ISAIA 3:9 - ASII LAKDAP Bible (BSI)

⁹ Phowebi raq maiqse ka athea phi na lii raüta kha phokuq wan tlaq kra, kha ka tsangshiq khuthaq na minyan wan. Tsangshiq raq raweahü maq Sodom chelati raq ngarai klotaq ikha klotlo. Tsangshiq ka miqto she. Kiimaq tsangshiq raq kra maiqmii jaq miili tsang mea wan chang lam kra tan wanto.

Hawa Naga Bible 2001

⁹ Tsuingshiq rueq htvlx phawc thuiyx yaq kuex tsuingshiq vjux dvyx tvsumx kuq yaq. Tsuingshiq kuex Sodom ghaq wuinz rueq shuimx tueq ikhoc mvrax kuex raungshuex raung shuimc wuez yaq. Tsuingshiq kuex vphoc rvhumc yaq, tsuingshiq rueq mvrax kuex miqmac pumz nuex tvhttuiuc wuez yaq.

ISAIA 3:9 Referencias Cruzadas

RAPHA HIQWA LAK 13:13

Kiijaq sitinok ka abi kiimaq Tatiwe makki na ngarai kloti riito.

RAPHA HIQWA LAK 19:34

Kriimaq naiqjai niishe anyi-nyung raq ano-nyung ma nguto, “Ngi ka ümwa rawa apaiq rai konkang. Riita ümchaü min, apaiq ka che tiinyang laita che ma tiiphe nong i. Laita ümniika apaiq rai konlaq. Kra riihaitiq nanai wiita raq maiqwese no ka nawe lümaq mihum i.”

RAPHA HIQWA LAK 4:5

Shatmaq apaiq raq Kain nai ahonglu ka tao mak riito. Kiimaq Kain ka atsan khiqtsi ma ashiila anyaqlii she riito.

2 HOKHVMX 9:30

Jehu ka Jejreel chela niishe saüto. Jejebel raq jamlai mra wa pintaq thun ka wiita ataiwishe riito. Raüta apaiq ka amakpo na atiimiikhiiq chang kiimaq tiijut jiito. Raüta akhu ka aheawiq thaito. Kiimaq hokham jam rathongti khok na chap raüta kitanpu maq chii heawea lam nü na liishat riito.

Tvtsvmc 10:4

Abiwe riika Tatiwe ka shümü mak; ashkong tsi ma atsan na Shiikeawe ngori shea nguta tiimatlo.

TAKSU LAK 15:32

Jurwa tsii achongkuq shipoqtlaq; kriiti ka maiqmiili tiisha phaqtlo. Shatmaq jurwa tsii achongkuq taitlaq, kriiti ka taksu maiqse ma mija wan.

TAKSU LAK 30:13

Maiq wiijamti raq, tsangshiq ka tarü thaq na, maiqshaq pinthum nguta riiweatlo! “Naishiq ka maiqshaq pinthum,” nguta tiimatlo!

TAKSU LAK 8:36

Jurwa ngi hummak dea, kriiwe ka mo hophaqtlo, jurwa ngi ngengtlaq, kriiti ka tsailam lungwiitlo.

ISAIA 1:10

Jerusalem lei, ümmung pengti tuwebi nai ümsengi mungmaiqse ka Sodom nai Gommora chelati ikha. Tati raq ümniima jamlai bom wa chongtlaq kra tailaq. Nashiq Shiikeawe raq ümniima jamlai wa shrinkuqtlaq kra samheawiq tiitsang tailaq.

ISAIA 3:16

Tati raq nguto, “Liironglaq, Jerusalem nyungre ka kai shiikonghea pinthum! Tsangshiq ka chii heawea lam na khum lam maq tsangkhü ka ra na tiinga raqraq maq khumtlo. Tsangshiq ka wranaiqshe tiibaimiinge raütli sitlo. Tsangshiq ka chaosususe miili khumtlo. Raüla tsangshiq jidang na patlaq tükom thun kriika kang rang kong ra trangtlo.

ISAIA 57:20

Shatmaq abi kiimungtibi ka khamjong chum blun raitlaq ikhli, chum phom blun ka atsaq min tsaq mak blun wan ruq. Ashe ashi sinchiitsap phong kra takii na tsuq wantlo.

ISAIA 59:12

“Tatiwe lei, naishiq raq ümman na ashut pahea klokai. Naishiq ngarai phong riili naishiq tiishuttlo. Naishiq raq naishiq ngarai homa riiphongtlaq kra wiita asaphai.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 3:3

Kriikha maq tiina ra min junkuq mak she tsaqkitaq kra. Kiimaq lamsesat rajun kiimin jun mak she tsaq kitaq kra. Ümsham ka ümchaü mephe nyung sham ikhiishe. Ümniika jeahü nyung.

JEREMIA 6:15

Riita tsangshiq raq atin khan maiqphai asi ashut klowan raüta, tsangshiq ka tiijeasi tlaq shea? Tiijeasi mak. Tsangshiq ka tiijeasi mak. Tsangshiq riika atiijeasi ngutlaq ka jamlai nang wa ngutlaq kriimin sap phaq mak. Arningkhan tsangshiq kiimin nanok abiti thun jamkho miqphaq wantaq, kiikhiisii mimiq phaq wan. Ümtiikiiwa ngi raq tsangshiq ma imo mitiiho ha, kra akhing kriishe tsangshiq thum wan akhing miraq. Arka Ngi, Tatiwe raq ngutiikang.”

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

AJONJÜ 5:16

Man niiwa naishiq, liisaü wase rilung khushü thumto she. Naishiq raq ngarai tangkai, kriikha na ümchaü miqkai she.

EJEKIEL 16:30

Tati Rakaü Hiqwe raq ara ngutlo: “Ümniiraq arthun ajiq kiimung ara jeahü mephe nyung raq shamtlaq ikha klo wan laü.

EJEKIEL 16:49

Apaiq nai asetiim jechakre ka kai kumrong kumraqli siwanto. Jamkhano ngukla tsangshiq ka chiithe lüwa, arong awin. Kiimaq hansang maq siwanto. Chiqse rewe ahü riito. Shatmaq tsangshiq raq miitsan maiqsetiim nai naolaq naosangti ka khrum kuqmak riito.

EJEKIEL 23:16

Apaiq raq kriithun ka chhi raüta, apaiq ka atsan mong na tsangshiq rai kai sethoq ja rohea riito. Kiimaq apaiq raq tsangshiq ma Bebilon mung na tsasoqti kiimwebi tiiwato. Raüta tsangshiq ka tiichong wato.

DANIEL 7:20

Kiimaq ngi raq, akhupo na arong roqshi sitlaq kra, kiimaq jai maq apong wan, arong ashiti kriiraq, arong roqshi phong wa, rongtsam ngok baiqtaq kra samhea sap wan rokang. Kra rongti ka amakpo min asi, kiimaq anübok min asi. Kiimaq anübok maq pinthum shiikong tsütsittlo. Kra rongti ka arong ahinti thaq na phiiptsi jiiptsi chang riito.

Hosea 13:9

“Israilnok lei, ngi raq namshiq mishthen baiqha. Ijaqkhon wa namshiq tiichhiiti asi shea?

Hosea 5:5

Israilnok shiikong tsii ka tsangshiq shrati saqse, Tsangshiq ngarai thiikho niili dea wanto. Juda mungti kiimin tsangshiq rai khoshi na dea wanto,

Romans 6:23

Ara jamkhano chong tiikang ngukla, ngarai tang wanti riika, atsai lam humtlo. Shatmaq, Shiikeawe riika maiqse ma, nashiq Tati Khristo Jesuq lümaq phemaq, pattup pat-sa rilung kuqtlo.

Revelation 11:8

Kiimaq, tsangnai maa ka kra chela jonghea, tsangnai Tatiwe pumsongkham na tübaiqtaq kiijaq chiiheawea lam na küram liira tiibum raqraq miraq. Riita, kra chela shiiton mang ka Sodom chela riimak la Ejip nguta miraq.

1 SAMUEL 15:32

Kiijiishe, Samuel raq, “Hokhamwe Agag ka ana iphana sheawa rongkiq” nguta aming kuqto. Krai mren, Agag ka apaiq phana ahaisitsi ma tiikhai rokrok kito. Atsan mong na, “Maiqjaq na tsai ka akhap pinthum!” nguta tiimato,