahü miraq. Shatmaq wranaiqshe ümniika maiq jaq khon mong na ji maq nishishi raütli mihaihii.

TRI CHONGKE 32:15

“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.