ISAIA 3:8 - Hawa Naga Bible 2001

⁸ Rvtueq, Yerusalem kuex vphoc rvhumc yaq! Yuda kuex rul wvnc vtuex! Tsuingshiq rueq jungx yaq nuiyc shuimx yaq phvnx ruip saz kuex Yehowa rulc raz muq phvnx jvnc rvtueq; tsuingshiq rueq Tishox kuex raungx nuex dauz laz shummarc tueq.

ASII LAKDAP Bible (BSI)

⁸ Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

ISAIA 3:8 Referencias Cruzadas

2 KAÜWA WERAÜ 28:18

Kvruex baunglaung Philistin miqsaz rueq muinz shalx nyuip kox kanx yaz htenc wawc miqghaq htenc nuiyc Yuda mungx ghaqyaz kox wawc miqghaq htenc kuex khvt gay kaz tueq. Tsuinghez rueq Bet Shemesh, Ajalon, Gederot ghaq htenc nuiyc Soko, Timna nuiyc Gimzo ghaqyungx htenc nuiyc miqghaq htenc kuex nyvlc lvp wvnc vtueq, httaz shaungx maq httax tueq.

2 KAÜWA WERAÜ 33:11

Kvkhoc rvtueq Yehowa rueq Asiria nolaungx vyungx vlaungx bix muex Yuda mungx nuex tv-nyuip tvkhvt kaz tueq. Tsuingshiq rueq Manase kuex lvp ruiux yanx khuiyq vtueq yanx ruiuz htenc maq khvrc ruiux Babelon nuex shvlx wvnc tueq.

TAKSU LAK 26:27

Miq tvmanc tvkoc bix tsvnc jix htenc kuex tsuingshiq shauk pumz dvyx kvyuq kvkhvrc wuez tuex. Miq htauk nuex ghaq tvkuimc kuy jix waz kuex piq dvyx kv-phiq wvnc tuex.

ISAIA 1:7

Mmungtan kuex kuiyqshuik kuiyq khvmx baung yaungx kaz, m-ghaqyungx htenc kuex ghaq maq kawk huk khamc gay tueq. Mnoz rueq lawc yaq nuex dvyx pungmungx miq rueq m-ghaq vraungx kuex lvp wvnc vtueq phvnx ruip saz kuex tvbac gay tueq.

ISAIA 49:19

“Mmungtan kuex tvsawc ric bac kaz tueq, yuq muinz majuiuc httaz waungc jix hez tvkoc kvruex mungx kuex vtsaungx saz muex yaungx tuex. Mnoz tvbac tvmvy jix hez kuex vluz nuex kvhttot wvnc wuez tuex.

ISAIA 57:4

Nuimshiq rueq ukhaq lac nueykuic vshuinx, vrot vkaq nuimshiq rueq ukhaq lac shummarc vshuinx?

ISAIA 59:3

Nuimshiq rueq vrot vkaq jungx vshuinx lvmx, nuimshiq yauk nuiyc yaukshix htenc nuex tvguiy rv-nyvt yaq lvmx, nuiyc miq thvy gay ningkhvnc nuex mvrax httax wuez vtuinx.

ISAIA 6:11

Ngaz rueq, “Taungjix lex, mtanc nuex httuiuc laz vkhoc yaungx wvnc tvnx?” ngoz tueq wiz tauk. Vpiq rueq, “Ghaqyungx htenc bac wvnc vtueq sawc ric yaungx wvnc tuex nuex httuiuc laz, yuimx htenc kuex kuiyqshuik kuiyq shix yaungx wvnc vtueq, ghaq kuex sawc riric phaq tvwawc gay shec shuex vkhing nuex httuiuc laz rvtuex, ngoz tueq tvralc phuex.

ISAIA 9:17

Kvkhoc rvtueq Taungjix rueq yalxrox waz washiz muinz tvdung gay shuex rvmuq, nojix saz tamx nuiyc mvntix nyuiuz tamx muex muinz menjenc shuex rvmuq, yvmx khoc lac ngoz ruiux lec miq lotlaz kuex tishox vguez, layx bac nuiyc tsuingshiq kvjak tuex ruip rawx kuex vshuy vshac kvjaz dvyx rvtueq. Kvkhoc rvtueq Yehowa vpiq thuinkhvy kuex htumx muq, murx tvgurc muex vyauk kuex tenz hvt dvyx.

JEREMIA 23:36

Kvkhoc rvtueq tsuingshiq rueq ‘Yehowa rueq gurc juing gurc,’ ngoz tueq kvjaz kuex mkaq muinz kvjak mvy muq, yvmx khoc lac ngoz ruiux lec miq vshiz shiz rueq kvkhoc kvjak gay ruiux yuq, ngvy bomjungc kuex piq gurc muex vsuing tvyaungc shaungx. Miq htenc rueq Tvphaungc Tvsuip Yehowa tsuingshiq Tishox vtvraungx Tishox bomjungc htenc kuex tvyaq gay tueq.

JEREMIA 26:18

“Yuda hokhvmx Hezekia hokhvmx yaungx tueq nuex, Moreshet ghaq jix shvmmax Mika rueq miq lotlaz muex Tvphaungc Tvsuip Yehowa rueq jungx tueq, ‘Zion kuex nax htuz gay shix ikhoc htuz gay shuex; Yerusalem kuex lung phungc yaungx wvnc tuex, Shomc Yuimx ghaq luimx kuex luingx vlak muex yaungx wvnc tuex,’ ngoz tueq jungx tueq.

JEREMIA 26:6

Mnoz rueq tvhttoarc vtueq phvnx muq ngoz ruiux yuq, ngaz rueq Shilo kuex ruez gay tauk ikhoc vruex Shomc Yuimx vmuinz ngaz rueq ruez gay shaungx. Vruex mungkawx wawc miqphvnx htenc lotlaz rueq vruex ghaqyungx muingc kuex kvtuemc kvtaungc juing ikhoc tvyaungc shuex,” ngoz tueq jungx tueq.

JEREMIA 4:13

Lawc shuinz, ralx htenc kuex phuemx ikhoc kaz yaq. Tsuingshiq nolaungx renc htenc kuex raungguil tul ikhoc, tsuingshiq mvre htenc kuex lawx saz htauk nuex muinz vphaq lanc yuz yaq. Naungshiq sumx tiq shex! Naungshiq kuex vphoc rvhumc tix!

JEREMIA 44:3

yvmx khoc lac ngoz ruiux lec tsuingshiq miq htenc rueq vbac yauk shuimc shuimx vtueq ngvy thuinz tvkhaq yaq. Tsuingshiq miqmac rueq muinz nuimshiq muex muinz, nuimshiq jix vwaz tamx rueq mkaq muinz nawk palx muq vganc tishox htenc muex shomc nawk juing maq shomc kuq wuez yaq.

AJONJÜ 1:9

Piq sawc muq kuex yoalx rek dvyx kvkhic yaq, yuq muinz piq khaungx tvmax kox tvkoc rvwvlc tvmaung lvmz tvkhic muq. Piq rul wvnc tueq kuex vkawc yawc juing rvtueq; vshiz raung rueq muinz piq muex sitenc yatenc lot shuex rvmuq. Piq ralx hez rueq piq kuex taungx gay koq tueq, menjenc kuy tvkoc Yehowa kox wawc guyc sez thoz tueq.

EJEKIEL 8:12

Tishox rueq ngaz muex, “Vthueyc rvyaq miq lex, Israel walaungx bix rueq vyumx maq shuimx yaq yauk shuimc kuex khiz vshuiux haz? Tsuingshiq lotlaz kuex yac yuimx htenc mvrc yaq khok nuex nawk palx wuez yaq. Tsuingshiq mvrax kvhoalc bomc kuex, ‘Yehowa rueq naungshiq kuex khiz muq! Vpiq rueq mungtan kuex tuip gay shec tueq,’ ngoz tueq jungx wuez yaq,” ngoz tueq jungx phuex.

EJEKIEL 9:9

Tishox rueq, “Israel nuiyc Yuda miqsaz htenc kuex kvhiz juing mvrax htenc yaq gay tueq. Tsuingshiq rueq wvmungx tuimx nuex miq thvy gay mvrax yaq gay nuiyc Yerusalem muinz mvrax yauk shuimc htenc mvrc yaq. Ngaz, Yehowa rueq tsuingshiq mungtan kuex gay shec ruiux, tsuingshiq kuex khiz muq shex ngoz tueq tsuingshiq rueq jungx wuez yaq.

Hosea 5:5

Israel miqsaz thuinz tvyungc yaq kvraq tsuingshiq muex tvyonz yex yaq. Tsuingshiq mvrax htenc rueq tsuingshiq kuex tvhtuip tvrul gay yaq, Yuda miqsaz htenc kuex tsuingshiq rulc vdvmz rul wvnc wuez yaq.

Hosea 7:16

Tsuingshiq kuex ngvy kox wawc kvroz kaz wvnc vtueq luimc vkawc vguez tishox kox nuex kvwek kaz wuez tueq. Tsuingshiq kuex tingmuq laq ikhoc vkvmx juing rvmuq. Tsuingshiq vyungx vlaungx bix kuex thuinz tvyungc vtueq kvjaz ningkhvnc nuex, tsuingshiq kuex shox nuex thueyc wvnc wuez tuex, Ejip miqsaz rueq nueykuic wuez shuex.”

Mikha 3:12

Kvkhoc rvtueq, nuimshiq ningkhvnc nuex, Zion kuex nax ikhoc htoay gay rvhumc ruiux, Yerusalem kuex tvbac httak phungc gay rvhumc tuex, Shomc Yuimx luimx kuex luingx vlak yaungx wvnc tuex.

Mikha 6:12

Nuimshiq luiz waungx tuinx kuex htemc saz jix mop jap dvyx rvtueq, nuimshiq lotlaz vrot vkaq jix jvnc rvtuit.

HABAKUK 1:13

Yuq muinz mnoz rueq vruex kv-phelc kvruik raz tueq honc vbac miqsaz htenc muex yvmx khoc lac nanx kuq vshuiux? Mmuik htenc kuex pinhtumc sawc hvlc ningkhvnc nuex honc vbac htenc kuex lawc roc muq, miqsaz htenc rueq vyaq yauk shuimx yaq kvmuinz mnoz rueq nanx lot muq. Kvkhoc rvyruiux tsuingshiq rueq tsuingshiq htauk nuex jvnc vtueq tsuingrux yaq miqsaz htenc tvbac gay yaq nuex mnoz kuex yvmx rvtueq lac kuiyqshuik dvyx httax vtuiux?

1 Corinthians 10:22

Rvmuq ngoz ruiux naungshiq rueq Taungjix muex khelric tvbac haz roc vshix? Naungshiq kuex vpiq htauk nuex muinz hungc vlaungc httaz hvlc haz?

Jude 1:15

miq lotlaz muex khac phox kuq shuex, miq lotlaz muex tsuingshiq rueq shuimx wvnc tueq layx vbac yauk shuimc htenc laung nuex muinz, tvrac vguez miqsaz htenc rueq Tishox muex khawc lvlc ikhoc ngoz ngax gay tueq kvhiz juing kvjaz htenc lotlaz rawc nuex muinz phox kuy rvhumc tuex!” ngoz tueq shvmmax bomc jungx tueq.