JEREMIA 6:8 - ASII LAKDAP Bible (BSI)

⁸ Jerusalemti lei, arthun mra pinwan tlaq kriika namshiq ma tsii chhi wan lamlu mijalaq. Riimakla, Ngi raq ümniika miimbaiqtlii she mimiimbaiqha. Ngi raq ümchela ka rumnyangkhi kumtsaiphii miishe mitiija baiqha. Kriika hiqmiq changkhü ikha, maiqsi maimak she miraq.”

Hawa Naga Bible 2001

⁸ Yerusalem ghaq jix lex, nuimshiq rueq kvruex kuilc daz htenc kvmac tharc humc wuez shuinz, rvmuq ngoz ruiux ngaz rueq nuimshiq kuex tuip gay phaungx; nuimshiq ghaqyungx kuex miq vshiz muinz httax muq juing kumtsvy tvnx muex tvyaungc gay shaungx,” ngoz tueq jungx tueq.

JEREMIA 6:8 Referencias Cruzadas

Tvtsvmc 2:10

Ümchaü min namshiq hokhambi raq ara hon chong ara tai ronglaq; ara bomchong ara sap rong laq, namshiq mangjong pengtibi raq;

Tvtsvmc 50:17

Ngi raq ümniima tsii chongkuq phata akhii riilaü; ümniiraq ngi aming raütu no na tsuq baiqlaü.

Tvtsvmc 94:12

Tatiwe lei, ümniiraq trantsiitlaüti ma peohea, ümniiraq ju miiwa ümtri shrin tlaüti ma!

TAKSU LAK 19:20

Hon atsii chongkuq tlaq, kra samhea tiitsang tailaq. Raüla ümnaq maiqshaq ma mija haü.

TAKSU LAK 4:13

Ümniiraq jamlai wa shrin laü, kra tsan na tiitsang shat riilaq. Phaqchi sap wan laü kriika ümrilung. Aheawiq maq saiqsam laq.

JEREMIA 17:23

Tsangtitiim raq ibom taimak riito. Kiimaq tsantsii kuq mak riito. Ibom taiwan rii na, tsangshiq ka nilan kong ma jawanto. Kiimaq ngi raq ashrinkuqha ka tlang wan mak riito.

JEREMIA 2:15

Tsangshiq raq apaiq ka hangsikong raq tiihaitlaq ikha ahok aho tiihaitlo; tsangshiq raq amung ka kumtsaiphii mung miishe tiijabaiqto, kiimaq achela thun ka botkhulai rai shotbaiqto, laimiq hiqmiq changkhü miishe tiijabaiqto.

JEREMIA 31:19

Naishiq ka ümwokhong wa juhokai, shatmaq jaqlo liipan niili ümwokhong na jangwan nong lungwiitiikai. Ümniiraq naishiq ma mo tiiholaü she, naishiq raq naitok ka hiq na kurang hoqsiqkai. Naishiq raq jea ngaükai, kiimaq naishiq khushü tiijamkai, jamkhano ngukla naishiq noseji na ngarai tangkai.’

JEREMIA 32:33

Tsangshiq raq Ngi ma jainong shungkuq wanto. Ngi raq tsangshiq ma ümtinkhan wa shrinkuq wan kang. Shatmaq tsangshiq raq ibom chong ka taimak dongdii tlea wanto. Kiimaq saptsin wan hai jaq ngutiika manhii mak dongdii.

JEREMIA 4:14

Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

JEREMIA 7:28

Ümniiraq tsangshiq ma tsang mungti raq Ngi, Tsangshiq Tatiwe, Shiikeawe bom ka taimak riimakla, tsangshiq raq moho phataq kriiwa tsii chhiphaq mak dea nguta chonglaq. Atsap akap hon atsii atsaikai wishe. Kriika archong phan min riichongphan mak she.

JEREMIA 7:34

Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

EJEKIEL 23:18

Apaiq ka mungmaiqse man na mephe nyung dea nguta tantan sito. Kiimaq maiq wiitarü raq apaiq ka mephe nyung dea nguta asap riito. Ngi ka anyi nyung ma jamkho isaisitaq kiikha apaiq miimin isaisi she riito.

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

Hosea 9:12

Anyungtiim raq tsangsetiim li hum raü min, wiita ngi raq mitsat baiqha. Laihü nyungtiim ma mitiijaha. Ngi raq tiishaübaiqkang miiphat, riitsitsaitsiiq michamchao.

LEWI 26:34

Kra jiishetiq namshiq raq hiqkhu rakhu ma niitiitsak kuq man dea riilan kra, hiqkhu rakhu wiita raq rawii luhea niitiitsak akhing she milap wan. Wak ajam thun ka asham seati maiq ahüshe miraq. Kiimaq tsangshiq raq niitiitsak wan akhing milap. Kiimaq namshiq ka pongmung na namjaqtinok hiq na munglu shumwikong ma jalanta misihan.

JEPHANIA 3:7

Ngi raq arthun klowan kang arka, isenginok raq ngi ma mishreng wan sham, nguta tiima wan kang. Kiimaq tsangshiq ma nithak lata, tsii chongkuq tiikang kra mitai sham, nguta tiima wankang. Ngi raq tsangshiq ma shrinkuq wan kang ka, ümtiikiimin laqbaiq mak miraq ahiq, nguta tiima wan kang. Shatmaq tsangshiq ka jaqlo liipan niilishe, man na sitaq kra thaq na, naolaqhea jabi wan wan khoti riito.

TRI CHONGKE 32:29

Tsangshiq ka re raq jamkhano tang wantaq kra takmak; tsangshiq ka jamkho miq wantaq kra tak mak.