Apocalipse 20:4 - Kaxinawá Bíblia (BR) Hanushũ habũ hatu unãti washanai haki tsaushũ unãti wati habũ hatũ kuxipa biaibu ẽ uĩshuki. Ha dikabi Deusũ yusĩa txibãkĩ txĩtuãma Jesuskiri yusĩkubainaibu habũ bushka teshteabu hatũ yushĩ ẽ uĩshuki. Habu ikirã, ha yuinaka mese atimapahaira inũ, hawẽ dami kẽwãbuma inũ, yuinaka mese atimapahairatũ enabu unãti habũ betũkuki inũ hatũ mekẽ petxiki hatũ kene netãmakĩ amama ikubainimabuki. Haskawẽ taea ana besteĩ benibaũ 1.000 ano Jesus Cristobe shanẽ ibushãkanikiki. Haskaibu ẽ uĩshuki, Kashinawa : Diosun Jesúswen taexun yuba bena yiniki Januxun jabun jatu unanti waxanai jaki tsauxun unanti wati jabun jatun kushipa biaibu en uinxuki. Ja dikabi Diosun yusian chibankin chintuanma Jesúskidi yusinkubainaibu jabun buxka texteabu jatun yushin en uinxuki. Jabu ikidan, ja yuinaka mese atimapajaida inun, jawen dami kenwanbuma inun, yuinaka mese atimapajaidatun enabu unanti jabun betunkuki inun jatun meken pechiki jatun kene netanmakin amama ikubainimabuki. Jaskawen taea ana bestein benibaun 1,000 año Cristobe xanen ibuxankanikiki. Jaskaibu en uinxuki, |
Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.
Uĩkãwẽ. Ha shaba mese dasibi datemakĩ ea ẽ Senhor Deusũ kupiaitiã huriamakẽ ẽ hãtxa yuishunika Elias hiwepaunirã, ana matu anu ẽ yunushanaii.
Jesusũ ana nuku yuikĩ: —Ikũkĩ ẽ matu yuiaii. Bari hawẽ henei keyuaitiã ẽ Epã dasibi benawaya ẽ habe shanẽ ibuaya txĩtuãma mã ẽ 12 tsumabũ ea txibãkubaĩmisbu ebe shanẽ ibukĩ Israelĩ 12 bakebu shukuakeakeabu mã unãti wanũ bariaii.
Matu haska waibutiã itxapabũ ea txibaĩ beshteketã hanushũ ikũwaĩbu betsabu danãkĩ hatu atximakeakeshãkanikiki.
Herodesĩ hatu nĩkatã yuikĩ: —Habaa! João ẽ hatu yunua teshteimaburã, ma bestẽxinamẽkaĩ— inikiaki.
hakimamari ha soldado bitxiti hiwe anu hau katanũ shanẽ ibũ yunukĩ: —Joãonẽ bushka teshteshũ ea beshũtãwẽ— aka
ana hawẽ tsumabũ Jesus yukakĩ: —Yusĩnãbũ hatu yusĩkĩ Deusũ hãtxa kenenibuwẽ hatu yuikĩ: “Nukũ mekenã Cristo huriama bebũkiri Elias hushanikiki”, ikirã, haskai imisbumẽ?— akabu
Haska inũ, mĩ bake Joãonẽnã, Deusũ kuxipaya hawẽ Yushĩyã bebũ nishũ haska Eliasĩ Deusũ hãtxa yuishunikatũ ani keska wakĩ hatũ ibubu habũ bakebu ana danãnanaĩ sinatanameama inũ ha patapakĩ nĩkaisbuma hau habũri Deus txibanũbũ mĩ bake Joãonẽ yurabu hatũ Shanẽ Ibu huai manamakĩ hatu xinã betsa wamashanikiki— aka
haska washũ mia ishũ habũri mia pimatirubumawẽ taeshũ pepabu mawa ana besteaĩtiã mĩ pepawẽ Epa Deusũ mia manakua mĩ benimashanaii— akaya
Mawaira hatishuĩra yurabũ ea uĩyama ishãkanikiki. Hakia matunã, mã ana ea uĩyushanaii. Ha inũ, ẽ ana matu hiweshunaiwẽ taea maturi mã hiweriakũkaĩshanaii.
Haska enabu Israelbũ Jesus Cristo danaĩbuwẽ taeshũ yurabu mai hirabi anu manibaũshũ Deusũ kakape habũ Jesus Cristokiri ikũwãbaunaibuwẽ taeshũ enabũ ikũwãkĩ taewariakĩ hatũ txakabu henei haki petxitã yura mawa ana besteã keskai hiwe kuĩa biriai benimashãkanikiki.
Haskakẽ Cristoki nũ ma dasiabuwẽ taea nũ ma Deusũ bakebuki. Haska inũ, yura betsabũ hawara bika nuku tenemaibu Cristõ tenekubaini keska wakĩ hawa yuiama nũ tenekubainaii. Haskawẽ taea naiuri hawa ana bika teneama nũ habe hiweshanaii.
Tsuabura Cristowẽ taea nuitapabiai babuama kuxipakĩ nũ binukubainaiburã, txanima hanu shanẽ ibuai anu habe nũ shanẽ ibushanaii. Hamẽ tsuabũra hakiri txani peama yui keyaĩsbumarã, habiaskari Cristo hatukiri Epa Deus txanikĩ hatuki dakeriashanikiki.
Haskawẽ taeshũ Deusũ hãtxa inũ, Jesus Cristõ ea unãmaxina ẽ nĩkaxina inũ, dasibi ẽ uĩxina hawa txanitxakama ẽ matu yui kayabiaii. Ẽ hãtxa txanima uĩkĩ nĩkairakãwẽ.
Ea ẽ matũ betsa Joãonã, matu keska Jesuski dasia Deusbe shanẽ ibuaibe nia betsa betsapa tenei txĩtuãma Jesusũ kuxipawẽ ẽ binukubainaii. Ha inũ, Deusũ kakape yusĩkĩ Jesusũ nuku mekekatsis ikai shabakabi ẽ hatu yuikubainaiwẽ taeshũ na natukã hawẽ kena Patmos anu ea nitxiãbu
hanua haskabiaibũ shaba dabe inũ besti namakis kaya hawẽ hãtxa yuishunikabu Deusũ ana hatu bestẽwã ana hiwei benirabebaunaibu dasibibũ hatu uĩ date paepaibũ
Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ
Hanushũ ea Deusũ ẽ tsuma dabe ẽ kuxipa inãkĩ ẽ hatu yunua yurabuwẽ nuihairakĩ besha tari sawetã 1.260 shaba ẽ kakape yusĩ hãtxakubaĩshãkanikiki”, ea washu
Hakia Deusũ hãtxa kakape hatu yunua yusĩkĩ keyuaibũ hawara atimapa pubenepa mai kini keyatapahaira anua mapekekirã hatube atxinamekĩ hatu maemakĩ tenãyã
Habu nukũ betsabũ Satanás maemakinã, Jesus Deusũ txashuwã bake habu mawashũkĩ hawẽ himi habaniwẽ taea inũ hawẽ kakape hãtxa txanikĩ hawa dateama hatũ hiwea benutiruma unãkubaĩmisshũ habu mawawẽ dateisbumã Satanás ma maemariabuki.
Ha inũ, tsuabũra yuinaka mese atimapa kẽwãkĩ hawẽ dami kẽwãriaibu hawenabu wakĩ hawẽ hatu unãti wai hatu nemama hatũ kena hatu netãmamisbu bariri inũ mexu merã heneama ha kuĩwẽ txi nukaismawẽ dunua nuyai bari tibi hawa huĩrukuãma isĩ tenetxakayamakubaĩshãkanikiki”, ikainaya
hanua ha dukũ iãnẽwã beshnãhaira bixtu keska txiyabi husia hayaki. Haskarã, eskaki. Habũ ha yuinaka mese atimapahaira inũ, hawẽ dami danãkĩ kẽwãbuma inũ, hawenabu hawẽ unãti número kena danãkĩ Deusũ hãtxa txibãkĩ Jesus ikũwãkubaĩkĩ maemaxinabu habu iãnẽwã dapi mapushũ Deusũ mimawati harpa hatu inã tsumabu ẽ uĩshuki.
Yuinaka mese atimapahaira mĩ uĩshurã, bebũkiri hiwebiani natiã ana hiwea hayamabia haskabia ana hawẽ henei Deus kupimakĩ keyumayui kini keyatapa shãkĩhaira anua mapekei tashnia Deusũ yamawashanikiki. Haskakiranai mai damiwaitiã tsuabura Deusbe hiwekuĩshanaibu unaki Deusũ habũ kena netãma ini yuinaka mese atimapahaira mawabiani ana ũ unuatiã hiwea mapekea habũ uĩkĩ yui: ‘Habaa! Hawamẽ?’ ishãkanikiki.
Tsuabũra ea danãma txakabu maemakĩ binumisburã, hawa heneama haska ẽ abuai apakemisburã, hanu ẽ ana huai anu ẽ hatu shanẽ ibu wakĩ kuxipa washanaii, hau nawa shukuabu mekenũbunã.
Ha inũ, Deusũ hawenabu wakĩ meribi wanishũ habu dukũ bestẽwanã, benimahairashãkanikiki. Haburã, ana hawa hatũ kuxipa mawa dabeki hayamahaira ishãkanikiki. Haskawẽ taea Deus inũ Jesus Cristo dayashuni hãtxashuni besti habe shanẽ ibui 1.000 ano habe shanẽ ibushãkanikiki.
Hari hiweabu anu ana yame hayama inũ hanu hiweshũ nukũ Shanẽ Ibu Deus hatu hiwemakĩ hatu shabawashũkẽ habu habe shanẽ ibui heneama ipapakeshãkanikiki. Haskawẽ taea ana barĩ txasha inũ bĩmã txasha hayama ishãkanikiki.
Tsuabũra ea danãma habũ txakabu maemakĩ binumisburã, hatu manakukĩ ea dapi tsaumakĩ ẽ hatu shanẽ ibumashanaii, haska eã ẽ binu keyuni ẽ Epa dapi tsauwa ẽ habe shanẽ ibuni keska wakinã.
Hanua Deus shanẽ ibu haki tsauti anu 24 tsauti betsa hanu serebauna uĩkĩ 24 mekenikabu habu haki tsauwabu tari hushupa sawea shanẽ ibũ ouro mane maiti maiabu ẽ uĩayã
hanushũ Deusũ txashuwã bakẽ hawẽ unãti ha quinto tsamia dashnuaya habũ Jesus ikũwãkĩ Deusũ hãtxa Jesuskiri yusĩkubaini bika betsa betsapa tenebiai txĩtuãbuma hatu tenãbu txi tapu fogão hanushũ Deus kẽwãkĩ inãkuĩti hanushũ kuamisbu anu ha namã ha pepabũ yushĩ datãbu ẽ uĩayã
yuikĩ: “Meyamayukãwẽ. Deusũ tsumabu habũ betũkuki netãkĩ habu Deusunabu nũ unãti wariamakẽ mai inũ iãnẽwã inũ hi mapua itxakawakĩ daũyamayukãwẽ, Deusunabu hau mawayamayunũbunã”, hatu wa