ISAIA 1:7 - Hawa Naga Bible 2001

⁷ Mmungtan kuex kuiyqshuik kuiyq khvmx baung yaungx kaz, m-ghaqyungx htenc kuex ghaq maq kawk huk khamc gay tueq. Mnoz rueq lawc yaq nuex dvyx pungmungx miq rueq m-ghaq vraungx kuex lvp wvnc vtueq phvnx ruip saz kuex tvbac gay tueq.

ASII LAKDAP Bible (BSI)

⁷ Ümmung ka miqchup tiithenbaiqto she. Kiimaq ümmung wa chela thun ka wiita wa maq chaqbaiqto. Raüta botkhulai rai she shotbaiqto. Ümniiraq liishat ümmakki na, pongmungti raq ümmung ka khatto. Raüta wiita jiiwanto. Raüta hiq maq hutse she shiithen baiqto.

ISAIA 1:7 Referencias Cruzadas

2 KAÜWA WERAÜ 28:5

Hokhvmx Ahaza rueq mvrax yaq ningkhvnc nuex Yehowa piq Tishox rueq Siria hokhvmx waz muex tvkhvt tvtaungx gay ruiux Yuda miqsaz paunghvlc kuex lvp vtueq Damasku nuex thuq wvnc tueq. Yehowa rueq Remalia saz Israel hokhvmx Peka muex Ahaza kuex tvtaungx gay vtueq raungnuiyq shiz nuex dvyx Yuda nolaungx bix khvmc hvlc jix 120,000 kuex thvt gay tueq. Yehowa tsuingshiq jix vwaz tamx Tishox rueq kvkhoc tvyaungc kuq tueq, yvmx khoc lac ngoz ruiux lec Yuda miqsaz rueq vpiq kuex tuip gay ningkhvnc nuex rvtueq.

Tvtsvmc 107:34

Kvruex mungtan nuex httax yaq layx bac ningkhvnc nuex vpiq rueq ghaq vbur htenc kuex shumz ghaq muex tvyaungc gay tueq.

Tvtsvmc 107:39

Tishox miqsaz htenc kuex tuing- htuing guirguenc rvhumc vtueq nuiyc vkuilc vdaz rvhumc wuez yaq sumrumx wvnc vtueq yvlc svy rvhumc tueq nuex,

Tvtsvmc 109:11

Htawhtuimc jungx jix rueq piq hup svmx httax yaq lotlaz mlvmz wvnc shueq, wuinz waz htenc rueq muinz piq rueq shuimx wvnc tueq phvnx ruip saz wawc vjux kuex mlvp wvnc shueq.

ISAIA 1:8

Yerusalem dvyx shex kvjungx yaq, kvruex ghaqyungx muinz vruk vguez svpiq sunc mungx wawc sunc bvmc jix waz tap, rvmuq ngoz ruiux kumjul wuik wawc tap ikhoc komc wvnc rvhumc yaq.

ISAIA 3:8

Rvtueq, Yerusalem kuex vphoc rvhumc yaq! Yuda kuex rul wvnc vtuex! Tsuingshiq rueq jungx yaq nuiyc shuimx yaq phvnx ruip saz kuex Yehowa rulc raz muq phvnx jvnc rvtueq; tsuingshiq rueq Tishox kuex raungx nuex dauz laz shummarc tueq.

ISAIA 34:9

Edom mungx wawc yuix ruilx htenc kuex shuirx muex yaungx wvnc vtueq, ghaq puiz kuex kanz muex yaungx wvnc tuex. Wvmungx tuimx shuirx ikhoc khamc gay shuex.

ISAIA 49:19

“Mmungtan kuex tvsawc ric bac kaz tueq, yuq muinz majuiuc httaz waungc jix hez tvkoc kvruex mungx kuex vtsaungx saz muex yaungx tuex. Mnoz tvbac tvmvy jix hez kuex vluz nuex kvhttot wvnc wuez tuex.

ISAIA 5:17

Vbac vruex wvnc ghaqyungx htenc nuex khelbuenx sahez rueq namx htenc phauk ruiux, khelkhix sahez rueq vguilc juing humc tueq.

ISAIA 5:9

Tvphaungc Tvsuip Yehowa rueq jungx yaq kuex ngaz rueq vkhoc tay tauk, “Vruex yunghvlc svp hvlc yuimx htenc lotlaz kuex sawc ric bac wvnc tuex.

ISAIA 6:11

Ngaz rueq, “Taungjix lex, mtanc nuex httuiuc laz vkhoc yaungx wvnc tvnx?” ngoz tueq wiz tauk. Vpiq rueq, “Ghaqyungx htenc bac wvnc vtueq sawc ric yaungx wvnc tuex nuex httuiuc laz, yuimx htenc kuex kuiyqshuik kuiyq shix yaungx wvnc vtueq, ghaq kuex sawc riric phaq tvwawc gay shec shuex vkhing nuex httuiuc laz rvtuex, ngoz tueq tvralc phuex.

ISAIA 60:15

“Mnoz kuex mkaq muinz tuip gay vtueq shuiuc pac rvhumc tuiux rvmuq, Vgay vruex shec ghaqyungx nuiyc kuiyqshuik kuiyq shix ghaqyungx muex yaungx tuiux rvmuq shex. Ngaz rueq mnoz kuex tvyungx luz vtueq tvsvp rvp phaungx, Pattup vkoz kez svy juing baung muex yaungx tuiux.

ISAIA 62:8

Yehowa rueq vtuemc bomkhvmc taq tueq, Vpiq luimc vkawc maq vpiq rueq kvruex tvkhic tvdung shuex: “Mtuiz mtsvmz kuex mralx hez tvkoc lvmx svy muex mkaq muinz yaungx muq shex, Pungnuk miqsaz htenc rueq msvpiq tix kuex mkaq muinz nuingx wuez shuex rvmuq shex.

ISAIA 64:10

Mnoz muex vsawc ghaqyungx htenc kuex kumtsvy tvnx ikhoc dvyx shex; Yerusalem kuex kuiyqshuik kuiyq shix bac wvnc tueq,

ISAIA 9:18

Miqsaz layx vbac yauk shuimc kuex shuiuq jungx htenc nuiyc shuiuq rumz htenc khamc gay yaq wvr rulc rv-ngvlc yaq. Kvruex kuex wvr khuiuq tul tvduiz yaq rumz wvr ikhoc khamc gay yaq.

ISAIA 9:5

Vkhvt rvyaq ralx nolaungx bix jotac htenc nuiyc tvguiy kop yaq khvy htenc kuex wvr maq juiuz tvbac gay rvhumc tuex.

JEREMIA 2:15

Tsuingshiq rueq piq kuex hangsic rueq ikhoc huk yaq; tsuingshiq rueq piq mungtan kuex kumtsvy tvnx muex tvyaungc vtueq, piq ghaq htenc kuex tvbac gay ruiux, miq httax muq laz juing tuip gay shec tueq.

JEREMIA 4:7

Piq kvhttuiyq juing baung wawc dung kaz yaq hangsic ikhoc, miqphvnx ruip rawx tvbac gay jix waz kuex dung kaz yaq. Piq kuex Yuda mungx tvbac gay muex kaz yaq. Yuda ghaqyungx htenc kuex bac wvnc vtueq, miq vshiz muinz httax tuex rvmuq shex.

JEREMIA 44:6

Kvkhoc rvtueq ngaz rueq Yuda ghaq htenc nuex nuiyc Yerusalem ghaq lvmx htenc htauk nuex ngvy thuinkhvy kuex ruiuc gay vtueq, kvruex htenc kuex wvr maq jauk gay tauk. Kvruex baung htenc kuex kvhttak bac wvnc vtueq majuiuc raungnuiyq khiz vshuinx rulc rv-ngvlc ghaqkuiyq ghaqkhvmx miqhiz vsac baung yaungx yaq.

JEREMIA 6:8

Yerusalem ghaq jix lex, nuimshiq rueq kvruex kuilc daz htenc kvmac tharc humc wuez shuinz, rvmuq ngoz ruiux ngaz rueq nuimshiq kuex tuip gay phaungx; nuimshiq ghaqyungx kuex miq vshiz muinz httax muq juing kumtsvy tvnx muex tvyaungc gay shaungx,” ngoz tueq jungx tueq.

JEREMIA 7:34

Wvmungx tuimx kumtsvy tvnx muex yaungx wvnc tuex. Yuda ghaqyungx htenc nuiyc Yerusalem ghaq lvmx htenc wawc kokez tvruingc htenc nuiyc vshuenc vruenc htenc miqlvmc moalx nuex kokez tvruingc htenc kuex tvsuingx gay shaungx.

AJONJÜ 5:2

Nuiyshiq tsak vnyvmx kuex juiuc httuingx wuinz waz yauk nuex nyuip woz vtueq; pungnuk miqsaz muinz nuiyshiq yuimx htenc nuex httax yaq.

EJEKIEL 25:4

Kvkhoc nuimshiq shuenruenz vtuinx ningkhvnc nuex, ngaz rueq shaldungc kox kumtsvy tvnx nuex httax yaq miqphvnx htenc yauk kvyuq lekuq gay phaungx. Tsuingshiq kuex mmungtan kvyuq jerak tec vtueq httax wuez tuex. Tsuingshiq rueq phuiuz svy juing pulx thuey waqthuimx kuex saq ruiux nuimshiq rueq nuingc juing puiz kuex nuingx wuez shuex.

EJEKIEL 30:12

Ngaz rueq Nile ruilx kuex tvruic gay ruiux Ejip mungx kuex layx bac miqsaz luimc vkawc khung nuex taq gay shaungx. Pungnuk miqsaz rueq wvmungx tuimx tvsuimz gay shuex. Ngaz, Yehowa rueq jungx vshaungx,” ngoz tueq jungx tueq.

Hosea 7:9

kvkhoc pungnuk miqsaz nuex kvwungx kvguing yaq kuex tsuingshiq hungc vlaungc nyvlc wvnc rvtueq kuex helc tuiuz wuez muq. Tsuingshiq raungnuiyq htenc htumx wvnc tueq, yuq muinz kvruex lvmz tsuingshiq rueq tuiuz wuez muq.

Hosea 8:7

Tsuingshiq rueq raungguil khic yuingc ruiux yuq, raunghtiq raungguil kuex tvjomx yut wvnc shuex! Wuik vnax wawc muinx muq tuiz vtsvmz kuex mkaq muinz wanx muex yaungx lot muq. Kvwawc httax ruiux doc muinz pungnuk miqsaz rueq dvyx saq gay shuex.

LEWI 26:33

Ngaz rueq nuimshiq kuex thuimkux ralx murx tvgurc ruiux, mungx ganc nuex tv-phvlc nyanc tvhttax gay phaungx, nuimshiq mungtan kuex miq yomx wvnc vtueq nuimshiq ghaqyungx htenc kvmuinz batac wvnc tuex.

LEWI 26:34

Kvruex yimaq jix nuimshiq rueq kungkhux nuex tvguilc muit maq shuimx wvnc tuit ghaq kuex, moayguez manx guez ghaq muex yaungx wvnc tuex; nuimshiq kuex ralx waz mungtan nuex httax tuinx baunglaung nuimshiq ghaq vraungx nuex miq vguez kuiyqshuik kuiyqkhvmx yaungx wvnc tuex.

Mikha 5:11

Ngaz rueq m-ghaq mraungwawc ghaqyungx htenc kuex tvbac gay ruiux mnoz nolaungx ghaqshungc htenc lotlaz runx gay shaungx.

Mikha 6:13

Kvkhoc rvtueq nuimshiq mvrax htenc ningkhvnc nuex nuimshiq kuex tvbac phaungc wvnc muex ngaz rueq tvyoalc lot tauk shex.

TRI CHONGKE 28:33

Nuimshiq hunnyec hvlc maq vkhic yuingc pulx thuey waq thuimx htenc kuex mungganc phvnx htenc rueq lvp wvnc shuex. Nuimshiq kuex tuinghtuing gay rvhumc vtueq vguirc vguenc rvhumc tuinx.

TRI CHONGKE 28:43

“Nuimshiq mungtan nuex httax yaq pungnuk miqsaz htenc kuex luimc vkawc httax yaq htauk nuex httax wvnc ruq httax ruiux, nuimshiq kuex nulx wvnc tuinx.

TRI CHONGKE 29:23

Wuik vnax htenc nuex kanz nuiyc shumz tvdungc ningkhvnc nuex ghaq sawc htungx muex yaungx wvnc tuex; yvmx muinz khic yuingc mvy muq, httuingx doc muinz kemz lot muq. Kvkaq nuimshiq mungx kuex Yehowa thuinkhvy phuk vtueq tvbac gay tueq Sodom nuiyc Gomorra ghaqyungx, Adma nuiyc Zeboim ghaqyungx htenc ikhoc yaungx wvnc tuex.