JEREMIA 44:8 - ASII LAKDAP Bible (BSI)

⁸ Namshiq raq ara Ejip mung na silanta sumla phra thun kra shomnoq wan lanta kiimaq laihin phra kong ma honglu takuq wan lanta, itsankhiq ka jamlai nguto shaütlan? Namshiq raq arthun ashut klo wan tlan ara, namshiq maiqmii rilung kra tiithenbaiq wan miitu klo tlan riimak sha? Krai mren mangjong hiq na maiq mung ümchuwa sitlaq kriiraq namshiq ka thophi riiqphi raüta mishummii wan, kiimaq namshiq mang ka chong raüta maiq ma mansonke bomtsi ma mitiija wan riimak sha?

Hawa Naga Bible 2001

⁸ Nuimshiq httax kaz tuit vruex Ejip mungx vyuq, yac yuimx nawk palx layx nuiyc vganc tishox htenc muex shomc nawk kuy layx kuex shuimx lvmz vtueq, ngaz kuex yvmx ngoz tueq lac tvkhaq vphuinx? Nuimshiq shauk pumz kuex tvmaq jup tvkoc muinz, mungkawx wawc miqphvnx ruip rawx rueq nuimshiq kuex shummarc laukkac kvjaz tvkoc muinz, mmuingc kuex mvnhttonc mvntvmc nuex kvjaz yaq ikhoc shuimc tvkoc muinz, nuimshiq rueq vkhoc vbac kuex shuimx kaz vshuinx nyix?

JEREMIA 44:8 Referencias Cruzadas

2 KAÜWA WERAÜ 7:20

ngi raq namshiq ka namshiq ma mung ashi kuqkang arwa alam mirbaiqha. Kiimaq ngi raq ngi shomnoq miitu ara hiqba asii ramkham maq atiibokha Shomjam ara amiim she mirbaiqha. Krai mren mangjong maiqse barapti raq ara mishummii wan. Raüta chuphit nüphit lishe misai siwan.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

ISAIA 3:8

Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

ISAIA 65:15

Ngi raq atsea arwanha isenginok raq namshiq mang ka chong raüta maiq ma manson miitu mishton wan. Ngi Ajong Thaq Na Ajong Pinthum Tatiwe raq, namshiq ka mitsatbaiqha. Shatmaq jurwa ibom tai tlaq raüta iwokhong na sitlaq kriiti miika mang anye she mikuq wanha.

JEREMIA 11:12

Kiijiishe Juda mungti nai Jerusalemti ka tsangshiq raq shomnoqtlaq kiimaq honglu thun kuq wantlaq phra thun phaniishe wa raüta khrum kuq ronglaq nguta mihoqsiq trang wan. Shatmaq kriithun phra kong raq tsangshiq ka ara then wantlaq kriiwa tiiwongkuqlot mak miraq.

JEREMIA 11:17

“Ngi Ajong Pinthum Tatiwe raq, Israilnok nai Juda mungti ka pecham ikha chhijang wan kang. Shatmaq ümchaü sanha Ngi raq tsangshiq ka miqchup mishthen baiqha nguta tiiphiip tiikang. Arka tsangshiq maiqmii riili maiqmii thumphaq chang thiikho thütiije wanto. Jamkhano ngukla tsangshiq raq ashut klo wanto. Tsangshiq raq Baal phra ma honglu take wan kha na itsan tiikhiq wanto.”

JEREMIA 18:16

Tsangshiq raq armung ka phiiptsi chang mung miishe tiijabaiqto, pattup pat-sa maiq thoda phong chang she miraq. Maiq ümchu riiwa wanlea lam maq chhijiiq; tsangshiq ka phiip raq atsai miraq; tsangshiq ka amaorai raüta tsangtok bai laqlaq miraq.

JEREMIA 24:9

Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

JEREMIA 26:6

Namshiq raq ibomchong ka tlea wanruqli la riihanla, Ngi raq Shilo chela wa asii jam ka jamkho tiithen baiqkang, kiikha, ara Shomjam armin atiithen mirbaiqha. Kiimaq maiq mung thun raq ara chela mang ka chong raüta manson shiiton miishe mitiija.”

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 32:30

Man na tsang mung ka dongpha wanji niiphü, Israilnok mungti nai Juda mungtinok raq itsan ka tiibi wanto. Raüta tsangshiq jaqsham ashut aphit klo wantaq kra lümaq itsan ka tiikhiq wanto.

JEREMIA 42:18

“Tati, Israilnok Shiikeawe raq ngutlo, ‘Ngi raq itsankhiq walüwa ikha hengtlaq kra Jerusalem na siti khuthaq na jamkho tlü chaq kang, namshiq ka Ejip mung na laüho han jiila, ngi raq namshiq khuthaq niimin kra mitlü chaqha. Namshiq ka maklii jai na tiijang phat phiiptsi jiiptsi mithen wan han. Maiqse raq namshiq thenjen wan kra chhi raüta slaislii thophi riiqphi mishummii wan. Kiimaq namshiq mang ka chong raüta maiqse raq manson shiiton ma mitiija wan. Namshiq ara hiqshong arka thongshi chhinong man she mirhan.’”

JEREMIA 44:12

Riita arningkhan na, Juda mung na maiq ümchuwa aso atiichongki thun raq ümchaü Ejip mung na laüho raa dongdii, raüta Ejip mung na shongkai raa nguta honglatlaqti thun ka, ahea na, Ngi riitiq miliiha. Tsangshiq ka tiithumpak laimiq mitiithum baiqha. Tsangshiq tarü kunli, ajong aran wiita kunli Ejip mung na mijiim. Redong akhing na riimakla ramdong raq mijiim. Tsangshiq thum wan kra chhi raüta maiqse makki na phiiptsi chang miraq. Maiqse angu raq tsangshiq ka shummii shaq shaq raüta milii. Kiimaq tsangshiq mang ka chong raüta maiq raq manson bom shiiton ashi miishe mitiija.

JEREMIA 44:3

Jamkhano ngukla kiijaq siti mungmaiqse raq abi kloto. Raüta itsan tiikhiqto. Tsangshiq raq phanhin sumla phrakaü thun ma honglu thun takuqto. Kiimaq phra kaü thun tsangshiq riimin sapmak, namshiq riimin sapman, namtitiim riimin sapmak phra thun ka shomnoq wanto.

JEREMIA 44:7

“Riita, arningkhan na, Ngi, Tati Ningkun Ajongwe, Israilnok Shiikeawe raq, ümchaü namshiq ma ara bom waitiikang, namshiq maiqmii ma abi arthun jaqsham arka jamlai nguto shamtlan. Riita namshiq raq maiqse khuthaq na, maiqwere, kiimaq jechakre, kiimaq nosere khuthaq na kiimaq noshiisetiim khuthaq na, athen wan chang jaqsham ka jamlai nguto shamtlan? Ara klo tlan arkha na namshiqnok ka chongthum ma mija wan han riimak sha?

JEREMIA 7:9

Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

EJEKIEL 9:6

Tikiibi thun kra, jerobi thun kra, jetu nyungre thun kra, anyungre thun kra, kiimaq nosere thun kra jiipbaiq ronglaq. Shatmaq ju khakam niiwa miithii awaiqthü asiti thun kriiti dü niika namshiq raq jaqmiiq mai mak. Ara i Shomjam mong armaq tsat phaho ronglaq.” Krai mren, tsangshiq raq welabi Shomjam mong na chaptlaq kriimaq jiipbaiq phahoto.

Hosea 4:13

Tsangshiq raq ku akin thaq na, thatsang chang hiq ba kiijaq, honglu pahea kuq tlo, putsok chong, laqtsi chong, kiimaq manjong chong ji na, homseng honglu chaq raüta, noqkitlo! “Arkha na, namse jechaksetiim, mephe-nyungre ma jatlo, kiimaq nam-nam-nyungtiim sethoq sepii jakito.

HABAKUK 1:16

Krai mren tsangshiq raq tsangshiq chiiq ka, shiikea ikha noq wan tlo. Kiimaq chiiqjong kiima honglu, kuq wan tlo. Jamkhano ngukla tsangshiq chiiq maq, ngiq khup wan lili raüta, tsangshiq ka chiithejong jawanto. Kiimaq winlü winshii miishe, tiipongpii wan raüta siwan tlo.

TRI CHONGKE 32:25

Redong raüta chiihea wea na maiq maa phongli miraq; jamkun thun na phiiptsi wali miraq. Jerobi nai jeture thun wiita mitsai; noshiisetiim nai tikiire min tiihang mak miraq.

Hebrews 3:16

Riita ara chongtiikai, Shiikeawe bomchong kra taishatshat taü maq, taimak dea ikha, alam alat ngiim wanti thun ka juwiita? Tsangshiq ka Ejip mung wa Mosheq raq shea wan raüta adam na alaü wan damti siisaq kli ngok ngi raiwito.