Apocalipse 1:2 - Kaxinawá Bíblia (BR)

² Haskawẽ taeshũ Deusũ hãtxa inũ, Jesus Cristõ ea unãmaxina ẽ nĩkaxina inũ, dasibi ẽ uĩxina hawa txanitxakama ẽ matu yui kayabiaii. Ẽ hãtxa txanima uĩkĩ nĩkairakãwẽ.

Kashinawa : Diosun Jesúswen taexun yuba bena yiniki

² Jaskawen taexun Diosun jancha inun, Jesucriston ea unanmashina en ninkashina inun, dasibi en uinshina jawa chanichakama en matu yui kayabiaii. En jancha chanima uinkin ninkaidakanwen.

Apocalipse 1:2 Referencias Cruzadas

João 12:17

Habiatiãri Lázaro mawaxina Jesusũ kenakĩ bestẽwaĩ uĩmabũ yurã kaiã habu hatuki txanikĩ hatu yuibaũbaunaibũ

João 19:35

hakia bebũkiri Deusũ hãtxa keneni anu yuikĩ: “Hawẽ shau tekeama ishãkanikiki”, anibu inũ, kene betsa anushũ yuikĩ: “Tsuara txatxiabu hawenabũ uĩshãkanikiki”, iwanã, keneniburã, unãmabia habiaskari keneni menekĩ arianibuki. Matũri mã ikũwãshanũbũ hawara ibubis ẽ uĩni ẽ matu yuiaii. Ẽ uĩniwẽ taea ẽ hãtxa txanimaki.

João 21:24

Ana mirima Jesusũ akubaini dasibi nũ kene keyuarã, hati una mai hirabi anushũ meketirubumaki. Hakia Deuskiri Jesusũ nuku unãmai uĩkĩ nĩkakĩ dasibi ẽ tapĩniwẽ taeshũ ẽ hãtxa txanimawẽ eã ibubis ẽ matu keneshũshurã, hatiski. João

João 3:11

—Txanima ẽ mia yuiaii. Eskaki, mia yuinũ nĩkawe. Nukũ uĩkĩ inũ tapĩmisshũ Naximanika João inũ eã nũ matu yusĩmiski. Hakia nukũ hãtxa danãkĩ nukukiri shabakabi mã xinãbumaki.

Hechos 22:15

Haskawẽ taeshũ mianã, hawara uĩkĩ mĩ nĩkaxina yurabu mai hirabi anu hiweabu mĩ hatuki txanikũkaĩshanaii”, iwanã,

Hechos 26:16

Beniriwe, ẽ mia anu hushukirã. Mia katutã haska mĩ ekiri dayakũkaini txanikũkaĩshanũ ẽ mia uĩmashu inũ txipu betsa ẽ mia uĩmashanairã.

Hechos 4:20

Eskawẽ taea nũ ikai matu yuinũ nĩkakãwẽ. Hawara uĩkĩ nũ nĩkakubiranima hakimama hatu yusĩkĩ nũ henetirumaki— hatu wabu

1 Coríntios 2:1

Ẽ betsabu inũ ẽ puibuũ, matũ mae ewapa Corinto anu hikitã hãtxa hawẽrua kemu paewẽ matu yusĩ keãma Deusũ kakape uatiã hunebianikẽ shabakabi hakiri besti ẽ matu yusĩkubainiki.

1 João 1:1

Ẽ betsabu inũ ẽ puibuũ, ẽ matu kene bumai uĩrakãwẽ. Mai damiwariama Cristo hiweni natiã hiwea mã nĩkakubainairã, haskarã, nukũ dukũ hawẽ daya tateskĩ taewabainai nukubũ nũ nĩka taewabainiki. Hanushũ nukũ beruwẽ daiskĩ mekĩ hatũ nuku hiwekuĩmamis ha hãtxa hiwea haya nũ beiskubainiki.

1 João 4:14

Txanima Epa Deusũ hawẽ bake hau yurabu mai hirabi anu hatu mekekubaĩshanũ yununi nukubũ uĩnishũ nũ shabakabi hakiri txanikũkaĩmiski.

3 João 1:12

Dasibibũ: “Haska kaka tashnimakãwẽ”, ika ẽ ikairã, Demétrio bestikiria hãtxa tashnia ẽ nĩkaii, hawẽ kaka txanimarã. Haska hakiri kaka kaĩayã nukũri hakiri hãtxakĩ habiaskari nũ xinaiĩ. Nuku nũ parananaĩ hãtxaisma mĩ unaiĩ.

Apocalipse 1:11

tsuãra ea yuikĩ: “Hawara ẽ mia uĩmai unaki keneshũ Ásia mai pakea anu ha sete yusĩnanaĩ itxamisbu tibi anu bumashãwẽ, Éfeso anu inũ, Esmirna anu inũ, Pérgamo anu inũ, Tiatira anu inũ, Sardes anu inũ, Filadélfia anu inũ, Laodicéia anurã”, ea waya

Apocalipse 1:19

Dasibi mĩ uĩshu inũ, na habiatiã ikai inũ, haskarara inũbariai unaki hatu keneshũriwe.

Apocalipse 1:9

Ea ẽ matũ betsa Joãonã, matu keska Jesuski dasia Deusbe shanẽ ibuaibe nia betsa betsapa tenei txĩtuãma Jesusũ kuxipawẽ ẽ binukubainaii. Ha inũ, Deusũ kakape yusĩkĩ Jesusũ nuku mekekatsis ikai shabakabi ẽ hatu yuikubainaiwẽ taeshũ na natukã hawẽ kena Patmos anu ea nitxiãbu

Apocalipse 12:11

Habu nukũ betsabũ Satanás maemakinã, Jesus Deusũ txashuwã bake habu mawashũkĩ hawẽ himi habaniwẽ taea inũ hawẽ kakape hãtxa txanikĩ hawa dateama hatũ hiwea benutiruma unãkubaĩmisshũ habu mawawẽ dateisbumã Satanás ma maemariabuki.

Apocalipse 12:17

haskaya yuxibu sheanã aĩbuki ana sinatahairakĩ ana hawawẽ haska watima hawẽ bababu teshebũ Deusũ hãtxa txibãkĩ Jesus ikũwãkubainaibu tenãnũ ika

Apocalipse 20:4

Hanushũ habũ hatu unãti washanai haki tsaushũ unãti wati habũ hatũ kuxipa biaibu ẽ uĩshuki. Ha dikabi Deusũ yusĩa txibãkĩ txĩtuãma Jesuskiri yusĩkubainaibu habũ bushka teshteabu hatũ yushĩ ẽ uĩshuki. Habu ikirã, ha yuinaka mese atimapahaira inũ, hawẽ dami kẽwãbuma inũ, yuinaka mese atimapahairatũ enabu unãti habũ betũkuki inũ hatũ mekẽ petxiki hatũ kene netãmakĩ amama ikubainimabuki. Haskawẽ taea ana besteĩ benibaũ 1.000 ano Jesus Cristobe shanẽ ibushãkanikiki. Haskaibu ẽ uĩshuki,

Apocalipse 22:21

Nukũ Shanẽ Ibu Jesus Cristõ hau matu dasibi hawẽ pepawẽ duawakubaĩshanũwẽ. Ea uĩmakubirãshu ẽ hãtxa txanimarã, hatiski. João

Apocalipse 6:9

hanushũ Deusũ txashuwã bakẽ hawẽ unãti ha quinto tsamia dashnuaya habũ Jesus ikũwãkĩ Deusũ hãtxa Jesuskiri yusĩkubaini bika betsa betsapa tenebiai txĩtuãbuma hatu tenãbu txi tapu fogão hanushũ Deus kẽwãkĩ inãkuĩti hanushũ kuamisbu anu ha namã ha pepabũ yushĩ datãbu ẽ uĩayã