150 Diosar yuspärañataki Biblian jiskʼa tʼaqanakapa

Take cunatsa Diosar yuspagarapjjam, Diosasti jumanacatjja uqhamwa muni, Cristo Jesusan iyawsirinacapjamajja.

Puncunacapar jac'achasipjjam, kollan utapar mantapjjam, yuspagar churapjjam, sutip jach'añchapjjaraquim.

Tatitur yuspagarapjjam, jupajj munasiñaniwa, qhuyapayasiñapajj wiñayawa.

Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke.

Tatitur yuspagarapjjam, munasirïtap laycu, qhuyapayasiñapajj wiñayawa,

Dios Awquirojj take cunatsa yuspagarapjjapunim, Tatit Jesucristosan sutiparu.

Tatitur yuspagarapjjam, munasiñanïtap laycu, qhuyapayasiñapajj wiñayawa.

Tatay, takpach chuymajjampiw yuspagarsma muspharcañ luratanacamat yatiyasa.

“Tatitur yuspagarapjjam, jupasti sumawa, munasiñapasa wiñayataquiwa.

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

Alajjpachanquir Tatay, jumar jach'añchañajj sumapuniwa, sutimar k'ochuñas cusisiñaraquiwa,

Jumaw ch'am yapjjatista, orko vacan ch'amapar uñtata, p'ekejjarusti k'apquir kollampiw warjjatista.

Nayranacajjajj timanacajjar aynacht'ir uñjani, jinchunacajjasti aynacht'atap ist'apjjani.

Asqui jakenacajj palma kokanacjamaw jilapjjani, Líbano orakenquir cedro kokanacjamaw jiltapjjani.

Tatitun utapan ayruntatäpjjewa, Diosasan uyupan pankarapjje;

ch'ama karita tokerus achu churasipcaquiniwa, suma laphintata, ch'umintataw sayt'apjjani,

Arjjatir Tatitojjan asquïtap yatiyapjjani, imasirejjan jan ñankha lurirïtap arsupjjani.

willjtanacan qhuyapayasiñamat yatiyañajj asquiwa, arumanac arsutam phokherïtamat parlañajj asquiraquiwa,

Oracionjj lurapjjapunim, suyt'apjjaraquim Diosar yuspagarasa.

yuspagarañ chuymamp nayrakatapar mantapjjañäni, phust'añanacamp chic jupar jallallapjjañäni.

Tatitojj jach'a ch'aman Diosawa, c'ari diosanacat sipan munañaniwa.

Takpach chuymajjampiw Tatitur jach'añchä, janiw qhuyapayasiñapat armascäti.

Ucatwa jichhajja nanacan Diosajja yuspagarapjjsma, uqhamarac jach'a sutimsa yupaychapjjaracsma;

¡Yuspagaratäpan Diosajja! ¡Jiwasarojj mä jach'a churäwi churistojja, ucasti jan amuyt'cayawa!

ucatsti sapjjaraquïtawa: “Tatitur yuspagarapjjam, jupar art'asipjjaraquim, marcanacarusti yatiyapjjaraquim cuntejj jupajj lurqui ucanaca, amtayapjjaraquim jupajj take cunjjancatapa.

Tatitur k'ochupjjam, jupan luratanacapasti wali jach'awa, take acapachan jaquir jakenacaw yatipjjañaparaqui.

Tatitur yuspagarapjjam, sutip aytapjjam, muspharcañ luratanacapat marcanacar yatiyapjjam;

K'ochunacampiw Diosan sutiparojj jach'añchä, yuspagarasaw jach'a cancañap yatiyä;

Ucatpï Diosarojj yupaychañasaquipunejja Jesucristo toke. Aca yupaychañawa suma sacrificiot churañasajja, lacanacasampi yupaychañäni.

Tatituw ch'amajjajja, arjjatirejjasa: juparuw takpach chuymamp iyawsta, jupasti yanapt'ituwa. Chuymajjajj cusisitawa, Tatituruw k'ochü, yuspagararaquï.

Dios Tatay, ucat ajayojjajj jan amuct'as jach'añchañ k'ochunac k'ochuni, jumarusti wiñayaw yuspagaräma.

Jumanacatjja Diosarojj yuspagarapuntwa, cuna bendicionanactejj Diosajj churapctam Jesucristo toke ucanacatsa.

Jilatanaca, jumanacatjja Diosarojj yuspagarapjjapuniñajjawa, asquiwa ac lurañanacajjajja, jumanacan iyawsäwinacamajj jilascatap laycu, uqhamarac maynit maynicama munasiñanacamajj sapürutjamaw juc'ampi utjascaraqui.

Diosan sumancañapay chuymanacamanjja jumanacarojj apnakpan, Diosasti uca amtäwimpiraquiw jawsapjjtam mä cuerpo tucupjjañamataqui. Ucatsti yuspagarapjjaraquim.

¡Tatitojj jach'añchatäpan! Tatitur yuspagarapjjam, munasiñanïtap laycu, qhuyapayasiñapajj wiñayawa.

Cuntejj Diosajj lurqui ucajj asquiraquiwa, take ucanacsti catokañasawa Diosar yuspagarasina,

Diosan arupampi, oración luratanacampiw ucarojj k'omachi.

nayar yuspagarirejj jach'aruw aptitu; asqui thaquejjan saririrusti Diosan khespiyäwip uñjayä” sasa.

Alajjpachanquir Diosar yuspagarapjjam, qhuyapayasiñapajj wiñayawa.

nayajj oracionanacajjanjja jumanacat amtasisinjja yuspagarapuntwa.

Chica arumaw jumar yuspagarañatac uñatatta, arunacamat jumar yuspagarañataqui.

Tatay, yuspagarañ loktäwi catuyäma, sutimaruw jach'añcharaquï.

diosanacan Diosapar yuspagarapjjam: qhuyapayasiñapajj wiñayawa.

Basán orakenquir Og reyir jiwayiriru: qhuyapayasiñapajj wiñayawa.

Reyinacan orakenacap marcapar catuyiriru: qhuyapayasiñapajj wiñayawa.

Uywat Israel marcapar catokäwip churjjeriru: qhuyapayasiñapajj wiñayawa.

Aynacht'añasan jiwasanacat amtasiriru: qhuyapayasiñapajj wiñayawa.

T'akhesiyirinacasat khespiyiriru: qhuyapayasiñapajj wiñayawa.

Jakenacarusa, uywanacarus mank'añ chuririru: qhuyapayasiñapajj wiñayawa.

Alajjpachanquir Diosar yuspagarapjjam, qhuyapayasiñapajj wiñayawa.

Munañaninacan Munañanipar yuspagarapjjam: qhuyapayasiñapajj wiñayawa.

Jumanac laycojj Jesucristo tokew nayrakat Diosajjar sinti yuspagarta, jumanacan Diosar iyawsapjjatamatsti take chekanwa parlasi.

uqhamata Dios Awquiru yuspagarapjjañamataqui. Juparaquiw jiwasarojj waquichistu ucjja khanan catokañasataqui, cuntï Diosajj jupanquirinacar churcän ucjja.

Ucatwa jupanacat maynïrejj c'umaräjjasin Diosar jach'at yupaychasa cutt'aniwayäna.

Jupasti Jesusan nayrakataparuw quillt'asi, ajanupsa orakcamaw alintäna yuspagarañataqui. Aca jakesti Samarianquirïnwa.

Tatay, luratanacamajj takpachapun jumar jach'añchpan, iyawsirinacamajj jumar jach'añchapjjpan.

Nayra awquinacajjan Diosapa, jumaruw nayajj yuspagarsma, yupaycharacsma, nayaru ch'amani, yatiñani tucuyista ucata; jichhasti khanañcharaquista cuntejj jumaru mayipcsma ucsa; cunatejj reyiru llaquisiycän ucsa yatiyapjjaraquistawa,” sasa.

Tatitur cusisiñamp k'ochupjjam, takpach orakenquirinaca,

cusisit chuymamp Tatitur loktapjjam, jallallt'asis nayrakatapar mantapjjam.

Amtasipjjam, Tatitojj Diosawa: jupaw irnokestu, jiwasanacasti jupancapjjtanwa, jupan marcapäpjjtanwa, ovej tamapäpjjaractanwa.

Puncunacapar jac'achasipjjam, kollan utapar mantapjjam, yuspagar churapjjam, sutip jach'añchapjjaraquim.

Tatitojj munasiñaniwa, qhuyapayasiñapajj wiñayawa, cheka cancañapasti jan tucusquiriwa.

“¡Tatitur yuspagarapjjam! ¡Sutipa yatiyapjjam! Yatiyapjjam marcanacarojj luratanacapata.

Take jumanacatjja Diosarojj yuspagarapjjapuntwa, oracionanacajjanjja jumanacat amtasipjjapuntwa.

Tatay, take chuymampiw jumar yuspagaräma; angelanacan nayrakatapan jumatac k'ochurapïma.

Kollan templom uñcatataw quillt'asï, munasiñamampita, cheka cancañamampit sutimar yuspagarä: sutimarusa, arunacamarus take cunjjaruw jilancaytajja.

Tatay, qhuyapayasiñamat wiñayapuniw k'ochü, juman asquïtamat jan karjasisaw yatiyä.

jumaw lamar kotanquir ajjsarcañ animalar t'unjtajja, ch'aman amparamampiw timanacamarojj ananuctajja.

Alajjpachas acapachas jumanquiwa, jumaw acapach lurtajja, takpach oraken utjirinacs luraractajja.

Jumaw amsta toksa, aynach toksa lurtajja, Tabor kollump Hermón kollumpejj cusisitaw sutim jach'añchapjje.

Amparamajj take ch'amaniwa; ch'eka amparamajj jan atipcayawa, cupi amparamasti wali ch'amaniwa.

Chekapar uñjañampi, asqui cancañampiw reyi konuñamarojj thurjjäsiyi, munasiñamp, cheka cancañampiw jumar jicjjatirejj jutapjje.

Tatay, jumar cusisiñamp yupaychir marcajj cusisiñaniwa: khanamamp khant'ayat sarnaker marcajj cusisiñaniwa,

juman sutim laycuw sapür cusisiñanïpjje, juman asqui cancañam laycuw cusisipjje.

Jumaw ch'amapätajja, aytat cancañapätasa, qhuyapayasiñam laycuw ch'amanacajjajj jiljjati.

Jiwasanacan arjjatirisajj Tatituwa, Reyisasti Israel marcan Kollanapawa.

Nayra pachanjja, uñstäwi tokew parläyätajja, iyawsirinacamarusti aqham säyätawa: “Marcajj taypit jan ajjsarir chacharuw ajllista, juparuw jach'ar aptta, yanaparacta.

Wiñay munasiñamat arsü; arsutam phokherïtamat yatiyä, alajjpachjam jan mayjt'irïtamat parlaraquï.

Uqhamaraquiw jupanacamp chica Hemán, Jedutún, chachanacaru jaytäna, ucjjaru ajllitäqui ucanacampiru, sutipata utt'ayatäcäna k'ochuñataqui ucanacaru: “Jumanacajj Tatiturojj yuspagarapjjam, munasiñapajj wiñayataquïtap laycu” —sasa.

Take ucanacasti jumanacan asquinacamataquiw lurasiraqui, uqhamata waljani Diosan bendicionanacapa catokerinac utjatapatjja, waljanirac Diosarojj yuspagarapjjañapataqui jupan jach'a khapak cancañapata.

Ucampis nayajj Diosarojj yuspagartwa jumanacan uca juchan esclavöñat mistunitanacamata, take chuymanacamampi Diosar iyawsasa, cuna yatichäwinactejj jumanacajj catokapcta ucarjama.

Jach'a muspharcañanac luririru: qhuyapayasiñapajj wiñayawa.

Yatiñ cancañamp alajjpach luririru: qhuyapayasiñapajj wiñayawa.

Uma patjjar orak jant'act'iriru: qhuyapayasiñapajj wiñayawa.

Intimp phajjsimp luririru: qhuyapayasiñapajj wiñayawa.

Urun khanañapatac inti uchiriru: qhuyapayasiñapajj wiñayawa.

Arum khanañapatac phajjsimpi, warawaranacamp luririru: qhuyapayasiñapajj wiñayawa.

Anasti aca oración luraraqui: “Tatitu, nayasti take chuymaw juman cusista, jumajj nayar ch'ama churatamata. Jichhacuchapï uñisirinacajjatjja arsusïjja, jumaw nayarojj yanapt'ista uca laycu. ¡Wali cusisitätwa!

Tatitun arquirinacapa, jupar k'ochupjjam, kollan sutipar yuspagarapjjam;

Nayasti, Tatituruw chekapar uñjatapat jach'añchä, alajjpachanquir Tatitun sutiparuw k'ochunac k'ochü.

Yuspagaratäpan Diosajja. Jupasti atipañarupuniw irpistu Cristomp chica, jiwas tokeraquiw arunacapsa yatiyi mä suma k'apquir kolläcaspas uqham take chekar puriyasina.

Tatay, jumar wakaychirinacataquejj jach'a munasiñ imaraptajja, jumar maqhatirinacarusti taken uñjcañaw qhuyapayasiñam uñachaytajja;

Dios Tatay, muspharcañ luratanacamajj waljawa, nanacat qhuyapayasitamas waljaraquiwa: janiw qhitis jumjamajj utjquiti. Ucanacjjat yatiyañ yant'ta, arsuñ yant'aracta, nayataquisti janiw jact'añjamäquiti.

Diosajjay, Tatitojjay, takpach chuymajjampiw yupaychäma, sutimarusti wiñayataquiw jach'añchä.

Sapa cuti jumanacat amtasta ucqhajja Diosaruw yuspagarta.

Maynitejj mä uru yakhachchi Diosaru sirviñataquejja, ucat maynejj janiraqui yakhachcchiti ucajj waliquiwa, ucampis panpachaniwa Diosarojj sirvipjje. Qhititejj take cunsa mank'chi ucajj Diosar jach'añchañataquiw mank'e, Diosar yuspagaratap laycu. [Uca quipcaraquiw mä cunsa jan mank'qui ucas luraraqui.]

Egipto orakenquirinacan tayna yokall wawanacapar jiwarayirir yuspagarapjjam: qhuyapayasiñapajj wiñayawa.

Israel marcanquirinacar Egiptot irpsuniriru: qhuyapayasiñapajj wiñayawa.

Take ch'aman amparapamp irpsuniriru: qhuyapayasiñapajj wiñayawa.

Mar Rojo kotar payar jaljtayiriru: qhuyapayasiñapajj wiñayawa.

Israel marcar lamar kota taypinjam irpcatiriru: qhuyapayasiñapajj wiñayawa.

Mar Rojo kotar Faraonan jakenacapar jakontiriru: qhuyapayasiñapajj wiñayawa.

Tatiturojj qhuyapayasiñapat yuspagarapjjam, jakenacatac muspharcañanac luratapata.

Umat pharjatanacaruw um churi, mank'at awtjatanacarusti jilarquir mank'a churaraqui.

Jumaw nayarojj irnokasista, taycajjan puracapan utjayasista.

Jumaruw yuspagarsma, muspharcañpun nayataquejj lurtajja, ¡ucsti sumpun yatista!

Ucampis yuspagaratäpan Diosajja, jupaw Jesucristo toke atipjayistu.

¿Cunampirac Tatitur phokherista, nayatac asquinac luratapatsti?

Tatit Jesucristosarojj yuspagartwa, jupasti acataquiw ch'am churitu, ucatsti nayarojj chekat uñt'itu, Jupan sirviripat uscusitu.

Ucatsti Davidajj take tantachäwi jakenacan nayrakatapanwa Tatiturojj bendicïna, aqham sasa: “¡Israel awquejjana Tatit Diosapa, wiñayataquiw bendicitäyäta!

¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu.

Jumataracwa jutaraqui kamir cancañasa, jach'äñasa. Jumaw take cunsa apnakascta. Ch'amasa, munañanïña cancañasa amparamanquiwa, ucatsti juman amparamancaraquiwa takeniru churañataqui kamir cancaña, uqhamarac munañanïñasa.

Ucatwa jichhajja nanacan Diosajja yuspagarapjjsma, uqhamarac jach'a sutimsa yupaychapjjaracsma;

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

Alajjpachanquir Diosay, jumïpan jach'a cusisiñajj utjitu; sutim aytasaw k'ochuracsma.

Tatay, marcanac nayrakatan jach'añchäma, marcanac nayrakatan k'ochunacamp yupaychäma.

Takenisa jupanacajj mayar tucutaquiwa trompetanaca tocapjjäna, uqhamarac mayaquiw Tatitur k'ochupjjäna, yuspagarapjjaraquïna, trompetanaca tocasa, platillonaca tocasa, uqhamarac tocañ yakha instrumentonacampiraqui k'ochupjjäna, aqham sasa: “Tatitur jach'añchapjjam, jupasti suma Diosawa, munasiñapasti wiñayataquïtap laycu” sasa. Uca horasansti Tatitun templopajj mä kenayampiwa phokhantasïna.

Tatitutaquejj machak k'ochu k'ochupjjam, acapachanquir jakenaca, Tatitur k'ochupjjam,

Marcanacarojj sapjjam: “Tatituw reyejja” sasa. Jupaw acapacharojj jan onjjtañapatac utt'ayi; jupaw marcanacarojj chekapar uñjas apnake.

Alajjpachajj cusispan, orakejj c'uchiraspan, lamar kotan utjirinacas cusisipjjpan;

pampanacasa, ucan utjirinacas jallallapjjpan, ch'uminquir kokanacas cusisiñat wararipjjpan,

Tatitojj niyaw purisinqui, acapachar sarayiriw jac'achasisinqui, chekapar uñjasaw acapacharojj apnakani, cheka cancañampiw marcanacarojj sarayani.

Tatitur k'ochupjjam, sutip jach'añchapjjam, sapürupun atipjäwipat yatiyapjjam.

Aytat cancañapat marcanacar yatiyapjjam, muspharcañ luräwinacapat take jakenacar parlapjjam:

Diosay, jach'añchapjjsmawa, yuspagar churapjjsma, sutim aytasipjjta, muspharcañ luräwinacam k'ochupjjta.

Tatituncasajj cusisitäpjjapunim take urunacana. Wasitat sapjjsma, cusisipjjam.

Jichhüruw Tatitojj lurcän uca urojja: cusisipjjañäni, c'uchirasipjjaraquiñäni.

Sapjjam: ‘¡Khespiyapjjeta nanacan Khespiyiri Dios Tata! ¡Marcanac taypitsa, khespiyasa apthapisjjapjjeta, kollan sutima yupaychañanacajjataqui, uqham cusisita jumar yupaychapjjañajjataqui!’

Mayninacajja yupaychaña k'ochunacwa k'ochupjjäna, mayninacasti sapjjaraquïnwa: “Tatiturojj yuspagarapjjam, jupajj asquiwa, uqhamarac munasiñapas Israel marcapataquejj wiñayataquiwa uca laycu” sasa. Ucatsti take marcpachawa cusisiñata art'apjjäna, uqhamarac Tatiturus yupaychapjjaraquïna, Tatitun templopa lurañanjja kalltasitap laycu.

Tatay, khapak sutimarojj jach'añchasimaya, janis nanacarojj jach'añchapquita; munasiñam laycu, chekapätam laycuy jach'añchasim.

Daniel chachasti, uca arsüwi uqham luratätap yatïn ucapachasti, utaparuw saräna, uta ventananacapa jist'arasïna, uca ventananacasti Jerusalén marca toker uñtanitänwa, quillt'asisinwa Diosat mayisïna, uqhamaraqui yupaycharaquïna. Ucsti Daniel chachajj quimsa cutiw ucjja urunjja luräna, cunjämatejj luriricän uqhamarjama.

Ucatpï cunjämtï Tatitur iyawsapctajja, uqhamaraquiw mayaqui jupampi jacapjjañamajja.

Jumanacan jacañanacamasti jupan saphintatäñapawa, jupjjaru suma utt'atäpjjañamaraquiwa iyawsäwi laycu, cunjämatï yatichatäpcäyäta uqhama, Diosaru yuspagarasapuni.

Jan karjasisaw Tatiturojj jach'añchä, lacajjajj jupar jach'añchapuniniwa.

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!

Tatay, alajjpachajj muspharcañ luratanacam yatiyi, asqui cancañamasti angelanac taypin yatiyasiraqui.

aytat cancañapar k'ochupjjam, muspharcañ luratanacapat yatiyapjjam;

Uqhamajj mank'apjjamsa, umapjjamsa jan ucajj cunsa lurapjjam, ucampis take cunsa Diosar jach'añchañataquiqui lurapjjam.

Janiraqui armt'asipjjamti asqui lurañatjja, uqhamarac maynit maynicama cunanacamatejj utjapctam uc jaljasiñsa; uca casta sacrificiow Diosarojj cusisiyi.

Wasar chek marcapar irpiriru: qhuyapayasiñapajj wiñayawa.

Aytat reyinacar jiwarayiriru: qhuyapayasiñapajj wiñayawa.

Munañan reyinacar jiwarayiriru: qhuyapayasiñapajj wiñayawa.

Amorreo jakenacan Sehón reyipar jiwayiriru: qhuyapayasiñapajj wiñayawa.

diosanacan Diosapar yuspagarapjjam: qhuyapayasiñapajj wiñayawa.

Basán orakenquir Og reyir jiwayiriru: qhuyapayasiñapajj wiñayawa.

Tatay, arsutanacam ist'asinjja, acapachanquir reyinacajj jumaruw yuspagarapjjätam;

Tatitun thaquipan sumätap k'ochupjjani, Tatitun c'ajquir cancañapan jach'ätap laycu.

Ucampis nanacajj jumanacatjja Diosar yuspagarañajj waquisipjjapunituwa, Tatitun munat jilatanaca, jupaw jumanacarojj chhijllapjjtam, nayrïri khespiyatanacäpjjañamataqui, kalltatpachwa ajllipjjtam khespitäpjjañamataqui, Ajayojj k'omachapctamsa uca toke, uqhamarac Diosan arunacapar iyawsapjjatamata.

Tatay, yuspagarsmawa, jumaruw jach'ar aptsma, jumaw nayan Diosajjätajja.

Tatitur yuspagarapjjam, munasirïtap laycu, qhuyapayasiñapajj wiñayawa.

Orak tucuyan jaquirinacajj muspharcañ luräwinacamat qhathatipjje, inti jalsu toketa, inti jalanta tokecamajj, jumïpan cusisiñat art'asiñajj utji.

Ucjjarusti Davidajj take tantachäwi jakenacaruwa saraquïna: “Jichhasti Tatit Diosamaru yupaychapjjam” sasa. Ucatjja take tantachäwi jakenacawa nayra awquinacapana Tatit Diosaparu yupaychapjjäna, ucatsti quillt'asisaraquiwa Tatitutaquisa, reyitaquisa alt'asipjjäna.

jach'añchañ k'ochunac k'ocht'asisa, muspharcañ luräwinacam yatiyasa.

Lacajjajj sapüruw khapak cancañamatjja, jach'añchäwi k'ochunacamp phokt'atäsqui.

Jacañajjcamaw Tatitur k'ochü, jaccasaw Diosajjatac jayllï:

k'ochojjajj Tatitun chuymapar purquirïpan, nayasti jupanacpun cusisiñ jicjjatä.

Ucanacatsti yuspagarañ k'ochunacaw mistunini, uqhamaraqui cusisiñat larusiñanacampi. Janiraquiw jupanacajj aynacht'cjjapjjaniti, nayaw jupanacarojj juc'ampi jiljjatayaraquï. Janiraquiw juparojj jisc'achcjjapjjaniti, nayaw jupanacarojj jach'aru aptaraquï.

Take jacäwejjan jach'ar aptäma, jumar art'asisaw amparanacajj aytä.

Jach'a mank'äwinquir jakjamaw cusisï, lacajjasti cusisitaw jach'añchätam.

Sapüruw jach'añchäma, wiñayaw sutim jach'ar aptä.

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

Reyinacan orakenacap marcapar catuyiriru: qhuyapayasiñapajj wiñayawa.

Uywat Israel marcapar catokäwip churjjeriru: qhuyapayasiñapajj wiñayawa.

Aynacht'añasan jiwasanacat amtasiriru: qhuyapayasiñapajj wiñayawa.

T'akhesiyirinacasat khespiyiriru: qhuyapayasiñapajj wiñayawa.

Jakenacarusa, uywanacarus mank'añ chuririru: qhuyapayasiñapajj wiñayawa.

Alajjpachanquir Diosar yuspagarapjjam, qhuyapayasiñapajj wiñayawa.

Ucatwa kaljja nuqhokapjjäna. Jesusasti alajjpacha uñtasinwa arsu: —Awquiy, yuspagarsmawa nayar ist'atamata.

Takpach chuymajjampiw Tatitur jach'añchä, takpach chuymajjampiw kollan sutip jach'ar aptä.

Salmonacampi maynit maynicama chuymachasipjjam, yupaychañ k'ochunacampi, ajayun k'ochunacamp k'ochusina, uqhamarac Tatituru take chuymamp yupaychasina.

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Dios Awquirojj take cunatsa yuspagarapjjapunim, Tatit Jesucristosan sutiparu.

¡Tatitojj jach'ar aptatäpan! Tatitun sutip jach'añchapjjam, Tatitun uywatanacapa, jupar jach'añchapjjam,

Walja marcanacaruw jiwamp tucjäna; munañan reyinacaruw jiwarayäna:

amorreo orakenquir Sehón reyiru; Basán orakenquir Og reyiru, Canaán orakenquir takpach reyinacaru.

Qhä reyinacan orakenacapsti, Israel marcaparuw catuyjjäna.

Tatay, sutimajj wiñayawa; sutimajj wiñayapuniw amtatäni.

Tatituw marcaparojj chekapar uñjasqui, uywatanacapat qhuyapt'ayasiraqui.

Diosar jan uñt'ir jakenacan c'ari diosanacapajj korit kollket lurataquiwa, jaken amparapamp lurataquiraquiwa:

lacanïcasinsa janiw parlapquiti, nayranïcasinsa janiw uñjapquiti,

jinchunïcasinsa janiw ist'apquiti, janiw jacañ samananïpquisa.

Uca diosanac luririnacajj ucanacjamaquïpjjewa, ucanacar alcatirinacas pachpaquïpjjaraquiwa.

Israelanquir jakenaca, Tatitur jach'añchapjjam; Aarón sacerdoten utapanquirinaca, Tatitur jach'añchapjjam;

Tatitun utapanquirinaca, Diosasan uta ankäjjapanquirinaca,

Leví chachan utapanquirinaca, Tatitur jach'añchapjjam; Tatitur iyawsirinaca, jupar jach'añchapjjam.

Tatitojj Sión marcan kollanäpan, Jerusalén marcan jaquir Tatitojj jach'añchatäpan. ¡Tatitojj jach'ar aptatäpan!

Tatitur jach'añchapjjam, jupajj munasiriwa; sutipar k'ochupjjam, jupajj qhuyapayasiriwa.

Nayasti yuspagar churäma, arsutam phokherïtamatsti, jumataquiw arpa jachsuyä; Diosajjay, Israel marcan Kollanapa.

jumanacatejj nanacar oracionanacamampi yanapapjjetäta ucqhajja. Walja jakenacatejj nanacatac Diosat mayinejja, waljaniraquiw Diosarojj yuspagarapjjani bendicionanaca churquistu ucatjja.

Tatitun arunacapajj chuymanacamarojj phokhantpan, jumanaccamaraqui yaticht'asipjjam, waytt'asipjjaraquim take amuyt'a chuymampi, Tatitur k'ochuñäqui ucanacsa k'ochupjjaraquim, Diosar yuspagarasa.

K'ochupjjam jupar jach'añchasa. ¡Parlapjjam jach'a luratanacapata!

Diosay, wiñayaw jumat jach'añchasipjjä, sutimarusti wiñayaw yupaychapjjaraquï.

Tatitojj sapür jach'añchatäpan, Diosaw jan walt'añanacas apasqui, jupaw Diosasajja, khespiyasiñasasa.

Tata, jumätaw nayan Diosajjajja; nayajj jumaruw yupaychsma, sutimsa bendiciractwa, muspharcaña amtatanacamwa phoktajja uca laycu, ucanacasti chekapapuniwa imantasiñajjaraquiwa nayra pachanacatpacha.

¡Tatitojj kollanäpan, jupaw mayisitajjarojj ist'i!

Tatituw ch'amajjajja, arjjatirejjasa: juparuw takpach chuymamp iyawsta, jupasti yanapt'ituwa. Chuymajjajj cusisitawa, Tatituruw k'ochü, yuspagararaquï.

Marcaru jisct'asinsti, yakhep k'ochurinacwa utt'ayäna kollana isinacampi isthapita, uqhamarac soldadonacapan nayrakatap sarasinaraqui Tatiturojj k'ochunac k'ochupjjäna: “Tatiturojj yuspagarapjjam, munasiñapasti wiñayataquiwa” sasa.

¡Jupa sapa yatiñ cancañani Diosaruqui jach'achatäpan, Jesucristo toke wiñayataqui! Uqhamäpan.

Take acapachanquir jakenaca, Tatitur cusisit k'ochupjjam,

Diosay, jumaw yant'arojj puriyapjjesta, kollkerjamaw k'omachsupjjesta,

sipitaruw jalantayapjjesta, jach'a llaquinacampiw apjjatapjjesta:

qhitimpis taquisiyapjjaquistawa; nina cheka, uma chekaw maqhatapjjta, ucampis khepa tokeruw samart'ayapjjesta.

Loktäwinac apt'ataw utamar mantä, nayrakataman churäwinac naqhayarapïma, uqhamat jumar arsutanac phokhä,

chijincasin jumar arscäyäsma, uca arsutanac phokhä.

Liq'i uywanac altaramjjar loktäma, orko ovejanac loktanïma, toronacampi, cabranacamp jumar loktañatac jiwayarapïma.

Diosar arquirinaca, ist'ir jutapjjam, nayatac luratanacap yatiyapjjäma:

juparuw lacajjajj art'asi, lajjrajjasti juparuw jach'añchi.

Jan wali amuyutejj utjitasapänjja, Tatitojj janiw ist'quitasapänti;

Diosasti ist'ituwa, achict'asiñamp mayisitajjarojj jaysituwa.

kollan sutipar k'ochupjjam, aytat cancañapar k'ochunac k'ochupjjam;

Marcanaca, Diosasar jach'añchapjjam, jach'añchañ k'ochunac jach'at k'ochupjjam.

Jupaw jacañ wasitat churjjestu, janiw cayunacasan tincuñap munquiti.

Diosaw suma amtäwinac churapjjtam, jupa pachparaquiw yanapasipctamjja uca lurañanac phokhañanjja jupan munañaparjama.

Ist'apjjam: asqui jakenacan utanacapanjja, atipjäwi k'ochunacaw jayllisi: ¡Tatitun ch'aman amparapaw atipjayi!

¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu.

Tatay, luräwinacamajj nayatac cusisiñawa, luratanacamajj cusisiñampiw phokt'itu.

¡Tatay, luratanacamajj sinti muspharcayawa, amtatanacamajj jan amuyt'cayawa!

Uqhamataracwa jumanacarojj take kamir cancañas utjapjjätamjja, mayninacarojj cusisiñampi yanapt'apjjañamataqui. Cuna ofrendtï nanacar jilatanacatac apayapquista ucatjja, jilatanacajj Diosaruw yuspagarapjjaraquinejja.

camisatejj alajjpachajj oraket jayanquejja, uqhämaw munasiñapajj arquirinacapataquejja;

camisatejj inti jalsut inti jalantcam wali jayajja, uqhäm jiwasanacat juchanacas jayarst'ayistu.

“Tata, nanacan Diosajja, jumajj asquïtawa jach'añchäwi, gloria, uqhamarac munañanïña catokañataquejja. Jumaw take cuns ina ch'usat lurtajja, munañamataracwa take cunas jacascaraqui, juman uscutaraquiwa.”

Ucatjja Ezequiasajj jaljänwa lurapjjañapataqui sacerdotenacaru, levitanacarusa, uqhamata sapa maynisa luräwiparjama nact'ata loktäwinaca loktapjjañapataqui, uqhamarac sumancäwi sacrificionacsa, yuspagarapjjañapataqui, uqhamarac Tatiturus yupaychapjjañapataqui, templo puncunacana sirvipjjañapataqui.

¡Tatitojj jach'ar aptatäpan! Tatiturojj alajjpachatpach jach'añchapjjpan, Tatiturojj alajjatpach yupaychapjjpan.

animalanaca, uta uywanaca, orakenjam jisqhanaktir animalanaca, thoknaquir jamach'inaca.

Tatitur jach'añchapjjam, acapachanquir reyinaca, takpach jilïrinaca, acapach apnakerinaca.

Tatitur jach'añchapjjam; chachanaca, warminaca, waynanaca, ch'ama karitanaca, wawanaca.

Tatitun sutip jach'ar aptapjjam, sutipaquiw muspharcañajja. Jach'a cancañapajj alajjpachats orakets jilanquiwa.

¡Jupaw marcaparojj ch'amañchi! ¡Jupaw iyawsirinacapar jach'ar aptayirejja, ajllit Israel marcapar jach'añchirejja! ¡Tatitojj jach'añchatäpan!

Tatitun angelanacapa, jupar jach'añchapjjam, takpach tamanacapa, Tatitur jach'añchapjjam.

Inti, phajjsi, c'ajquir warawaranaca, Tatitur jach'añchapjjam.

Alajjpacha, Tatitur jach'añcham, alajjpachanquir umanaca, Tatitur jach'añchapjjam.

Tatitun sutip jach'ar aptapjjam, arupamp arsusaquiw take cun utjayäna;

Diosajjay, Reyejjay, jach'aruw aptäma, wiñayaw sutim jach'añchä.

Nayasti sum yattjja, Diosajj cuna suma luräwinactï jumanacampi kalltqui ucanacajj lurascaquiniwa, Jesucriston jutañapcama.

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

Ucapachaw Jesusajj cusisiñampi phokt'ata Kollan Ajayu toke, aqham säna: “Yupaychsmaw Awquiy, alajjpachansa uqhamarac acapachansa Tatitupa. Jumajj acanacjj wali yatiñaninacatsa uqhamaraqui amuyt'aninacampitsa imanttawa, ucatsti juc'a yatiñan jakenacaruw uñacht'aytajja. Jïsa, Awquejja, uqhamwa jumajj muntajja.

Llaquisiñajjan Tatitur art'asta, jupasti ist'ituwa, khespiyaraquituwa.

Tatitojj nayampïsquiwa: janiw ajjsarayascäti; ¿camächaraquitan jakesti?

Intimp phajjsimp luririru: qhuyapayasiñapajj wiñayawa.

Urun khanañapatac inti uchiriru: qhuyapayasiñapajj wiñayawa.

Arum khanañapatac phajjsimpi, warawaranacamp luririru: qhuyapayasiñapajj wiñayawa.

¡Tatitojj jach'ar aptatäpan! Tatiturojj machak k'och k'ochupjjam, iyawsirinacap taypin jach'añchapjjam.

Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.

¡Jach'añchatäpan Diosajja iglesia taypina Cristo Jesús toke, wiñayan wiñayapataqui! Uqhamäpan.

Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa.

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

¿Qhitirac Diosan muspharcañ luräwinacap arsuspasti? ¿Qhitirac aytat cancañapat jach'añchaspasti?

khapak Tatit lantejj kora mank'er vacan uñnacap uchasipjjäna.

Khespiyir Diosapat armasipjjäna; muspharcañanac Egipton lurquipansa,

Cam oraken muspharcañanac lurquipansa, Mar Rojo kotan muspharcay luräwi lurquipansa.

Diosajj jupanacar tucjañ munäna; jupan ajllit Moisesasti, nayrakatapan achict'äna, ucat k'apisiñap t'acurayäna.

Uca khepatsti muncay orakeruw jisc'achapjjäna, janiw Tatitun arupar iyawsapcänti;

chhujllanacap taypin Tatitutac arusipjjäna, janiw arsutanacap ist'apcänti.

Tatitusti amparap aytäna, juramento luraraquïna, jupanacar wasaran jiwarayañataqui,

allchhinacapar jiwarayañataqui, yakha marcanac taypir ananucuñataqui.

Baal-peor diosan loktiriparuw tucupjjäna, jiwat diosanacar loktat wilañchanac mank'apjjäna;

ñankha luratanacapampejj Diosaruw k'apisiyapjjäna, jupanac taypinsti jach'a usuw sartäna;

Cheka cancañar yäkerinacajj cusisiñaniwa, chekapar uñjirinacas cusisiñaniwa.

Jiwasanacasti Tatituruw jach'añchapjjañäni, jichhasa, wiñayasa. ¡Tatitojj jach'añchatäpan!

Tatitur k'ochupjjam, jupan luratanacapasti wali jach'awa, take acapachan jaquir jakenacaw yatipjjañaparaqui.

Janiraquiw ucaquïquiti, jan ucasti t'akhesiñansa cusisiractanwa, uqhamatwa yatiractanjja t'akhesiñajj llamp'u chuymanïña yatichatapa.

Uqham llamp'u chuymanïñasti mä sumaruw jiwasarojj mistuyistu, uqham sumar mistuyatäsinsti suyt'añaw utjistu.

Uca suyt'äwinsti janiw cuna mayjt'añas utjquiti, Diosasti jiwasan chuymanacasarojj munasiñapwa phokhantistu Kollan Ajayu churquist uca toke.

Tatitojj jach'añchatäpan, jupajj llaquisiñ urunacajjanjja, munasiñapampiw muspharcañanac lurarapitu.

Jiwasan uca jach'a jilïr sacerdotesasti qhuyapt'ayasistaspawa t'uqha cancañasanjja, jupa quicparaquiw take casta yant'anaca jiwasjama t'akhesiwayi, ucampis jan juchar purisa.

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

Jachañajjarojj cusisiñaruw quipstaytajja, llaqui is apakasinjja, cusisiñ isimpiw isthapiyistajja;

Dios Tatay, ucat ajayojjajj jan amuct'as jach'añchañ k'ochunac k'ochuni, jumarusti wiñayaw yuspagaräma.

Ucatpï Diosan arupajj sejja: “Qhititejj jach'achasiñ munqui ucajja, Tatitut jach'a tucpan” sasajja.

Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,

uqhamaraquiw jumanacarojj cuntï Diosajj imarapquistus uca herencia alajjpachanjja catokayapjjätam, ucajj janiw tucjatäcaspati, ni k'añuchatäcaspasa, janiraquiw mä pankarjamas wañscaspati.

Tatitojj munasiriwa, qhuyapayasiriraquiwa, k'apisiñapajj c'achhaquiwa, munasiñapasti jilarquiriwa.

Tatitojj takenir munasiriwa, takpach luratanacaparojj munasiñampiw uñji.

Uca urunsti saraquïtawa: “Yuspagarsmaw Tatay, nayataquejj coleratäcchiyäta ucasa, jichhajj colerasiñamajj tucusjjewa, ucatsti sumancañracwa nayarojj churjjesta.

Dios mayniquiw Jesucristo toke luraspajja. Chekpachansa nayajj yuspagartwa Diosaru. Nayasti amuyasisctwa Diosar take sirviñajja, ucampis jañchin munañaparjamajj esclavösctwa.

¡Israelan Tatit Diosapajja bendecitäpan, wiñayan wiñayapataqui!” Ucatsti take jakenacawa arsupjjäna: “Uqhamäpan” sasa, ucatsti Tatituruw yupaychapjjäna.

Tatiturojj qhuyapayasiñapat yuspagarapjjam, jakenacatac muspharcañanac luratapata.

Take ch'aman Tatit Diosay, takpach ch'amajj jumanquiwa, cheka cancañasti jumar muyuntiriwa; janiw qhitis jumjamajj utjquiti.

Ucatpï Diosarojj yupaychañasaquipunejja Jesucristo toke. Aca yupaychañawa suma sacrificiot churañasajja, lacanacasampi yupaychañäni.

Janiraqui armt'asipjjamti asqui lurañatjja, uqhamarac maynit maynicama cunanacamatejj utjapctam uc jaljasiñsa; uca casta sacrificiow Diosarojj cusisiyi.

Ucatsti cunapachatï wali cusisita k'ochunaca k'ochuña kalltapjjäna ucqhajja, Tatitojj jan walt'ayawa kalltäna amonitanaca moabitanaca, uqhamarac Seir sat kolluta jutirinaca taypina, qhitinacatejj Judá marcar nuwir jutapcäna ucanacana. Jupanacasti atipjatäpjjänwa.

Jan karjasisaw sapür jach'añchsma, chekap camächit arunacamata.