Apocalipse 15:3 - Kaxinawá Bíblia (BR)

³ Habu nawakĩ Deusũ tsuma Moisés inũ Jesus txashuwã bake ha dabetã nawatiwẽ Deus kẽwãkĩ nawakĩ yuikĩ: “Dasibi hamapai dami ewapa tibi akĩ mĩ hatu e imati anirã, mĩ mia bestiki, Yavé Deus kuxipa dasibi binu keyuarã, mai hirabi yurabũ mĩ Shanẽ Iburã. Tsua parãma mĩ xinã kayatapiawẽ txanima mĩ nuku pe mekekubaĩmiski.

Kashinawa : Diosun Jesúswen taexun yuba bena yiniki

³ Jabu nawakin Diosun tsuma Moisés inun Jesús chaxuwan bake ja dabetan nawatiwen Dios kenwankin nawakin yuikin: “Dasibi jamapai dami ewapa tibi akin min jatu e imati anidan, min mia bestiki, Yavé Dios kushipa dasibi binu keyuadan, mai jidabi yudabun min Xanen Ibudan. Tsua padanma min shinan kayatapiawen chanima min nuku pe mekekubainmiski.

Apocalipse 15:3 Referencias Cruzadas

Gênesis 17:1

Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Jó 5:9

Hatunã, haska tsuã atirumahaira hatu haba imakĩ hawara sharabu itxapa Deusũ akubaĩmiski.

Salmos 100:5

Senhor Deus pepa bestiwẽ taeshunã. Hawẽ nui paerã, keyutirumaki, ikibi ikarã. Hawẽ shinã betsa waisma ipakeikiki, keyuismarã.

Salmos 139:14

Haskawẽ taea e itã ẽ mia kẽwaiĩ, mĩ ea pehaira waniwẽ taeshunã. Na yura ẽ hayarã, mĩ ea pehaira wani txanima ẽ ikũwaiĩ.

Isaías 33:22

Ha shashuwã natxãkãki hawẽ dispi tibiki ha tari haki pũtea niwe bekĩ ana pũtes wamawẽ taea ha tari pea pea itiruma ishanikiki. Hatũ shashuwã ana harakiri katirumakẽ haki inatã habu nukuki sinatamisbũ mabu pepa dasibi mapematã mabu nũ pashkaibũ bekũbu inũ tekeyabũri habuna bishãkanikiki. Ha haskaibutianã, Senhor Deusrã, nukũ Shanẽ Ibu inũ, nukũ unãtinanika inũ, nukũ hãtxa pewatã txibãmanika ishanaiwẽ taea hatũ nuku piskumashanikiki.

Isaías 45:21

Mã haratura dami yushĩbe hãtxakĩ yukakatsi ikairã, haska matu ashũtirumẽkaĩ, betsa tibi meakeakei habe hãtxakĩ unãti wakĩ unãkãwẽ. Na haska tibi inũbariairã, bebũkirihairarã, tsuã yui txaninimẽ? Ea besti ẽ ikama inimẽ, Senhor Deusrã? Deus kayabi betsa ea keska hayamaki. Deus kushipahaira maemakĩ mekekĩ binumanika tsua ea keska hayamaki.

Daniel 6:20

haki kemashũ kasha teneshũ Daniel kenakĩ yuikĩ: —Daniel, Deus hiweatũ dayaruũ, mĩ mekenika Deus txĩtuãma nĩkakĩ mĩ kẽwãkubainaitũ leão pubẽbu anu mia urẽbiabũ nemakĩ mia mekeshinamẽ?— aka

Miquéias 7:20

Haska nukũ shenipabu Abraão inũ Jacóbe mĩ yubakani keska wakĩ, Senhor Deusuũ, merabewakĩ nukuwẽ nuikĩ mĩ yubakani hãtxa nuku hakimawayamakubaĩshãwẽ.

João 1:17

Haskawẽ taeshũ bebũkiri Deusũ Moiséswẽ hawẽ hãtxa nũ ha txibanũ nuku yununiki. Hakia txanima hãtxa haya inũ hawẽ nui abunameti kayabi huirã, hanua nũ binũ Jesus Cristowẽ taea besti huaki.

Deuteronômio 34:5

habiaskari Senhor Deusũ bebũkiri yuimarã, Senhor Deusũ tsuma Moisés mawakẽ

1 Timóteo 1:17

Hanua Deus nũ uĩtirumabia ha bestitũ nuku mekei shanẽ ibuhairakũkaini niti ikama hiwemistũ dasibi damiwani heneama hau dasibibũ kẽwãkubainũbũwẽ. Haskakirã.

Hebreus 3:5

Hamẽ dasibi Deusũ ani txipu nũ nĩkashanai Deusũ enabu hawẽ hãtxa Moisés hatu yuishuni txibãbianirã, hawẽ tsuma besti iniki.

Apocalipse 1:8

Hanua mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana hushanaitũ ea yuikĩ: “Ea dukũ ẽ hiweni inũ ẽ hawẽ henea debesekeaki”, ea washuki.

Apocalipse 11:17

yuikĩ: “Yavé Deusuũ, mĩ pehairaki. Mai hayariama mĩ hiwenirã, natiã betsama habias mĩ hiweaki. Shanẽ ibu betsa yamawatã mĩ kuxipa mĩ hayakũkaĩmiswẽ yura dasibibu mekei mia besti mĩ ma shanẽ ibui taeaii. Mia besti kuxipa dasibi binu keyua mĩ pepa nũ mia kẽwaiĩ.

Apocalipse 14:3

nawati bena nawaibu ẽ nĩkashuki. Deus shanẽ ibu haki tsauti besuuri inũ ha hiweabu dabe inũ dabebũ besuuri inũ, ha 24 mekenikabũ besuuri hawẽ nawati benawẽ ha 144.000 habu ha yurabu anua katukĩ Deusũ hawenabu hatu wani nawaibu uĩkĩ ẽ nĩkashurã, habũ besti ha nawati bena unãkanikiki, tsua betsã ha tapĩtirubumarã.

Apocalipse 14:8

hanua ha nai tsuma betsa ha katxukeatũ txibãbaĩkĩ hui kuxipawẽri yuikĩ: “Babilônia maewã kẽ ewa ma yamaikiki. Babilônia anuabũ txakabuhairawakĩ txutawẽ kemukubaĩkĩ nawa betsa betsapabu dasibi habiaskari txakabu atimapa hatu wamakubainaibuwẽ taeshũ habũ mae ewapa Babilônia Deusũ kupikĩ ma yamawaki”, ikainaya

Apocalipse 17:14

txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã

Apocalipse 19:16

Ha inũ, hawẽ kena mestenepa Dasibi Shanẽ Ibubu Inũ Dasibi Yununikabu Binukĩ keyuaki, ika hawẽ tari txaipaki inũ hawẽ kixi kateki ha dabeki hawẽ kena neaki.

Apocalipse 19:2

Ha inũ, yura dasibibu unãshũ kaneama kupimiswẽ taeshũ mae ewapa aĩbu hininipa keskatũ yurabu dasibi txakabuwamakubainai ma kupikiki. Ha inũ, aĩbu hininipa keskatũ Deusũ tsumabu tenãkubaĩmiswẽ taeshũ Deusũ hawẽ mae ewapa haki sinata paepakĩ yamawaikiki”, itã

Apocalipse 4:8

hatibu seis pũyã peiya habũ yura hirabi hawẽ berunati txasha dakabũ bariri inũ mexu merã Deus kẽwãkĩ habũ heneisbumã yuikĩ: “Mĩ pepahairaki. Mĩ dasibi kuxipa binuaki. Mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana mĩ butushanai nũ unaiĩ”, ikĩ