JEREMIA 2:15 - ASII LAKDAP Bible (BSI)

¹⁵ Tsangshiq raq apaiq ka hangsikong raq tiihaitlaq ikha ahok aho tiihaitlo; tsangshiq raq amung ka kumtsaiphii mung miishe tiijabaiqto, kiimaq achela thun ka botkhulai rai shotbaiqto, laimiq hiqmiq changkhü miishe tiijabaiqto.

Hawa Naga Bible 2001

¹⁵ Tsuingshiq rueq piq kuex hangsic rueq ikhoc huk yaq; tsuingshiq rueq piq mungtan kuex kumtsvy tvnx muex tvyaungc vtueq, piq ghaq htenc kuex tvbac gay ruiux, miq httax muq laz juing tuip gay shec tueq.

JEREMIA 2:15 Referencias Cruzadas

YOBA 4:10

Ajiq kiimungti ka hangsikong ikha hokhiiq tlo, shatmaq Shiikeawe raq tsangshiq ka tiikaiqshak bukbaiqtlo kiimaq tsangshiq wi thun ka ngoqbaiqtlo.

Tvtsvmc 57:4

Ngi ka ijaqti raq tiikomtam maq komwanto, tsangshiq ka maiqphaqti hangsi kong ikha. Tsangwi phong ka piq khu ikha kiimaq liqsin ikha sihea; tsangtili thun ka jasai phong sihea ikha.

ISAIA 1:7

Ümmung ka miqchup tiithenbaiqto she. Kiimaq ümmung wa chela thun ka wiita wa maq chaqbaiqto. Raüta botkhulai rai she shotbaiqto. Ümniiraq liishat ümmakki na, pongmungti raq ümmung ka khatto. Raüta wiita jiiwanto. Raüta hiq maq hutse she shiithen baiqto.

ISAIA 24:1

Tatiwe raq mangjong hiq ka atiithen mirbaiq. Raüta hiqmiq changkhü ma mitiija. Apaiq raq hiq raikhü ka akap atsea miphebaiq. Raüta maiqse ka wiita barapse na minyinbaiq.

ISAIA 5:29

Phenlabi kong ka hangsikong raq ngam kaq raüta, anü na kam raqraq maq ngam maa ka jurmin tsangnü wa nyeaholot mak hiq ba na hit hotlaq ikha gantrangtlo.

ISAIA 5:9

Ngi raq Ajong Pinthum Tati raq akha ngutlo taikang, “Arthun jamkaütiim ajong jong wiq siisaq, kiimaq tsomhea sitlaq jamkaütiim thun arka jammii she miriimki.

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

JEREMIA 10:22

Taironglaq! tsütsa she saükito! Shekhu nü mung maq reshe dong wanto! Kra re raq Juda mung wa chela thun ka kumtsaiphii ma mitiijabaiq, miikakoi kong sichang miishe mija wan.”

JEREMIA 25:30

“Jeremia, ümniiriika, Ngi raq jamlai bom wa chongkang kra wiita chiiriim laüta chongke ratlo. Ümniiraq arnok ma chongke raa dongdii, ‘Tatiwe ka ramungtan maq ahok aho misaüho; kiimaq ramungtan nyang maq amok achhai misaüho. Apaiq ka asenginok ma ahok aho miraq, apaiq ka spiqtsi tiikittiwe ikha agi asii miraq, hiqraikhü na siti maiqse angu kunli raq mitai.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 26:9

Ümniiraq Tatiwe mang na ara Shomjam ka Shilo chela wa asii jam tiithenbaiqtaq kiikha mitiithen baiq kiimaq ara chela armin atiithen mirbaiq. Raüta ara chela na siti maiq ka jumin ahü she miraq nguta jaram wa son laü?” Raütiishe mungmaiqse ka ngi trotam niishe riitsap wanto.

JEREMIA 33:10

Tatiwe raq nguto, “Maiqse raq ara hiqshong arka kumtsaiphii rumnyangkhi ikha jakito. Arjaq maiq min simak she, kiimaq nyamse kong min simak she. Tsangshiq raq ngutlaq ka tengto dea. Juda mung wa chela thun ka kiimaq Jerusalem chela wa chiihea wea lam thun ka shaqmii she. Maiq min simak kiimaq nyamse kong min simak she. Shatmaq jaimaq arthun arjaq ümniiraq mitai nonghaü.

JEREMIA 34:22

Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”

JEREMIA 4:7

Hangsikaü rum na bomhai raüta akhe dongkitlaq ikha, maiq mung thun tiithenkaitiwe kitlo she. Apaiq ka Juda mung tiithenkai kitlo. Juda mung wa chela thun ka botkhulai rai mishotbaiq, kiimaq kriithun na maiq jumin simak she miraq.

JEREMIA 44:22

Ümchaü ranaiq na saüli, nam mung ka hiqmiq changkhü miishe jakito. Maiq ka kiijaq jumin simak she. Nammung ka maiqphiip maiqjiip changli she sitlo. Nam hiqshong namrahai mang kra chong raüta maiqse raq manson shiiton ke bomtsi miili she tiijatlo. Jamkhano ngukla Tatiwe raq namshiq raq abi kiimung tlan homa thun ka ninlot mak she riito.

JEREMIA 5:6

Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.

JEREMIA 50:17

Tatiwe raq ngutlo, “Israilnok ka skusekong hangsi kong raq jo raüta atiipinbaiq ikha. Apha na tsangshiq ka Asiria mung hokhamwe ajongwe raq khatto. Kiimaq kra jai maq Bebilon mung hokhamwe Nebukadnejar raq tsang rii thun ka bunlaklak kaqphaqto.

JEREMIA 51:38

Bebilon mungti ka wiita hangsi kong ikha gitrangtlo. Kiimaq hangsi sekong gantlaq ikha gantrangtlo.

JEREMIA 6:8

Jerusalemti lei, arthun mra pinwan tlaq kriika namshiq ma tsii chhi wan lamlu mijalaq. Riimakla, Ngi raq ümniika miimbaiqtlii she mimiimbaiqha. Ngi raq ümchela ka rumnyangkhi kumtsaiphii miishe mitiija baiqha. Kriika hiqmiq changkhü ikha, maiqsi maimak she miraq.”

JEREMIA 9:10

Ngi raq ngukang, “Ngi raq pum thun miitu majo mihoqha kiimaq nyamse rümchang nyiimlung rii miitu mihoqha, jamkhano ngukla kriithun ka wiitashe shinkito, kiimaq kriithun lam maq maiq jumin khummak she. Nyamse kong trang ka ahü she; wushi thun nai rumnyamse thun wiitashe pinwanto.”

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

EJEKIEL 36:3

“Ikhla riisham bom maq tiithailaq, laüta, Ngi, Tati Rakaü Hiqwe raq jamlai wa ngutiikang ara tiitai chongkuqlaq. Ümtiikiiwa, Israil mung tro na siti maiq mung thun raq Israil ka longtaq, raüta jiiwantaq kiimaq Israil mung wa pum thun wa tsiiq anyam thun ka tsuq wantaq, kra akhing na tsangshiq tarü raq Israil ka kai shummiito.

EJEKIEL 5:14

Ümtro na maiq mung thun sitlaq kriiwa maiq loweatek alea wan lam maq ümniika chhi raüta thophi riiqphi mishummii. Kiimaq apaiq ümtho na wamak, alu miilishe milii.

Hosea 11:10

Tatiwe raq ngutlo, “Hangsi gitlaq ikha tsangjaqtinok raq mikaqphaq. Raüla isenginok iwokhong na miwa. Tsangshiq shenyap mung wa taülaükhiq, ngi phana miwa.

Hosea 5:14

Jamkhano ngukla, ngi ka hangsi ma jalata, Israil mung ka mikaqha, hangsisetiim ma jalata Juda mung mikaqha, tsangngam ka bunlak buncha mipan phaqha. Inübok wa tsangshiq tiichhii wanti jumin ahü.”

AMO LUIK DVP (AMOS) 3:12

Tatiwe raq ngutlo, “Kra akhing na Israilnok, skurümti raq hangsi nüchho ahokpe anai, riimak la anilok wiinaise kli, skuse akaqho wa hangsi nüchho nyeaki tlaq ikha, chiithe lüwa chamtraq chang na tiipii raüta konti, Samaria chelati Israilnok kiimin, sku hokpe kiikha, asoseli she mitiichhii wan.

AMO LUIK DVP (AMOS) 3:4

Hangsikaü raq rum na ngam kaqhü maq gitliishea? Hangsise ka abumchang longsha na, ngam phaqhü maq migansiq shea?

AMO LUIK DVP (AMOS) 3:8

Hangsi kaü giraüjaq, haimak misi shea? Ajong Thaq Na Ajong Tatiwe she bom haü jaq, shammi bom chongmak juwa misi?

NAHUM 2:11

Hangsikong sichang longsha ikha chela, ümchaü ümbano? Hangsi sekong dungchang longsha irchong? Hangsi liwe nai hangsikaü sichang irchong? kiimaq asetiim thüchang longsha?

JEPHANIA 1:18

Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.

JEPHANIA 2:5

Namshiq Philistainnok lei then lan she. Sammoktra chumkii na sitinok lei, Tatiwe raq namshiq ka ashra baiqwi she. Apaiq raq namshiq ka mishthenbaiq. Namshiq phongwa ashi min tiichong mak she miraq.

JEPHANIA 3:6

Tatiwe raq ngutlo, “Ngi raq pong mung thun tiithum baiq kang. Tsangshiq chela thun runbaiq kang she. Tsangshiq peruk thun nai kongmong chong thun, tiibun baiq kang she. Chela thun ka hiqmiq changkhü she; Chiiheawea lam thun ka shaqmiishe. Maiq ka jumin ahü she.

JEKERIA 11:3

Tsanbi tsi ma mungtubi hoqtrang tlo, tsangshiq khushü thumto she! Taimanta rum na hangsikong gitrang, tsangshiq haisea chang Jordan raiwiiq, shiithen baiqto she!

PHOWEBI 14:5

Krai mren Samson ka awe nai anyung rai Timna chela na kihoto. Tsangshiq ka spiqro wakram lam maq akai rai riito. Kiittiikaq apaiq raq hangsi kaü are ashi ahok watrang taito.