РЫМЛЯНАЎ 12:10 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁰ шчыра любіце адзін аднаго братняю любоўю, у пашане адзін аднаго апераджаючы;

Біблія (пераклад А.Бокуна)

¹⁰ Братняя любоў адзін да аднаго [няхай будзе] ад усяго сэрца, у пашане адзін аднаго выпярэджвайце;

Біблія (пераклад В. Сёмухі)

¹⁰ пяшчотна любеце адно аднаго братняю любоўю; пашанлівасьцю адно аднаго запабягайце;

РЫМЛЯНАЎ 12:10 Крыжаваныя спасылкі

БЫЦЦЁ 13:9

Хіба не ўся зямля перад табой? Дык прашу, адлучыся ад мяне! Калі пойдзеш налева, то я буду трымацца правага боку, а калі ты выбераш правы бок, то я падамся ўлева».

ЁВА 1:4

І сыны яго збіраліся і банкетавалі ў дамах — кожны з іх у свой дзень, і пасылалі паклікаць трох сваіх сясцёр, каб яны елі і пілі разам з імі.

ПСАЛТЫР 133:1

Песня ўзыходжання. Давідава. Вось, як добра і як прыемна жыць братам у згодзе:

ЕРАМІІ 38:12

І сказаў Абэд-Мэлек з Этыёпіі Ярэмію: «Падкладзі сабе гэтыя старыя анучы пад пахі і пад вяроўкі». І Ярэмія зрабіў гэтак.

МАЦЬВЕЯ 20:26

Не так будзе між вамі, але хто хацеў бы сярод вас быць большым, будзе вашым паслугачом.

ЛУКАША 14:10

Дык калі ты будзеш пакліканы, ідзі і сядзь на апошнім месцы, каб, калі надыдзе той, хто цябе запрасіў, сказаў табе: “Прыяцель, сядзь вышэй”; тады будзе табе пашана перад банкетуючымі з табою.

ЯНА 15:17

Гэта загадваю вам, каб вы любілі адзін аднаго.

ЯНА 17:21

каб усе былі адно; як Ты, Ойча, ува Мне, а Я ў Табе, каб і яны былі ў Нас, каб свет уверыў, што Ты Мяне паслаў.

ДЗЕІ 4:32

І вялікае мноства веруючых былі аднаго сэрца і адной душы; і нічога з таго, што мелі, ніхто не называў сваім, бо ўсё ў іх было супольнае.

РЫМЛЯНАЎ 13:7

Дык аддавайце ўсім належнае: каму падатак – падатак, каму мыта – мыта, каму страх – страх, каму пашану – пашану.

ГАЛЯТАЎ 5:13

Бо вы, браты, пакліканы да свабоды; толькі каб свабоду вы не давалі як падставу для пажадлівасці цела, але любоўю духа служыце адзін аднаму.

ГАЛЯТАЎ 5:22

Плод жа духа – любоў, радасць, супакой, доўгацярплівасць, ласкавасць, дабрыня, вера,

ГАЛЯТАЎ 5:6

Бо ў Хрысце Ісусе ані абразанне, ані неабразанне не маюць сілы, а толькі вера, што дзейнічае праз любоў.

ПІЛІПЯНАЎ 2:3

нічога не робячы праз перакорлівасць ці праз пустую славу, але ў пакоры адны другіх за вышэйшых прымаючы,

КАЛАСЯНАЎ 1:4

і чуючы пра веру вашу ў Хрыста Ісуса і пра любоў, якую маеце да ўсіх святых,

1 ФЕСАЛОНІКІЙЦАЎ 4:9

Адносна любові братняй не маем патрэбы вам пісаць; бо самі вы навучаны Богам адзін аднаго любіць.

2 ФЕСАЛОНІКІЙЦАЎ 1:3

Дзякаваць павінны мы заўсёды Богу за вас, браты, як і належыць, бо вера ваша вельмі ўзрастае ды ўзаемная любоў між вамі ўзмацняецца,

ГАБРЭЯЎ 13:1

Няхай трывае між вамі братняя любоў.

1 ПЯТРА 1:22

Ачысціўшы душы вашы паслухмянасцю праўдзе праз Духа дзеля здабыцця шчырай братняй любові, ад чыстага сэрца любіце адзін аднаго,

1 ПЯТРА 2:17

Усіх паважайце, братоў любіце, Бога бойцеся, цара шануйце!

1 ПЯТРА 5:5

Таксама і вы, юнакі, будзьце паслухмяныя старэйшым. Усе ўзаемна, падпарадкоўваючыся адзін аднаму, апраніцеся ў пакору, бо Бог пыхлівым супрацівіцца, а пакорлівым ласку дае.

2 ПЯТРА 1:7

а ў пабожнасці браталюбства, а ў браталюбстве любоў.

1 ЯНА 4:11

Улюбёныя, калі Бог нас так палюбіў, дык і мы мусім любіць адзін аднаго.

1 ЯНА 4:20

Калі б хто сказаў: «Я люблю Бога» і ненавідзеў бы брата свайго, той ілгун; бо хто не любіць брата свайго, якога бачыць, як можа любіць Бога, Якога не бачыць.