JEREMIA 44:7 - ASII LAKDAP Bible (BSI)

⁷ “Riita, arningkhan na, Ngi, Tati Ningkun Ajongwe, Israilnok Shiikeawe raq, ümchaü namshiq ma ara bom waitiikang, namshiq maiqmii ma abi arthun jaqsham arka jamlai nguto shamtlan. Riita namshiq raq maiqse khuthaq na, maiqwere, kiimaq jechakre, kiimaq nosere khuthaq na kiimaq noshiisetiim khuthaq na, athen wan chang jaqsham ka jamlai nguto shamtlan? Ara klo tlan arkha na namshiqnok ka chongthum ma mija wan han riimak sha?

Hawa Naga Bible 2001

⁷ “Kvkhoc rvtueq ngaz, Yehowa Israel Tishox rueq nuimshiq shauk pumz kuex tvmaq jup ruec tvkoc layx vbac yauk shuimc kuex nuimshiq rueq yvmx ngoz tueq lac shuimx vshuinx? Nuimshiq kuex miqwaz, yalxjuik, nosaz nuiyc noshawx saz hez htenc vshiz muinz kvjungx muq laz juing tvbac gay rvhumc haz raungc raq vshuinx?

JEREMIA 44:7 Referencias Cruzadas

TAKSU LAK 1:18

Shatmaq tsangshiq raq thiikho thutlaq kriika, tsangshiq dea wa changli kata! Tsangshiq raq athu thiikho kiijaq, maiqmii kli dea watlo!

TAKSU LAK 15:32

Jurwa tsii achongkuq shipoqtlaq; kriiti ka maiqmiili tiisha phaqtlo. Shatmaq jurwa tsii achongkuq taitlaq, kriiti ka taksu maiqse ma mija wan.

TAKSU LAK 5:22

Ngarai maiqse ngarai tang tlaq kriika, apaiq minrai chang chiiq. Apaiq ka apaiq ngarai chiiq niili minraitlo.

TAKSU LAK 8:36

Jurwa ngi hummak dea, kriiwe ka mo hophaqtlo, jurwa ngi ngengtlaq, kriiti ka tsailam lungwiitlo.

JEREMIA 25:6

Tsangshiq raq namshiq ma sumla phra thun ka naq shomnoq rongkiq, kiimaq laihin tisho thun ka naq shiililii rongkiq kiimaq namshiq maiqmii jaq maq aklo han sumla phra thun ka shomnoq lanta Tatiwe tsan ka naq tiikhiq rongkiq nguta chongkuqto. Namshiq raq apaiq aming kra lang wan hanjiika, apaiq raq namshiq ma mo ka tiihomak chang wa.

JEREMIA 25:7

Shatmaq Tatiwe apaiq raq ngutlo, namshiq raq apaiq bomchong ka atlea riiwan lan. Apaiq bomchong ka taiwan rii na, namshiq raq sumla phra thun shomnoq wan, lanta apaiq tsan ka tiikhiq wan lan. Krai mren, namshiq maiqmii khum na apaiq mo kra howan lan.

JEREMIA 26:19

Hokhamwe Hejekia raq nai Juda mungti mungmaiqse raq Mika ka tsat baiq mak dea riito. Kra rii na, Hejekia raq Tatiwe ka shrengto. Kiimaq apaiq tsan tiihea raüta khrum lap wan miitu khoti shiikut wanto. Kiimaq Tatiwe raq atsantsii ka klaito. Raüta apaiq raq tsangshiq khuthaq na chamchao sangrai mitiisaüha angu wiika tiisaü mak dea riito. Riita ümchaü nashiq ka nashiq maiqmii khuthaq na pinthum phiiptsi chang chamchao tiisaü wan dan tiikai ahata.”

JEREMIA 3:24

Shatmaq Baal phra shomnoq wankai, maiqse ma jea tiingaüti phra kaü, shomnoq wankai. Kriikha na, nashiq nyamse thun thumto. Minsaü chhechhi kong wiita sumkai. Nase maiqwe setiim thun nai jechak setiim thun wiita sumkai. Man na richü pat maq phaho raüta, natitiim raq ümtinkhan wa hunnii wantaq raüta lapkap wantaq thun ka thum thum she sumphaq kai.

JEREMIA 38:17

Kiijiishe ngi raq Jedekia ma, Tati Ningkun Ajongwe, Israilnok Shiikeawe raq akha chongto nguta chongkang, “Ümniiraq ümkhum ka Bebilon mung hokhamwe siihiipbi jaq na kiinong kuqhaü la, ümmiisaq ka milun haü. Kiimaq ara chela ka wa maq chaqbaiq mak miraq. Ümnaq nai ümjamti thun ka mitiichhii wan.

JEREMIA 42:20

Namshiq raq ashut pinthum thapthi tlan. Namshiq raq ngi nangnga Tatiwe, nashiq Shiikeawe jaq wa achu jaü kuqlaq nguta chong lan. Kiimaq namshiq raq ngi ma kiqkham kuqlan apaiq raq jamlai aming wa kuqtlaq kra phan phan phanrap miklo hai nguta ngulan.

JEREMIA 44:14

Juda mungti Juda mung baiqthü raüta Ejip mung na maiq ümchuwa, laühotaq thun ka kunkun, weshi min lun mak kiimaq weshi min tiichong mak mitsai. Tsangshiq raq Juda mung na siwa nong ro tsin-ngin tlaqti thun ka, tsangshiq phong wa maiq weshi ra dongdii min Juda mung na jang wan lumak she miraq. Maiq ashi ra min jang wan lumak miraq. Phanshi rase, wanshawe anai atsam lamlam se kli mijang wan lot.”

JEREMIA 44:8

Namshiq raq ara Ejip mung na silanta sumla phra thun kra shomnoq wan lanta kiimaq laihin phra kong ma honglu takuq wan lanta, itsankhiq ka jamlai nguto shaütlan? Namshiq raq arthun ashut klo wan tlan ara, namshiq maiqmii rilung kra tiithenbaiq wan miitu klo tlan riimak sha? Krai mren mangjong hiq na maiq mung ümchuwa sitlaq kriiraq namshiq ka thophi riiqphi raüta mishummii wan, kiimaq namshiq mang ka chong raüta maiq ma mansonke bomtsi ma mitiija wan riimak sha?

JEREMIA 51:22

Lata maiqwere nai jechakre thun jiipbaiq kang, nyungwere nai jerobi thun jiipbaiq kang, lata maiqwe sere nai jechak sere tiiqbaiq kang.

JEREMIA 7:19

Shatmaq riikhaqli maq liiwan raüka, tsangshiq raq ngi dea shea tiichamchaotla? Riimak. Tsangshiq raq maiqmii raq khoti mo hotlo. Raüta tsangshiq khuthaq na jeasi ngaü chang lamlu kli tanwantlo.

JEREMIA 9:21

Tsailam ka nashiq kitanpu thun maq nyap wato raüta nashiq hokham jamthun na nyap wato. Tsailam raq nosere kong chiiheawea lamthun wa jiipbaiqto kiimaq jerobi thun ka kejat thung wa tsatbaiqto.

AJONJÜ 2:11

Aho makphai raq bok raüta, imak wiita miiwanto. Itsan imongjii bunlak bun wanto, iphan imaq then wan kha na, rokngoq riingoq jonjü wan kang. Nosere nai pünyangtibi, chela lam na haü wanto.

AJONJÜ 2:22

Ümniiraq ijaqtinok ka heawan laüta, tsangshiq ngi tro na nga raüta, phiiptsi jiiptsi chiqdong redong she, tiiwiinum siq wan laü. Krai mren ümtsankhiq walüwa, tiichhikuq laü matdong ranaiq, jumin tiichhii lot mak riito. Ngi raq mangchan lata atiichhanchhi wan wa, isetiim wiita tsangshiq raq tsatbaiqto.

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

EJEKIEL 9:6

Tikiibi thun kra, jerobi thun kra, jetu nyungre thun kra, anyungre thun kra, kiimaq nosere thun kra jiipbaiq ronglaq. Shatmaq ju khakam niiwa miithii awaiqthü asiti thun kriiti dü niika namshiq raq jaqmiiq mai mak. Ara i Shomjam mong armaq tsat phaho ronglaq.” Krai mren, tsangshiq raq welabi Shomjam mong na chaptlaq kriimaq jiipbaiq phahoto.

HABAKUK 2:10

Ümniiraq maiqmung pahea tiithen baiq laü, Kra mra ümjamkun na misaü, Kriika ümtsantsii abi maq adong phaqchi toq laü, Kra miitu ümnaq jea ngaü.

WEAWEA 16:38

Kra wawinpin thun ka ümtiikiiwa Tatiwe berong wacha na kuqtaq kriikha maq asii she jakito. Kra ningkhan tsangshiq ngarai tang kha na tsaitaq wetiim wa winpin thun kra adam na riichomlaq. Laüta pisaisai diimsetiim ma tiiqlaq. Laüta kra diimsetiim maq berong-wacha kra joblaq, kriika Israilnok miitu tsii lam chang saqse misilaq.”

TRI CHONGKE 32:25

Redong raüta chiihea wea na maiq maa phongli miraq; jamkun thun na phiiptsi wali miraq. Jerobi nai jeture thun wiita mitsai; noshiisetiim nai tikiire min tiihang mak miraq.

JOSHUA 6:21

Tsangshiq raq nepja maq, chelati maiqwere kiimaq jechakre, nyungwe nose wiita jiipbaiqto. Tsangshiq raq nyamse thun minsaü, skukong, kiimaq kumtoq kong wiita jiipbaiqto.

PHOWEBI 21:11

Maiqwere thun wiita, kiimaq jechakre junsang riimakti thun ka wiita tsatbaiq ronglaq.”

1 SAMUEL 15:3

Kilaq laüta Amalakaiqnok ka khatkikiq. Laüta tsangshiq hupsam thun ka wiita hiq maq hutse miqchup shiithen baiqkikiq. Jamlai phan min naq tiichongkiq. Maiqwere, jechakre, nosere, kiimaq noshiisetiim thun kiimin, thumthum jiipbaiqkikiq. Kiimaq jam nyamse minsaü chhechhi, skusekong, kumtsong kong thun, kiimaq kumtoq kong thun wiita laimiq jiipbaiq kikiq.”

1 SAMUEL 22:19

Kiimahali Saul raq ramwebi sichang Nob chelati mungmaiqse ahinti thun kriimin wiita jiipbaiq ronglaq nguta aming kuqto. Maiqwere, jechakre, nosere kiimaq noshiisetiim thun, minsaü kong, kumtoq kong kiimaq skukong thun kunli tiijiipbaiqto.