Apocalipse 1:3 - Kaxinawá Bíblia (BR)

³ Tsuabũra na ẽ hãtxa hatu yuiaibu inũ habũ na hãtxa nĩkatã: “Txanimaki”, ikĩ txibãkubaĩshanaiburã, Deusũ habu benimawashanikiki, haska inũbariai txanini ma hamapai tashni taeai uĩnã.

Kashinawa : Diosun Jesúswen taexun yuba bena yiniki

³ Tsuabunda na en jancha jatu yuiaibu inun jabun na jancha ninkatan: “Chanimaki”, ikin chibankubainxanaibudan, Diosun jabu benimawaxanikiki, jaska inunbadiai chanini ma jamapai taxni taeai uinan.

Apocalipse 1:3 Referencias Cruzadas

Provérbios 8:34

Earã, ẽ bepẽmanaki. Tsuabura ea anu hushũ dasibi ẽ yusiã bari tibi ea nĩkakubaini txĩtuãma ẽ hatu mekea haya habũ ea nĩkai benimakubaĩshãkanikiki.

Mateus 24:15

Haska mã unãshanũ ha Deus danãtã txakabu kẽwaĩbukiri Deusũ hawẽ hãtxa yuishunika Daniel yuia nĩkatã bebũkiri keneni matu yusĩnũ nĩkakãwẽ— iwanã, ea ẽ Mateũs matu keneshunai tsuãra na hãtxa uĩkĩ tapĩkãwẽ, eska Jesusũ ana yuikubaĩkĩ: —Daniel haska wakẽ Templo hemaĩtĩ anu haska Deusũ danãmis ha dami itsa tashnia nia betxitã

Lucas 11:28

Jesusũ aĩbu yuikĩ: —Txanima habiaskaki. Hakia tsuabũra Deusũ hãtxa nĩkakĩ txibãmisbũ ẽ ewa binui ana benimahairakanikiki— hatu waya

Romanos 13:11

Haska inũ, Jesus Cristo txibãkĩ taewakĩ Deusbe nũ hiweshanai hawẽ hãtxa nĩkakĩ nũ unãnirã, ma ana txaima kemaiwẽ taea ana hatishuĩra haki txikixama yura betsa betsapabuwẽ nuikĩ hawara Deusũ abuai menã hawaira tapĩ hawẽ mekerikãwẽ, uatiã nũ hiwexina keska haskas xinãmarã.

Romanos 13:12

Haska inũ, ana bari itxapama mai anu nũ hiweyuaiwẽ taea hamapai txakabu ewakainaya menã bestẽtã xinãrikãwẽ. Nai anu Deusbe nũ hiweshanai ma kemaiwẽ taeshũ txakabu henerikãwẽ. Eska keskakinã, soldadobu tsakanamẽnũ ika hawẽ mane tari kuxipa sawemis keskakĩ Deusũ kuxipa bitã hawa dateama Satanás nemakubainãkãwẽ.

1 Pedro 4:7

Hanua na mai keyui ma kemaya ana tatimama matũ xinãnẽ pe mekei unãnepai txanima kayabi Deusbe hãtxai heneyamakubaĩkãwẽ.

2 Pedro 3:8

Ẽ betsabu inũ ẽ puibuũ, eskakiriri ẽ matuwẽ nuiai xinãkubaĩkãwẽ. Shaba tanakĩ ano tanariai mã hawẽ dabanã ikũkaĩmiski. Hakia Jesus Cristõ haska xinaĩsmaki. Shaba bestitxai hawaira keyumis inũ 1.000 ano kabiaya nukũ Shanẽ Ibu hawẽ nuismaki. Ana hakimayamashãkãwẽ.

Apocalipse 22:10

nai tsumã ana ea yuikĩ: “Dasibi ẽ mia uĩmashu haska inũbarikiki. Haskawẽ taeshũ na Deusũ hãtxa huneama na mĩ una wai ma bari keyui kemai hawẽ unãshãkanikiki. Ana huneama shabakabi haska tibi kaĩkũkaini deskekũkaĩshanikiki.

Apocalipse 22:12

Jesusũ ana ea yuikĩ: “Uĩa. Ẽ samama ana kashanaii. Kakinã, hatũ manakuti tibi ẽ hatu bushũshanaii, haska tibi hiwemisbu keska hatu inaĩ kairã.

Apocalipse 22:20

Na hãtxa hatũ ea pewamaitũ yuikĩ: “Txanima ẽ samama ana kashanaii”, ikaki. Habiaskaki. Nukũ Shanẽ Ibu Jesus Cristoõ, menã hawaira huriwe, nũ mia xinaĩnã.

Apocalipse 3:11

Ha inũ, matũ pepa hawẽ kupiti hau tsuã matu biãbaĩyamashanũ ẽ yusĩa xinãkĩ txibãkĩ heneyamakãwẽ, ẽ samama ana txĩtũkirãshanairã.