ISAIA 5:17 - Hawa Naga Bible 2001

¹⁷ Vbac vruex wvnc ghaqyungx htenc nuex khelbuenx sahez rueq namx htenc phauk ruiux, khelkhix sahez rueq vguilc juing humc tueq.

ASII LAKDAP Bible (BSI)

¹⁷ Chela thun hiqmiq changkhü ikha riimtlaq kiijaq skusekong aransetiim ka sangphii phaq mihaisiq. Kiimaq chhechhi aresekong raq sangphii nümrü kra miphaq.

ISAIA 5:17 Referencias Cruzadas

NEHEMIA 9:37

Nuiyshiq kuex mvrax yaq wuez tiq ningkhvnc nuex nuiyshiq muex mnoz rueq tvguimz tvlawc phux hokhvmx bix kvraq dvyx shex lvp luz wuez yaq. Kvruex hez rueq nuiyshiq nuiyc nuiyshiq suiux vmanx htenc kuex tsuingshiq rueq tvmaung shuex kvkhoc nvr wuez yaq, kvkhoc rvtueq nuiyshiq kuex pinhtumc htemrvmz wvnc vtix!”

Tvtsvmc 119:70

Tsuingshiq kuex vtuiuz vtay httax wuez muq, yuq muinz ngaz rueq mtvrac kuex raungc raq vshaungx.

Tvtsvmc 17:10

Tsuingshiq kuex menjenc thuinz vguez ngamc vngax thuinz maq kvjak wuez yaq.

Tvtsvmc 17:14

vruex rullungx vyuq tsuingshiq rueq vroc lotlaz lvp wvnc jix hez yauk wawc ngaz kuex palc wvnc koq; tsuingshiq tvkoc mnoz rueq tvyoalc taq shec toq kuilc daz htenc kvmaq tsuingshiq muex murx tvgurc shuiuz; kvruex tsuingshiq suiuz vsaz nuiyc suiuzpiz sapiz nuex httuiuc laz mrvhumc kueq!

Tvtsvmc 73:7

tsuingshiq thuinz vmungx maq honc bac phvnx htenc kuex ruiuc kuq vtueq, tsuingshiq thuinz vmungx nuex layx bac lvmx kvmungx htenc kuex moay tsaungx yaq.

ISAIA 1:7

Mmungtan kuex kuiyqshuik kuiyq khvmx baung yaungx kaz, m-ghaqyungx htenc kuex ghaq maq kawk huk khamc gay tueq. Mnoz rueq lawc yaq nuex dvyx pungmungx miq rueq m-ghaq vraungx kuex lvp wvnc vtueq phvnx ruip saz kuex tvbac gay tueq.

ISAIA 10:16

Tvphaungc Tvsuip Yehowa rueq majuiuc phoay tuik phauk saq yaq jix muex murx tvgurc tvkoc vmac vtsac thuimkux kuex tvkaz shuex. Tsuingshiq shauk pumz nuex wvr httax vtueq kvraq khamc ruq khamc wvnc shuex.

ISAIA 17:2

Siria mungx wawc ghaqyungx htenc kuex pattup kuiyqshuik kuiyq khvmx yaungx wvnc tuex. Kvruex yuq khelbuenx nuiyc suiux vngac guilc juing yaungx vtueq, uraq muinz tsuingshiq kuex yurc gay shuex rvmuq.

ISAIA 32:14

Hokhvmx hoc kuex gay shec rvhumc tuex, ghaqnyuiuz jungx kuex kuiyqshuik kuiyq khvmx yaungx wvnc tuex. Yuimx htenc nuiyc tsuingshiq muex tvkhup wungx kuq yaq nolaungx ghaqshungc htenc pattup bac wvnc tuex. Kvyuq loze vtsvy htenc guilc vtueq, khelbuenx htenc rueq wvsvy juing baung humc shuex.

ISAIA 40:11

Piq kuex khelbuenx remc jix waz ikhoc vpiq khelbuenx kung kuex tvkhup wungx shuex; vpiq rueq khelbuenx sahez htenc kuex tvjomx vtueq kvruex htenc kuex vpiq yauk phumz nuex pvmx shuex; vpiq rueq kvruex hez mac vnyuiuz htenc kuex vyemz maq shvlx shuex.

ISAIA 65:10

Tsuingshiq rueq ngaz muex nawk palx ruiux tsuingshiq khelbuenx nuiyc suiux vngac htenc kuex shalx nyuip kox Sharon tvnx nuex nuiyc shaldungc kox nuex httax yaq Kuilc Daz Warc tvnx nuex tvguilc remx yaq.

ISAIA 7:25

Kungkhux nuex pulx thuey htenc khic yuingc tueq kanx htenc kuex, shuiuq rumz sawc sauk dvyx shex yaungx wvnc tueq ningkhvnc nuex ukhaq muinz kaz khvmc muq. Kvruex yuq manx nuiyc khelbuenx remc juing muex dvyx shex yaungx wvnc tuex,” ngoz tueq.

JEREMIA 5:28

phoay laz phauk saq vtueq yungx luz wuez yaq. Tsuingshiq rueq vbac lvmx nuex vjvnc shuimx lvmz yaq. Tsuingshiq kuex nojix saz tamx rueq lvp juing kuex tvlvp muq, vtuing vhtuing rvhumc jix muex muinz tvrac vlvmz maq shuimx muq.

AJONJÜ 5:2

Nuiyshiq tsak vnyvmx kuex juiuc httuingx wuinz waz yauk nuex nyuip woz vtueq; pungnuk miqsaz muinz nuiyshiq yuimx htenc nuex httax yaq.

Hosea 4:16

Israel miqsaz htenc kuex kumrawx htenc ikhoc duingx tsanz wuez yaq. Ngaz rueq tsuingshiq kuex khelbuenx sahez ikhoc ghaq htungx httuingx ruix tvnx nuex yvmx khoc lac remx lot shaungx?

Hosea 8:7

Tsuingshiq rueq raungguil khic yuingc ruiux yuq, raunghtiq raungguil kuex tvjomx yut wvnc shuex! Wuik vnax wawc muinx muq tuiz vtsvmz kuex mkaq muinz wanx muex yaungx lot muq. Kvwawc httax ruiux doc muinz pungnuk miqsaz rueq dvyx saq gay shuex.

Mikha 2:12

“Yuq muinz nuimshiq Israel miqsaz wawc kvjungx yaq lotlaz kuex ngaz rueq tvjomx vtueq tvtuimx shaungx. Khelbuenx htenc kuex tsuingshiq ruk mungx nuex yek waung tueq ikhoc, ngaz rueq nuimshiq kuex tvtuimx yek phaungx. Khelbuenx htenc mvrc yaq ngac remc juing baung ikhoc nuimshiq ghaq vraungx nuex miq paunghvlc laukshiz hulawx mvrc wvnc yek tuex.”

JEPHANIA 2:14

Kvruex baung kuex khelbuenx kung htenc nuiyc phvnx ruip nyvmx saz httaz juing muex yaungx tuex. Wukhuiuq htenc kuex yuimx ramc htenc kvyuq httax vtueq, katvnc puc htenc maq thuiz wuez tuex. Wuzkhax htenc muinz hikhux phac htenc kvyuq ngaungc vtueq gak tuex. Kvruex ghaq wawc yuimx vguirx ruenx pulx penc htenc kuex httak vtueq lvmz wvnc wuez shuex.

JEPHANIA 2:6

Svmuktvrax kawx wawc nuimshiq ghaq vraungx tvnx htenc kuex khelbuenx remc jix tap muex nuiyc khelbuenx remc juing muex yaungx wvnc tuex.

Luke 21:24

Wvyvmc kuex yaung maq thvy gay rvhumc tuex, vganc miq htenc kuex khoktep miqsaz muex mungtan ruip rawx nuex lvp shvlc wvnc rvhumc tuex; mungganc phvnx tsuingshiq rueq guimz lawc pat max hungx wvnc wawwawx Yerusalem ghaq kuex yaz maq nuiuz gay wuez shuex.

TRI CHONGKE 28:33

Nuimshiq hunnyec hvlc maq vkhic yuingc pulx thuey waq thuimx htenc kuex mungganc phvnx htenc rueq lvp wvnc shuex. Nuimshiq kuex tuinghtuing gay rvhumc vtueq vguirc vguenc rvhumc tuinx.

TRI CHONGKE 32:15

“Yehowa miqsaz kuex rungwanx wuez tueq, yuq muinz ralx muex yaungx kaz; vsumc vkvmc phuiuz svy maq tsuingshiq phoay rungx yaq. Tsuingshiq tvdungc sungc jix Tishox kuex tuip gay ruiux, Hungc vlaungc vhttax maq palc wvnc jix waz kuex tvdux wuez yaq.