ISAIA 3:8 - ASII LAKDAP Bible (BSI)

⁸ Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

Hawa Naga Bible 2001

⁸ Rvtueq, Yerusalem kuex vphoc rvhumc yaq! Yuda kuex rul wvnc vtuex! Tsuingshiq rueq jungx yaq nuiyc shuimx yaq phvnx ruip saz kuex Yehowa rulc raz muq phvnx jvnc rvtueq; tsuingshiq rueq Tishox kuex raungx nuex dauz laz shummarc tueq.

ISAIA 3:8 Referencias Cruzadas

2 KAÜWA WERAÜ 28:18

Kra bala liipan niimin Philistainnok raq Juda mung maq shenyap nü wang binjü na kinjiji wang thun wa maiqhiq thun nai hiq mai nü mung wa maiq hiq thun kra khat wanto. Raüta tsangshiq raq Beth Shemesh chela, Aijalon chela, kiimaq Gaderoth chela, kiimaq soko chela, Timna chela, kiimaq Gimjo chela thun nai kra chela thun tro binjü wa maiq hiq shong thun kra khat raüta jii wanto. Raüta Philistainnok ka kiijaq pattup miitu she shong wanto.

2 KAÜWA WERAÜ 33:11

Kra ningkhan she Tatiwe raq Asiria mungti phentubi ka tsangshiq phen phung kra sheaho raüta Juda mung ka tiikhatto. Tsangshiq raq Manase ka lapto. Raüta adü na jinkom kharii maq khato. Kiimaq jinraü kharii maq banto. Raüta apaiq ka Bebilon mung na shumwi ma shea wanto.

TAKSU LAK 26:27

Jurwa thiikho thütlaq, kiijaq apaiqli midea wa; jurwa longkaü tiikü tlaq, kriiraq apaiq kli mipat.

ISAIA 1:7

Ümmung ka miqchup tiithenbaiqto she. Kiimaq ümmung wa chela thun ka wiita wa maq chaqbaiqto. Raüta botkhulai rai she shotbaiqto. Ümniiraq liishat ümmakki na, pongmungti raq ümmung ka khatto. Raüta wiita jiiwanto. Raüta hiq maq hutse she shiithen baiqto.

ISAIA 49:19

“Nammung ka tiithenbaiqto, raüta hiqmiq changkhü ma tiijabaiqto, shatmaq ümchaü hiq ka aranse miishe mijaki, kiijaq siwati maiq ka pahea jang wantlo. Kiimaq ümnaq tiithenbaiqti thun ka ümchaü luhea niishe mijobaiq.

ISAIA 57:4

Namshiq riika ju naikütiikai ngutiiwa tiima tlan? Namshiq joksaü liiqse kong riika juka naikütlan ngutiiwa tiima tlan?

ISAIA 59:3

Namshiq ka arot bom khana, jasam piqsii riitlan khana, kiimaq maiq tsattlan khana ashut kong.

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

ISAIA 9:17

Arningkhan na, Tati raq jerobi thun ka weshi ra dongdii min tiijulap mak miraq. Kiimaq apaiq raq manti-nyungre miimin kiimaq jechisetiim miimin, atiihang mangchan ka tiitsi mak miraq. Jamkhano ngukla maiqse angu kunli ka ra weahü kong siisaq kiimaq abi kiimaq tsangshiq nübok maq ümchu wa bomtlaq ka ashut siisaqli bomtlo. Atinkhan mo tiiho wanlot jai min, Tati tsankhiq ka shimakli riishat shat miraq. Apaiq jaq ka ra na doshat maq tsangshiq ma mo tiiho miitu khekhamli miraq.

JEREMIA 23:36

Arningkhan tsangshiq raq ‘Arka Tatiwe holai’ ngutiika bom maimak she. Jamkhano ngukla maiq weshi ra raq ara bomtsi arla chong raüla, Ngi raq itsütsa ka apaiq ma holai jonghea mitiijaha. Mung maiqse raq tsang Shiikeawe, Atra Shiikeawe Tati Ningkun Ajongwe bomtsi ka atiijiq she riibaiqto.

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

JEREMIA 26:6

Namshiq raq ibomchong ka tlea wanruqli la riihanla, Ngi raq Shilo chela wa asii jam ka jamkho tiithen baiqkang, kiikha, ara Shomjam armin atiithen mirbaiqha. Kiimaq maiq mung thun raq ara chela mang ka chong raüta manson shiiton miishe mitiija.”

JEREMIA 4:13

Liironglaq, rewe ka phum pong wan tlaq ikha saü wantlo. Apaiq rekhat chang kumrang leng phong ka atro rathaiq ikha saü wantlo. Kiimaq apaiq kumrang kong thun ka liihawe kaütiim bitlaq nam miimin aphiq lin. Nashiq ha miqkai she! Nashiq ha michup thumkai she!

JEREMIA 44:3

Jamkhano ngukla kiijaq siti mungmaiqse raq abi kloto. Raüta itsan tiikhiqto. Tsangshiq raq phanhin sumla phrakaü thun ma honglu thun takuqto. Kiimaq phra kaü thun tsangshiq riimin sapmak, namshiq riimin sapman, namtitiim riimin sapmak phra thun ka shomnoq wanto.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

EJEKIEL 8:12

Kiijiishe Shiikeawe raq ngi ma waito, “Maiqse lei, Israilnok mung welabi raq ahukse maq jamlai wa klotla kra chhitlaü sha? Tsangshiq ka sumla phra phong raq ama khok mong kiijaq noqtlo. Tsangshiq raq akha bom tiinyan raüta noqtlo: ‘Tatiwe raq nashiq ka chhimak na! Apaiq raq namung ka miimbaiqto she.’”

EJEKIEL 9:9

Kiijiishe Shiikeawe raq treto, “Israil mungti nai Juda mungti raq achonglot mai abi pinthum ngarai thun tang raüta shutto. Tsangshiq raq mung hamli na maiq tsatbaiq wanto. Kiimaq Jerusalem ka ajiq ashut kha phong maq tiima wanto. Tsangshiq nga, Ngi, Tatiwe raq, tsang mung ka miimbaiq kang she nguta ngutlo. Kiimaq Ngi raq tsangshiq kiimin chhimang she nguta ngutlo.

Hosea 5:5

Israilnok shiikong tsii ka tsangshiq shrati saqse, Tsangshiq ngarai thiikho niili dea wanto. Juda mungti kiimin tsangshiq rai khoshi na dea wanto,

Hosea 7:16

Tsangshiq ka iwokhong wa juhoto. Raüta phra sumla noqhoto. Kriika athii arii min ahü. Tsangshiq ka liqphü abi kojo ikha jakito. Jamlai ngamhiip kaichang min riimak. Tsang mung welabi kumronghea bomtlo. Kriikha na chiqse rewe jaq na mitsai. Kra chhi raüta Ejip mungti minairai,” nguta Tatiwe raq ngutlo.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

Mikha 6:12

Nam mungti chiithe maiqse raq, miitsan maiqse ka, nanshanshan lao lü tlo. Namshiq tarü ajok aliiq siisaq.

HABAKUK 1:13

Shatmaq ara abi pinthum Bebilon mungti ara, ümniiraq jam mak mo lii tlaü? ümnaq asii mak maq ara, abi pinthum kiimung tlaq ara, jamriimo nin tlaü? Tsangshiq raq tsangshiq thaq na, kechu maiqse mung ka, khat wan raüta jiip wan tlaq kra chhilaüta jamto brorii maü kaiqshak si tlaü.

1 Corinthians 10:22

Nashiq raq akhla klo hai jiila, nashiq raq Shiikeawe maklii kra tiishurea ma nguta klo ikhiishe mijaki. Nashiq ka Shiikeawe nam ma ajong ahong ala ka riimai.

Jude 1:15

Raüta ngarai maiqse kunli kha ka mipho kuq. Raüta, tsangshiq raq phiiptsi jiiptsi ümchuwa ngarai tangtaq thun nai Shiikeawe ma ashut bomtaq thun kra kha phoke kai miki!” nguta tiithai thiito.