JEREMIA 44:6 - ASII LAKDAP Bible (BSI)

⁶ Kra ningkhan she, Ngi raq itsankhiq walü tu maq Juda mung na chela thun kra kiimaq Jerusalem chela mong na chiiheawea lam thun kra wiita wa maq chaqbaiq kang. Krai mren, kra chela thun ka wakhiim wabun phongli she sitlo. Ümchaü niitaq saüli kriithun ka hiqmiq changkhü miishe jakito. Maiq maklii na phiiptsi jiiptsili she sitlo.

Hawa Naga Bible 2001

⁶ Kvkhoc rvtueq ngaz rueq Yuda ghaq htenc nuex nuiyc Yerusalem ghaq lvmx htenc htauk nuex ngvy thuinkhvy kuex ruiuc gay vtueq, kvruex htenc kuex wvr maq jauk gay tauk. Kvruex baung htenc kuex kvhttak bac wvnc vtueq majuiuc raungnuiyq khiz vshuinx rulc rv-ngvlc ghaqkuiyq ghaqkhvmx miqhiz vsac baung yaungx yaq.

JEREMIA 44:6 Referencias Cruzadas

ISAIA 1:7

Ümmung ka miqchup tiithenbaiqto she. Kiimaq ümmung wa chela thun ka wiita wa maq chaqbaiqto. Raüta botkhulai rai she shotbaiqto. Ümniiraq liishat ümmakki na, pongmungti raq ümmung ka khatto. Raüta wiita jiiwanto. Raüta hiq maq hutse she shiithen baiqto.

ISAIA 51:17

Jerusalem lei, samtlo laq! Maiqmii tiidolaq laüta chaplaq! Ümniiraq moho chekhap ka baknyang laüshe kata! kriika Tatiwe raq atsankhiqtsi ma nyanglaq nguta akuq kata; ümniiraq baknyang laü, kriiraq tropkhop tlaü.

ISAIA 51:20

Lam awea lamshok tek na, ümsenginok ka alangpit tsi raq küram liiraq bumkito; tsangshiq ka chhingise maiqchiiq na aminrai ikha. Tsangshiq raq Shiikeawe tsankhiq sintsang heng ka saptoshe.

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

JEREMIA 21:5

Ngi raq iningkun wiita shoq lata, itsankhiq kriimaq, kiimaq itsankhiq moktlaq kriimaq, kiimaq itsankhiq sru waniitu nyaitlaq kriimaq ümniika mikhat-ha.

JEREMIA 34:22

Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”

JEREMIA 36:7

Jursap tsangshiq raq Tatiwe jaq wa achulo jaü jiiq riila. Raüta tsangshiq ka abi kiimung lam phantlaq kriiwa aklai lo riiwan jiiq riila. Jamkhano ngukla Tatiwe raq arnok ka mishthenbaiqha she nguta atsankhiq henghea amok dungdung miishe tiiphiiptlo.”

JEREMIA 4:27

(Tatiwe raq nguto, mangjong hiq tlotli ka, rumnyangkhi kumtsaiphii ma mijaki. Shatmaq apaiq raq klang maq tiimiqchup langlang kla tiithenbaiq mak miraq.)

JEREMIA 4:4

Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

JEREMIA 42:18

“Tati, Israilnok Shiikeawe raq ngutlo, ‘Ngi raq itsankhiq walüwa ikha hengtlaq kra Jerusalem na siti khuthaq na jamkho tlü chaq kang, namshiq ka Ejip mung na laüho han jiila, ngi raq namshiq khuthaq niimin kra mitlü chaqha. Namshiq ka maklii jai na tiijang phat phiiptsi jiiptsi mithen wan han. Maiqse raq namshiq thenjen wan kra chhi raüta slaislii thophi riiqphi mishummii wan. Kiimaq namshiq mang ka chong raüta maiqse raq manson shiiton ma mitiija wan. Namshiq ara hiqshong arka thongshi chhinong man she mirhan.’”

JEREMIA 44:22

Ümchaü ranaiq na saüli, nam mung ka hiqmiq changkhü miishe jakito. Maiq ka kiijaq jumin simak she. Nammung ka maiqphiip maiqjiip changli she sitlo. Nam hiqshong namrahai mang kra chong raüta maiqse raq manson shiiton ke bomtsi miili she tiijatlo. Jamkhano ngukla Tatiwe raq namshiq raq abi kiimung tlan homa thun ka ninlot mak she riito.

JEREMIA 7:17

Tsangshiq raq Juda mung na chela thun na nai Jerusalem na chiihea lam thun kiijaq jamlai wa klotlaq kra chhimaü shea?

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

JEREMIA 7:34

Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.

JEREMIA 8:3

Kiimaq ara abi mungti phongwa, juwa luntaqti thun ka, Ngi raq pongmung na shumwikong ma nyinbaiqkang hiq thun na siti raq ka, atra si nam ma atsai riiki haijaq ahea riichang nguta mitiima. Arka Ngi, Ajong Pinthum Tatiwe raq ngutiikang.”

AJONJÜ 1:1

Jerusalem chela ka man na asengi raq ama riito! Mangjong maiqse wiita raq kai ra tsa ikha tsa wanto. Shatmaq ümchaü san mantinyung ikhiishe; Chela rümti aki miikiimbi thun re raq jiip baiqto. Rewe jaqkhon mong na shumwi kong miishe tiija wanto.

AJONJÜ 1:13

“Apaiq raq ra wa watu tiikito, kra ikhum na nyaitlo, Apaiq raq ngi tiimin chang chhü tsanto, Ngi ka apaiq chhü na tiipatto, Raüta apaiq raq ngi ka, atsi agi asii tiishaü baiqto.

AJONJÜ 5:18

Jamkhano ngukla Jajon chela ka apaiq laqlaq li she, maiq min ahü she. Kiimaq chela rüm mong maq, miikakoi kong li she ngam rit phaq khumtlo.

EJEKIEL 20:33

“Tengteng. Ngi, Tati Rakaü Hiqwe atra Shiikeawe raq, namshiq ma honlam bom chongtiikang, Ngi raq itsankhiq walü nyai hengtlaq kriimaq namshiq ka ijaq khon mong na iningkun wiita maq mipeng wanha.

EJEKIEL 20:34

Ngi raq namshiq ka pongmung thun na wiita tiipin baiq kang kriiwa, ümtiikiiwa Israil mung niishe adam na triitam lata shea wan tiikang, kra akhing na, Ngi raq iningkun jonglu nai itsankhiq heng walü wa kra mitiichhi kuqha.

EJEKIEL 24:13

Jerusalem lei, ümsethoq jasha raq ümkhum ka tiishe shibaiqto. Ngi raq ümkhum ka tiisii hetseke shiikut kang. Li jiimin ümniika asheli riishat shat. Ümkhum na itsankhiq walü nyai heng kra ümniiraq kunli misap haü shaq wiiwii, ümniika ashe li she misihaü.

EJEKIEL 24:8

Ngi raq maiq tiijai ka kiijiili thübaiq kang. Kriika apaü ashan chang min ahü. Kra tiijai raüta kriika tsan akhiq maq phuklam chang she.”

EJEKIEL 5:13

“Ümniiraq itsankhiq walü nyai heng wa ka, Itsan ka misang shaq wiiwii misap haü. Ümtiikiiwa arthun ara hongtha wan jiiq, raütiq kiitiikiitiq ümniiraq arthun arka, Ngi, Tatiwe raq ümniima chongkang kriidea kupi wanto nguta misap haü. Jamkhano ngukla Ngi ka ümniiraq tsapkap maü shishetlaü kha na pinthum walüwa ikha khiqtiikang.

EJEKIEL 6:12

Luhea na sitibi ka atsi raüta mijiim wan. Kiimaq ajeje na sitibi ka re raq mijiipbaiq wan. Juwa re jaq song tiichongtlaq kriiti ka ram raq mijiim wan. Tsangshiq raq itsankhiq walü heng tlaq kra misap.

EJEKIEL 8:18

Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”

DANIEL 9:12

Ümniiraq naishiq ma nai naimung pengti ma mo mitiihoha ngulaü kra tiiho wan laü dea. Ümniiraq Jerusalem ka mangjong tlotli na siti chela ahinti thaq na, pinthum heanghea tiichamchao wan laü.

LEWI 26:28

kiijiishe kla itsankhiq ka henghea she miraq. Kra ningkhan Ngi raq namshiq mo ka kongkhu lak na kra nam ma jang miishi achan henghea she mitiiho nongha.

LEWI 26:31

Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.

NAHUM 1:2

Tati Shiikeawe raq apaiq rai riilong liiqti ka, akhiismin nin lot mak jaq mitiijang, tsangshiq ma atsankhiq tsi ma, tsangshiq mitsa.

JEKERIA 1:2

Tati Ningkun Ajong Pinthumwe raq Israilnok ma akha chonglaq nguta Jekeria thaüto, “Ngi ka Tatiwe. Ngi ka namtitiim ma itsan khiqhea siwan kang.

JEKERIA 1:6

Ngi raq namtitiim ma, i jaqshisetiim shammibi lümaq aming kuq kang. Kiimaq tiihaichhai lata hon atsii chongkuq wan kang. Shatmaq tsangshiq raq shipot baiqto. Kra ningkhan tsangshiq chamchao riihum raüta biiphaqto. Kra riihum raütiishetiq, tsangshiq raq maiqmii shut mra kra tiidii wanto. Raüta tsangshiq raq ngi Tati Ningkun Ajong Pinthumwe riidea, tsangshiq maiqmii ngarai khankhan, tsatson wankang ngutiishe tsangshiq raq tum wanto.”

JEKERIA 7:14

Tsangshiq ka rathaiq thaiqjong tiisaü latiishe, pongmung pong man thun na tiipan baiq wan kang. Krai mren, ara hiqpo hiqwin mung arka, maiq asiti min ahüshe, hiqmiq changkhü ikhiilishe tiijabaiq kang.”