Apocalipse 1:9 - Kaxinawá Bíblia (BR)

⁹ Ea ẽ matũ betsa Joãonã, matu keska Jesuski dasia Deusbe shanẽ ibuaibe nia betsa betsapa tenei txĩtuãma Jesusũ kuxipawẽ ẽ binukubainaii. Ha inũ, Deusũ kakape yusĩkĩ Jesusũ nuku mekekatsis ikai shabakabi ẽ hatu yuikubainaiwẽ taeshũ na natukã hawẽ kena Patmos anu ea nitxiãbu

Kashinawa : Diosun Jesúswen taexun yuba bena yiniki

⁹ Ea en matun betsa Juanan, matu keska Jesúski dasia Diosbe xanen ibuibe nia betsa betsapa tenei chintuanma Jesúsun kushipawen en binukubainaii. Ja inun, Diosun kakape yusinkin Jesúsun nuku mekekatsis ikai xabakabi en jatu yuikubainaiwen taexun na natukan jawen kena Patmos anu ea nichianbu

Apocalipse 1:9 Referencias Cruzadas

Mateus 20:23

Jesusũ ana hatu yuikĩ: —Txanima ea itxakawaibu ẽ isĩ teneshanai keska mã iriashanaii. Hakia ẽ yusiuri inũ ẽ yusmauri tsaũtã tsua ebe shanẽ ibushanairã, ibubis ẽ yunutirumaki. Ẽ Epa Deusũ hatu katunirã, haburã, ebe ishãkanikiki, shanẽ ibuirã— hatu waya

Marcos 10:39

—Nũ iriatiruki— akabu Jesusũ ana hatu yuikĩ: —Txanima ea itxakawaibu ẽ isĩ teneshanai keska mã teneriashanaii.

João 16:33

Ea haibuwai eki dasia mã dateama unãnuma hiweshanũ na hãtxa ẽ matu yuishuki. Mai anushũ ea ikũwãbumã matu itxakawariaibũ dateyamashãkãwẽ, ẽ ma hatu maemakĩ binuniwẽ taearã— nuku watã

Hechos 1:15

Ha shaba tibi haskakubaĩkĩ shaba betsatiã 120 ikũwaĩbu hatube itxa maniabu Pedrõ hatu yuinũ ika benitã hatu yuikĩ:

Hechos 14:22

mae tibi anushũ hau habũ hatu yusĩshanũbũ ikũwaĩbu yusĩkĩ hatu mestẽwãkĩ yuikĩ: —Eskaki, nĩkakãwẽ. Deus shanẽ ibuaiki nũ dasishanaibu nuku itxakawakubaĩshãkanikiki. Habiaskaki. Habiaskabiakẽ hawa datei txĩtuãma Jesus ikũwãpakeshãkãwẽ— akĩ menetã

Romanos 8:17

Haskakẽ Cristoki nũ ma dasiabuwẽ taea nũ ma Deusũ bakebuki. Haska inũ, yura betsabũ hawara bika nuku tenemaibu Cristõ tenekubaini keska wakĩ hawa yuiama nũ tenekubainaii. Haskawẽ taea naiuri hawa ana bika teneama nũ habe hiweshanaii.

Romanos 8:25

Habiaskabiakẽ hawara Deusũ mae nai anu kashũ nũ uĩriama nũ hawẽ nuiama Deusũ hãtxa ikũbestiwakĩ xinã mestẽwãtã nũ manayukubainaii.

2 Coríntios 1:7

Haska inũ, nũ imis keskai bika hiwekĩ mã teneaibũ haska merabewai nukuwẽ nuikĩ nukũ huĩti nixma Cristõ nuku benimawamis keska wakĩ habiari matuwẽ nuikĩ matũ huĩti nixma benimawashanai matukiri dateama nũ manakubainaii.

Filipenses 1:7

Txanima eã ẽ matukiri pe xinaĩnã, matuwẽ nuikĩ ẽ matu abuhairaii. Maturi dasibi mã ewẽ nuiaya Deusũ matuwẽ ea duawaikiki. Natiã ea bitximabu keska nia shanẽ ibubu bebũ hawa hatũ yunutikiri ẽ hãtxaisma eska besti yui ẽ txakabuisma pekiri hãtxai Deusũ kakape Jesus Cristokiri hatu unãmakĩ hakiri shabakabi ẽ txanikũkainaya mã ea merabewai ebetã teneai keskakubaĩkanaii.

Filipenses 4:14

Ẽ haskabiaya matubunã, ewẽ nuikĩ ẽ bika teneai mã ea merabewakubainirã, mã ea haska wayamarã, matukirirã, peki.

2 Tesalonicenses 3:5

Epa Deus nukuwẽ nuimis keskai betsabube mã nuinameairã, haska Cristõ bika tenei hawẽ kuxipa babuama ini keskai maturi mã babuyamanũbũ hau nukũ Shanẽ Ibũ matu merabewakubainũwẽ.

2 Timóteo 1:8

Mia haska washuniwẽ taea nukũ Shanẽ Ibukiri yusĩ hakiri hãtxai haki dakeyamakũkaĩwẽ. Ha dikabi, hawẽ taeshũri nenu ea bitxiabuwẽ taea ewẽri taea ekiri hãtxairi ewẽ dakeyamariawe. Dateama eskakũkaĩwẽ. Deusũ nuku kuxipa wakubaĩmiswẽ taeshũ Jesus Cristo mekenãkiri kakape nũ hatu yusĩayã nuku itxakawaibuwẽ taeshũ miari bika tenemabiabu hatuwẽ dateama Deusũ kuxipayashũ yusĩkĩ heneyamawe.

Hebreus 10:36

Hamẽ matu akabumaki, bika tenemakinã. Haska Deus yubakani haska xinaĩ keskawẽ matu akaiburã, dateama binui hawẽ mestẽkubaĩkãwẽ. Mã haska tenekubaĩmisbuwẽ taeshũ haska Deus yubakaniwẽ matu manakua txanima mã uĩshanaii.

1 Pedro 5:1

Nukũ Shanẽ Ibu Cristo nuku yumãshunai ẽ uĩniwẽ taeshũ natiã habuã mae tibi anushũ Cristo ikũwaĩbu matu mekenikabu ẽ matu hatu yusĩ pewakatsis ikai ea nĩkakãwẽ. Eari Cristo ikũwaĩbu ẽ hatũ mekenãriki, habu keskarirã. Ha inũ, Cristo shanẽ ibuhairai hukĩ hawẽ kuxipa nuku uĩmaya eari ẽ hatube benimatxakayamashanaii.

Apocalipse 1:1

Ha dukũ Deusũ Jesus Cristo ishanai unãmaniki. Hanushũ eari samama hawaira haskashanai ea ẽ hawẽ tsuma João unãmakatsis ikĩ hawẽ nai tsuma Jesus Cristõ yunua ea uĩmaxinaki, na haska inũbariai dasibi nũ hawẽ tsumabũ tapĩtã hatu yusĩkubaĩshanũ ea unãmakinã.

Apocalipse 1:2

Haskawẽ taeshũ Deusũ hãtxa inũ, Jesus Cristõ ea unãmaxina ẽ nĩkaxina inũ, dasibi ẽ uĩxina hawa txanitxakama ẽ matu yui kayabiaii. Ẽ hãtxa txanima uĩkĩ nĩkairakãwẽ.

Apocalipse 1:4

Mã Jesus txibaĩbu ha sete yusĩnanaĩ itxamisbu tibi Ásia mai pakeanuabuũ, ẽ Joãonẽ, ẽ matu kene bumai nĩkairakãwẽ. Ha ini inũ, ikũkainai inũ, ana hushanaitũ, nukũ Deusunã, hau matu duawakĩ hawẽ pepa matu inãkĩ unãnuma matu hiwemakubainũwẽ. Habiaskari wakĩ ha sete yushĩ pepa hawẽ shanẽ ibu tsauti bebũ mapuabu hau habũ habiaskari matu wanũbũwẽ.

Apocalipse 1:6

Na habiatiã hawẽ Epa Deus dayashuni nuku habe hãtxanika wakĩ hatũ nuku shanẽ ibu keska waniki. Haskawẽ taea dasibi hawenas kuxipa haya inũ pepa hayakẽ niti ikama kẽwãkubainãkãwẽ. Haskakirã.

Apocalipse 11:7

Hakia Deusũ hãtxa kakape hatu yunua yusĩkĩ keyuaibũ hawara atimapa pubenepa mai kini keyatapahaira anua mapekekirã hatube atxinamekĩ hatu maemakĩ tenãyã

Apocalipse 12:11

Habu nukũ betsabũ Satanás maemakinã, Jesus Deusũ txashuwã bake habu mawashũkĩ hawẽ himi habaniwẽ taea inũ hawẽ kakape hãtxa txanikĩ hawa dateama hatũ hiwea benutiruma unãkubaĩmisshũ habu mawawẽ dateisbumã Satanás ma maemariabuki.

Apocalipse 12:17

haskaya yuxibu sheanã aĩbuki ana sinatahairakĩ ana hawawẽ haska watima hawẽ bababu teshebũ Deusũ hãtxa txibãkĩ Jesus ikũwãkubainaibu tenãnũ ika

Apocalipse 13:10

“Tsuara bitxiti hiwe anu iyukatsi ikĩ bitxiti hiwe anu hatu bitxishãkanikiki. Hanushũ tsuara nupe txaipawẽ hatu tenãkatsis ikĩ nupewẽ hatu debuwashãkanikiki”, habũ txanima Deus ikũwãkĩ habũ hawa xinã betsa wama hatũ kuxipa hatu uĩmashãkanikiki, ikũwaĩ meribibunã.

Apocalipse 14:12

hanushũ habũ txanima Jesus ikũwãkĩ habũ hawa xinã betsawama Deusũ hãtxawẽ hiwekĩ hatũ kuxipa hatu uĩmashãkanikiki, ikũwaĩ meribibunã.

Apocalipse 19:10

kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.

Apocalipse 20:4

Hanushũ habũ hatu unãti washanai haki tsaushũ unãti wati habũ hatũ kuxipa biaibu ẽ uĩshuki. Ha dikabi Deusũ yusĩa txibãkĩ txĩtuãma Jesuskiri yusĩkubainaibu habũ bushka teshteabu hatũ yushĩ ẽ uĩshuki. Habu ikirã, ha yuinaka mese atimapahaira inũ, hawẽ dami kẽwãbuma inũ, yuinaka mese atimapahairatũ enabu unãti habũ betũkuki inũ hatũ mekẽ petxiki hatũ kene netãmakĩ amama ikubainimabuki. Haskawẽ taea ana besteĩ benibaũ 1.000 ano Jesus Cristobe shanẽ ibushãkanikiki. Haskaibu ẽ uĩshuki,

Apocalipse 3:10

Ha inũ, itxakanikatũ mai hirabi anu dasibi maniabu hatu bika tenemakĩ itxakawaya mã Filadélfia anuabũ ẽ yusĩa hãtxa txibãkĩ hawa mã heneismakẽ matu merabewakĩ hawa putama ẽ matu keshekubaĩshanaii.

Apocalipse 6:9

hanushũ Deusũ txashuwã bakẽ hawẽ unãti ha quinto tsamia dashnuaya habũ Jesus ikũwãkĩ Deusũ hãtxa Jesuskiri yusĩkubaini bika betsa betsapa tenebiai txĩtuãbuma hatu tenãbu txi tapu fogão hanushũ Deus kẽwãkĩ inãkuĩti hanushũ kuamisbu anu ha namã ha pepabũ yushĩ datãbu ẽ uĩayã

Apocalipse 7:14

kemakĩ: “Shanẽ ibuũ, mĩ miã unaiĩ”, ẽ wa hanushũ mekenikatũ ana ea yuikĩ: “Txanimaki. Itxakawanikatũ yura dasibi mai hirabi anuabu bikawakĩ hatu nuitapawaya yurabũ hatũ txakabu henekĩ habũ tari detsis keska txashuwã bakẽ himiwẽ txukakĩ habũ detsis yamawakĩ habũ tari hushu pehairawabuki.”