Apocalipse 15 - Kaxinawá Bíblia (BR)

Yurabu hatu itxakawati sete nai tsumabu haya Joãonẽ uĩnikiaki, na hãtxarã

¹ Hanushũ hawẽ hatu unãmakĩ itxakawati mese sete hawẽ henea haska nai anua kaĩaĩ ha uĩ e iti txakabuhairawẽ haska nai tsumabũ Deusũ yurabu nuitapawakĩ hatu itxakawashanai sete nai tsumabũ kẽtxa tibiki hawẽ henea Deus sinatamis tsumabu ẽ uĩayã

² hanua ha dukũ iãnẽwã beshnãhaira bixtu keska txiyabi husia hayaki. Haskarã, eskaki. Habũ ha yuinaka mese atimapahaira inũ, hawẽ dami danãkĩ kẽwãbuma inũ, hawenabu hawẽ unãti número kena danãkĩ Deusũ hãtxa txibãkĩ Jesus ikũwãkubaĩkĩ maemaxinabu habu iãnẽwã dapi mapushũ Deusũ mimawati harpa hatu inã tsumabu ẽ uĩshuki.

³ Habu nawakĩ Deusũ tsuma Moisés inũ Jesus txashuwã bake ha dabetã nawatiwẽ Deus kẽwãkĩ nawakĩ yuikĩ: “Dasibi hamapai dami ewapa tibi akĩ mĩ hatu e imati anirã, mĩ mia bestiki, Yavé Deus kuxipa dasibi binu keyuarã, mai hirabi yurabũ mĩ Shanẽ Iburã. Tsua parãma mĩ xinã kayatapiawẽ txanima mĩ nuku pe mekekubaĩmiski.

⁴ Mia besti meribi hiwea mĩ kaneisma unãkĩ yurabu betsa betsapa dasibibũ mia yui mesewai datebetanã duawakĩ mia kẽwãshãkanikiki, mĩ pepawẽ kaneama mĩ akubaĩmiswẽ taeshunã”, akaibũ

⁵ haskaibu naiuri ẽ uĩayã Deusũ hiwe nai anu bepẽmanakainaya Deus yubakatã Moisés hiwe wamani

⁶ ha meranua sete nai tsumabũ ha tibitũ hawẽ hatu itxakawati tsuma kaĩbiranaibũ habũ tarirã, hushupa txashahaira sawea inũ ouro nanesheketi shutxi putxinĩ kesua sawea mapuabu

⁷ ha hiweabu dabe inũ dabe betsã ha sete nai tsumabu tibi ouro kẽtxaki Deus hiwei ikibi ini hiweatũ hawẽ yurabu kupiti mata hatu inãkeakeaya

⁸ Deus kuxipa duapahaira txi kuĩ keska hawẽ meribi dĩtu mata anua huikiki. Ha sete nai tsumabu habu tibitũ itxakawatiwẽ yurabu itxakawakĩ keyuriabumakẽ Deusũ Templo anu yane hikitirubumaki.