ISAIA 3:10 - ASII LAKDAP Bible (BSI)

¹⁰ Kechu maiqse thun ka chochikhiq miraq. Kiimaq tsangshiq miitu ka phanrap lam na ahea miraq. Tsangshiq ka tsangshiq jaq maq jamlai min wa shiiq wantaq kra tsingo ka chochikhiq maq miphaq siq wan.

Hawa Naga Bible 2001

¹⁰ Tsuingrux jix kuex thuinhvlx yaq, taungx vwawx ruip rawx tsuingshiq tvkoc vhvlx jvnc rvtuex. Tsuingshiq kuex miqmac shuimc vkay ningkhvnc nuex vkokez juing lvp wuez shuex.

ISAIA 3:10 Referencias Cruzadas

RAPHA HIQWA LAK 18:25

Riikhaqli miika, ümniiraq maiqsangti ka ashutti rai ka tsat baiq maü mirhaü. Kriika ümkhiiriitii jiimin klolot maü! Ümniiraq kiikhiika klolot maü. Kra ümniiraq klo haü jiika, maiqsangti kiimin ashutti rai khoshi na mo tiiho ma mikhat wa. Arka ümkhiiriitii jiimin riimak. Mangjong hiq tlot li kha photiwe riika tingting maq phoke chang li.”

Tvtsvmc 58:11

Maiqse raq mingu, “Tengto kechu maiqse ma poksi ke ka thukto dea; mangjong maiqse kha phoketi Shiikeawe ka asi dea.”

DUNGWVNC 1:20

Kra nochhü kamketi nyungnai raq Shiikeawe ma haisong tsantsii riimkha na, Shiikeawe ka tsangnai ma tsanhea riito kiimaq tsangnai ma maiqmii jamkun kuqto. Kiimaq Israilnok ka pahea puwan wan ruq she puwanto. Kiimaq ahong alanok ma jawanto.

TAKSU LAK 10:6

Kechu maiqse riika achu shiiman milap; Shatmaq maiqjiqwe riika, tatso niq chang bomli bomtlo.

TAKSU LAK 12:14

Ümnü maq jamlai wa bomtlaü, kiimaq ümjaq maq jamlai wa shamtlaü, kra khan khan poksi milap haü. Ümnii ma thektlaq poksi kra milap haü.

TAKSU LAK 13:21

Ashut kiimungti ka ümbana kiraü min, chamchaoli mirhum. Shatmaq kechu maiqse miika, shiiman kechu mikuq.

TAKSU LAK 18:21

Maiqse raq anübok maq, jamlai wa bomtlaq; kriiriili rilung mikuq, riimak la tsailam na misheaho. Kra tsi ka maiqmii raq sea chang miraq.

THARC TVLUINGC 8:12

Ngarai maiqse ashi riika, jangroq shishi ngarai mitang wan. Kra taü maq dongdii min apaiq ka atrali misi. Tengto: Ngi raq asap ha, tsangshiq raq akha mingu, “Ümniiraq Shiikeawe aming lang laüta sihaüla, ümniima jammin ngusiq mak miraq.

ISAIA 54:17

Shatmaq jamlai chuntsi nyiimwin riimin ümdü na tiimitsi mak miraq; ümnaq shrati tlotli loweatek ma ümkiq khiichang bom asi miraq. Ngi raq ijaqshisetiim ka mitiichhii wanha, lata tsangshiq ma rekhat ka mitiitangha.” Arka Tatiwe raq ngutlo.

JEREMIA 15:11

Tatiwe lei, ngohea dea ngi raq ümniika aheawiq maq riikhaqli maq shomnoq wan mang dea jiila, tsangshiq manson ka minilaq. Ijaqtinok ka chamchao sangrai riihum raitaq akhing na, ngi raq tsangshiq miitu ümjaq wa achu jaükuq mang dea la jiila, manson ka ngi ma minilaq.

JEREMIA 21:14

Shatmaq ümniiraq jamlai wa ashut klolaü kriikha na Ngi raq ümniima mo mitiihoha. Ngi raq ümhokham jam ka wa maq michaqha. Krai mren wa raq kra jam ka trotam maq bunlak mikhiimbaiq. Arka Ngi, Tatiwe raq toqtan tiikang.”

JEREMIA 22:15

Nanok thaq na ümjam ka maisak pe maq hai laütiisha, ümniika maiqshaq hokhamwe ma mija haü? Ümwe rilung ka aluwiq sito. Apaiq raq mung ka wranaiqshe tingting kiimaq riikhaqli tri maq pengto, krai mren apaiq raq jaqsham wantaq na, achu shiiman ramram asi riito.

JEREMIA 7:23

Shatmaq ngi raq tsangshiq ma ibom tai raüta iwokhong na siraa nguta aming kuqkang. Krai mren ngi ka tsangshiq Shiikeawe miraq. Kiimaq tsangshiq ka isengi miraq. Kiimaq tsangshiq ka ngi raq jamkho aming kuq tiikang kraphan phan siwan ronglaq. Raüla tsangshiq ma rilung na phanrap ka aheawiq miraq nguta chongkuq kang.

EJEKIEL 18:20

Jurwa ngarai thun klotlaq kriiti ka mitsai. Awe ngarai ningkhan na ase ka tiichamchao maimak. Kiimaq awe kiimin ase ngarai thun ningkhan tiichamchao maimak. Maiqshaqti raq riikhaqli jaqshamtaq kra miitu poksi mikuq. Kiimaq abi kloti ka apaiq raq abi klo wan kha na michamchao.

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

Mikha 7:13

Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

JEPHANIA 2:3

Tatiwe wokhong na jang rong laq. Namshiq tsannin woknin maq shongti, singmung maiqse lei; apaiq aming thun langtibi; tingting jaqkli sham ronglaq. Kiimaq Tatiwe makki na aran ma jaronglaq, jursap Tatiwe raq atsankhiq tiichhi tlaq ranaiq na, namshiq ka mipaükuq lo riila.

MALAKI 3:18

Isenginok raq thongshi ri hali, kechu maiqse nai ashut maiqse, jurwa ngi shomnoq tlaq kiimaq jurwa ngi shomnoq mak, kra liipan na ahea abi trairii wan tlaq kra tsangshiq raq mak michhi wan,” nguta Tatiwe raq ngutlo.

Luke 19:19

Kiijiishe, apaiq raq arwe ma, ‘Ümniika chela biingi thaq niishe wela mija haü,’ nguta chongkuqto.”

TRI CHONGKE 12:25

Namshiq raq ara aming ara lang hanla, Tatiwe ka namshiq rai tsan ahea miraq kiimaq namshiq ma phanrap na ahea miraq kiimaq namsaü namsetiim ma khusang rakhang ahea miraq.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.