1 Timoteo 1:12 - Qullan Arunaca

¹² Tatit Jesucristosarojj yuspagartwa, jupasti acataquiw ch'am churitu, ucatsti nayarojj chekat uñt'itu, Jupan sirviripat uscusitu.

Aymar Bibliia 1986

¹² Tatit Jesucristosarojj yuspagartwa, jupasti acataquiw ch'am churitu, ucatsti nayarojj chekat uñt'itu, Jupan sirviripat uscusitu.

Qullan Arunaka DC

¹² Tatit Jesucristosaruw yuspagarta, jupaw ch'am churitu, askit uñt'asin qullan arunakap arsuñatakiw ajllisitu.

1 Timoteo 1:12 Jak'a apnaqawi uñst'ayäwi

Mateo 20:4

Jupanacarusti saraquiwa: ‘Jumanacas sarapjjaraquim nayan yapojjaru irnakeri, pagapjjämawa cunatejj waquisqui uca’ sasa. Jupanacasti sarapjjewa.

Juan 5:23

Yokaru takenis Awquirjam jach'añchapjjañapataqui. Qhititejj Yokaparojj jan jach'añchqui ucajja, janiraquiw qhitanqui uca Awquirojj jach'añchquiti.

Hechos 16:15

Jupasti bautisasïnwa, familiapamp cuna. Ucjjarusti nanacarojj achict'apjjaraquituwa: —Jumanacatejj nayan Tatitur chekpach iyawsatajj amuyapjjstajja, jutapjjam ucatsti utajjan korpachasipjjam —sasa. Nanacarusti munquir jan munquir kheparayapjjetu.

Hechos 9:15

Ucampis Tatitojj Ananiasarojj sänwa: —Sarascaquim, nayaw juparojj ajllista nayjjat parlañapataqui yakha marcanquirinacaru, reyinacaru, israelit jakenacampiru.

Hechos 9:22

Ucampis Saulojj juc'amp ch'amampiw arsüna, Jesusajj Diosan Yokapätapa khanañchasa, Damasconquir judionacar mayjt'ayañcama.

1 Corintios 15:10

Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

1 Corintios 3:5

¿Qhitiraqui Pablosti? ¿Qhitiraqui Apolosti? Diosan sirviripaquïpjjewa, jumanacajj jupanac tokracwa Tatitur iyawsapjjtajja. Sapa maynis nanacarojj cuntï Diosajj: “Luram” sapquitu ucacracwa lurapjjta.

1 Corintios 7:25

Qhitinacatejj jan casadöpqui ucanacataquejj janiw cuna sañajjas Diosatjja utjquituti, ucampis nayajj ewjja arunacajjacwa churañ munaracta Diosan wawapjama.

2 Corintios 4:1

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

Gálatas 3:26

Jumanacajj iyawsañ token takeniw Diosan wawanacapäjjapjjta, Cristo Jesusamp mayachatäpjjatanacam laycu.

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Filipenses 2:11

ucat takeni arsuñapataqui Jesucristojj Tatitütapa, Dios Awquejj jach'achatäñapataqui.

Filipenses 4:13

Criston ch'amapampejj take cunaruw saycatirista.

Colosenses 1:25

Iglesiapansti mä sirviriparaquiw tucta, Diosat ewjja catokasa. Uca ewjjsti juparaquiw churitu, jumanacan asquimataqui, uqhamata Diosan arunacapa phokhata churañajjataqui,

1 Timoteo 1:1

Naya Pablojj Jesucriston apostolopätwa, Khespiyir Diosasan, uqhamarac Tatit Jesucristosan camachipat qhitanita, ucasti jiwasan suyt'äwisawa.

1 Timoteo 1:11

Aca yatichäwejja Diosan jach'a muspharcañ khespiyasiñ arunacapampejj mayar tucutaquiwa, uca arunacsti Diosaw parlañajjatac ewjjaraquitu.

1 Timoteo 1:2

Aca cartjja jumaruw apayansma Timoteo, jumajj iyawsäwinjja chekpach wawajjätawa. Dios Awquisajj uqhamarac Tatit Jesucristosajj jumarojj bendispan, qhuyapayasiñapjja uqhamarac samarañapsa jumarojj churaracpan.

1 Timoteo 6:13

Jichhasti Diosan nayrakatapanaraqui, cawquïritejj take cunaru jacañ churqui ucaru, uqhamarac Jesucriston nayrakatapana, jupasti suma arsüwi khanañcharaqui Poncio Pilaton nayrakatapana. Ewjjsmawa

2 Timoteo 2:2

Cuntejj walja testigonacan nayrakatapan arsuri ist'quista ucjja, qhitinacatejj churañjamäqui, uqhamarac mayninacarus yatichirjamäqui ucanacarojj uca pachpa arunacampi ewjjt'am.

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.

Tito 1:4

Tito, iyawsäwi token wawajja, nayajj jumaruw kellkansma aca carta. Dios Awquisaraquiw bendicïtam, qhuyapt'ayätam, samarañ churaraquïtam, Jesucristo Khespiyiris toke.

Filemón 1:9

ucampis munasiñat jumarojj achict'assma. Naya Pablosti niya chuymanëjjtwa, uqhamarac jichhajj Cristo Jesús laycuw catuntatäscaracta.