JEREMIA 44:6 - Hawa Naga Bible 2001

⁶ Kvkhoc rvtueq ngaz rueq Yuda ghaq htenc nuex nuiyc Yerusalem ghaq lvmx htenc htauk nuex ngvy thuinkhvy kuex ruiuc gay vtueq, kvruex htenc kuex wvr maq jauk gay tauk. Kvruex baung htenc kuex kvhttak bac wvnc vtueq majuiuc raungnuiyq khiz vshuinx rulc rv-ngvlc ghaqkuiyq ghaqkhvmx miqhiz vsac baung yaungx yaq.

ASII LAKDAP Bible (BSI)

⁶ Kra ningkhan she, Ngi raq itsankhiq walü tu maq Juda mung na chela thun kra kiimaq Jerusalem chela mong na chiiheawea lam thun kra wiita wa maq chaqbaiq kang. Krai mren, kra chela thun ka wakhiim wabun phongli she sitlo. Ümchaü niitaq saüli kriithun ka hiqmiq changkhü miishe jakito. Maiq maklii na phiiptsi jiiptsili she sitlo.

JEREMIA 44:6 Referencias Cruzadas

ISAIA 1:7

Mmungtan kuex kuiyqshuik kuiyq khvmx baung yaungx kaz, m-ghaqyungx htenc kuex ghaq maq kawk huk khamc gay tueq. Mnoz rueq lawc yaq nuex dvyx pungmungx miq rueq m-ghaq vraungx kuex lvp wvnc vtueq phvnx ruip saz kuex tvbac gay tueq.

ISAIA 51:17

Yerusalem lex kvsvmc kuiuz! Mshauk pumz kuex tvsvmc vtueq kvtenc kuiuz! Yehowa thuinkhaq vtueq mnoz muex kuq kv-phux kok wawc murx tvgurc juing kok kuex mnoz rueq nuingx gay toq; mnoz rueq kvruex nuingc gay ningkhvnc nuex rul ngak vtuiux.

ISAIA 51:20

Hungc vlaungc nulx wvnc ningkhvnc nuex mmiq htenc kuex lvmx heq tek nuex rul wvnc wuez vtuex; tsuingshiq kuex shvrvyx waz bix nuex vmanz khiyix ikhoc yaungx tuex. Tsuingshiq kuex Tishox thuinkhvy phuk yaq kuex rvhumc vtuex.

ISAIA 6:11

Ngaz rueq, “Taungjix lex, mtanc nuex httuiuc laz vkhoc yaungx wvnc tvnx?” ngoz tueq wiz tauk. Vpiq rueq, “Ghaqyungx htenc bac wvnc vtueq sawc ric yaungx wvnc tuex nuex httuiuc laz, yuimx htenc kuex kuiyqshuik kuiyq shix yaungx wvnc vtueq, ghaq kuex sawc riric phaq tvwawc gay shec shuex vkhing nuex httuiuc laz rvtuex, ngoz tueq tvralc phuex.

JEREMIA 21:5

Ngaz rueq mnoz kuex ngvy hungc lotlaz, ngvy thuinkhvy, ngvy kvbuit nuiyc ngvy thuinz phez vtueq khvt gay shaungx.

JEREMIA 34:22

Ngaz rueq nvr ruiux yuq, tsuingshiq kuex vruex ghaqyungx vyuq yek waung tuex. Tsuingshiq kvruex khvt tueq, lvp tueq, nuiyc wvr maq jauk gay tueq. Ngaz rueq Yuda mungx wawc miqghaq ruinx htenc kuex ukhaq muinz httax muq ghaqkuiyq ghaqkhvmx kumtsvy tvnx ikhoc tvyaungc gay shaungx. Ngaz, Yehowa rueq jungx vshaungx.”

JEREMIA 36:7

Yehowa rueq vruex miq htenc vmac kvhiz juing thuinkhvy nuiyc thuinkhvy phuk vtueq tvhiz sungx ningkhvnc nuex, tsuingshiq kuex layx vbac wawc kvroz wvnc vtueq Yehowa kox wawc vjux wuez thoz wuez shvnx,” ngoz tauk.

JEREMIA 4:27

Ghaq lotlaz kuex yaruix rumz muex yaungx wvnc tuex, yuq muinz dup sauk bac wvnc tuex rvmuq lvmz Yehowa rueq jungx shec tueq.)

JEREMIA 4:4

Nuimshiq Yehowa ngoz vshuinx ngaz rulc nuimshiq rueq vtaq bomkhvrc kuex phvnx shuinz, Yuda miqsaz nuiyc Yerusalem jix lex, nuimshiq shauk pumz kuex ngaz muex lekuq kuit. Kvkhoc rvmuit ngoz ruiux kuex nuimshiq rueq vbac shuimx wvnc tuit ningkhvnc nuex ngvy thuinkhvy kuex wvr ikhoc luic tuex. Kvruex tvthuik gay jix vshiz muinz httax tuex rvmuq,” ngoz tueq.

JEREMIA 42:18

“Yehowa Israel Tishox rueq jungx tueq, ‘Ngaz khaq vtaungx nuiyc thuinkhvy phuk yaq kuex Yerusalem ghaq jix htauk nuex ruiuc gay tauk ikhoc nuimshiq Ejip mungx nuex kaz wvnc tuit ngoz ruiux yuq nuimshiq htauk nuex muinz ngvy thuinkhvy kuex ruiuc gay shaungx. Nuimshiq kuex kvhiz juing muex yaungx khvmz tuit, miq htenc rueq muinz nuimshiq muex shummarc vtueq mmuingc kuex kvtuemc kvtaungc kvjaz jungx shuex nuex shuimx wuez shuex. Nuimshiq rueq vruex baung kuex mkaq muinz khiz yek shuinx rvmuq shex rvshuinx,’ ” ngoz tueq jungx tueq.

JEREMIA 44:22

Nuimshiq layx vbac nuiyc miqsuirc vsac honc vyaungc htenc kuex Yehowa rueq raungluingx muinz nanx lot muq ningkhvnc nuex nuimshiq mungtan kuex majuiuc raungnuiyq yaungx yaq kvkhoc, ghaqkuiyq ghaqkhvmx yaungx wvnc vtueq washiz muinz httax tuex rvmuq. Kvhiz juing baung muex yaungx wvnc vtueq kvruex mungtan muingc kuex miq rueq kvtuemc kvtaungc kvjaz muex jungx shuex.

JEREMIA 7:17

Yuda ghaqyungx htenc nuiyc Yerusalem wawc lvmx htenc nuex tsuingshiq rueq shuimx yaq kuex mnoz rueq khiz vshuiux haz?

JEREMIA 7:20

Kvkhoc rvtueq ngaz, Johvlc Yehowa rueq ngvy thuinkhvy phuk yaq kuex vruex Shomc Yuimx vyuq ruiuc gay shaungx. Miqsaz htenc nuiyc nyvmx saz htenc htauk nuex muinz, pulx jungx htenc nuiyc vthuey vngoz htenc htauk nuex muinz ngaz rueq ruiuc gay shaungx. Ngvy thuinkhvy kuex uraq muinz tvmut lot muq wvr rulc rv-ngvlc yaq.

JEREMIA 7:34

Wvmungx tuimx kumtsvy tvnx muex yaungx wvnc tuex. Yuda ghaqyungx htenc nuiyc Yerusalem ghaq lvmx htenc wawc kokez tvruingc htenc nuiyc vshuenc vruenc htenc miqlvmc moalx nuex kokez tvruingc htenc kuex tvsuingx gay shaungx.

JEREMIA 8:3

Ngaz rueq tv-phvlc nyvnc gay tauk hong htenc wawc thueyc muq kvjungx yaq jix, vruex layx bac miqsaz htenc kuex tsuingshiq vtvraungx httaz ngoc mvnx vthueyc kay kuex jvnc vtueq roc wuez shuex. Ngaz, Tvphaungc Tvsuip Yehowa rueq jungx vshaungx,” ngoz tueq jungx tueq.

AJONJÜ 1:1

Mvnnuex laukshiz miq paunghvlc vkvlc vkawc yaungx tueq Yerusalem kuex piq lauk lauk dvyx shex ix! Laukshiz mungkawx kox maq tvtsanc nganc rvhumc yoalx nyuiuz kuex mvntix nyuiuz ikhoc yaungx yaq; ghaqyungx htenc wawc muingc jungc vhttax pinhtumc ghaq yungx kuex dax rullungx nuex httuiuc wvnc tueq.

AJONJÜ 1:13

“Vpiq rueq ngvy gvnz mungx tvkhamc juing wvr kuex raungx maq tvkaz tueq. Vpiq rueq ngvy tvkoc bix tsvnc taq ruiux ngaz kuex ghaq nuex tvdvy gay phuex. Vpiq rueq ngaz kuex tuip gay shec ruiux htumx muq vthuiuz vsac nuex taq gay shec phuex.

AJONJÜ 5:18

Zion Kanx kuex miq vguez ghaq kuiyq ghaqkhvmx ningkhvnc nuex, yaruix guyhex htenc kuex bac wvnc tueq baung kvyuq khuemx shamx wuez yaq,

EJEKIEL 20:33

“Ngaz kuex Johvlc Yehowa, vtvraungx Tishox rvtauk, ngvy thuinz tvkhaq vtueq nuimshiq kuex ngvy hungc vlaungc yauk, ngvy luimc vkawc lotlaz maq guimz lawc phaungx, ngoz tueq ngaz rueq nuimshiq muex tharc tvsvmz vphaungx.

EJEKIEL 20:34

Ngaz rueq nuimshiq kuex tvpanc nyanc gay phaungx mungtan lotlaz wawc tvtuimx shvlx wvnc phaungx nuex, ngvy luimc vkawc nuiyc ngvy thuinkhvy kuex nuimshiq muex tvkhic phaungx.

EJEKIEL 24:13

Yerusalem lex, mnoz vbac honc vyaungc htenc rueq mnoz kuex tvshuy shac kv-phux. Ngaz kuex mnoz tvsawc tvkoc hunglaungx ruiux muinz mnoz kuex tvshuy shac rvhumc ruq dvyx. Ngvy thuinkhvy phuk yaq kuex mnoz rvhumc muq wawwawx tvsawc nawc rvhumc tuiux rvmuq.

EJEKIEL 24:8

Ngaz rueq thuinkhvy tvyez lvp laz juing, vhttuiyq vpuiuc mvy muq baung nuex tvguiy taq tauk.”

EJEKIEL 5:13

“Mnoz kuex ngvy thuinz hvlc muq wawwawx ngvy thuinkhvy mvrc laz rvhumc tuiux. Vruex lotlaz yaungx wvnc tuex nuex, ngaz kuex mnoz tvmtuing vguez ningkhvnc nuex thuinkhaq vtueq ngaz, Yehowa rueq mnoz muex jungx phaungx kuex mnoz rueq tuiuz wvnc shuiux.

EJEKIEL 6:12

Lvmx luz nuex httaz jix hez muinz vthuiuz vsac raz tueq thueyc wvnc wuez tuex; vnyek wawc hez kuex ralx rvlungc nuex thvy gay rvhumc tuex; kvjungx yaq hez kuex rvmc rueq thueyc tuex. Tsuingshiq lotlaz rueq ngvy thuinkhvy kuex mvrc laz rvhumc wuez tuex.

EJEKIEL 8:18

Tsuingshiq rueq ngvy thuinkhvy phuk yaq lotlaz kuex rvhumc phauk tuex. Ngaz rueq tsuingshiq kuex tvraungx taq shaungx rvmuq, tsuingshiq muex menjenc shaungx rvmuq. Tsuingshiq rueq ngvy kox wawc tsuingshiq guyc lot tuex tanc khvnc maq ramc thoz shuex, yuq muinz tsuingshiq rueq thoz yaq kuex ngaz rueq tay kuq shaungx rvmuq,” ngoz tueq jungx tueq.

DANIEL 9:12

Nuiyshiq muex muinz nuiyshiq mungx guimz lawc jix hez muex muinz mnoz rueq ruez shuiux ngoz toq rulc rv-ngvlc mnoz rueq shuimx toq. Mnoz rueq ghaq htauk wawc vganc ghaqyungx htauk nuex muinz Yerusalem muex vjvnc murx tvgurc toq,

LEWI 26:28

ngaz kuex thuinz tvkhaq vtueq nuimshiq kox wawc kvwek wvnc ruiux kungkhux wawc htauk nuex muinz jvnc vtueq htvp mvshix murx tvgurc yek phaungx.

LEWI 26:31

nuimshiq httaz tuinx ghaqyungx htenc kuex httak tvbac gay ruiux, nuimshiq rueq nawk palx shuinx htenc kuex tvbac gay shaungx, nuimshiq rueq shomc nawk kuq shuinx kuex ngaz rueq tvdux gay shaungx.

NAHUM 1:2

Yehowa Tishox rueq rvlongx palx yauk shuimc kuex nanx yaq rvmuq; vpiq kuex vpiq tvgap gawx jix htenc muex murx tvgurc yaq. Thuinz tvkhaq vtueq tsuingshiq muex murx tvyez kuq yaq.

JEKERIA 1:2

Tvphaungc Tvsuip Yehowa rueq miq htenc muex jungc kuy tvkoc Zecharia muex vkhoc jungx tueq, “Ngaz, Yehowa kuex nuimshiq jix vwaz tamx muex pinhtumc khaq vtaungx,

JEKERIA 1:6

Ngvy nvrc waz shvmmax bix maq raz tueq nuimshiq jix vwaz tamx muex vnvr bomc htenc nuiyc honc tvsvmz bomc htenc jungx kuq tueq, yuq muinz tsuingshiq rueq kvruex bomc kuex wvlc guez tvyaungc ningkhvnc nuex yaungx wvnc yaq kuilc daz kuex rvhumc yaq. Shuimc tvkoc ngaz rueq htvp htaz wvnc tauk rulc rv-ngvlc tsuingshiq rvhumc aungx yaq kuex ngaz, Tvphaungc Tvsuip Yehowa rueq tsuingshiq muex murx tvgurc ningkhvnc nuex tsuingshiq thuinz kvlayc wuez vtueq ngaz muex kvjungc wuez yaq.’”

JEKERIA 7:14

Tsuingshiq kuex raungguil rueq pvnc wvnc yaq ikhoc pungnuk mungtan htenc nuex tvpvnc gay tauk. Vruex vhvlx vrungx vwanx mungtan kuex kuiyqshuik kuiyq khvmx baung muex yaungx wvnc vtueq, ukhaq muinz kvyuq httax wuez tuex rvmuq,” ngoz tueq jungx tueq.