ЭФЭСЯНАЎ 4:32 - Кнігі Святога Пісання - Біблія - Біблія — пераклад Чарняўскага (выданне 2017 года)

Будзьце ж між сабой спагаднымі, міласэрнымі, даруйце адны адным, як і Бог дараваў вам у Хрысце.

Біблія (пераклад А.Бокуна)

Будзьце ж адзін да аднаго добрымі, спагадлівымі, прабачаючы адзін аднаму, як і Бог у Хрысьце прабачыў вам.

Біблія (пераклад В. Сёмухі)

але будзьце адно да аднаго добрыя, спагадлівыя, даруйце адно аднаму, як і Бог у Хрысьце дараваў вам.

ЭФЭСЯНАЎ 4:32 Крыжаваныя спасылкі

2 ЦАРСТВАЎ 7:21

Дзеля слова Твайго і паводле сэрца Твайго выканаў Ты гэтыя вялікія рэчы, так што Ты зрабіў іх зразумелымі паслугачу Свайму.

ПСАЛТЫР 112:9

ФЭ. Падзяліў ён, даў бедным; САДЭ. справядлівасць яго трывае ў векі вечныя, КОФ. рог яго ўзвысіцца ў славе.

ПСАЛТЫР 145:9

ТЭТ. Ласкавы Госпад да ўсіх, і літасць Яго — над усімі справамі Яго.

ВЫСЛОЎІ 12:10

Справядлівы рупіцца аб жыцці жывёлы сваёй; а нутро бязбожнікаў — лютае.

ВЫСЛОЎІ 19:11

Веды чалавека ўціхамірваюць гнеў яго, а слава яго праходзіць міма несправядлівага.

ВЫСЛОЎІ 19:22

Жаданае ад чалавека — міласэрнасць яго, і бедны чалавек лепшы за лгуна.

ІСАІ 57:1

«Справядлівы гіне, і няма нікога, хто б прыняў да сэрца; і міласэрныя людзі знікаюць, але няма нікога, хто б гэта зразумеў: бо перад абліччам ліхоты спыняецца і справядлівы.

ЕРАМІІ 38:12

І сказаў Абэд-Мэлек з Этыёпіі Ярэмію: «Падкладзі сабе гэтыя старыя анучы пад пахі і пад вяроўкі». І Ярэмія зрабіў гэтак.

МАЦЬВЕЯ 6:12

і даруй нам правіны нашы, як і мы даруем вінаватым нашым;

МАРКА 11:25

І калі становіцеся маліцца, даруйце, калі што маеце супраць каго, каб і Айцец ваш, Які ў небе, дараваў вам грахі вашы.

ЛУКАША 1:78

праз міласэрнасць бязмежную Бога нашага, у якой Усход наведаў нас, сыходзячы з вышыняў,

ЛУКАША 11:4

І даруй нам грахі нашы, як і мы даруем кожнаму нам вінаватаму, і не ўводзь нас у спакусу, але збаў нас ад злога”».

ЛУКАША 17:4

І, калі б сем разоў на дзень зграшыў адносна цябе і сем разоў на дзень звярнуўся да цябе, кажучы: “Каюся за гэта”, – даруй яму».

ЛУКАША 6:35

Вы ж любіце непрыяцеляў вашых і добра ім рабіце, і давайце пазыку, нічога назад не спадзеючыся; і ўзнагарода ваша будзе вялікай, і вы будзеце сынамі Узвышняга, бо Ён спагадны і да няўдзячных і благіх.

ЛУКАША 6:37

Не судзіце, і не будзеце асуджаны; не абвінавачвайце, і не будзеце абвінавачаны. Даруйце, і вам даруюць.

ДЗЕІ 28:2

Барбары ж выявілі да нас немалую людскасць; распалілі агонь дзеля таго, што церушыў дождж, ды сабралі нас усіх пры ім, бо было холадна.

РЫМЛЯНАЎ 12:10

шчыра любіце адзін аднаго братняю любоўю, у пашане адзін аднаго апераджаючы;

1 КАРЫНФЯНАЎ 13:4

Любоў доўгацярплівая, любоў ласкавая, не зайздросціць, не бывае ганарыстай, не надзімаецца,

2 КАРЫНФЯНАЎ 2:10

Каму вы даруеце, таму і я; бо і я, калі каму што дараваў, дык дараваў дзеля вас перад абліччам Хрыста,

2 КАРЫНФЯНАЎ 2:7

але лепш, каб вы такому даравалі ды суцешылі, каб празмерная згрызота яго не ахапіла.

2 КАРЫНФЯНАЎ 6:6

у чыстасці, у мудрасці, у вялікадушнасці, у дабрыні, у Духу Святым, у непадробнай любові,

ЭФЭСЯНАЎ 5:1

Дык будзьце паслядоўнікамі Бога, як сыны найдаражэйшыя,

ЯКАВА 5:11

Вось жа, мы называем шчаснымі тых, што вытрывалі. Вы чулі пра трываласць Ёва ды бачылі, што здзейсніў Госпад, бо Госпад вельмі міласэрны і літасцівы.

2 ПЯТРА 1:7

а ў пабожнасці браталюбства, а ў браталюбстве любоў.

1 ЯНА 1:9

Калі вызнаём нашы грахі, дык Ён – верны і справядлівы, каб дараваць нам грахі ды ачысціць нас ад усякае несправядлівасці.

1 ЯНА 2:12

Пішу вам, дзеткі: адпушчаны вам грахі ў імя Яго.

РУТ 2:20

Наомі адказала ёй: «Хай дабраславёны будзе Госпадам, бо не адмовіў у ласцы сваёй ані жывым, ані памерлым!» І далей казала: «Гэты чалавек — наш сваяк; ён адзін з тых, што маюць права выкупу за нас».