Apocalipse 7:3 - Kaxinawá Bíblia (BR)

³ yuikĩ: “Meyamayukãwẽ. Deusũ tsumabu habũ betũkuki netãkĩ habu Deusunabu nũ unãti wariamakẽ mai inũ iãnẽwã inũ hi mapua itxakawakĩ daũyamayukãwẽ, Deusunabu hau mawayamayunũbunã”, hatu wa

Kashinawa : Diosun Jesúswen taexun yuba bena yiniki

³ yuikin: “Meyamayukanwen. Diosun tsumabu jabun betunkuki netankin jabu Diosunabu nun unanti wadiamaken mai inun ianenwan inun ji mapua ichakawakin daunyamayukanwen, Diosunabu jau mawayamayununbunan”, jatu wa

Apocalipse 7:3 Referencias Cruzadas

Êxodo 12:13

Ha hiwe anu mã ika tibi anu haki dasitã ẽ hawẽ matu unãti washanai himi ma pushabu uĩtã mia inũ minabu ẽ matu dũkebaĩkĩ Egito nawabu kupikĩ matũ huni bake iyuabu ẽ matu tenanãma ishanaii.

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

Isaías 6:13

Ha yurabu décima parte ẽ hatu heneima haburi ẽ yamawaya haskaitiã ipakeshanikiki. Eska keskairã, hi keyatapa derabu hawẽ buru besti henemiski. Hakia hawẽ buru anua hawẽ tushpi betsa datakukirãmis keskai enabu anua hawẽ baba betsa meribi txakabuma tashnikaũshanikiki”, akĩ Deusũ ea waimaki.

Daniel 3:17

Txi here hi ikai inũ dasibi mĩ nukũ shanẽ ibũ nuku txakabuwakatsis ikai nukũ Mekenika Deus nũ kẽwãmistũ nemakĩ nuku binumatiruki.

Daniel 3:26

hãtxakĩ yuikubaini kai, hanu karu kuamisbu kini kesha anu kemashũ hui kushipawẽ hatu kenakĩ: —Sadraque inũ, Mesaque inũ, Abede-Nego Deus dasibi binuatũ tsumabuũ, tashnibirani nenu eanu bekãwẽ— hatu wa, txi here anua ha dabe inũ besti mapekei kaĩbiranaibũ

Daniel 6:16

hatũ hãtxa nĩkatã hau Daniel itãshũ hau mai kini merã inu betsa leão pubẽ hiweabu anu hau urenũbũ Dariõ hatu yunua Daniel putariabuma Dariõ Daniel yuikĩ: —Mĩ mekenika Deus txĩtuãma nĩkakĩ mĩ kẽwãkubainaitũ hau mia mekenũwẽ, mĩ debuyamanunã— akaya

Malaquias 3:18

Haskakẽ habũ mã ea ikũwaĩbu duawakĩ hanua habũ ea nĩkaisbuma yupukĩ ẽ matu haska waitiã mã betsahaira uĩshanaii, hanu ekiri shabakabi unãkinã. Hakia natiã ẽ matu haska washanai mã tapĩriabumaki”, itã,

Mateus 24:22

Ha haskaibutiã Deusũ hawa nemakĩ tsua pashawatirumabia ma hawenabu hatu katuniwẽ taeshũ hatuwẽ nuikĩ hau dasibibu debui keyuyamashanũbũ yumaĩbutiã Deusũ bari ana txai wama txaima shekashanikiki.

Mateus 24:31

Deusũ hawẽ nai tsumabu yunua hawẽ trombeta txaã akĩ hawẽ katuabu mai hirabi anu manibaunabu hatu itxawashãkanikiki.

João 12:26

Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

João 3:33

Hakia tsuabũra hawẽ bake danãma “Deus txani txakaismaki”, ikĩ hawẽ hãtxa mestẽwãmisbuki.

Romanos 6:22

Hakia txakabũ matu tsuma wapauni mã ma heneima hakia natianã, bai pepa betxitã hawama Deus besti mã dayashũkũkaĩkatsis ikaii. Haskakẽ na haska pepa Deus mã dayashunairã, hiwekuĩa pepa mã itxawaii, natiã mã hawẽ meribi hiwekũkainai inũ atimas hawẽ henekĩ hiwekuĩa hawẽ manakukĩ Deusũ matu inãshanikiki.

Apocalipse 13:16

hanushũ dasibibu hatiri shanẽ ibubu inũ shanẽ ibubuma inũ, hatiri mabuwãyãbu inũ nuitapaibu inũ, hatiri tsuãra tsumabu inũ tsumaumabu yuinaka mese atimapa ha katxukeatũ hawenabu unãti wakĩ betsabu habũ mekẽ yusiuri tushkutimawẽ netãkĩ betsabu habũ betũkuki netãkĩ wabu

Apocalipse 13:17

tsuabura ha yuinaka mese atimapã kena inũ hawẽ unãti número hayabumanã, hawa habũ hatũ hamapai inãtirubuma inũ bitirubuma hatu wamashanikiki.

Apocalipse 14:1

Hanushũ ana uĩkĩ Deusũ txashuwã bake Sião mati anu ha yurabu 144.000 habe mapuabu hatibu hawẽ kena inũ hawẽ Epa Deusũ kena ha dabetũ kena hatũ betũkuki kene nea habe mapuabu ẽ uĩshu matu yuinũ nĩkakãwẽ.

Apocalipse 14:9

hanua nai tsuma betsã txibãriabaĩkĩ hui kuxipawẽri yuikĩ: “Tsuabũra yuinaka mese atimapa inũ hawẽ dami kẽwãnũ ika habu heẽ iyamama hatũ betũkuki inũ hatũ mekẽki hawẽ unãti mã hatu netãmamisburã,

Apocalipse 19:2

Ha inũ, yura dasibibu unãshũ kaneama kupimiswẽ taeshũ mae ewapa aĩbu hininipa keskatũ yurabu dasibi txakabuwamakubainai ma kupikiki. Ha inũ, aĩbu hininipa keskatũ Deusũ tsumabu tenãkubaĩmiswẽ taeshũ Deusũ hawẽ mae ewapa haki sinata paepakĩ yamawaikiki”, itã

Apocalipse 20:4

Hanushũ habũ hatu unãti washanai haki tsaushũ unãti wati habũ hatũ kuxipa biaibu ẽ uĩshuki. Ha dikabi Deusũ yusĩa txibãkĩ txĩtuãma Jesuskiri yusĩkubainaibu habũ bushka teshteabu hatũ yushĩ ẽ uĩshuki. Habu ikirã, ha yuinaka mese atimapahaira inũ, hawẽ dami kẽwãbuma inũ, yuinaka mese atimapahairatũ enabu unãti habũ betũkuki inũ hatũ mekẽ petxiki hatũ kene netãmakĩ amama ikubainimabuki. Haskawẽ taea ana besteĩ benibaũ 1.000 ano Jesus Cristobe shanẽ ibushãkanikiki. Haskaibu ẽ uĩshuki,

Apocalipse 22:4

Haria Deusbe beisinã dabeshãkanikiki, Deusũ kena hatũ betũkuki nea hayarã.

Apocalipse 6:6

ha hiweabu dabe inũ dabe anua ha hãtxa kaĩmakĩ yuiai ẽ nĩkaya: “Piti yama tukãtiã shekiwã ha misi wati kilo bestitxai hawẽ karu shekamakĩ shaba bestitxai daya pei wakubaĩwẽ. Ha inũ, misi wati betsa cevada pe beshmas kilo dabe inũ besti hawẽ karu shekamakĩ shaba bestitxai daya pei wakubaĩwẽ. Hakia piti sheni inũ uva vinho ana karu wayamakubaĩwẽ”, aka kaya

Apocalipse 7:1

ha binukainaya hanushũ ana uĩkĩ nai tsuma dabe inũ dabe mapuakeakeabu ẽ uĩayã betsa bari huaikiri leste anu nia betsa bari hikiaikiri oeste anu nia betsa norte anu nia betsa sul anu nia habũ niwe dasibi tsumashũ nemakĩ mai inũ iãnẽwã inũ hi mapua hau niwe hanu shũku ikĩ hau itxakawayamayunũbũ

Apocalipse 7:2

hanua nai tsuma betsa bari huaikiria lestekiria hukĩ nukũ Epa Deus hiweatũ hawenabu unãti washũti hayatũ hui kuxipawẽ ha nai tsuma dabe inũ dabe habu kuxipa mai inũ iãnẽwã daũti hayabu hatu

Apocalipse 9:4

yunukĩ: “Mai anushũ basi piama hamapai mibã xarabu piama hi piama yurabu habũ betũkuki Deusunabu hawẽ unãti netãbuma besti pikĩ hatu itxakawakubaĩtãkãwẽ,